ދަނގެތި ދާއިރާގެ މެމްބަރު އިލްހާމް އަހުމަދު. --- ފޮޓޯ: މިހާރު
18 ޖެނުއަރީ 2019 - 09:27
34 comments
ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު އިލްހާމް އަހުމަދު، އަންނަ އޭޕްރީލް މަހު އޮންނަ ރައްޔިތުންގެ މަޖިލީހުގެ އިންތިހާބުގައި އުނގޫފާރު ދާއިރާ އަށް ވާދަކުރައްވަން ނިންމަވައިފި އެވެ.
އިލްހާމް "މިހާރު" އަށް ރޭ ވިދާޅުވީ އުނގޫފާރު ދާއިރާގެ ޖުމްހޫރީ ޕާޓީގެ ޓިކެޓަށް އެދި އެ ޕާޓީ އަށް ހުށަހަޅާފައިވާއިރު، ޓިކެޓު ލިބޭނެ ކަމުގެ ޔަގީންކަން އެބައޮތް ކަމަށެވެ.
އިލްހާމް، އެންމެ ފުރަތަމަ މަޖިލީހުގައި ފުރުއްވީ އޭނާގެ އުފަން ރަށް ގެމަނަފުށި ދާއިރާގެ ގޮނޑި އެވެ. އެ އަށް ފަހު، ވޭތުވެދިޔަ ފަސް އަހަރެއްހާ ދުވަހު، އޭނާ ފުރުއްވީ ދަނގެތި ދާއިރާގެ ގޮނޑި އެވެ.
އުނގޫފާރު ދާއިރާގެ ގޮނޑި މިހާރު ފުރުއްވަނީ ޕީޕީއެމްގެ މެމްބަރު ޖައުފަރު ދާއޫދެވެ.
ކުރީގެ ރައީސް އަބްދުﷲ ޔާމީންގެ ސަރުކާރު ވައްޓާލުމަށް މަސައްކަތް ކުރި ކަމުގެ ތުހުމަތުގައި ޓެރަރިޒަމްގެ ދައުވާކޮށް، އަށް މަސް ދުވަހު ޖަލުގައި އޮންނެވި އިލްހާމް ވިދާޅުވި ގޮތުގައި އޭނާ އަކީ ގައުމީ ވަންތަ ހިޔާލުގެ ބޭފުޅެކެވެ. އަދި އަބަދުވެސް މަސައްކަތް ކުރައްވާނީ ގައުމާއި ރައްޔިތުންގެ ހައްގުގައި ކަމަށް ވިދާޅުވި އެވެ.
"ދަނގެތި ދާއިރާ އަށް ހޮވުނު އިރު ވެސް ބުނެފައި އޮންނާނީ އެ ދާއިރާގެ ގޮނޑި އެއް ދައުރު ފުރިހަމަ ކުރާނަމޭ. އެހެންވެ އެގޮތުގެ މަތިން އެހެން ދާއިރާ އަކަށް މި ފަހަރު މި ކުރިމަތިލަނީ،" އިލްހާމް ވިދާޅުވި އެވެ.
ދަނގެތި ދާއިރާ އަށް ހިދުމަތްތަކެއްކޮށް ދެއްވިފައިވާ ކަން ފާހަގަ ކުރައްވައި އިލްހާމް ވިދާޅުވީ ކުރީގެ ސަރުކާރުން އެ ދާއިރާ ބޮޑެތި މަޝްރޫއުތަކެއް ހިންގާފައިވާ ކަމަށެވެ.
ފުޓްބޯޅަ އެސޯސިއޭޝަންގެ ރައީސް ކަން ވެސް ކުރިން ކުރެއްވި އިލްހާމް ވަނީ ޑީއާރުޕީ އާއި ޕީޕީއެމާއި ޖޭޕީގެ ޑެޕިއުޓީ ލީޑަރު ކަން ކުރައްވައިފަ އެވެ. އޭނާ އަކީ މިހާރު ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ ރައީސް ގާސިމް އިބްރާހިމްގެ އެޑްވައިޒަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ރިޒާ
19 January 2019
އިލްހާމޫ އިލްހާމޫ ލަދުވެތި ގޮތަކަށް ފަލީހަތް ނުވަނީސް ތިކަން ކުރުން ހުއްޓާލާ، އާންދޮގޭ ކިޔާފަ ގޮތްދޫނުކޮށް ތިޔަކުރަން އުޅެނީ ވަރަށް މޮޔަކަމެއް، މިހާރުވެސް މިރަށުގެ ހުރިހާ ޒުވާނުން މިތިބީ ލަދުވެތި ގޮތަކަށް އިލްހާމް ފެއިލް ކޮއްލަން ތައްޔާރުވެގެން، ނިކަން ހިތްވަރެއް ހުރިއްޔާ ކުރިމަތި ލާބަލަ، އަހަރުމެން ޒުވާނުންނާއި ހަރު މީހުން އެއްގޮތަކަށްވެސް ޤަބޫލެއް ނުކުރަން ދެކުނު އަތޮޅެއްގެ މީހަކު އައިސް އަހަރުމެންނަށް ހެޔޮއެދޭނެކަމަށް ،
ޝިޔާމް
19 January 2019
އަހަރެންނަކީ ހުވަދު އަތޮޅު މީހެއް. އަހަރެން ތިމީހުންނަށް ހެޔޮއެދެން. ނަސްލީ އިމްތިޔާޒު ނުގެންގުޅެމާ. ދެކުނު މީހުންނާއި މެދު ތިގެންގުޅޭ ނުބަައި ތަސައްވަރު ދޫކޮށްލައި ކަންކަމުގެ ޙަގީގަތް ހޯދާ ބަޔަކަށް ވަމާ. ( މިއީ އިލްހާމަށް ވޯޓު ހޯދަން ކުރި ރިޕްލައި އެއްނޫން)
އައްޗީޑި
19 January 2019
ހެޔޮނުވާނެ ގައުމު ފަސާދަކުރި މީހުން އަނެއްފަހަރު ނުހޮވާތި!!!
ޒަންޖަބީލު
19 January 2019
ހެޔޮނުވާނެ،، ދަނގެތީ ދާއިރާގެ ރައްޔިތުން ގައުމަށް ކިރިޔާވެސް އިޚްލާސްތެރިކަމެއް ހުރީއްޔާ މީނާ ނުހޮވާ ހަޑިގޮތަކަށް އިންތިހާބުން ބަލިކޮށްލަދީ.. އާދޭސްކޮށްފަ މިބުނަނީ.
ޝިޔާމްބެ
18 January 2019
ޢާއިލާގެ އެންމެނަށް މިސަރުކާރުގެ ތެރެއިން ވެސް ވަޒީފާ ހަމަ ޖެއްސުމަށް.. އިލްހާމްބެ މިފަހަރު ވެސް.
4567
18 January 2019
މިހާރު ކަންތައް ދާގޮތުން ދަފުތަރާހެދީ މަޖިލީހުގެ އެއްބައިގައި ތިބޭނީ ހުސްމާލޭ މެމްބަރުން
އަހުމަދު ނަސީމް
18 January 2019
ވައިވެސް ނޭޅެވޭނެ. ތި ދާއިރާގަ ގިނަވާނީ މަގޭ ފެމެލީ. ވޯޓްލާ މިހުންގެ ހައްގަށް އިހްތިރާމް ނުކުރާ ހަަމަ އެކަކަށް ވެސް ވައިވެސް އެޅުނަ ނުދޭނަން. ބަލާ ލަދުވެތި ވާވަރަށް ފެއިލް ކޮށްލާނަން.
ގައްދޫ މީހާ
18 January 2019
މިފަހަރު ހޫނުފެނަކީ ކޮބައިކން ދައްކާލަމާތޯ؟
ނޯ ޓު އިލްހާމް
18 January 2019
10 އަހަރު ދުވަހު މަޖިލީހުގައި ކުރިކަމެއް ގެމަނަފުށީ އަދި ދަނގެތީގެ ދާއިރާގެ އެއްވެސް ރައްޔިތަކަށް ނުފެނޭ. ޖަސްޓް މޭޑް އީޒީ މަނީ ދެއްތޯ. އަނެއްކާ އަނެއް 5 އަހަރަށް މީނާއަކީ ކާކުކަން ނޭންނޭ ރައްޔިތުން ވާވައްދައިގެން މަޖިލީހަށް ހޮވާދޭންވީ. ޖޭޕީ އިން މިކަހަލަ މީހުންނަށް ޓިކެޓު ދިނުމަކީ ދިވެހިރައްޔިތުންނަށް ގައްދާރުން
މައުރޫފުބެ
18 January 2019
ދަނގެތި ދާއިރާ ވެސް އިލްހާމްބެ ކާމިޔާބު ކުރީ ވޯޓުން. ހަދިޔާ ބަދިޔާ ފައިސާ އަކީ ކޯއްޗެއްކަން އުނގޫފާރު ދާއިރާގެ ރައްޔިތުންނަށް ދަސްކޮށްދޭނެ މިފަހަރު.
ބޯގޯސް
18 January 2019
މިދެން ކާކުތަ? ކޮންމެވެސް މީހެއްގެ ހިޔަނީގަ ފަހަރަކު ދާއިރާއަކަށް.
ޢިއްލޭ
18 January 2019
ދަނގެތި ދާއިރާގެ ކޮންމެ ރަށަކު ބަނދަރެއް ހަދާ ފުޓުބޯޅަ ދަނޑު ވޮލީ ކޯޓް ބަށި ކޯޓު ކާޕެޓް އަޅާ ކޮންމެ ރަށަކު ޒުވާނުނގެ މަރުކަޒެއް 4 ބުރިޔައް ހަދައިދީފަ އެ ކުރިމަތިލީ އުނގޫފާރު ދާއިރާއައް ހިވެއްޖާ އަންތަރީސް ވާވަރުގެ ތަރައްގީ ގެނުވާނެ ފަޔައް ހޫނުފެންވެސް އަޅާނެ