އެމްޓީސީސީގެ ފެރީއެއް ހުޅުމާލެއަށް ދާން މާލޭގެ ފަޅުން ނުކުންނަނީ: ނުކުޅެދުންތެރިކަން ހުންނަ ފަރާތްތަކަށް ހިލޭ ދަތުރު ކުރެވޭނެ ގޮތް ވަނީ ހަމަޖައްސާފައި --ފޮޓޯ/،މިހާރު
10 މާޗް 2019 - 17:38
5 comments
ނުކުޅެދުންތެރިކަން ހުންނަ މީހުންނަށް އެމްޓީސީސީގެ ބަސްތަކާއި ފެރީތަކުގައި މިއަދުން ފެށިގެން ހިލޭ ދަތުރު ކުރެވޭނެ ގޮތް ހަމަޖައްސައިފި އެވެ.
އެމްޓީސީސީން ބުނިގޮތުގައި، އެކަމަށްޓަކައި ޖެހެނީ ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ގައި ނުކުޅެދުންތެރިކަން ހުންނަ މީހެއްގެ ގޮތުގައި ރަޖިސްޓަރީ ކުރުމަށެވެ. އަދި ނުކުޅެދުންތެރިކަން ހުންނަ މީހެއްކަން އަންގައި ދިނުމުގެ ގޮތުން އެންސްޕާ އިން ދޭ ކާޑު ހިފައިގެން ދިއުމުން އެފަދަ ކޮންމެ މީހަކަށް ވެސް އެމްޓީސީސީގެ ދަތުރުފަތުރުގެ ނިޒާމުގެ ތެރެއިން ހިލޭ ދަތުރު ކުރެވޭނެ ކަމަށް އެ ކުންފުނިން ބުންޏެވެ.
އެމްޓީސީސީގެ ފެރީތަކާއި ބަސްތައް ފަރުމާ ކޮށްފައިވަނީ ވެސް ނުކުޅެދުންތެރިކަން ހުންނަ މީހުންނަށް ފަސޭހައިން އަރައި، ފޭބޭނެ ގޮތަށް ކަމަށް އެ ކުންފުނިން ނެރުނު ބަޔާނުގައި ވެ އެވެ.
އެމްޓީސީސީން ބުނީ އެގޮތަށް ހަމަޖެއްސީ ނުކުޅެދުންތެރިކަން ހުންނަ މީހުން ބާރުވެރިކޮށް، މުޖްތަމައުގައި ފުރުސަތުތައް ފަހިކޮށް ދިނުމުގެ ގޮތުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޖިލިސް
10 March 2019
ސިކުނޑި ހަމަނުޖެހޭ ނުކުޅެދުން ތެރިކަން ހުންނަ ސިޔާސީ އެންމެންވެސްތޯ؟ މިދުވަސް ވަރު ހާދަގިނަޔޭ އޭގެމީހުން.
ކަނަމަނަ
10 March 2019
65 އަހަރުން މަތީ ޢުމުރުގެމީހުންނަށްވެސް ހިލޭ ދަތުރުކުރެވޭ ގޮތް ހަދަންވީނު.
ންންންން
10 March 2019
75 އަހަރުން މަތީ..
އެހީތެރިޔާ
10 March 2019
ޚާއްޞަ އެހީ އަށް ބޭނުންވާ މީހާ ގޮވައިގެން ދަތުރު ކުރާ ކޮންމެސް 1 އެހީތެރިއެއްގެ ޓިކެޓުވެސް ހިލޭ ކޮށްދެއްވުމަށް އެދި ތިޔަ ކުންފުންޏަށް އާދޭހާއި އެކު އިލްތިމާސް ކުރަން. ސަބަބަކީ އެހީތެރިކަމާ އެކުގައި ނޫނީ އެއިން ފަރާތްތަކަށް ދަތުރު ކުރަން އުނދަގޫ ވާނެތީ. އަދި ޤަވާއިދާއި އުޞޫލު ހަދާ އިރު ވިސްނާ ފިކުރު ކުރާ މީހުން ކަންކަން ކޮށްފައި ހުންނަނީ އެގޮތަށް ކަމަށް އަޅުގަނޑު ދެކެނީ. ޝުކްރިއްޔާ
ނިއަސާ
10 March 2019
އަަޅުގަނޑަ ހިޔާލަކީ މޯލްޑިވިޔަނުން ވެސް ފުރީކުރުން . އޯގާތެރިި ސަރުކާރު