ކުރީގެ ރައީސް އަބްދުﷲ ޔާމީން، ކަރެކްޝަނަލް ސާވިސްގެ ބެލުމުގެ ދަށުން ލޯންޗުން ފައިބައިވަޑައިގަންނަވަނީ. --- ފޮޓޯ: ހުސެއިން ވަހީދު/ މިހާރު
07 މާޗް 2019 - 11:09
9 comments
ކުރީގެ ރައީސް އަބްދުﷲ ޔާމީންގެ އެކައުންޓްތަކުގައި ހުރި 100 މިލިއަނަށް ވުރެ ގިނަ ރުފިޔާ ފްރީޒް ކުރި މައްސަލަައިގެ އިސްތިއުނާފްގެ ހުކުމް އިއްވުން ހައި ކޯޓުން މިއަދު ފަސްކޮށްފި އެވެ.
ހައި ކޯޓުން ބުނީ އެ ކޯޓުގައި ތާވަލްކުރި އިސްތިއުނާފް ޝަރީއަތް ކެންސަލްކުރީ އިދާރީ ސަބަބުތަކާ ގުޅިގެން ކަމަށެވެ. އޭގެ އިތުރު ތަފްސީލެއް ހައި ކޯޓުން ނުދެ އެވެ.
ފުލުހުން ކުރިން ބުނި ގޮތުގައި، ޔާމީންގެ ނަންފުޅުގައި ހުޅުވާފައިވާ ބޭންކް އެކައުންޓްތަކަށް ވޭތުވެދިޔަ ފަސް އަހަރު ބޮޑެތި އަދަދުތަކުން ފައިސާ ޖަމާކޮށް، މުއާމަލާތް ހިންގިކަން ވަނީ ފާހަގަކުރެވިފަ އެވެ. އަދި އެމަނިކުފާނުގެ ބޭންކް އެކައުންޓްތަކުގައި ހުރި 100 މިލިއަނަށް ވުރެ ގިނަ ރުފިޔާ، ތަހުގީގުގެ ބޭނުމަށް، ފްރީޒް ކޮށްފައިވާ ކަމަށް ވެސް ފުލުހުން ބުނެ އެވެ.
ފްރީޒުކޮށްފައިވަނީ ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) ގައި ހުރި އެކައުންޓްތަކެވެ.
ހައި ކޯޓުގައި އެ މައްސަލައިގެ ޝަރީއަތްތައް ކުރިއަށް ދިޔައީ ސިއްރުކޮށްގެންނެވެ.
ޔާމީންގެ ވަކީލުންގެ ޓީމުން ކުރިން ބުނި ގޮތުގައި އެމަނިކުފާނުގެ އެކައުންޓްތައް ފްރީޒް ކުރީ އަންނަ މަހު އޮންނަ މަޖިލިހުގެ އިންތިހާބަށް ނުފޫޒު ފޯރުވުމުގެ ގޮތުންނެވެ. އެހެންކަމުން އެއީ ސިޔާސީ ބޭނުމެއް ހާސިލް ކުރަން އެޅި ފިޔަވަޅެއް ކަމަށް ވަކީލުންގެ ޓީމުން ބުންޏެވެ.
ޔާމީނުގެ އެކައުންޓްތައް ފްރީޒް ކުރުމުގެ އަމުރު ކްރިމިނަލް ކޯޓުން ނެރުނީ އެ އެކައުންޓްތަކުގެ މައުލޫމާތާއި މަރުކަޒީ ބޭންކް އެމްއެމްއޭގެ ރިޕޯޓެއް ހުށަހަޅައިގެން ކަމަށްވެ އެވެ.
ޔާމީންގެ މައްޗަށް ކުރާ މަނީ ލޯންޑަރިންގެ ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ވަނީ އަމުރުކޮށްފަ އެވެ. އެކަމަކު މިވަގުތު އެމަނިކުފާނު އޮންނެވީ ހިތުގެ އާލާސްކަންފުޅެއްގައި އައިޖީއެމްއެޗްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްالله
10 March 2019
އަދިވެސް އެނދުމަތިކޮށްފަ ތަ؟
އަލްޖިބްރާ
07 March 2019
ތިޔަދަނީ ރަގަޅަށް ! މިނެދިން ނާޅިއަކުން މިނެދިނީމާ ރަގަޅުވާނެ ! އެހެންނޫނީ ތިކަހަލަ މުޖްރިމުންނަކަށް ނުވިސްނޭނެ !
ތަންދޮރުނޭންގޭ
07 March 2019
ބަލަނޫސްވެރިޔާހަނދުމަނެތީތޯ އެމަނިކުފާނަކީދިވެހިރާއްޖޭގައުފެދުނު މަލްޓިޕާޓިޑިމޮކުރަސީގެދަށުން ފުރިހަމަފަސްއަނހަރުގެދަވްރެއްހަމަކުރެއްވި ފުރަތަމަރަައީސްއޭ އެކަންވަރައްރަނގަޅައްއެނގިލައްވާނެ ދިވެހިރާއްޖޭގެތާރީޚުން އޮންނާނެލިޔެފަ ރައީސްޔާމީން
ކޮބާ..ކޮބާ
07 March 2019
އެކައުންޓް ތައް ދޫކޮށްލުން ވަރަށް މުހިންމު...ލިބެންވާ ފަރާތްތަކާ ހަމަ އަށް އަންނާނީ އޭރުންތާ...
ބޫމް
07 March 2019
100 މިލިޔަނޭ؟؟؟؟؟ 5 އަހަރުން. ފެންނަން އޮތް ވިޔަފާރިއެއް ނެތް. މުސާރަޔަށް .....؟؟ އެކަމަކު ސޭވިންގ މަހަކަށް 1.6 މިލިޔަން. ހާދަ ސާފު ފަސްބަޔަކަށް ތިޔަ ފަސްބައި ވާނެޔޭ ދޯ؟
މިއަދު
07 March 2019
އިދާރީ ތިމައްސަލަ ހައްލުވާނީ 6 އެޕްރީލްގެ ފަހުން ޖުޑީސަރީ މިނިވަންވެފައި އިބޫގެ މުށުތެރޭގައި
ތަރައްގީގެ ރައީސް ގެ ސަޕޯޓަރ
07 March 2019
މަޖްލިސް އިންތިޚާބުގެ ކުރިން ޔާމީނު ނޭވާ ލިޔަވެސް ދޭން މި ސަރުކާރަކަށް ނުކެރޭނެ! ގައިމު ޔާމީނުދެކެ ޖެހިލުން ފަށެއް ވޭނުން! ހެއްދެވިހާ ދޮގު ހަދައިގެންނާ އިންތިޙާދެކޭ ކިޔައިގެން އަހަރުމެންނަށް އޮޅުވާލައިގެ ވޯޓްހޯދައިގެން ގޮޑިއަށް އެރުނީމާ އިއްތިޙާދަކާ އިއްތިޙާދެއް! އިދިކޮޅު ލީޑަރު ތުހުމަތަކަށް ޖަލަށް! ފިނޑި ސަރުކާރު އިސްތިއުފާ! އިރާދަކުރެއްވިއްޔާ އަދި ކަލޭމެންނަށް ތިޔަ ހިތި ވަރަށް އަވަހަށް ދައްކަވާނެ!
ޝެލަރީ
07 March 2019
ގަޓުރައީސޯ، ޖަލައްލީމަ މި ބަދަލުވީ ފިނޑި ރައީސައް، ދެން ބަދަލުވާނީ ފިލި ރައީސައް ދެއްތޯ؟
މަންސޫރު
07 March 2019
ޔާމީނުގެ ނަންފުޅޭ؟