މި އަހަރު އަލަށް އެއްދަންފަޅިއަށް ބަދަލުކުރީ 10 ސްކޫލް

މި އަހަރު އަލަށް އެއް ދަންފަޅިއަށް ކިޔަވައިދޭން ފެށީ 10 ސްކޫލެއްގައި ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.

ދިރާސީ އާ އަހަރާ ގުޅޭ މައުލޫމާތު ދިނުމަށް މިދިޔަ ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. އާއިޝަތު އަލީ ވިދާޅުވީ 134 ސްކޫލެއް މިހާރު އެއްދަންފަޅިއަށް ބަދަލުކުރެވިފައިވާ ކަމަށެވެ. ބާކީ ހުރި 79 ސްކޫލެއް އެއްދަންފަޅިއަށް ބަދަލުކުރަން ބޭނުންވާ އޮޑިޓް މަސައްކަތުގެ ބޮޑު ބައެއް ނިމިފައިވާ ކަމަށް ވެސް ވިދާޅުވި އެވެ.

މި ފަހަރު އެއްދަންފަޅިއަށް ބަދަލުކުރި ސްކޫލުތަކުގެ ތެރޭގައި އާބާދީ ބޮޑު ސްކޫލުތައް ހިމެނެ އެވެ. އޭގެ ތެރޭގައި ގދ. ތިނަދޫގައި ހުންނަ އަތޮޅު ތައުލީމީ މަރުކަޒާއި ހދ. ކުޅުދުއްފުށީގެ ދެ ސްކޫލަކާއިި ބ. އޭދަފުށީގައި ހުންނަ އަތޮޅު ތައުލީމީ މަރުކަޒު ހިމެނެ އެވެ.

އެޑިއުކޭޝަން މިިނިސްޓްރީގެ އެޑިއުކޭޝަން އޮފިސަރު އިބްރާހިމް އާސިފް ވިދާޅުވީ 134 އަކީ މިދިޔަ އަހަރުގެ ދިރާސީ އަހަރު ނިމުމުއިރު އެއްދަންފަޅިއަށް ކިޔަވައިދިން ސްކޫލުތަކުގެ އަދަދު ކަމަށެވެ. ނަމަވެސް އޭރު އެކަން ކުރީ އެއްދަންފަޅިއަށް ކިޔަވައިދިނުމާ ބެހޭ އުސޫލާ އެއްގޮތަށް ނޫންކަމަށް ވިދާޅުވި އެވެ.

Gina School thakeh ge kiyevun 1 dhanfalhi ah badhalu koffi

The most trusted news source in the Maldives

Mihaaru

މީގެ ކުރިން އެއް ދަންފަޅިއަށް ކިޔަވައިދެމުން އައި ސްކޫލުތަކުގެ އިތުރުން މި އަހަރު އަލަށް ފެށި 10 ސްކޫލުގައި އެކަން ކުރަމުން އަންނަނީ އުސޫލާ އެއްގޮތަށްކަން އޭނާ ފާހަގަކުރެއްވި އެވެ.

"އެއްދަންފަޅިއަށް ކިޔަވައިދޭއިރު، ރަސްމީ ގަޑި ނިންމާފައި ދަރިވަރުންނަށް އެބަޖެހޭ އެކި ކަހަލަ ޕްރޮގްރާމްތައް ހިންގަން. މިސާލަކަށް ކެރިއަ ގައިޑެންސް އާއި ހެލްތު އެޑިއުކޭޝަން ފަދަ ކަންތައް. ނަމަވެސް ދަރިވަރުން އެއްދަންފަޅިއަށް ސްކޫލަށް ހާޒިރުވުން ފިޔަވައި އިތުރު ކަމެއް އޭރު ނެތް،" އާސިފް ވިދާޅުވި އެވެ.

"ބައެއް ސްކޫލުތަކުގައި އަލަށް ގާއިމްކުރި ވަސީލަތްތަކާއި ކީ ސްޓޭޖްތަކަށް އައި ބަދަލުތަކާ އެކު، ވަސީލަތްތައް ހަމަ ސްކޫލުގެ ގޮތުގައި އެއްދަންފަޅިއަށް ކިޔަވައިދެމުން އަންނަނީ،"