ޕީއެސްއެމްގެ ޓީވީއެމް ހިންގާ އިމާރާތް: މަޖިލިސް ކެންޑިޑޭޓުންގެ ބަހުސް ފަށާނީ އަންނަ އާދިއްތަ ދުވަހު.---ފޮޓޯ: ހުސެއިން ވަހީދު/މިހާރު
08 މާޗް 2019 - 12:19
5 comments
އަންނަ މަހު ބާއްވާ އާންމު އިންތިޚާބުގައި ވާދަކުރާ ކެންޑިޑޭޓުންގެ ބަހުސް އަންނަ އާދިއްތަ ދުވަހު ފެށުމަށް ޕަބްލިކް ސާވިސް މީޑިއާ (ޕީއެސްއެމް) އިން ނިންމައިފި އެވެ.
ދައުލަތުގެ މީޑިއާ ހިންގާ ކުންފުނީގެ މެނޭޖިން ޑިރެކްޓަރު އަލީ ޚާލިދު މިއަދު ވިދާޅުވީ ކެންޑިޑޭޓުންގެ ބަހުސް ފަށައި ކޮންމެ ދުވަހަކު ދެ ފަހަރަށް ބަހުސް ދައްކާނެ ކަމަށެވެ. ލައިވްކޮށް ކުރިއަށް ގެންދާ ބަހުސް ނިންމައިލާނީ، އަންނަ މަހުގެ ހަ ވަނަ ދުވަހު ބާއްވާ ރައްޔިތުންގެ މަޖިލިހުގެ އިންތިޚާބުގައި ވާދަކުރާ ހުރިހާ ކެންޑިޑޭޓުންނަށް ފުރުސަތު ދީފަ އެވެ.
މި ފަހަރުގެ އާންމު އިންތިޚާބުގައި ވާދަކުރުމަށް 310 މީހެއްގެ ފޯމު ވަނީ އިލެކްޝަންސް ކޮމިޝަން (އީސީ) އަށް ހުށަހަޅައިފަ އެވެ. އޭގެ ތެރޭގައި އެންމެ ގިނައިން ހުށަހަޅާފައި ވަނީ އަމިއްލަ ގޮތުން ވާދަކުރުމަށެވެ. ޕާޓީ ސިޔާސީ ޕާޓީތަކުގެ ތެރެއިން އެންމެ ގިނަ ކެންޑިޑޭޓުން މި އިންތިޚާބަށް ނުކުންނަނީ މި ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީންނެވެ.
އަލީ ވިދާޅުވި ގޮތުގައި، ބަހުސްގައި ވާދަކުރުމަށް ހުރިހާ ކެންޑިޑޭޓުންނަށް ވަނީ ދައުވަތު ދީފަ އެވެ. އެކަމަށް ފަހި ޖަވާބެއް ލިބިފައިވާ ކަމަށް ވެސް އޭނާ ވިދާޅުވި އެވެ.
އިންތިޚާބަށް އެއާޓައިމް ދޫކުރާ ގޮތާއި އަގުތަކާ ގުޅޭ މައުލޫމާތު ޕާޓީތަކާ ހިއްސާ ކޮށްފައިވާނެ ކަމަށް ޕީއެސްއެމުން ބުންޏެވެ.
ބަހުސްގައި ކެންޑިޑޭޓުންގެ ތައާރަފާއި ދާއިރާ އަށް ކޮށްދޭނެ ކަންތައްތަކާއި ތަސައްވުރާ ބެހޭގޮތުން ވާހަކަ ދައްކާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލްސް
08 March 2019
ދޮގު ހަދާ ދައްކާލާނެ ބައެއްމީހުން މިފަހަރު. ހޮވިއްޖެއްޔާ ރައްޔިތުންނަށް ލަލަލާ. ބައެއް ކެންޑިޑޭޓުންގެ ވާހަކަ މިބުނަނީ. ކަމަނާ ރާނީ މުނިޔާ އާށް ހަނދުގެ ރަނިކަންވެސް ދޭނެ.
މަރޭމިތުރު
08 March 2019
ބަހުސުން އެނގޭނެ އިނގޭތޯ ހުރި ފެންވަރެއް! ބަހުސުން އެނގޭނެ އިތުރައް ގިނަކަންތައްތަކެއް!...... ވާހަކަ ދައްކާލީމާ އެނގޭނެ އޭނާގެ ފެންވަރު، އަޅުގަނޑު ވޯޓުދޭއިރު ބަލާނެ އެއް ކަމެއް ރަނގަޅައް ވާހަކަދެއްކޭމީހަކަށްވުން.
ޗެލްސީ
08 March 2019
ދައުލަތުގެ ވަކިތަކުން ސަލާމަތްވެ ޕީ.އެސް.އެމް ހިންގަން އުޅޭ މަންޒަރު އެބަފެނޭ.. ހަނދާންވަނީ މައުމޫނު ވެރިކަމުގެ ނިމުނުތާ ކޮޅުމަތީގައި ޕާޓީތަކަށް ވަގުތުދީގެން ގެނަސްދީގެން ގެނަސްދިން ސިޔާސީ ފެންޑާމަތިން.. އިހަށްދުވަހަކާ ހަމައަށް ވަކިބަޔަކަށްނޫނީ ޓީވީއެމްގެ ގޭޓުންވެސް ނުވަދެވޭ..
ޓާޒަން / ބ.ހިތާދޫ
08 March 2019
މަށެއް ތިޔެއް ނުބަލާނަން. ރައްޔިތުންނަށްޓަކައޭ ކިޔާ ތި އެންމެން ދައްކާނީ ހޮޅިވާހަކަ.
ނައޫފް
08 March 2019
ޕީއެސްއެމުންވެސް ފުރަަތަމަ ތި އޮޅުވާލަނި. ދާއިރާގެ ތަރައްގީ އަށް ކުރާ ބަދަރު ހެދުމާ ނަރުދަމާ އެޅުމަކީ މެންބަރު ކޮށްދޭން ޖެހޭ ކަމެއްނޫން އެއީ ސަރުކާރުން ކޮށްދިނުން ލާޒިމް ކަންތައް ގާނޫން އަސާސީގަ ލިޔެފަ ހުންނަ ކަންތައް ކޮންމެ ޕާޓީއެއްގެ މެންބަރަކު ހުއްޓަސް ސަރުކާރުން އެކަންތައް ކޮށްދޭން ޖެހޭ. މިވިސްނުން އެބަޖެހޭ ބަދަލުކުރަން ހާއްސަކޮށް މީޑިއާ ތަކުން.