އެންޓި ކޮރަޕްޝާން ކޮމިޝަނުން އިއްޔެ ބޭއްވި ރަސްމިއްޔާތުގައި އެ ކޮމިޝަންގެ ބައެއް މެމްބަރުން ބައިވެރިވެވަޑައިގަންނަވަނީ: ފެނަކައާ ޕީއެސްއެމްގެ ސީރިއަސް މައްސަލަތަކެއް ދަނީ ބަލަމުން. --- ފޮޓޯ: ހުސެއިން ވަހީދު/ މިހާރު
11 މާޗް 2019 - 15:07
8 comments
ފެނަކަ އާއި ޕަބްލިކް ސާވިސް މީޑިއާ (ޕީއެސްއެމް)ގެ ކޮރަޕްޝަންގެ ބޮޑެތި މައްސަލަތަކެއް އެންޓި ކޮރަޕްޝަން ކޮމިޝަން (އޭސީސީ) އިން ތަހުގީގުކުރަން ފަށައިފި އެވެ.
އެ ކޮމިޝަންގެ ނައިބު ރައީސް މުއައްވިޒް ރަޝީދު މިއަދު ވިދާޅުވީ ފެނަކައިގެ އިތުރުން ދައުލަތުގެ މީޑިއާއާ ގުޅޭ ކޮރަޕްޝަންގެ މައްސަލަތައް ބަލަން ވަކި ހާއްސަ ދެ ޓީމެއް ކަނޑައަޅާފައިވާ ކަމަށެވެ. އެ ޓީމުތައް މައްސަލަތައް ބަލަމުން އަންނަ ކަމަށް ވިދާޅުވި އެވެ.
އޭސީސީ އަށް މިިދިޔަ އަހަރު ހުށަހެޅި މައްސަަލަތަކުގެ ތެރެއިން ދައުލަތުގެ ކުންފުނިތަކުގެ ތެރޭގައި ހިންގާފައިވާ ކަމަށް ބުނާ ކޮރަޕްޝަނާއި ހިޔާނާތުގެ 238 މައްސަލައެއް ހުށަހަޅާފައި ވެ އެވެ. އޭގެ ތެރޭގައި ފެނަކައިގެ 52 މައްސަލައަކާއި ޕީއެސްއެމްގެ 23 މައްސަލައެއް ހިމެނެ އެވެ. އެކަމަކު އެއީ ކޮން މައްސަލަތަކެއް ކަމެއް މުއައްވިޒް ވިދާޅެއް ނުވެ އެވެ.
"ދެ އިދާރާގައި ވެސް ތަހުގީގު ޓީމުތަކުން އަންނަނީ ހަރަކާތްތެރިވަމުން،" އޭނާ ވިދާޅުވި އެވެ.
ދައުލަތުގެ ސްޓޭޓް މީޑިއާ، ޕީއެސްއެމަކީ މިދިޔަ ސެޕްޓެމްބަރު މަހު ބޭއްވި އިންތިޚާބުގައި އޭރުގެ ރައީސް އަބްދުﷲ ޔާމީންގެ ސަރުކާރާއި ޕީޕީއެމްގެ ޕްރޮޕެގަންޑާ ފެތުރުމާއި އެމަނިކުފާނަށް ދެވަނަ ދައުރެއް ހޯދައިދޭން ކެމްޕެއިންކުރި މީޑިއާއެކެވެ. އިދިކޮޅު ފަރާތްތަކުގެ އަޑު ރައްޔިތުންނަށް އިއްވަން ފުރުސަތު ނުދީ، ހުރިހާ ވަގުތެއް ޔާމީންގެ ކެމްޕޭނަށް ހުސްކުރިއިރު، ޕީއެސްއެމްގެ ބޯޑުގެ ބައެއް މެމްބަރުން ޔާމީންގެ ކެމްޕޭން ހަރަކާތްތަކުގައި އަމަލީ ގޮތުން ވެސް ބައިވެރިވެވަޑައިގަތެވެ.
ފެނަކަ ފާހަގަވެފައި ވަނީ ކޮރަޕްޝަންގެ މައްސަލަތައް ބޮޑު ކުންފުންޏެއްގެ ގޮތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑޭ
12 March 2019
ހައްޖު ކޯޕަރޭޝަންގެ ކަންކަން ބަލާބަލަ. 2017 އަދި 2018 ގައި ހާދަ ގޯހެއް ހަދާފަޔޭ އޮތީ.
ސައީދުތުރީ
12 March 2019
ފެނަކަ ފެށުނީކޯންޗަކުންތޯ ރަށްޔަޔުންގެ އިންޖީނުގެތަށް ނެގީބަދަލް ދީފަތޯ ރަށްޔަތުން ލޯބޯފިއްސައިގެން ހޯދި ރުފިޔަކޮޅަކުން ފަށްޓާ އިންޖީނުގެތައް ކިރިޔާ ކޮޅައްޖެހޭއިރަށް ޔުތިލިޓީއެއް ހަދައިގެން މަޖްބޫރުން އަތުލީ ބަދަލްދޭނަމޭކިޔާފައި އެބުނާ ޔުޓިލިޓީ އަކީ އެކައްޗެއްވެސްނެތް ހަމައެކަނި ނަމެއް ކޮބާތޯރަށްޔަތުންގެ ހައްގުތައް މުސްކުޅިން ބުނާހެން ގުދޯ ގުދޯ ގެވިޔަކަސް ނުފުދޭނެ މިއަދު ޖަވާބް ދާރީ ނުވެތިއްބަސް މާތް ﷲގެ ޙަޒުރަތުގައި ޖަވާބް ދާރީވާނެ ހައްގުތައްވސ
ޚިޕާ
11 March 2019
ތި ފޮޓޯ ގަ ތިބީ އިތުބާރު ނުހިފޭ ބައެއް
މޯޑުސް
11 March 2019
މަޖުލިސްގެ ރައީސް ތިކަން ހުއްޓުވާނެ، ޔަގީން
އޭސީސީ އެކެއް
11 March 2019
ބޮޑެތި މައްސަލަތަކުގެ އެންމެކުރީގައި އޮންނަންވާނީ ބިގަށް 78 މިލިޔަން ދޭންނިންމާ 30 މިލިޔަން ދިންމައްސަލަ
ބިގޭ
11 March 2019
ބިގައް 30 މިލިއަން ދިން މައްސަލަ އަކީ ޕީއެސްއެމްގެ 3 އަހަރުގެ ހުރިހާ މައްސަލައެއް އެއްކޮށްލީމަވެސް ބޮޑުނުވާ ވަރުގެ ބޮޑު މައްސަލައެއް. ހެލޯ ރަތްރީނދޫ ކުދިން ކޮބާ. މިއީވެސް ވައްކަން. 5 މިލިއަން ރުފިޔާގެ ބަދަލުގައި 78 މިލިއަން ދޭން ނިންމާ 30 މިލިއަން ދީފި. އެއީ ބޮޑު ދޮގެއް. އެއްވެސް ކޯޓަކުން ނެތް ޕީއެސްއެމްގެ މައްޗަށް އެއްވެސް ހުކުމެއް ކޮށްފައެއް. މިއީ ބޮޑު ފޭރުމެއް. ބެލޭނެ ދުވަހެއް އަދި އަންނާނެ އިންޝާﷲ.
އަބްދުﷲ
11 March 2019
ރައީސް ޔާމީނުގެ 5 އަހަރު އެމްބީސީ އަދި ޕީއެސްއެމް އިން ކޮށްފައިވާ ހުރިހާ ކަމެއް ބަލަން ޖެހޭނެ. އަހަރެން މިތާ އުޅޭތާ 15 އަހަރުވެއްޖެ. އެމްބީސީ އިން ޝަފީޤާއި މަނިކު ހިންގާފައިވާ ޖަރީމާތައް މިހާރު ބަލާ ނިމުނީތޯ. ހަމައެކަނި ޕީއެސްއެމް ގެ 3 އަހަރުގެ މައްސަލަތައް ބެލުން އިންސާފު ވެރިއެއް ނޫން. ހަމަ އެގޮތަށް ފެނަކައިގަ ނިމާލާއި ޝަރީފް ހިންގާފައިވާ ޖަރިމާތައް ކޮބާ. ހަވަޔަށް އެރީތަ. ކޮރަޕްޝަން ހިންގި މީހުން އަދިވެސް ތިބީ މިތާ އެތެރޭގައި.
އަހުސަން އަލީ
11 March 2019
ވަރަށް ރަނގަޅުވާހަކައެއް. އެމްބީސީގެ ކޮރަޕްޝަންތައް ވަރަށްތަފުސީލުކޮށް އިނގޭނެ މީހަކު ތިތާ މިހާރުވެސް އެބަހުރި. ޑިރެކްޓަރ ޕްރޮޖެކްޓްސް އަށް ވަރަށް ރަނގަޅަށް އިނގޭނެ. ކޮފީތަކުގައި އަހަރެމެންނަށް ކިޔާދިން ވާހަކަތައް އޭނާ މިހާރުވެސް ކިޔާދޭނެ ކަމަށް ޔަޤީން ކުރަން. އަދި މިހާރު ހުރީ ޢަލީ ޚާލިދުގެ ވަރަށް އަރިސް ބޭކަލަކަށް ވެފަ. އޭސީސީ އިން މީނާއާއި ސުވާލުކުރައްވާ އެމްބީސީ މައްސަލަތަކާއި ބެހޭގޮތުން.