ޚަބަރު / ރައީސް އިބްރާހިމް މުހައްމަދު ސޯލިހް

ރާޖަޕަކްސާ، ރައީސްއާ ބައްދަލުކުރައްވައިފި

މުހައްމަދު ނަސީމް، މިހާރު

05 ފެބުރުއަރީ 2019 - 19:18

ސްރީ ލަންކާގެ ކުރީގެ ރައީސް އަދި އެގައުމުގެ އިދިކޮޅު ލީޑަރު މަހިންދަ ރާޖަަޕަކްސާ، ރައީސް އިބްރާހީމް މުހައްމަދު ސޯލިހްގެ އަރިހަށް އިހުތިރާމްގެ ޒިޔާރަތެއް ކުރައްވައިފި އެވެ.

ރައީސް އޮފީހުން ބުނީ ރާޖަޕަކްސަ ރައީސްގެ އަރިހަށް ކުރެއްވި އިހުތިރާމްގެ ޒިޔާރަތުގައި ދެބޭފުޅުން ވާހަކަދެއްކެވީ ލަންކާ އާއި ރާއްޖެއާ ދެމެދު އޮތް ޒަމާންވީ ގުޅުމާ ބެހޭ ގޮތުން ކަމަށެވެ. މި ބައްދަލުވުމުގައި ރާއްޖޭގެ ބައެއް ވަޒީރުން ވެސް ބައިވެރިވެވަޑައިގެންނެވި އެވެ.

#StateVisit #SriLanka
Leader of the opposition, former President @PresRajapaksa has paid a courtesy call on President @ibusolih . Both leaders spoke on the long existing cordial relations between the two countries pic.twitter.com/2OSrWuBosP
— Presidency Maldives (@presidencymv) February 5, 2019

ބައްދަލުވުމަށް ފަހު ރާޖަޕަކްސާ ކުރެއްވި ޓްވީޓެއްގައި ވިދާޅުވީ ޒަމާންވީ އެކުވެރިޔާއާ ބައްދަލުކޮށްލެއްވުމަކީ ލިބިވަޑައިގެންނެވި އުފަލެއް ކަމަށެވެ. ރާއްޖެ އާއި ސްރީ ލަންކާގެ ގުޅުމުގެ މުސްތަގުބަލާ މެދު އެ ބައްދަލުވުމުގައި މަޝްވަރާ ކުރެއްވި ކަމަށް ވެސް ރާޖަޕަކްސާ ވިދާޅުވި އެވެ.

Such a pleasure to have met with my long time friend President @ibusolih. Discussed the future of Maldivian and Sri Lankan ties and how to further strengthen the relationship, particularly given that Sri Lanka hosts the 3rd largest Maldivian population outside of the country. pic.twitter.com/ZEfguqhoUZ
— Mahinda Rajapaksa (@PresRajapaksa) February 5, 2019

ރާޖަޕަކްސާގެ ޓްވީޓް

ރައީސް އިބްރާހީމް މުހައްމަދު ސޯލިހް ލަންކާއަށް ރަސްމީ ދަތުރުފުޅެއް ފެއްޓެވީ އެގައުމުގެ ރައީސް މައިތިރިޕާލާ ސިރިސޭނާގެ ދައުވަތަކަށެވެ. ރައީސް ވަނީ ލަންކާގެ މިނިވަން ދުވަހުގެ އިހުތިފާލުތައް އިއްޔެ ޝަަރަފްވެރިކޮށްދެއްވައިފަ އެވެ.

ވެރިރަށް ކޮލަމްބޯގެ ގޯލް ފޭސް ގްރީންގައި ބޭއްވި އެ ރަސްމިއްޔާތުގައި ފަސްޓް ލޭޑީ ފަޒްނާ އަހުމަދާއި ދިވެހި ސަރުކާރުގެ އިސް ވަފުދެއް ބައިވެރިވި އެވެ. އަދި ސްރީ ލަންކާގެ ރައީސް ސިރިސޭނާ އާއި ބޮޑުވަޒީރު ރަނިލް ވިކްރަމަސިންހަގެ އިތުރުން ރާޖަޕަކްސާ ވެސް ބައިވެރިވެވަޑައިގެންނެވި އެވެ. މިއީ ލަންކާގެ މިނިވަން ދުވަހުގެ ރަސްމިއްޔާތު ރާއްޖޭގެ ރައީސަކު ޝަރަފްވެރިކޮށްދެއްވި ފުރަތަމަ ފަހަރެވެ.

ސްރީ ލަންކާގެ މިނިވަން ދުވަހަކީ ފެބްރުއަރީ 4 ވަނަ ދުވަހު އެވެ. އެއީ އިނގިރޭސިންގެ އަތުން މިނިވަންކަން ލިބުނު ދުވަހެވެ.