ޚަބަރު / މެމްބަރު އަބްދުﷲ ރިޔާޒް (ތިމަރަފުށި)

ރިޔާޒް މި ފަހަރު ނުކުންނަވަނީ ތިމަރަފުށި ދާއިރާ އަށް

މެމްބަރު ރިޔާޒް: މި އަހަރު ބާއްވާ ރައްޔިތުންގެ މަޖިލިހުގެ އިންތިޚާބުގައި އޭނާ ނުކުންނަވާނީ އުފަން ރަށް ތިމަރަފުށި ދާއިރާ އަށް.---ފޮޓޯ: މިހާރު

އަހުމަދު ސާއިލް އަލީ، މިހާރު

11 ޖެނުއަރީ 2019 - 14:02

30 comments

ރައްޔިތުންގެ މަޖިލިހުގެ ކިނބިދޫ ދާއިރާގެ މެމްބަރު ކަން މިހާރު ކުރައްވާ އަބްދުﷲ ރިޔާޒް، މި އަހަރުގެ އާންމު އިންތިޚާބުގައި އޭނާގެ އުފަން ރަށް ތިމަރަފުށި ދާއިރާ އަށް ވާދަކުރައްވަން ނިންމަވައި މިއަދު އެކަން އިއުލާން ކުރައްވައިފި އެވެ.

މި ސަރުކާރު ހިންގާ ކޯލިޝަންގެ ޖޮއިންޓް ޕާލަމެންޓްރީ ގްރޫޕްގެ ލީޑަރުކަމާއި ޖުމްހޫރީ ޕާޓީގެ ޕާލަމެންޓްރީ ގުރޫޕުގެ ލީޑަރުކަން ވެސް ކުރައްވާ ރިޔާޒް ކުރެއްވި ޓްވީޓެއްގައި ވިދާޅުވީ ތިމަރަފުއްޓާއި ވޭމަންޑޫ ހިމެނޭ ދާއިރާ އަށް މި ފަހަރު އޭނާ ވާދަ ކުރައްވަން ނިންމަވާފައިވާ ކަމަށާއި އެ ދާއިރާގެ ރައްޔިތުންގެ ތާއީދަށް އެދިވަޑައިގަންނަވާ ކަމަށެވެ.

Maay Allah ge vaagifulhaaieku 2019 Rayyithunge Majlihuge inthikhaabugai Thimarafushi/Veymandoo dhaairaayah kurimathilaan alhugandu nimmaifin. Midhaairaage emmehaa lobuvethi rayyithunge thaaeedhu alhugandah dhehvun edhi adhabuveri kamaaieku dhannavan! pic.twitter.com/zT8Oh1X5fL
— Abdulla Riyaz MP (@riyazabdulla) January 11, 2019

ރިޔާޒް ކުރެއްވި ޓްވީޓް--

ކުރީގެ ޕޮލިސް ކޮމިޝަނަރު އަދި ފުލުހެއްގެ ގޮތުގައި 20 އަހަރު ވަންދެން މަސައްކަތް ކުރައްވާފައިވާ ރިޔާޒް "މިހާރު" އަށް މިއަދު ވިދާޅުވީ، އަމިއްލަ ދާއިރާ އަށް ވާދަކުރައްވަން ނިންމެވީ ތިމަރަފުށީގެ އިތުރުން އެ ދާއިރާ އަށް ޚިދުމަތްތަކެއް ކޮށްދެއްވަން ބޭނުންވާތީ ކަމަށެވެ.

"އެންމެ ފަހުގެ އިންތިޚާބުގައި ވެސް އަޅުގަނޑު ބޭނުންވީ ތިމަރަފުށި ހިމެނޭ ދާއިރާ އަށް ވާދަކުރަން. އެކަމަކު ޝަރީފަކީ [އިލެކްޝަންސް ކޮމިޝަންގެ މިހާރުގެ ރައީސް] އަޅުގަނޑުގެ އެއްބަނޑު އެއްބަފާ ބޭބެއް ކަހަލަ ބޭފުޅަކަށް ވާއިރު އޭނާއާ ވާދަކުރަން ޖެހުނީމާ ކިނބިދޫ ދާއިރާ އޭރު އިހްތިޔާރު ކުރީ. އަޅުގަނޑު އަބަދުވެސް ބޭނުންވަނީ ތިމަރަފުށީގެ އިތުރުން ތިމަރަފުށި ދާއިރާ ހިމެނޭ ވޭމަންޑު އަށް ޚިދުމަތް ކުރަން،" ރިޔާޒް ވިދާޅުވި އެވެ.

އޭނާ ވިދާޅުވީ، ޚާއްސަކޮށް ބައްޕަ އާއި އާއިލާ އަކީ ތިމަރަފުށީގެ އިތުރުން ތ. އަތޮޅަށް ވެސް ބޮޑެތި ޚިދުމަތްތަކެއް ކޮށްދީފައިވާ ބަޔަކު ހިމެނޭ އާއިލާ އަކަށް ވާތީ އެކަން އެގޮތުގައި ދަމަހައްޓަން ބޭނުންވާ ކަމަށެވެ.

ތިމަރަފުށީ ދާއިރާގެ މެމްބަރަކަށް މިހާރު ހުންނެވި މުހައްމަދު މުސްތަފާ ވެސް ގެންދަވަނީ އެ ދާއިރާގެ ޓިކެޓް ހޯއްދެވުމަށް އެމްޑީޕީގެ ޕްރައިމަރީގައި ކެމްޕެއިން ކުރައްވަމުންނެވެ. މުސްތަފާ މި ފަހަރުގެ މަޖިލީހަށް ވެސް އިންތިޚާބުވީ އެމްޑީޕީގެ ޓިކެޓުގަ އެވެ. ނަމަވެސް ފަހުން ޕީޕީއެމާ ގުޅިވަޑައިގަތުމަށް ފަހު، އަނެއްކާ އެމްޑީޕީ އަށް ސޮއިކުރެއްވީ ކުރީގެ ރައީސް އަބްދުﷲ ޔާމީންގެ ސަރުކާރާ ދެމެދު އުފެދުނު ހިޔާލު ތަފާތުވުންތަކާ ހެދި އެވެ.

މި އަހަރުގެ އޭޕްރީލް މަހު ބާއްވާ ރައްޔިތުންގެ މަޖިލީހުގެ އިންތިޚާބަށް ސަރުކާރު ކޯލިޝަންގެ ޕާޓީތަކުން ވަކިވަކިން ވާދަ ކުރުމަށް ވަނީ ނިންމައިފަ އެވެ. އަދި އެ ކޯލިޝަންގެ އެންމެ ބޮޑު ޕާޓީ އެމްޑީޕީން ނިންމާފައިވަނީ ހުރިހާ ދާއިރާއަކަށް ވާދަ ކުރުމަށެވެ.

ރައްޔިތުންގެ މަޖިލިސް މެމްބަރު މުހައްމަދު މުސްތަފާ މެމްބަރު އަބްދުﷲ ރިޔާޒް (ތިމަރަފުށި) ތ. ތިމަރަފުށި ރައްޔިތުންގެ މަޖިލީހުގެ އިންތިޚާބު 2019 ތ.ކިނބިދޫ

30 ކޮމެންޓް, 77 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޙުމަދު.

28 March 2019

ކިނބިދޫ ދާއިރާއަށް ރިޔާޒު ކޮށްދީފައި ހުރި ކަންކަން އެދާއިރާގެ ރައްޔިތުން ނަށް ގުނާ އަދަދު ނުކުރެވިގެން ދެން ހޯހޯއޭ ގޮވަންފެށީމަ މިފަހަރު ތިމަރަފުށީ ދައިރާ އަށް އެކުރިމަތިލަނީ، ތިމަރަފުށީ ދާއިރާގެ ރައްޔިތުންގެ ތާއިދު ރިޔާޒަށް ނެތްކަން ދައްކާލާނެ ކަމަށް އުއްމީދުކުރަން، ރިޔާޒަކީ މިއުޅޭ ސޭޓްކަލޭގެ އެތަނަށް ލައިގެން އުޅޭ މީހެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުދީ

12 January 2019

ރިޔާޒުވެސް އެއްފަަހަރު މަޖިލީހަށް ހޮވިއްޖެ. ހޮވުނު ދާއިރާގެ ރައްޔިތުން ކުރެއަހާލަބަަލަ ކޮންކަހަލަ މީހެއްތޯ. މިހާރު މަޖިލީހުތިބި އެކަކުވެސް އިތުރު ދައުރަކަށް ކުރިމަތިލާކަށް ނުފެނޭ. ސަފުން ރައްޔިތުންހޮވި ރައީސަށް ފުރައްސާރަކޮށް ކޭކުފަޅަން މަޖިލީހަށް ވަންނާނެކަމެއްނެތް. ރައްޔިތުންވެސް ވިސްނަންވީ މިހިނގާދައުރުގަ އެމްޑީޕީއިން ވެފަހުރި ވައުދުތައް ފުއްދާތޯ އެމީހުން އެޗާންސްދޭން. ފާއިތުވީ ދައުރު ޕީޕީއެމްއަށް މަޖިލިސް ދިނީމަ ކުރީ ވައްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

12 January 2019

ބަޣާވާތްކުރާ މީހުން ނުހޮވަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީބަލީ

12 January 2019

ރަގަޅު މީހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުއަޓް ހަރިމައު

12 January 2019

ބަލަ ރިޔާޒޫ މަޖިލިހަށް ކުރިމަތިލާންވީކީ ނުުނޭ... ކޮމިޝަނަށް ގޮސް ކިޔައިދޭންވީ އަފްރާޝީމް މަރުގެ ކަންތައްތައް. އޭރުގެ ކަމިޝަނަރެއްނު ތީ ހުރިހާ ކަމެއް އިނގޭނެ.