ރައީސަށް ކުރި ތުހުމަތާ ގުޅިގެން އަލީ އާރިފާ ސުވާލުކޮށްފި

ރައީސް އިބްރާހިމް މުހައްމަދު ސޯލިހް: އެމްއެމްޕީއާރުސީގެ ހިޔާނާތާ ގުޅުވައި އެމަނިކުފާނަށް ކުރި ތުހުމަތު ހޫދު ވަނީ ދޮގު ކުރައްވާފައި. --ފޮޓޯ/ރައީސް އޮފީސް

ފަޒީނާ އަހުމަދު، މިހާރު

27 ފެބުރުއަރީ 2019 - 13:14

20 comments

އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ޚިޔާނާތުގެ ފައިސާ ރައީސް އިބްރާހިމް މުހައްމަދު ސޯލިހަށް ލިބިވަޑައިގަތް ކަމަށް ކެލާ ދާއިރާގެ މެމްބަރު އަލީ އާރިފް ކުރެއްވި ތުހުމަތާ ގުޅިގެން އޭނާ އެންޓި ކޮރަޕްޝަން ކޮމިޝަން (އޭސީސީ) އަށް ހާޒިރުކޮށްފި އެވެ.

އެމްއެމްޕީއާރުސީގެ ހިޔާނާތާ ގުޅޭ ގޮތުން އަލީ އާރިފްއާ ސުވާލު ކުރި ކަން އޭސީސީން ކަށަވަރުކޮށްދެ އެވެ. އެކަމަކު ތަހުގީގު ކުރިއަށް ދާތީ، ތަފްސީލެއް އެ ކޮމިޝަނަކުން ނުދެ އެވެ.

ހިޔާނާތުގެ ފައިސާ އިން މަނީ ލޯންޑަރިން ހިންގެވި ކަމުގެ ދައުވާ އުފުލައި ޝަރީއަތް ނިމެންދެން މާފުށީ ޖަލުގައި ޔާމީން ބަންދުކުރީ ސިޔާސީ ގޮތުން ކަމަށް ވިދާޅުވެ، ހިތްހަމަޖެހިވަޑައިނުގެން އަލީ އާރިފް ވަނީ ރައީސް އިބްރާހިމް މުހައްމަދު ސޯލިހަށް ބޮޑު ތުހުމަތެއް ކުރައްވައިފަ އެވެ.

ޔާމީންގެ ސަޕޯޓަރުންނާ އެކު އައިޖީއެމްއެޗުގައި ހުންނަވައި އަލީ އާރިފް ވިދާޅުވީ ޚިޔާނާތުގެ ފައިސާ އިން "32 މިލިއަން" ރިޝްވަތުގެ ގޮތުގައި ރައީސް އިބްރާހިމް މުހައްމަދު ސޯލިހަށް ލިބިވަޑައިގަތް ކަމަަށެވެ. އެގޮތަށް ވިދާޅުވީ، އެކަން ހިނގި ގޮތް އެނގިވަޑައިގަންނާތީ ކަމަށް ވެސް އަލީ އާރިފް ވަނީ ވިދާޅުވެފަ އެވެ.

ޕީޕީއެމްގެ މުޒާހަރާއެއްގެ ތެރެއިން އަލީ އާރިފް ވާހަކަ ދައްކަވަނީ: ހިޔާނާތުގެ ތަހުގީގަށް އޭސީސީން ވަނީ އޭނާއާ ސުވާލުކޮށްފައި.---ފޮޓޯ: ހުސައިން ވަހީދު/މިހާރު

އަލީ އާރިފްގެ އެ ތުހުމަތު ރައީސް އިބްރާހިމް މުހައްމަދު ސޯލިހްގެ ތަރުޖަމާން އިބްރާހިމް ހޫދު ދޮގު ކުރެއްވި އެވެ.

އޭނާ ވިދާޅުވީ ރައީސަށް އަމާޒުކޮށް ކުރާ ފައިސާގެ ތުހުމަތަކީ "ބުހުތާނު ދޮގެއް" ކަމަށެވެ. އެ ތުހުމަތު އެޅުވީ ރައީސަށް އަމާޒުކޮށް ކޮންމެވެސް ވާހަކައެއް ދެއްކުމުގެ ނިޔަތުގައި ކަމަށް ވިދާޅުވި އެވެ. ޕީޕީއެމުން ރައީސަށް ކުރާ ތުހުމަތުތަކުގައި ހަގީގަތެއް ނެތް ކަން ސާބިތު ކޮށްދެއްވަން ހޫދު ވިދާޅުވީ، މެލޭޝިއާގެ ބޭންކެއްގައި އެމަނިކުފާނުގެ އެކައުންޓެއް ހުރި ކަމަށް އެޅުވި ތުހުމަތަކީ ވެސް ކަނޑައެޅިގެން ދޮގެކެވެ.

"އެއީ، އެއްވެސް ހަގީގަތެއް އަދި އޮއްޓަރެއް ހުރި ވާހަކަތަކެއް ނޫން،" ހޫދު ވިދާޅުވި އެވެ.

އެމްއެމްޕީއާރުސީގެ ހިޔާނާތުގެ ފުރިހަމަ ތަހުގީގެއް ހިންގަން ކުރިން ވެސް އެންމެ ބޮޑަށް ބާރު އެޅުއްވީ ރައީސް އިބްރާހިމް މުހައްމަދު ސޯލިހް ކަމަށާއި ރިޕޯޓު އާއްމުވުމާ އެކު މި ސަރުކާރުގެ އިސް ބޭފުޅުން ހިމެނޭ ގޮތުން ފިޔަވަޅު އެޅުއްވި ކަން ހޫދު ފާހަގަކުރެއްވި އެވެ.

އެމްއެމްޕީއާރުސީގެ ތަހުގީގަށް ފަހު ނެރުނު ރިޕޯޓުގައި އެސްއޯއެފުން ފައިސާ ޖަމާކުރި 155 މީހުންގެ ނަން ހިމަނާފައިވެ އެވެ. އޭގެތެރޭގއި ހިމެނިވަޑައިގެންނެވި މި ސަރުކާރުގެ އިސްބޭފުޅުން ވަނީ ސަސްޕެންޑްކޮށްފަ އެވެ.

އެކަމަކު، އެއީ ހިޔާނާތުގައި ދައުރެއް އޮތް މީހުން ކަމެއް އޭސީސީގެ ރިޕޯޓަކު ނެތެވެ. ފިޔަވަޅު އެޅީ އޭސީސީން މައްސަލަ އިތުރަށް ތަހުގީގުކޮށް ނިމެންދެންނެވެ.

އެންޓި ކޮރަޕްޝަން ކޮމިޝަން ކޮރަޕްޝަން ރައީސް އިބްރާހިމް މުހައްމަދު ސޯލިހް ކުރީގެ މެމްބަރު އަލީ އާރިފް އެމްއެމްޕީއާރުސީ އެމްއެމްޕީއާރްސީގެ ކޮރަޕްޝަން

20 ކޮމެންޓް, 96 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިހާނު

28 February 2019

މި މީހުންނަށް ހީވިކަހަލަ ރައީސަށް އެވަރުގެ ތުހުމަތެއް ކުރީމަ ރައިސްވެސް ނައިބު ރައީސް އާއި ވެރިކަން ޙަވާލުކޮށްފަ ގޭގަ މަޑުކުރާނެ ކަމަށް! .......! އާރިފަށް މި ލިބުނީ ފޫނުބެއްދޭ ވަރުގެ ކެއްސެއް! ރާއްޖޭގެ އިތްޒަތްތެރި ރައީސްުލް ޖުމްހޫރިއްޔާ އަށް ޙަޤީގަތާއި ޚިލާފު ތުހުމަތު ކުރި މައްސަލާގައި ޖަލު ގޮޅިއަށް ވުރެ މިއަތުން ސަލާމަތް ވެއްޖިއްޔާ ހަމަ ނަސީބު..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިދުއް

28 February 2019

ރައީސަށް ވައްކަމުގެ ތުހުމަތު ކުރީމަ ސުވާލުކުރަންޖެހޭނީ ރައީސާ، އަލީ އާރިފަކާނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

.ތުހުަމަތު

28 February 2019

.ހާދަ ހެއްވައޭ މި މީހުން އެހެން އެހެން މީހުނޭ ކިއައިގެން ކޮންމެ ވާހަކައެއް ދެއްކިއަސް ހެއޮ ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރުގަދަ ސޮރު

28 February 2019

މިއީވާ މައުމޫނާއި، ޔާމީނުގއ އާއިލާއާއި ގުޅިގެން ބޮޑެތި މަގާމުތައް އެކިގޮތްގޮތަށް ފުރަމުން އައިސް އެއްމެ ފަހުން މަޖްލީހަށްވަން ސޮރެއް. އބަދުވެސް ހުންނާނީ ކެކިކެކި. އަދި ގަދަވާންވެގެން ކޮންމެފަދަ ބޮޑުދޮގެއް ހަމަހުރެލާފައި ހަދާލަން ޖެހުލުމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮ ލް

27 February 2019

"މި ސަރުކާރުގެ އިސް ބޭފުޅުން ހިމެނޭ ގޮތުން ފިޔަވަޅު އެޅުއްވި ކަން ހޫދު ފާހަގަކުރެއްވި އެވެ." ލަދުކޮބާ؟ ސާޅިސް ފަންސާސް ހާހަށް ވުރެ ގިނައިން މުސާރަލިބޭ މީހުން ރައްޔިތުންގެ ފައިސާއިން މުސާރަ ދީފައި ގޭގައި "ސަސްޕެންޝަން" ގައި! މާ ރަގަޅުގޮތެއް ތީ! އަހަރުމެންނަށް ވެސް މުސާރައާ އެލަވަންސްދީފައި ތިގޮތަށް ސަސްޕެންޑް ކޮށްދީބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަށް ސަލާން

01 March 2019

ތިބޭފުޅާ އެކައުންޓުންތޯ މުސާރަ ދެއްވަނީ؟ މުސާރަ ދޭ ގޮތް ނޭނގެންޏާ ބޭކާރު އަނގަނުތަޅަމާދޯ؟ މުސާރައަކީ ހާޒިރުވާ ދުވަހަށް ދޭ އެއްޗެކޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފަގެބޭބެ

27 February 2019

މިމައްސަލަ ވަރަށް ރަގަޅަބަލާ މިކަމުގައި ހަގީގަތެއްނެތްނަމަ އެކަށީގެންވާ ހަރުކަށިފިޔަވަޅުއެޅުމަށް ގޮވާލަން. ގައުމުގެ ގިނަރައްޔިތުން ހޮވާތެދުކޮށް ވެރިކަންމަތިކޮށް އިއްޒަތާގަދަރު ދީގެން ބަލަހައްޓމުން ގެނދާ ވެރިއެއްގެ ބޮލުގައި ވަގުއިލްޒާމު ތުހުމަތުތަކެއްނޭޅުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް

27 February 2019

ދައުރުވާ މެލޭސިއާގެ ޕޮލިހުގެ ސިޓީއެއްގައިވެސް މިކަހަލަ ވާހަކައެއް އުޅޭކަމަށް އަޑުތައް އެބަ އުޅޭ. މިއީ ސޯލިހު ބޮލުން ތުހުމަތުތައް ދުރުކުރުމަށްވެސް މިކަން ކުރަން އެބަ ޖެހޭ. އަލީ ނިޔާޒަކީވެސް މާތް ބޭފުޅެއް. އަނެއްކާ އެސިޓީއާ ބެހޭ ގޮތުން ނަވާޒާވެސް ސުއާލު ކުރަމާ. މީހުނ އެބައުޅޭ ޖެހިލުން ވެހެންވެސް އެވާހަކަ ދައްކަން އަދި އަހާލަންވެސް. 56 މިލިއަން ޑޮލަރޭ ނުވަތަ ޑަޗް މެލޭ ބޭންކޭ ސިޓީއޭ... މިހެން ކިއަކަށް އަދި ގަބޫލެއް ނުކުރެވޭނެ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސް ބަލާމީހާ

27 February 2019

މިކަން އެނގިހުރެ އަންގަނވާފަރާތްތަކަށް ނާންގައި ހުރުމުން މީނާގެ މައްޗަށް ދައުވާކުރަން ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Haruge

27 February 2019

ރައީސް ސާލިހު އިންޑިޔާ އާއެކު ހަދަމުންދާ ސިއްރު އެއްބަސްވުންތަކަކީ ޤައުމުގެ މިނިވަންކަމާއި އިސްތިޤުލާލު ނަގާލުން އެއީ ޤައުމަށްވެވޭ އެއްމެބޮޑު ޚިޔާނާތް. މިމައްސަލަ އެންޓި ކަރެޕްޝަނުންނާއި ރައްޔަތުންގެ މަޖްލިހުން ބަލާބަލަ.