ޑޮލަރުތަކެއް ގުނަނީ: އެސްއޯއެފް އިން ފައިސާ ޖަމާކުރި ބައެއް ކުންފުނިތަކުން ބުނާގޮތުން އެސްއޯއެފް އިން ފައިސާ ދިނީ ޑޮލަރު ވިއްކުމުގެ މުއާމަލާތްތަކާ ގުޅިގެން --ފޮޓޯ/މިހާރު
14 ފެބުރުއަރީ 2019 - 23:47
21 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ޚިޔާނާތުގެ ފައިސާ ދައުރުކުރި އެސްއޯއެފް ކުންފުނިން ފައިސާ ޖަމާކުރީ ޑޮލަރު ގަތުމުގެ މުއާމަލާތްތަކާ ގުޅިގެން ކަމަށް ފައިސާ ޖަމާވި ބައެއް ކުންފުނިތަކުން މިއަދު ބުނެފި އެވެ.
އެމްއެމްޕީއާރުސީގެ ޚިޔާނާތާ ގުޅޭގޮތުން އެންޓި ކޮރަޕްޝަން ކޮމިޝަން (އޭސީސީ) އިން ކުރި ތަހުގީގުގެ ރިޕޯޓް މިއަދު އާންމު ކުރިއިރު، އެ ރިޕޯޓްގައިވާ ގޮތުން ބައެއް އަމިއްލަ ކުންފުނިތަކާއި ބައެއް ވަކިވަކި މީހުންގެ އެކައުންޓްތަކަށް ވެސް އެސްއޯއެފުން ފައިސާ ޖަމާ ކޮށްފައި ވެ އެވެ.
ފައިސާ ޖަމާވި ކަމަށް އެ ރިޕޯޓުން ހާމަވި އެއް ކުންފުނި ކަމަށްވާ ވިލާ ޓްރެވަލްސް އިން ނެރުނު ބަޔާނެއްގައި ވަނީ އެ ކުންފުނީގެ އެކައުންޓަށް އެސްއޯއެފުން 700،000 ޑޮލަރު ޖަމާކުރީ ވިލާގެ ބޭނުމަށް ޑޮލަރު ގަތުމުގެ މުއާމަލާތަކާ ގުޅިގެން ކަމަށެވެ. އަދި ވިލާ އިން ކުރާ ވިޔަފާރީގެ ގޮތުން އެ ކުންފުންޏަށް ބޭރު ފައިސާ ބޭނުންވާތީ ޑޮލަރު ގަތުމަކީ އަބަދުވެސް ކުރާ ކަމެއް ކަމަށް ވިލާ އިން ބުނެ އެވެ.
އެސްއޯއެފުން 2014 ވަނަ އަހަރާއި 2015 ވަނަ އަހަރު ވިލާ ޓްރެވަލްސް އަށް 700،000 ޑޮލަރު ދިނުމުން އެ ޑޮލަރަށް ވާ ދިވެހި ރުފިޔާ އެސްއޯއެފް އަށް ބަރާބަރަށް ދީފައިވާނެ ކަމަށް ވެސް ވިލާގެ ބަޔާނުގައި ވެ އެވެ. އަދި އެ މުއާމަލާތާ ގުޅިގެން މިހާތަނަށް ދައުލަތުގެ އެއްވެސް އިދާރާއަކުން އެ ކުންފުންޏާ ސުވާލު ނުކުރާ ކަމަށް ވެސް ވިލާ ޓްރެވަލްސް އިން ބުންޏެވެ.
ފައިސާ ޖަމާވި ކަން ހާމަވި އެހެން ކުންފުންޏެއް ކަމަށްވާ މެގަ ޗިޕުން ނެރުނު ބަޔާނެއްގައި ބުނީ، އެ ކުންފުނީގެ އެކައުންޓަށް 9،000 ޑޮލަރު އެސްއޯއެފުން ޖަމާކުރީ ޑޮލަރު ގަތުމަށް ހިންގި މުއާމަލާތެއްގެ ތެރެއިން ކަމަށެވެ. އަދި އެ 9،000 ޑޮލަރަކީ މެގަ ޗިޕުގެ ބޭނުމަށް ޑޮލަރު ހޯދަން އަމިއްލަ ފަރާތަކަށް ދިވެހި ރުފިޔާ ދިނުމުން ޓްރާންސްފާ ކުރި ޑޮލަރު ކަމަށް ވެސް އެ ބަޔާނުގައިވެ އެވެ.
ބައެއް ކުންފުނިތަކުގެ އިތުރުން ފައިސާ ޖަމާވި މީހުންގެ ތެރޭގައި ސިޔާސީ ބޭފުޅުން ވެސް ހިމެނިވަޑައިގަންނަވަ އެވެ. އެގޮތުން ޔޫތް މިނިސްޓަރު އަހުމަދު މަހްލޫފާއި ޕްލޭނިިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ އެކައުންޓަށް ވެސް އެސްއޯއެފް އިން ފައިސާ ޖަމާވެފައިވާތީ އެ ދެ ބޭފުޅުން ގޭގައި މަޑުކުރައްވަން ރައީސް އިބްރާހިމް މުހައްމަދު ސޯލިހް މިހާރު ވަނީ އަންގަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހްސާސް
16 February 2019
އެސްއޯއެފް އިން ޑޮލަރު ވިއްކީ އެމްއެމްއޭގެ ހުއްދަ އޮވެގެންތޯ؟ ނެތްނަމަ މިވަރުގެ ބޮޑު އަދަދުން ޑޮލަރު ޖަމާކުރާއިރު ވެރިފައި ނުކުރީ ކީއްވެބާ؟؟ އަދި ޑޮލަރު ވިއްކާކަންވެސް މިއެނގުނީ ސިޔާސީ ބޮޑެތިންނާ އެމީހުންގެ ބައިވެރިވުން އޮތް ވިޔަފާރިތަކަށް.
އަބްދޫ
15 February 2019
ނަސީދު ގެ ސަރުކާރުން ފެިނޭންސުން ބްލެކްމާކެޓަށް ނެރެ ޑޮލަރުތައް ވިއްކި ކަރެޕްސަނާ މި އެއްއެމްޕީއާރުސީގެ މުއާމަލާތްތަކާ އެއްހަމަ ވީމާ ނަސީދު ބްލެކް މާކެޓަށް ނެރެ ޑޮލަރު ވިއްކި މައްސަލަ ވެސް ތަހުގީގު ކުރޭ.
ފޫހި
15 February 2019
އާޅެ މި އެސްއޯއެފަކީ ޑޮލަރ ވިހާ ބެންކެއްތަ? އެއީ ސެންޓްރަލް ބެންތަ? ތިޔަ އެސްއޯއެފަކީ ވާ މުއްސަދި ބައެއް. ނޭވާލާ ކޮންމެފަރަކު ޑޮލަރ އިތުރުވޭ.
އަދީބު
15 February 2019
މައްސަލައެއް ނެތެވެ. އެކައުންޓްތަކަށް ޖަމާކުރީ ޑޮލަރު ވިއްކައިގެން ލިބުނު ފައިސާއެވެ. އެކަމަކު، އެހާ ބައިވަރު ޑޮލަރުތަކެއް އެ ބޭފުޅުންނަށް ލިބިވަޑައިގަތް ގޮތެއް ހާމަކުރައްވަން ޖެހެއެވެ.
އީދުކަޅުބެ
15 February 2019
ވިލާގެ ރިސޯޓްތަކަށް ހަމަ ޑޮލަރު ނުލިބެނީއެވެ. އެތަނަށް އަންނަ ޓުއަރިސްޓުން މުޅިންވެސް ގެންގުޅެނީ ދިވެހިރުފިޔާއެވެ.
މަންސޫރު
15 February 2019
އެމެރިކާގެ ބޭންކުތަކުން ވަނީ އެމެރިކާ ޑޮލަރު ނުލިބޭތީވެ ރާއްޖޭގެ މިއުޒިކު ބޭންޑެއް އަތުން އެމެރިކާ ޑޮލަރު ގަނެފައި . ވަރަށް ރީތި ވާހަކައެއް.
ޞާރީ
15 February 2019
ހަމަ ހުދުފޮތިކޮޅު ތަކެއް
އަޖަައިބު
15 February 2019
ހާހުން ލައްކައިން މަގުމަތިން ފެންނަ މީހެއް އަތުން ޑޮލަރުގަނެގެން މިއެންމެން މިއުޅެނީ. ގަދަ ދޯ؟
ކޮސްމި
15 February 2019
1. ޜަށްތައް ދޫކުރެވޭނެ ގޮތް ބަދަލުކޮށް ވައްކަން ޕރިވެންޓް ކުރަން ހުރި ސޭފްގާޑްތައް ނއްކާާލުން 2.ރަށްންނަންޖެހޭ ފއިސާ އެސްއޯއެފްއަށް ވަނުން. 3. ޢެސްއޯއެފުން ޑޮލަރު ގަތްކަމށް ބުނާ ފަރާތްތަކުގެ ޞައްޙަކން ބަލން ފައިސާ އެކްސްޗޭންޖްވެފަހުރިތޯ އޮޑިޓްކޮށް ބަލަންޖެހޭ. ޜަސީދެއް ހެދިދާނެ ކޮންމ މީހަކަށްވެސް. 4. ޑޮލަރު ވިއްކިއްޔާ އެސްއޯއެފްއަށް ޢޭގެ ބަދަލުގަ ލިބުނު ދިވހި ފައިސާ ކޮބާތޯ 5. މިހާރު ޖަމާކޮށްފަ ކަމަށް ބުނާ ހިސާބުން ތިކން އަދި ނުނިމޭ.
ބޯހަލާކުވެއްޖެ
15 February 2019
މިއުޒިކު ބޭންޑެއް އަތުން 7 ލައްކަ ޑޮލަރު ވިލާ ޓްރެވަލްސްއިން ގަންނަން ތިނިންމީ ކޮން މައުލޫމާތެއްގެ އަލީގަ. ތީ އެމެރިކާގަ މިލިއަނުން ލަވަ ސީޑީ ވިއްކާ ބޭންޑެއްތަ؟ ނޫނީ ރިސޯޓުތަކަށް މިލިއަން ޑޮލަރަށް މިއުޒިކު ކުޅެދޭ ބޭންޑެއްތަ؟ ރަނގަޅަށްވިއްޔާ ތި ބޭންޑަށްވުރެ ގިނައިން ވިޔަފާރިންނަމަ ޑޮލަރު ވަންނާނެ މާރުކޭޓު ގޮޅިތައްވެސް ހުންނާނެ.