ރ. މާކުރަތު: އެ ރަށުގެ ކައުންސިލް އިދާރާއި ހެލްތު ސެންޓަރު އަދި ކޯޓު ފަޅާލައި ގިނަ އަދަދެއްގެ ފައިސާ ވަނީ ވަގަށް ނަގާފައި
26 ޖެނުއަރީ 2019 - 18:29
5 comments
ރ. މާކުރަތުގެ ކައުންސިލް އިދާރާ އާއި ހެލްތު ސެންޓަރާއި ކޯޓު ފަޅާލައި ގިނަ އަދަދެއްގެ ފައިސާ ވަގަށް ނެގި މައްސަލައިގައި އިތުރު ދެ މީހަކުު މިއަދު ހައްޔަރުކޮށްފި އެވެ.
ފުލުހުން މިއަދު ކުރިން ބުނެފައި ވަނީ މިިދިޔަ ބުރާސްފަތި ދުވަހު ހިންގި މި ބޮޑު ވައްކަމާ ގުޅިގެން ހަތަރު ފިރިހެނަކު ހައްޔަރުކޮށްފައިވާ ކަމަށެވެ. އެއީ އުމުރުން 19 އަހަރުގެ އިތުރުން 21 އަހަރުގެ ދެ މީހުންނާއި 62 އަހަރުގެ މީހެކެވެ.
އެ ހަތަރު މީހުންނަށް ފަހު ވެސް ފުލުހުން ވަނީ ދެ މީހަކު ހައްޔަރު ކޮށްފަ އެވެ. ފުލުހުން ބުނީ ކޯޓު އަމުރެއްގެ ދަށުން އުމުރުން 34 އަހަރާއި 38 އަހަރުގެ ފިރިހެނަކު ފަހުން ހައްޔަރުކޮށްފައިވާ ކަމަށެވެ. އޭގެ ތެރެއިން 34 އަހަރުގެ މީހާ ހައްޔަރުކުރީ އެ އަތޮޅުގެ އިނގުރައިދޫ ބޭރުގައި އޮތް ދޯންޏަކުންނެވެ. އަނެއް މީހާ ހޯދީ ރ. ދޮންގަލި ނަމަކަށް ކިޔާ ފަޅު ރަށެއްގައި ހުއްޓަ އެވެ.
އެހެންކަމުން، މި މައްސަލައިގައި މިހާތަނަށް ހައްޔަރުކުރި މީހުންގެ އަދަދަކީ ހަ އެކެވެ.
މާކުރަތު ކައުންސިލުން ކުރިން ބުނި ގޮތުގައި، ކައުންސިލް އިދާރާ އާއި ހެލްތު ސެންޓަރާއި ކޯޓު ފަޅާލައިގެން ލައްކައަކަށް ވުރެ ގިނަ ރުފިޔާ ވަނީ ވަގަށް ނަގައިފަ އެވެ.
އާބާދީގައި 1،300 އެއްހާ މީހުން ހިމެނޭ ކައުންސިލުން ބުނީ، އެ ރަށުގައި ވައްކަމުގެ އެއްވެސް މައްސަލައެއް މީގެ ކުރިން ރިކޯޑް ކުރެވިފައި ނުވެ އެވެ. އަދި މިއީ، ރަށުގައި މިހާތަނަށް ހިންގި އެންމެ ބޮޑު ވައްކަމުގެ ހާދިސާ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫޑުލްސް
27 January 2019
ބިލިޔަނުން ދައުލަތުން ވައްކަން ކުރާ މީހުން ހަމަ ހެވިފަ. ދުވާލު ދެފަހަރު ސިންގަޕޫރައް. ރިހާކުރު ފުޅި ނަގާ މިހާ އެތައް އަހަރެން ވަންދެން ޖަލުގަ
ޙަބީބު
27 January 2019
މިހުރިހާދުވަހު ވައްކަމެއް ނުކޮއް ތިބީ އެކަށީގެންވާ ރަނގަޅު އަދަދެއް ހަމަނުވާތީ ކަމައްވާނީ މިހާރު ރ އަތޮޅު ރިކޯޑު ފޮތުން ޖާގަލިބިގެން ތިޔަދިޔައީ މަރުހަބާ މަރުހަބާ ފަހުރުވެރި ދިވެހިން އެމީހުންވެސް އެހެންމީހުނާ ދިމާލައް ވަގައްގޮވާނެ ތަންތާ ތިބެގެން ނަމަވެ ހަގީގަތް ބަލާއިރު މިގޮވެނީ ހަމަ ގުދޯގުދޯ
ނުޒުފާ
26 January 2019
ޖަޒީރާ ވެރިކަމުގަ ހިނގާނެ ތިޔަ ކަހަލަ ކަންކަން. ހާސް ނުވޭ. ސަރުކާރު އެއޮތީ މަތިބަރުވެ، ހިނގައިގަންނަން ނޭނގިފަ. 2މަސްވީއިރު ފޯރަމް، ކޮމިޓީ، ޑެޕިއުޓީ މިނިސްޓަރުން، ސްޓޭޓް މިނިސްޓަރުން، އިންޑިއާ، ހެލިކޮޕްޓަރު، ލާދީނީ، ގޮތްނޭނގޭ މަރު، ވައްކަން، މިނޫން އިތުރު ވާހަކައެއް އަޑުނީވެ.
ޣަފޫރު
26 January 2019
މިޒަމާނުގައި ތަންތަން ފަޅައިގެން ވައްކަން ކުރާނީ ވަރަށް ގަޅި ބައެއް. ވައްކަން ކޮށްފައި ވަރުބަލި ނުފިލަނީސް ހައްޔަރު ކުރާނެ. އަނެއް ކޮޅުން ޖަލުގައި ތަޅުވާނެ އެތައް ދުވަހެއް ވަންދެން ސުވާލެއް ވެސް ނުކޮށް.
ޝަމްް
27 January 2019
އެހެންތަ؟ މީހަކު ހައއޔަރުކުރާއިރަށް އެމްޑީޕީން ނުކުންނާނެ ޙައްގޭ، ސިޔާސީއޭ އަނިޔާއޭ ކިޔަމުން. ވަގެއްވިޔަސް، ގާތިލެއްވިޔަސް ހިމާޔަތް ލިބޭނެކަން އިނގޭ. ދެން ކޮން ހާސްކަމެއް؟ އަނެއްކާ މިއީ އެވެރިންގެ ވެރިކަން.