ގެއްލުނު ޝިމާ ހޯދަން އެމްއެންޑީއެފް އިން ޑައިވިން ރޮބޮޓް ބޭނުން ކުރަނީ -- ފޮޓޯ: އެމްއެންޑީއެފް
24 ފެބުރުއަރީ 2019 - 11:07
5 comments
ލ. ފޮނަދޫން ދަތުރުކުރި ޑިންގީއެއް ބަންޑުން ޖަހައިލުމުން ހުކުރު ދުވަހުގެ ރޭ އިރާކޮޅު ގެއްލުނު ޒުވާނާ ހޯދަން ޑައިވިިން ރޮބޮޓް ބޭނުންކުރަން ފަށައިފި ކަމަށް އެމްއެންޑީއެފުން މިއަދު ބުނެފި އެވެ.
އުމުރުން 19 އަހަރުގެ އައިމިނަތު ޝިމާ ނާފިޒް ހޯދަން އެމްއެންޑީއެފުން ގެންދަނީ އެ ތަނުގެ ހުރިހާ ވަސީލަތެއް ވެސް ބޭނުންކުރަމުންނެވެ. އެގޮތުން ނައިޓް ވިޝަން ގޮގްލްސް ބޭނުންކޮށްގެން ވެސް ގެންދަނީ މަސައްކަތްކުރަމުންނެވެ.
ޑިންގީ ބަންޑުން ޖަހާލުމުން ގެއްލުނު ޝިމާ -- ފޮޓޯ: ސޯޝަލް މީޑިއާ
އެކަމަކު ޝިމާގެ އެއްވެސް ހަބަރެއް މިހާތަނަކަށް ނުވެ އެވެ.
ލ. ފޮނަދޫން އެ އަތޮޅު މާމެންދުއަށް ދަތުރުކުރަނިކޮށް ބަންޑުން ޖަހާލި ޑިންގީގައި ޝިމާގެ އިތުރުން ހުރީ އެ ޑިންގީގެ ކެޕްޓަން އިބްރާހިމް ފަޒީލެވެ.
އެކަމަކު އޭނާ ވަނީ ފަތާފައި ގޮސް، ކައިރީގައި އޮތް ސިކްސް ސެންސަސް ރިޒޯޓަށް އަރައިފަ އެވެ.
ޑިންގީ ބަންޑުންޖަހާލީ ޑިންގީގެ ޕެޓްރޯލް ހުސްވުމުން ޕެޓްރޯލް އަޅަނިކޮށް ޖެހި ރާޅަކުން ކަމަށް، ފަޒީލާ ހަވާލާދީ ފުލުހުން ބުނެފައިވެ އެވެ.
ފުލުހުން ބުނި ގޮތުގައި ޝިމާ އަށް ފަތަން ނޭނގޭތީ އޭނާ ހިފަހައްޓައިގެން އޮންނާނެ ހަމަކާއި ފޯނެއް ދީފައި ފަޒީލު ސިކްސް ސެންސަސް ރިޒޯޓާ ދިމާއަށް ފަތައިގަތީ އެހީއެއް ހޯދާށެވެ.
އެމްއެންޑީއެފާއި ފުލުހުން މިހާތަނަށް ކުރި އެއްވެސް މަސައްކަތަކުން ޝިމާ އާއި ޑިންގީ ފެނިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑާޑާޑާޑާޑާ
25 February 2019
ވަރަށް ދޮގުވަސްދުވާ, ޕެޓްރޯލްއަޅަން އުޅެނިކޮށް ޑިންގީ ބަންޑުންޖަހާލީމަ ދެން ކޮންތާކުން ހޯދި ފޯނެއްގެ ވާހަކަބާ މިބުނަނީ! ފޯނެއް އޮތަސް އޮންނާނީ ހިނިއައިސްފަ ނޫންބާ, ދެން ނޭގެ އެންމެ ފަހުގެ ޒަމާނީ ފޯނުތަކަށް ފެންނުވަންނަހެން ހަދާފަ ހުރޭތާ, އެކަމަކު......!!!
ތިއޭ އެއްކަލަ
25 February 2019
ކަލޭ ދާންވީނު ސީއައިއޭ ގެ އޭޖެންޓްއަކަށް ވާން
ހައްދު
24 February 2019
ޔަޤީންތަ އޭނަ ތި ޑިންގީއަށް އެރިކަން. ކާކު ދުށީ؟
މަރޭމިތުރު
24 February 2019
ރާއްޖޭގައި އިންތިހާއަށް ވަރިގިނަވުމުން އެކަނި އުޅެން މިޖެހެނީ ގިނަކުދިންނަށް. އާއިލާއާއި ބެހޭ ކޯޓުން އެއްވެސް ވަރަކަށް ދިވެހި ކައިވެނިތައް ދެމިއޮންނާނެ ގޮތަކާއިމެދު ކުރާ ވިސްނުން ވަރަށްކުޑަ. އެކަނިމާއެކަނި އުޅެންޏާ ވަރަށް ގިނަ ގޯސްތައ އަތުންފައިންކުރެވޭ ބައެއްފަހަރު! މިކަމުންވެސް ޝިމާގެ ދަރިފުޅާމެދުވެސް އިތުރައް އަަހަރެންނަށް ވިސްނެނީ !!!!!! ރާއްޖޭގެ ވަރިކުރުމުގެ ނިޒާމު ހަރުދަނާކުރަންބޭނުންވޭ! ދުވާލަކު އެއްހާސްވަރި ހުއްޓުވަންޖެހޭ!
ސަތާރަ
24 February 2019
ތި ފިރިހެން މީހާއާމެދު ފިޔަވަޅު އަޅަން ޖެހޭނެ. ތިޔަ ބުނާ ފޯނަކުން އެ ފިރިހެން މީހާއަށް ވެސް އެހީއަށް އެދި ގުޅޭނެ. އެކަމަކު އޭނާ އެކަން ނުކޮށް އެކުއްޖާ އަތަށް ފޯނެއްދިނީމައޭ ބުނީމާ ޤަބޫލުކުރާނީ މޮޔައިން. ފަތަން ނޭނގުނަސް އެނގުނަސް ރޭގަނޑު ކަނުއަނދިރީގައި އެކުއްޖާ ކަނޑަށް ދޫކޮށްފައި ދާނީ އިންސާނިއްޔަތުކަމުގެ ކަންފުޅެއްވެސް ނެތިގެން ނޫނީ އޭނާގެ ކޮންމެވެސް އެހެން ބޭނުމެއް ފުއްދާފައި ދޫކޮށްލީ.