އެމްއެމްއޭ ކުރިމަތީ، އެމްޓީސީސީގެ ހެޑް އޮފީސް ކުރިން ހިންގި ބިން ޕާކިން އޭރިއާއަކަށް ބަދަލުކުރަން ތައްޔާރުކޮށްފައި.--- ފޮޓޯ: މުހައްމަދު ޔާމީން/މިހާރު
27 ޖެނުއަރީ 2019 - 11:26
13 comments
މޯލްޑިވްސް މަނިޓަރީ އޮތޯރިޓީ (އެމްއެމްއޭ) ކައިރީގައި ކުރިން ހިންގި އެމްޓީސީސީ ހެޑް އޮފީސް ހުރި ބިން ޕާކިން ސަރަހައްދަކަށް ބަދަލުކޮށް ހުޅުވަން ތައްޔާރު ވެއްޖެ އެވެ.
މާލޭގެ މޭޔަރު ޝިފާ މުހައްމަދު "މިހާރު" އަށް މިއަދު ވިދާޅުވީ އެ ބިން ޕާކިން އޭރިއާ އަކަށް ބަދަލު ކުރަނީ ވަގުތީ ގޮތުން ކަމަށެވެ. އޭނާ ވިދާޅުވި ގޮތުގައި، އެ ސަރަހައްދުގައި ޕާކިން އޭރިއާއެއް ހެދޭތޯ ސިޓީ ކައުންސިލުން މަސައްކަތް ކުރީ އެއްގަމު ތޮށި ކައިރީ ގިނަ އަދަދެެއްގެ ސައިކަލް ޕާކްކޮށްފައި ހުންނާތީ، ދަތުރުވެރިންނަށް ކުރިމަތިވާ ދަތިތައް ހައްލު ކުރުމަށެވެ.
"އަޅުގަނޑުމެންނަށް ފެނޭ އަތޮޅުތަކަށް ދާ ގިނަ އަދަދެއްގެ މީހުން އެ ސަރަހައްދުން ފުރާއިރު އުޅޭ ހާލު. މާބަނޑު އަންހެނުންނާއި ކުޑަކުދިން ވެސް ޖެހެނީ ސައިކަލްތައް ތެރެއިން ދެމެމުން ނުކުންނަން،" އޭނާ ވިދާޅުވި އެވެ.
އެމްއެމްއޭގެ ހުޅަނގު އުތުރުން އޮންނަ ހުސް ބިމުގައި ކުރިން ހިންގި އެމްޓީސީސީގެ ހެޑް އޮފީހުގެ އިމާރާތް ތަޅާލައި އެ ސަރަހައްދު ވަށައި ޓިނު ޖަހައި ބަންދު ކޮށްފައި އޮންނަތާ ގިނަ ދުވަސްތަކެއް ވަނީ ވެފަ އެވެ. އެނގިފައިވާ ގޮތުގައި އެ ބިން އެމްޓީސީސީން މިހާރު ވަނީ ވަގުތީ ގޮތުން މާލޭ ސިޓީ ކައުންސިލާ ހަވާލު ކޮށްފަ އެވެ.
ޝިފާ ވިދާޅުވީ، އެމްޓީސީސީ ހެޑް އޮފީސް ކުރިން ހިންގި ތަނުގެ އިތުރުން ވެސް މާރުކޭޓް ސަރަހައްދުގައި ހުސް ތަންތަން ހުރިތޯ ސިޓީ ކައުންސިލުން ބަލަމުން އަންނަ ކަމަށެވެ.
އެމްއެމްއޭ ކުރިމަތީ، އެމްޓީސީސީގެ ހެޑް އޮފީސް ކުރިން ހިންގި ބިން ޕާކިން އޭރިއާއަކަށް ބަދަލުކުރަން ތައްޔާރުކޮށްފައި.--- ފޮޓޯ: މުހައްމަދު ޔާމީން/މިހާރު
އަތޮޅުތަކަށް ފުރާ މީހުންނަށް މިހާރަށް ވުރެ ލުއި ގޮތްތަކެއް ހަމަޖައްސަން، މާލެ-ހުޅުމާލެ ފެރީ ޓާމިނަލް ދަތުރުވެރިންނަށް ބޭނުންކުރެވޭނެ ގޮތް ހަދަން އެމްޓީސީސީއާ ވާހަކަ ދައްކަމުން އަންނަ ކަމަށް ވެސް އޭނާ ވިދާޅުވި އެވެ.
"ހުޅުމާލެއަށް ދަތުރުކުރާ ފެރީގެ އަދަދު މިހާރު މަދުވެފައި ވާތީ އަތޮޅުތަކަށް ފުރާ އުޅަނދުތަކަށް އެތަން ބޭނުން ކުރެވޭނެ ގޮތެއް ހަމަ ޖެހޭތޯ އެމްޓީސީސީއާ ވާހަކަ ދައްކަމުން މިއަންނަނީ އަޅުގަނޑުމެން،" ޝިފާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
27 January 2019
ވަގުތީ ޕާކިން ތޯ، ކޮން އިރުކުން ތޯ ދާއިމީ ޕާކިން އޭރިޔާތައް ހަދާނީ
ފަރުސަތު ވަހީދު
27 January 2019
އެމްޓީސީސީ ގެ ތި ބިން ޗައިނާ ބަޔަކަށް އެއްޗެހި ރައްކާކުރަން ކުއްޔަށްދީގެން ލާރިގަޑެއް ޖީބަށް ލީ ކޮންބައެއް. ޝާހު އެކަން ބައްލަވާ ދެއްވުން އެދެމެވެ.
ޚަލީލު
27 January 2019
އަސްލު ނިންމުން ވަރައްވެސް ފުރިހަމަ
ކޮވެލި
27 January 2019
މި ނޫންވެސް މާލޭގައި ހުސްކޮށް ހުރި ބިންތައް ވަގުތީގޮތުން ޕާކިން އޭރިޔާ ތަކަކަށް ބަދަލު ކުރަންވީއެވެ. ބަދަލުކޮށްގައި އެސަރަހައްދުގައި ގަވާއިދާ ހިލާފަށް ޕާކުކުރާ އުޅަނދުތައް ޓޯކުރަން ފަށަންވީއެވެ. ކުރިން އެމްއެމްއޭ ހިންގި ޗާންދަނީމަގު 23 ނަންބަރު، އޯޑިއޯން ހުރިތަން، ނާދީ، ދިވެހި ބަހުގެ މަޖިލިސް ހުރިތަން އަދި އިންޑިޔާ ހައިކޮމިޝަން އަޅަން ދީފައިއޮތް ބިން ފަދަ އެތައް ބިމެއް މި ގޮތަށް ޕާކިން އޭރިޔާއަށް ބަދަލުކޮށްލެވިދާނެއެވެ.
ހުޔާ
27 January 2019
ގާސިމުއަށް ޖަޒީރާ ދަސްކޮށްދޭން އޭނަގެ އޮފީސް ކައިރި ޖަޒީރާ ކޮށްފަ!
ދޮނަޅަ
27 January 2019
މޭޔަރޫ.....ގޭ ދޮރުމަތީ އޮންނަ ޕެލެޓުނެގީމާ ކުޑަކުދިންނާ މުސްކުޅިންނާ މާބަޑުމީހާ ދެމެމުންވެސް ނުނިކުމެވޭ
ޝިފްރޯޒް
27 January 2019
ހޮޅިިންގެ އަތްދަށަށް ރާއްޖެ ސިޔައީމަ ވާނެ ހައެތި މިވަނީ! އަންނި ހުރެފަ ބުނެދާނެ މިތަނަކީ ޕާކެކޭ! އެދެން ޕާކެއް! ރާއްޖެ އިންޑިޔާ އަޅުވެތިކަމަށް ދާނެ ޔަޤީން މިވަރުން ދަންޏާ!
ސޯލޫސާ
27 January 2019
ލާފްސް އިން މުއިއްޒު!
ޓިންބުޑޮން
27 January 2019
ޗައިނާ މީހުން މުދާ ބަހައްޓަން މިއޮއްހުރިހާ ދުވަހު އޮތް ބިމެއް ދިވެހި ރައްޔިތުންނަށް ބޭނުން ކުރެވޭ ގޮތް ހެދީމަ ޗައިނާގެ އަޅުން ހާދަ ނުރުހިއްޖެޔޭ ދޯ؟
މިނިކާވަގު
27 January 2019
ޗައިނާ މީހުން އެކަނިތަ މިގައުމަށް އަންނަންވީ، ބުޅާ މަސް ކާން؟
ބޭރޔ
27 January 2019
ހަމައެކަނި ސައިކަލް ޕާކިންނަށް ހަތަރު ފުރޮޅުލީ އުޅަދުތައް ގަރާޖަށް!
ފާރަގެމަ
27 January 2019
ލާރި ނަގާގޮތައް ޕާރކިން ބިލްޑިން އެއް އަޅާބަލަ . ޥަގުތީ ވަނީ ދާއިމީ އަށޭ. އަދިވެސް ބޯދާ ވިސްނުމުގަ ހުރިހާ ކަމެއް ކުރަނީ .ކީއްކުރާނީ ހުރިހަ ވެރިކަމެއްގަވެސް މިތިބެނީ އެއބަޔަކު ވިއްޔާ ގޮތް ނިއްމަން
ޕާޓޭ ގެ ޑެޑީ
27 January 2019
ދިވެހިން ވަގުތީއޭކިޔާފިޔާ އެވާނީ ދާއިމީ.. އެހެންވީމަ ތިޔައްކިޔާނީ އެމްއެމްއޭ ކައިރީ އޮތް އެމްޓީސީސީގެ ބިން ޕާކިން އޭރިއާއަކަށް ބަދަލު ކޮއްފި.