ރައީސް އިބްރާހީމް މުހައްމަދު ސޯލިހް ޔޫއޭއީގެ އެނާޖީ މިނިސްޓަރު ސުހައިލް މުހައްމަދު ފަރަޖް އަލް މަޒްރޫއީ އާ ބައްދަލުކުރައްވަނީ. ފޮޓޯ: ރައީސް އޮފީސް
15 ޖެނުއަރީ 2019 - 01:18
8 comments
ރާއްޖެ އިން މަސައްކަތް ކުރާނީ އިއާދަކުރަނިވި ހަކަތަ އަށް އަމާޒުކޮށްގެން ކަމަށް ރައީސް އިބްރާހީމް މުހައްމަދު ސޯލިހް ވިދާޅުވެއްޖެ އެވެ.
ރައީސް މިގޮތަށް ވިދާޅުވީ ޔުނައިޓެޑް އަރަބް އެމިރޭޓްސް (ޔޫއޭއީ) އަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި އެ ގައުމުގެ އެނާޖީ މިނިސްޓަރު ސުހައިލް މުހައްމަދު ފަރަޖް އަލް މަޒްރޫއީގެ އަރިހަށް ކުރެއްވި އިހުތިރާމްގެ ޒިޔާރަތެއްގައި ވާހަކަފުޅު ދައްކަވަމުންނެވެ.
ރައީސް އޮފީހުން ބުނިގޮތުގައި އެ ބައްދަލުވުމުގައި ޔޫއޭއީގެ އެނާޖީ މިނިސްޓަރު ވިދާޅުވީ އިއާދަކުރަނިވި ހަކަތަ އުފައްދަން އިސްނަގައިގެން ކުރާ އެފަދަ މަސައްކަތްތަކަށް އެ ގައުމުން އެހީވާން ތައްޔާރު ކަމަށެވެ. އަދި އެގައުމުގެ އެހީއާ އެކު ދުނިޔޭގެ އެކި ކަންކޮޅުތަކުގައި ހިންގާ އިއާދަކުރަނިވި ހަކަތައިގެ ބޮޑެތި މަޝްރޫއުތަކުގެ ވާހަކަ އޭނާ ރައީސް އަށް ވިދާޅުވެ ދެއްވި ކަމަށް ވެސް ރައީސް އޮފީހުން ބުންޏެވެ. އެވެ. އެއާއެކު އިއާދަކުރަނިވި ހަކަތައިގެ މަޝްރޫއުތައް ހިންގަން ރާއްޖެ އަކީ ފަހި ގައުމެއް ކަމަށް އެނާޖީ މިނިސްޓަރު ވަނީ ވިދާޅުވެފަ އެވެ.
ރައީސް ޔޫއޭއީ އަށް ވަޑައިގަތީ އެ ގައުމުގެ ޑެޕިއުޓީ ސުޕްރީމް ކޮމާންޑާ އޮފް އާމްޑް ފޯސަސް މުހައްމަދު ބިން ޒައިދު އަލް ނަހްޔާންގެ ދައުވަތަކަށެވެ. ދަތުރުފުޅުގައި އެމަނިކުފާނުގެ އަރިހުގައި ފޮރިން މިނިސްޓަރު އަބްދުﷲ ޝާހިދު ވެސް ބައިވެރިވެވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެހެންތޯ
15 January 2019
އާއިލާގެ ބައެއް ބޭފުޅުން ހިންގާ ސޯލާ ވިޔަފާރީގެ އަމާޒަކީ ސަރުކާރުން ސޯލާ އަމާޒަށް ހިފީމައި ފައިދާހޯދުން.. ދޮގެއްތޯ؟
ފައިބިއަހަރު
15 January 2019
ރަށްރަށުގަ އިއާދަކުރަނިވި ހަކަތަ ގާއިމް ކުރުމަށް ތަން ހަދާފަ ފޮތިގަނޑު ދަމާފަ ހުޅުވީމަނނިމުނީ އެތަން ބަލަހައްޓަނެބއެކަން ދަންނަ މީހަކުވެސް ނުހުރޭ ބޭނުންވާ މީހާއަށް މަސައްކަތް ދިނުމަށް ކޮންޓްރެކްޓް ދެވުނީމަ ނިމުނީ މިކަން ހިންގަނީ މި މަގުން އެހެންވެ އެކަންކަން ތަރައްގީ ނުވަނީ
ހަމަބުއްދި
15 January 2019
ރާއްޛެތެރޭގެ ކޮންމެގެއެއްގެ ފުރާޅުގަ ބާއްވާން އިންސްޓޯލްމެންޓަށް ނަމަވެސް ސޯލާޕެނަލްކޮޅެއް ލިބޭނެގޮތް ހައްދަވައި ދެއްވަން ވީނޫންތޯ .. އެވްރެޖޮ ކޮށް ގެއަކަށް 5ކިލޯވޯޓު ފުދޭނެ .. އޭރުން ބޮޑުތަނުން ކަރަންޓުގެ އަގު ހެޔޮވީ ..
ރައީސޫ
15 January 2019
ޔާމީނު ޔޫއޭއީ އައް ދިޔައިރު އެތާގެ އެންމެ އިސް ވެރިޔާ އާލްނަހުޔާން އާ ބައްދަލުކުރެއްވި. މިހާރު އިބޫ ސޯލިހު ބައްދަލުކުރައްވަނީ އެތާގެ މިނިސްޓަރ ފެންވަރު ބޭފުޅުންނާ! ކިހިނެއްމިވަނީ!
ޝަންބީ
15 January 2019
ރައީސް ޔާމީން ހިންގެވިފަދަ ތަރައްގީގެ މެގާ މަޝްރޫއެއް މި ސަރުކާރަކައް ތަސައްވުރެއް ނުކުރެވޭ. އެހެންވީމަ މި ފަސް އަހަރު ތަރައްގީގެ މާބޮޑު އެއްވެސް ކުރިއެރުމެއް ނެތްކަން މި ހާމަވަނީ..
ގައުމީ ލޯބީގާ
15 January 2019
ޑިސްލައިކް ޖެހިދާނެ ހަގީގަތް ވާނީ ހަގީގަތަށް .ކުރާނެ މަސައްކަތް ހުންނަމީހުން ނުތިބޭނެ އަބަދަކު ނޫސް ކިޔާކަށް .ރ ޔާމީނަށް ތާއިދު ކޮށް ލިޔެވިފަ ހުންނަ ކޮމެންޓް ތަކަށް ޑިސްލައިކް ޖަހަނީ ކުރާނެ ކަމެއް ނެތިފަ ތިބޭ މީހުން .
ކއވ344
15 January 2019
އަޅުގަނޑުވެސް ހަމަ ހައިރާންވެ ރައިސް ޔާމިނޭ ކިޔާފަ ކޮމެންޓްކޮއްލާއިރައް ޑިސްލައިކްދޭން ކެއްމަދުވެފަތިބީމަ.... ތެދު ވާނީ ހަަމަ ތެދައް ކިތަންމެ ޑިސްލައިކެއް ދިނަސް.. ހަގީ ގަތުގައވެސް މިސަރުކާރުގެ ސްޕީޑް ވަރައް ސުލޯ... ތަސައްވުރެއް ވިޝަން އެއް ނެތި ކަމެއް ޕްލޭނެއްނުކުރެވޭނެ.... ކަމެއް ޕްލޭނުކޮއްގެން މަސައްކަތް ފެށުނީމަ ހަގީގތަކައް ހެދޭނީ..... ރައިސް ނާސިރުގެ އެއާރޕޯޓެއްގެ ތަސައްވަރު ނެތްނަމަ އިމްޕޮސިބަލް ހުޅުލޭ އެއަރޕޯޓެއް ނުހެދުނުސް އޭރު..
އެހެންތޯ
15 January 2019
ޔާމީނަށްވުރެ ތަރައްގީ ސްޕީޑް ދަށަސް ވައްކަން ކުރުން މަދު ހެން ހީވަނީ! އަޅެ ދޮގެއްތަ؟