ބްރިޖުގެ ޓްރެފިކް ލައިޓުގައިޖެހި މަޑުކޮށްގެން ތިބި ބައެއްގެ ތެރެއިން އެކަކު ހެލްމެޓް އަޅައިގެން: އަންނަ މަހުގެ 10 ވަނަ ދުވަހުން ބްރިޖުން ދަތުރުކުރާއިރު ހެލްމެޓް އެޅުން މަޖުބޫރުވާނެ.---ފޮޓޯ: ހުސައިން ވަހީދު/މިހާރު
20 ފެބުރުއަރީ 2019 - 11:42
35 comments
އަންނަ މަހުގެ 10 ން ފެށިގެން ސިނަމާލެ ބްރިޖާއި އެއާ ގުޅޭ ހައިވޭގައި ހެލްމެޓް އަޅަން މަޖުބޫރު ކޮށްފައިވާއިރު، ސަރުކާރުން ހިލޭ ބަހަން ނިންމާފައިވާ ހެލްމެޓް ލިބޭނީ ކުރު ކޯހެއް ފުރިހަމަކުރުމުން ކަމަށް ޓްރާންސްޕޯޓް މިނިސްޓަރު އާއިޝަތު ނަހުލާ ރޭ ވިދާޅުވެއްޖެ އެވެ.
ޕަބްލިކް ސާވިސް މީޑިއާ (ޕީއެސްއެމް) ގެ "ރާއްޖެ މިއަދު" ޕްރޮގްރާމްގައި ވާހަކަ ދައްކަވަމުން މިނިސްޓަރު އާއިޝާ ވިދާޅުވީ، 3-4 ގަޑިއިރުގެ ކޯހެއް ފުރިހަމަކުރުމަށް ޓްރާންސްޕޯޓު އޮތޯރިޓީން ރާވާފައިވާ ކަމަށެވެ. ހެލްމެޓް ބޭނުންވާ މީހުންގެ ނަން ނޯޓުކޮށް، ކޯސް ފުރިހަމަކުރުމުން އެ ލިބޭނެ ކަމަށް މިނިސްޓަރު ވިދާޅުވި އެވެ. ނަމަވެސް ކޯހުގައި ބައިވެރިވާން ހުޅުވައިލާނެ ދުވަހެއް އަދި ހާމައެއް ނުކުރެ އެވެ.
ކޯހުގައި އަންނާނީ ހޭލުންތެރިކުރުމާ ބެހޭ ކަންތައްތަކެއް ކަމަށާއި އެކްސިޑެންޓެއް ވެއްޖެ ނަމަ ކަންތައް ކުރާނެ ގޮތަކާއި އަނިޔާވި މީހާއާ ދޭތެރޭ ކަންކަން ކުރަންޖެހޭ ގޮތް ވެސް ކިޔައިދޭނެ ކަމަށް މިނިސްޓަރު ވިދާޅުވި އެވެ.
އޭނާ ވިދާޅުވި ގޮތުގައި، ހެލްމެޓް ބެހުމުގެ ކަންތައްތައް ކުރިއަށް އޮތް ކުޑަ ދުވަސްކޮޅެއްގެ ތެރޭގައި ފަށާނެ އެވެ.
ޓްރާންސްޕޯޓް މިނިސްޓަރު އައިޝަތު ނަހުލާ.-- ފޮޓޯ: ހުސެއިން ވަހީދު/ މިހާރު
"އެ ކޯހުގައި ބައިވެރިވާ މީހުންނަށް ގިނަ މައުލޫމާތު ލިބިގެންދާނެ. އެ ކޯސް ހެދުމަށް ފަހު، ހެލްމެޓް އެ ބޭފުޅަކަށް ދޫކުރުމުގެ ކަންތައް އޮތީ. މި ބަހާލަނީ ރާއްޖެތެރެއާ މާލެއާ އެއް ގޮތަކަށް ވަކި އުސޫލެއް، އާބާދީގެ ނިސްބަތުން ބަލާފައި އެގޮތަށް ލިބޭ ކަހަލަ ގޮތަކަށް،" މިނިސްޓަރު ވިދާޅުވި އެވެ.
މި ސަރުކާރުގެ ފުރަތަމަ 100 ދުވަހުގެ ތެރޭގައި 5،000 ހެލްމެޓް ބަހަން ވަނީ ނިންމައިފަ އެވެ. އެ ގެނެސްދޭނެ ބަޔަކު ހޯދަން ވެސް ސަރުކާރުން އިއުލާނުކޮށްފައި ވެ އެވެ.
މިހާރު ހެލްމެޓް އަޅައިގެން ސައިކަލް ދުއްވަން މަޖުބޫރު ކޮށްފައި ވަނީ އައްޑޫ ލިންކް ރޯޑުގައި އެކަންޏެވެ.
މަގުމަތީ އެކްސިޑެންޓުތައް ގިނަވެ ފުރާނަ އަށް ގެއްލުންވާ ހިސާބަށް ދިއުމުން ޓްރާންސްޕޯޓް މިނިސްޓްރީން ވަނީ ބްރިޖުން ދަތުރުކުރާއިރު ހެލްމެޓް އަޅަން މަޖުބޫރުކޮށްފަ އެވެ. އެ އަށް އަމަލުކުރާނީ އަންނަ މަހުގެ 10 ން ފެށިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޭސީ
20 February 2019
ބިދޭސީންނަށްވެސް ބައިވެރިވެވޭތަ؟ އެމީހުންނަށް ބައިވެރި ވެވެންޏާ ދިވެއްސަކު ބައިވެރިވާނެ ޖާގައެއް އޮންނާނެހެންނެއް ހިޔެއްނުވޭ
ގަރުނުގެ ބޮޑު ޖޯކް
20 February 2019
މިހެލްމެޓް ބަހާނީ އާބާދީއަށް ބަލާފައި ރޭއްޖެތެރެއާއި މާލެ ހަމަހަމަ ކަހަލަ އުސޫލަކުން މިނިސްޓަރ ވިދާޅުވިއެވެ ހެލްމެޓް އަޅަން މިހެޖެނީ މާލެ ސިނަމާލެ ބްރިޖްގައި އެހެންކަމުން ރަށްރަށަށް ބަހާ ހެލްމެޓް އަޅައިން ދާނީ މަހަށްބާ؟؟ ހެލްމެޓް ހޯދަން 4 ގަޑި އިރުގެ ކޯހެއް ހަދަން ވަގުތު ނުދީ މަދަނީ 200ރ އަށް ހެލްމެޓެއް ގަންނަން
ސަލާހު
20 February 2019
ތިކަމައްނުކިއާނެކޯހެއް ތިކަމައް ކިއާނީ ސެމެނާނުވަތަ ހޭލުންތެރިކުރުމުގެފުރަގުރާމު! ޔޫރަފުގެ ގިނަގައުމުތަކުގަ ލައިސަން ލިބޭތާ ދެއަރުތެރޭ މައިމަގައްތަނުދިނުން ތައޮންނަވަރައްވުރެ ބާރައްދުކަހަލަ ކުއްތައް ކުރީމަ ދެން އަލުން ލައިސަން ލިބެނީ ތިކަހަލަ ފުރަގުރާމެއްގަ ބައިވެރިވެގެން!އަދިއެތަންތާ މަސްތުވާހާލުގަ އެއްޗެއްދުއްއިފިނަ މަލައިސަންލިބުން ވަރައްއުދަގުވާނެ ބައެއްފަހަރު ނުލިބިވެސްހުރޭއޭ ސަބަބަކީ އެފަދަ މީހުނައް ލައިސަންލިބޭނީ އެކަމުން އެމިހަކުސާފުވީމަ
އަލީ ރާޖާ
20 February 2019
ކަމާ ކަންފަށާފައި ތިކޯހުގައި ބައިވެރިވާން މާލެ ދާން މިޖެހުނީ. ދެން އޮތީ މާލޭގައި އުޅޭ މީހުންނަށް ލެއްވި ރަހްމަތެއް ކަމަށް ބަލައިގެން ރަށުގައި މަޑުކޮށްލުން.
ސުންބޮޅިގޮބޮޅި
20 February 2019
މިނިސްޓަރުވެސް ލައަކަވާހަކަތަކެއް ދައްކައި ބޯކޮށް ބައްދަލުވުންތައްބާވައިފި. ގިނަވާހަކަތައް އަމަލީސިފަނާދޭ. މިސާލަކަށް މަލެހުޅުމާލެ ޓެކުސީކުލި. މަގުމަތީ ޓުރެފިކު ގަވާއިދުތަކުގެ މައްސަލަ..
ރަށުމީހާ
20 February 2019
ކޮންކަހަލަ ކޮހެއް ހަދަންޖެހެނީ?
ޖަމްޝީދް
20 February 2019
މާލެއަކީ ސިއްހިގޮތުން މިންކުރާއިރު ދިރިއުޅެން ކަމުދާ ތަނެއް ނުންކަމަށް ދިރާސާތަކުގަ އެބަހުރި. މިވަރުގެ ޓްރެފިކް އޮންނަ ސަރަހައްދެއްގައި ދިރިއުޅޭ ބައެއްގެ ޓެންޝަން އިތުރުވުމާއި ސިކުޑީގެ އަދި ހިތުގެ ބަލިތައް އިތުރުވާކަމަށް. މެދުނުކެނޑޭ ޓްރެފިކް އަޑު މިވެސް އޭގެ ސަބަބއެއް ކަމަށްވަނީ. 50000 މީހުން ރަނގަޅު ރަށްރަށަށް ބަދަލުވެ ހިތްފަސޭހަ ދިރިއުޅެއް އުޅުން މުހިންމު
ވިސްނާލާ
20 February 2019
ދަމާފަހުރި ބެނާގަ ލިޔެފައޮތީ ހިލޭ ހެލްމެޓްލިބޭނެ ޝަރުތެނެތް މިވީގޮތުން ފާސްނުވާ މީހަކަށް ނުލިބޭނެ. އަނެކޮޅުން 5000މިއީ މާލޭގަ ސައިކަލު ދުއްވާއަދަދުތަ؟ދެންދެވޭނީ ހިލޭ ޖަމިއްޔާއަކުން ހަދިޔާކޮއްފިއްޔާ ދެންމިވެސް ވައުދުފުއްދުނީތަ؟ތިއަށްވުރެ ސަރުކާރަށް ފަސޭހަވާނެ ބްރިޖް ހައިވޭގަ ދުއްވޭނީ ހެލްމެޓްއަޅައިގެންކަމަށް ނިންމާއެގޮތަށް ފުލުހުން އަމަލުކުރީމަ އޭރުން އިންސާފުވެރިވާނެ މިހިގާއަހަރު އެއްގަމު އުޅަނދު ގަވާއިދާ ހިލާފުނުވާ ފަރާތްތަކަށް އިނާމުދިނުން.
ތުނިޔަ
20 February 2019
މަހީކުރީ އެއްލަކިން ބަހާލާނީ ކަމަށް!
ބަބުރުކަލޯ
20 February 2019
ޖަޒީރާރާއްޖޭގާ އެއްވެސްކަމެއް އެއްލަކިންނެއްނުކުރާނެ. އެންމެ އިސްކަމެއް އޮންނާނީ ކޮންފަރެންސަށް.
ނަޝީދު ކޮބާ
20 February 2019
ތަފާތު ކުރުމުގަ އަރާ ތިތިބީ އައްޑޫ ލިންކު ރޯޑްގަ އެތައް ބަޔަކު ނިޔާވެއްޖެ އެތައް ބަޔަކު ނުކުޅެދޭ މީހުން ނައް ވެފަ ހެލްމެޓެއް ހިލޭ ދިއްކޮއްލާނެ މީހަކު ނުވި.ގްރޭޓާރ މާލޭގަ ދެތިން އެކްސިޑެންޓް ވީމަ ހެލްމެޓް ހިލޭ ކޮންމެ ފަސްފޫޓަކުން ހުދު ބޮކި އެތަކެއް ކެމެރާ ޕޮލިސް ޗެކްޕޯސްޓް ނުވިތާކައް މިހާރު ފަސްޓް އެއިޑް ކޯސް މީ ދެގައުމެއްތަ އައްޑޫ ގަ މިތިބީ އިންސާނުން ނޫންތަ ބޯހަލާކު
ނަޝީދުއެބަހުރި
20 February 2019
އައްޑޫ ލިންކް ރޯޑްގެ އެކްސިޑެންޓްތަކަށް އެދެވޭ ހައްލެއް ގެންނަން އެމްޑީޕީން ކުރި ވައުދެއް އެބައޮތްތަ؟