ރައްޔިތުންގެ މަޖިލީހުގައި ވާދަކުރާ އެމްޑީޕީގެ ކެންޑިޑޭޓުން، ފޯމު ހުށަހެޅުމަށް އިލެކްޝަންސް ކޮމިޝަނަށް ދަނީ
04 މާޗް 2019 - 19:57
11 comments
އަންނަ މަހު ބާއްވާ ރައްޔިތުންގެ މަޖިލީހުގެ އިންތިޚާބުުގައި ވާދަކުރާ ކެންޑިޑޭޓުންނަށް، މާލޭގައި އިޝްތިހާރު ހަރުކުރުމުގެ ހުއްދަ ހިލޭ ދޭން، މާލޭ ސިޓީ ކައުންސިލުން ނިންމައިފި އެވެ.
އެ ކައުންސިލުން ކުރި އިއުލާނެއްގައި ބުނީ ފުރިހަމަކުރަން ޖެހޭ ކަންތައްތަކަކަށް ފަހު، ހުއްދަ ހޯދަން ހުށަހަޅާ ކެންޑިޑޭޓުންނަށް އެ ފުރުސަތު ދޭނެ އެވެ.
ހުއްދަ ނުނަގައި އިޝްތިހާރު ހަރުކޮށްފި ނަމަ، ކޮންމެ ދުވަހަކަށް 1،000-2،000 ރުފިޔާއާ ދެމެދުގެ އަދަދަކުން ޖޫރިމަނާ ކުރެ އެވެ. އަދި އިޝްތިހާރު ނަގަން ޖެހޭ މުއްދަތު ހަމަވުމަށް ފަހު، އެ ނުނަގައި ބަހައްޓާ ކޮންމެ ދުވަހަކަށް، 2،000 ރުފިޔާ އިން ޖޫރިމަނާ ކުރާނެ ކަމަށް ކައުންސިލުން ބުންޏެވެ.
އިޝްތިހާރު ހަރުކުރުމުގެ ހުއްދައަށް އެދި ހުށަހަޅަން ޖެހޭ އަދި ސަމާލުވާން ޖެހޭ ކަންތައްތަކުގެ ތެރޭގައި ދީނާ ގުޅުން ހުރި ލިޔުމެއް ނަމަ، އެކަމާ ގުޅޭގޮތުން އިސްލާމިކް މިނިސްޓްރީން ހުއްދަ ނެގުމާއި ދަމާފައިވާ ބެނާގެ ސަބަބުން، މީހަކަށް ނުވަތަ ތަނަކަށް ގެއްލުން ވެއްޖެ އެކަމުގެ ޒިންމާ، ބެނާ ހަރު ކުރި ފަރާތުން ނަގަން ޖެހެ އެވެ. އަދި އަމިއްލަ މީހެއްގެ އިމާރާތުގައި އިޝްތިހާރު ހަރުކުރާ ނަމަ، އެ ފަރާތުގެ ހުއްދަ އޮތްކަމުގެ ލިޔުން ހުށަހަޅަން ޖެހެ އެވެ. އޭގެ އިތުރުން ހަރުކުރަން ބޭނުންވާ އިޝްތިހާރުގެ ހާޑު ކޮޕީ ވެސް ހުށަހަޅަން ޖެހެ އެވެ.
އިޝްތިހާރު ހަރުކުރުން މަނާ ތަންތަން
- ދައުލަތުގެ އިމާރާތްތަކުގެ ފާރުތަކާއި ސަރުކާރު ތަންތަނުގެ މަގުމަތީ ފާރާއި ސަހަރާތަކާއި ޕާކުތަކުގައި
- މަގުމަތީގައި ހަރުކޮށްފައި ހުންނަ ކަރަންޓު ބޯޑާއި ޑަސްބިންތަކާއި ގަސް އިންދުމަށް މަގުމަތީގައި ޖަހާފައި ހުންނަ ފެންސުތަކުގައި
- މިސްކިތުގައި ތިބޭ މީހުންނަށް ފެންނަ ގޮތަށް ތަސްވީރު ހިމެނޭ އިޝްތިހާރު އަދި އިޝްތިހާރު ކަރުދާސް، މަގުމައްޗަށާއި ޕާކުކޮށްފައި ހުންނަ ވެހިކަލްތަކަށް އެޅުން މަނާ
- ހުއްދައާ ނުލައި ގޭގޭގެ ފާރުތަކުގައި ވެސް އިޝްތިހާރު ހަރުކުރުން މަނާ
އިޝްތިހާރު ހަރުކުރުމުގެ މުއްދަތު ހަމަވުމުން، އެތަކެތި ނެގުމަކީ އެ ހަރުކުރި ފަރާތުން ނަގަން ޖެހޭ ޒިންމާއެއް ކަމަށް ވެސް ސިޓީ ކައުންސިލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާމިލް ހަބީބު
05 March 2019
ކަނޑައެޅިގެން ކޮރަޕްޝަން، ވަކި ބަޔަކަށް ވަކިގޮތެއް، އެމްޑީޕީގެ ކައުންސިލެއްވީމަ އެމްޑީޕީއަށް ފަހިވާގޮތް
އައިސާނު ހަމީދު
05 March 2019
އެއީ ކީއްވެގެންތޯ ކެނޑިޑޭޓުންނަށް ހިލޭ އިސްތިހާރު ހަރުކުރެވެންވީ؟ އެކަމަށް ވަކި ޤާނޫނެއް އޮތީތޯ؟ ދިވެހިރާއްޖޭގެ ވިޔަފާރިތަކާއި ރައްޔިތުންނަށް އޮންނަ ހައްގެއް އެމީހުންނަށްވެސް އޮންނަންޖެހޭނީ، ހަމަ މޭޔަރަށް ފެނުނީމަ ވަކިގޮތެއް ވަކި ބަޔަކަށް، ނަޝީދު އިސްތިހާރު ހަރުކުރަމުން ގެންދިޔައީ އެއްވެސް ހުއްދައެއް ނުނަގާ، ބަލަ ތިޔަ އިސްތިހާރު ހިއްޕާ ތަންތަން ސާފްކުރަން މީހުން މުސާރަދީފައި ނެރެންޖެހޭ، އެއީ ޓެކުސްގެ ފައިސާ،
މަރޭމިތުރު
05 March 2019
މާފަސޭހަގޮތެއް އެބައޮތް. އެމީހެއްގެ ފާރުގައި އެމީހަކު ލިޔެލަންވީ މިގޭގެ ފާރުގައި އެއްވެސް އިސްތިހާރެއް ހިއްޕުމަކީ މަނާކަމެކެވެ، ވެރިފަރާތުގެ ސޮއިކޮށްފަ ކުޑަކުޑަ ފިލާގަނޑެއް ޖެހީމަ ނިމުނީ. މީތި ގާނޫނުންވެސް ބާރުލިބޭނެ.
ފަރީޝާ
05 March 2019
މަރޭގެ އެއްޗެހި ސަޅިވަނީ މިހެންވެ. ކުޑަކުޑަ މެސެޖަކުން އެތައް ޒަމާނެގައި މީހުންނަށް ނޭނގުނު ކަމެއް ތި ވިސްނައިދިނީ. ސަޅިމީތި.
އޮސްކާ
05 March 2019
ރީނދޫ ސިޓީ ކައުންސިލުން ކަންކުރާނީ ރީނދޫ ހުން ޖެހިފައިވާ މީހުންނަށް ފައިދާވާ ގޮތައް
ބޮއްބެ
05 March 2019
މިހާރުވެސް ގޮނޑު މާލެ އިތުރަށް ގޮނޑުކޮށްފި....
ސަރީފު
05 March 2019
ޢަހަރެމެން ގޭ ފާރުގައި ކުލަލަނީ ދައުލަތުން ނޫނީ ކައުންސިލުން ދޭ ފައިސާއަކުން ނޫން. ގޯތިގެދޮރަށް އިހުތިރާމް ކުރުމަށް ރައްޔިތުނަގެ ޚާދިމުންނަށް ގޮވާލަން.
ކޭބީ
05 March 2019
މަޖްލީހުގެ މޭންޑޭޓުން ބޭރުން ވައުދު ވަމުން އެދަނީ އެއީ ރިސްފަތައް ނުވާތީބާ.
ޖަނބާރި
05 March 2019
ތިހުންދަ ދިނުމުގެ ކުރިން ވަނީބެނާދަމާފަ
ބަބުރުލް ސަލީމް
04 March 2019
ތިބުނި ތަންތަނުގާ އާއްމުކޮށް އިސްތިހާރު ހަރުކޮށްފާހުންނަނީ. ކައުންސިލް އޮންނަނީ ނިދާފާ.
ންންންން
04 March 2019
ތިހުރިހާ ހުއްދައެއް އެޕަކުން ނުވަތަ ސައިޓަކުން ހޯދޭނެ ގޮތްވެސް ހަދައިދިނީޔާ ރައްޔިތުންނަށް ވަރަށް ފަސޭހަވާނެ. އޭރަށް ހަމަ އެކަނި ހުއްދަ ލިބުމުން ސިޓިކައުންސިލަށް ގޮސް ޕރިންޓްކޮށްފަ އިންފޯމުގައި ސޮއެ ކޮށްލާގޮތައް. އަދި ފަހުން ގަނޫނުކުން ސަރުކާރުއޮފީސްތަކުގައި ޕްރިންޓްކޮށް ލިޔުމާ ނުލާވެސް މިކަން ވާނެގޮތެއް ހަމަ ޖައްސުން ރަނގަޅުވާނެކަމަށްފެނޭ....