ލޯކަލް މާރުކޭޓުން ބަޔަކު ވިޔަފާރިކުރަނީ: ބަންދު ދުވަސްތަކުގައި މިތަން އޮންނަނީ ތޮއްޖެހިފައި -- ފޮޓޯ: ނިޝާން އަލީ/މިހާރު
12 މާޗް 2019 - 10:01
24 comments
ގިނަ ހިދުމަތްތަކެއް ހިމެނޭ ގޮތަށް މާލޭގައި އެންމެ ޒަމާނީ ފެންވަރުގެ ހަތަރު ބުރީގެ އިމާރާތެއް އަޅަން ނިންމާފައިވާ ކަމަށް މާލޭ ސިޓީ ކައުންސިލުން ބުނެފި އެވެ.
މާލޭގެ ރަށްވެހިންނާ ބައްދަލުކުރުމަށް ސިޓީ ކައުންސިލުން ރޭ ބޭއްވި ބައްދަލުވުމެއްގައި ވާހަކަ ދައްކަވަމުން މާލޭގެ މޭޔަރު ޝިފާ މުހައްމަދު ވިދާޅުވީ މާލޭގައި މިހާރު ހުރީ އާބާދީއާ ނުބައްދަލު، އެންމެ 42،000 މީހުންނަށް ހިދުމަތް ދެވޭނެވަރުގެ މާރުކޭޓެއް ކަމަށެވެ. އެހެންވެ، ފަސޭހަކަމާ އެކު، ވީހާ ވެސް ގިނަ ބަޔަކަށް ހިދުމަތް ފޯރުކޮށްދިނުމަށް މިހާރު ހުރި މާރުކޭޓުގެ ބަދަލުގައި ހަތަރު ބުރީގެ ތަނެއް އިމާރާތްކުރަން ނިންމާފައިވާ ކަމަށް ވިދާޅުވި އެވެ.
އާ މާރުކޭޓު ހެދުމަށް ހަމަޖައްސާފައިވަނީ މިހާރު ދަތުރުވެރިންގެ މާރުކޭޓު ހުރިތަނުގަ އެވެ. ޝިފާ ވިދާޅުވި ގޮތުގައި އާ މާރުކޭޓު އިމާރާތް ކުރާނީ ލިފްޓު ފަދަ އެންމެ ޒަމާނީ ވަސީލަތްތައް ހިމަނައިގެންނެވެ.
"މިހާރު ހުރިތަން ކުޑަވުމުގެ ސަބަބުން އެންމެ އެކަށީގެންވާ ގޮތަށް ހިދުމަތެއް ނުދެވޭ. އަޅުގަނޑުމެން އާ މާރުކޭޓު އަޅާނީ އެކަން ހައްލު ކުރުމަށް. އެ މާރުކޭޓު އެޅުމަށް އަޅުގަނޑުމެން މިހާރު ވާނީ ކަމާބެހޭ ފަރާތްތަކާ ވެސް ބައްދަލުކޮށްފައި،" އޭނާ ވިދާޅުވި އެވެ.
އާ މާރުކޭޓު އަޅަން ފަށާނެ ތާރީހެއް ސިޓީ ކައުންސިލަކުން ނުބުނެ އެވެ.
މާލޭގައި މިހާރު ހުންނަ މާރުކޭޓު، ޖާގައިގެ ދަތިކަމުގެ ސަބަބުން ހަފުތާ ބަންދުގައި އޮންނަނީ ފިތި ބާރުވެފަ އެވެ. އަދި ރޯދަ މަހު ވެސް އެތަން އޮންނަނީ ތޮއްޖެހިފަ އެވެ.
ރޭގެ ބައްދަލުވުމުގައި ވާހަކަ ދައްކަވަމުން ޝިފާ ވިދާޅުވީ ވިލިމާލޭގައި ވެސް ބޮޑު މާރުކޭޓެއް އަޅަން ނިންމާފައިވާ ކަމަށާއި އެތަނުގައި މަސް މާރުކޭޓަކާއި މަސް ޕްލާންޓެއް ވެސް ގާއިމު ކުރާނެ ކަމަށެވެ.
މާލޭގެ އިތުރުން ވިލިމާލެ އާއި ހުޅުމާލޭގެ ރައްޔިތުން ވެސް ބައިވެރިވި އެ ބައްދަލުވުމުގައި ވާހަކަ ދައްކަވަމުން އޭނާ ވަނީ އެޗްޑީސީން މިހާރު ހުޅުމާލޭގައި ދެމުން އަންނަ ބައެއް ހިދުމަތްތައް ސިޓީ ކައުންސިލްގެ ދަށަށް ބަދަލު ކުރުމަށް ނިންމާފައިވާކަން އިއުލާން ކުރައްވައިފަ އެވެ.
ޝިފާ ވިދާޅުވީ ހުޅުމާލޭގައި ސިޓީ ކައުންސިލްގެ އޮފީހެއް ގާއިމުކޮށް، އެ އަވަށުގެ މުނިސިޕަލް ބައެއް ހިދުމަތްތައް އެ އޮފީހުގެ ބެލުމުގެ ދަށުން ކުރިއަށް ގެންދާނެ ކަމަށެވެ. އެގޮތުން ހުޅުމާލޭގެ ދަތުރުފަތުރުގެ ނިޒާމު ވެސް ކުރިއަށް ގެންދާނީ ސިޓީ ކައުންސިލްގެ ބެލުމުގެ ދަށުން ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
12 March 2019
ސަތަރިންވެސް މާރުކޭޓެއް ނޭޅުނުބައެއް. މިހާރު އެބުނަނީ ޖަޕާނު ފެންވަރުގެ މާރުކޭޓެއްގެ ވާހަކަ. ތިހުރިހާ ވާހަކަެއް ނުދައްކާ މާރުކޭޓުގެ ގޮޅިތައް ނެގީމަ ވީނު. އެވިއްޔާ ނުވެގެން ތިއުޅޭ ކަމަކީ!
ގޫބައްޑާ
12 March 2019
10 ބުރިޔަށް ނަގާފަ ގުރައުންޑް ފްލޯރ މަސްމާރުކޭޓު ހަދާފަ، 1 ވަނަ 2 ވަނަ ފްލޯރ ޕާކިން އަށް ހަދާފަ 3،4 އަދި 5 ލޯކަލް މާރކެޓް ހެދުމަށްފަހު، 6 އިން 10 އަށް އޮފީސް ކެންޓީން އަށް ކުއްޔަށް ދޫކުރުމުން ތަން ބަލަހައްޓާ މެއިންޓެނަންސް ޚަރަދު ގައިމު ލިބޭނެ.
ގައުމީ ލޯބީގާ
12 March 2019
އިންތިހާބަށް ތަ މާރުކޭޓު އަޅަނީ އިންތިހާބުގެ ފަހުން ތިކިޔާ މާރުކޭޓުގެ ހަބަރެއްވާނެބާ .ހާދަކަމެކޭ ތިކޮއްދެނީ .ދެލޯމަރައިގެން ތިބެ އެހެންމީހުނާ ވޯޓު ކަރުދާހުގަ ފާހަގަ ޖަހަން ދޭވަރު ނުކުރާތި .އަމިއްލައަށް ވޯޓު ލީ ކަމަކަށް ނުވާނެދޯ އޭރަކުން .ގަލި ހެއްދިއަސް ބޮޑުވަރު .
އަހްމަދު
12 March 2019
މީ މައުމޫނު ސަރުކާރުގައި ޑިޒައިންކޮށް އަޅަންނިންމާފައިވާތަނެއް. މިކަމަށްޓަކައި ފަޅުން ބައެއްހިއްކާގެން ވަގުތީ މާރުކޭޓެއްހެދި. އަދި މާލޭ ދެކުނުފަރާތުގައިވެސް މާރުކޭޓެއްހެދި. އެތަންތަނަށް މީހުންބަދަލުކުރަން އުޅެ ނުވެގެން ހުއްޓާލީ.
އަހައްމާބެ
12 March 2019
ބަނދަރުމަތީ ލޯކަލްމާރުކޭޓް 2ބުރިއަށްވުރެ އުސްނުކުރުން. މަރުކޭޓް ވަށައިގެން ބޮޑަތި ގަހާއި ރުއް އިނަދާފައި ހުސްޖާގަ ބޭއްވުން. ޢަތޮޅުފިހާރަތައްހުރި ސަރަހައްދުވެސް މާރުކޭޓްގެ ގޮތުގައި ހަމަޖެއްސުން. މަސްމާރުކޭޓާއި ތާޒާ ކަނޑާފަހުންނަ ފިނިކުރިމަސް ލިބޭނެގޮތް ހެދުން. ފާހާނާ ހިދުމަތާއި. އޮޑީގައި ނިދުމުގެ ބަދަލުގައި އަގުހެޔޮކޮށް އެދު ލިބޭނެގޮތް ހުރުން. ގެސްޓުންނަށް އިންފޮމޭޝަން ލޮބީ އަކާއި ފާހާނާ ހުރުން. އުފައްދާ ތަކެތި ވިއްކޭނެ ސްޓޯލްތައް ހުރުން
ޙަބީބު
12 March 2019
ރައްޔިތުންގެ ޓެކްސްފެލާފަ ތީދޯ ކުރަންވީ ކަމަކީ ހދ އަތޮޅުގަ ކުނިނައްތާލާނެ ހަރުދަނާ ނިޒާމެއް ގާއިމުކޮއް މަދިރިޔައް މަހަކުއެއްފަހަރު ފޮގްކުރެވޭނެ ވަސީލަތާ މާހައުލެއް ގާއިމުކޮއްބަލަ އަބަދު މާލޭ ފުޅުގަ ކޮންސަކަރާތެއް
ލިފްޓު؟؟؟؟
12 March 2019
ހެޔޮނުވާނެ! އާދޭސްކޮއްފަ ބުނަން. ތިޔަތަން ހެދިޔަސް ހަމަ ތިބެލާފަ ސިޓީކައުންސެލް ގެ ހިޔާލައް ނަހަދާތި! ތިތާ ނެތް ތިކަމުގެ ފަންނީބައެޢް! އަރބަން ޑިޒައިން ފަރމެއް ލައްވާ ޑިޒައިންކުރުވާ! އަސްލު ބައިނަލްއަޤުވާމީ. 4 ބުރީގެ ލިފުޓު؟
ށިންފނފ
12 March 2019
ބުނަންތަ ރަގަޅު ވާހަކައެއް. މިކަހަލަ ކަންތަ ޖަޕާންތަންތާ ކުރާ އިރު އެމީހުން އެކަމަ އެތައް އަހަރެއް ނަގާ ތައްޔާރުވާން. ލިފްޓް އޭސީ މައިންޓޭނަންސް ސާފުކުރުން އުފެދޭނެ ކުނި. ކެޕިޓަލް އިންވެސްޓް މަންޓް އަބުރާ ހޯދުން. މިހުރިހާ ކަމަކަ ބަލައިފާ ކިހާވަރެއް ގޮޅިއަކުން ނަގާފަ ފޫބެއްދޭނީ. ގޮޅިތަކުގެ މީހުންނަ ހޭލުންތެރިކުރުން. ފޮނިއަގަ ނުތަޅާ އާޓިފިސަލް ބީޗް ރީތިފެން ލިބޭ ގޮއި ހަދާދީބަލަ.
ސޮޓޭ
12 March 2019
މާލެއާއި އެކަށީގެންވާ ވަރަށްވުރެ ބޮޑު އާބާދީއަކަށް އަމާޒުކޮށް ކަނަކަން ކުރުމަކީ ރަނގަޅު ކަމެއްނޫނެވެ. 42 ހާސް އާބާދީވެސް މާލޭގެ ސައިޒަށް ބަލާއިރު މާބޮޑެވެ. ހައްލަކީ ތޮއްޖެހުން ކުޑަރެވޭނެ ގޮތަކަށް ގައުމީ ޕުލޭން އެކުލަވާލާ ކުރިޔަށް ގެންދިއުމެވެ. ލޯކަލްމާރުކޭޓަކީ ޝޮޕިންސެންޓަރު ހެން ބުރިބުރިޔަށް ހުންނަ ތަންތަނެއް ނޫނެވެ. އެއީ ދަނޑުވެރިންނަށް ބޮޑުއަގުގައި ކުއްޔަށްދޭން ހަދާ ކުލީގެ ވިޔަފާރި ކުރަން ހުންނަ ތަނަކަށް ހެދުމަކީވެސް ރަނގަޅު ކަމަކަމެއްނޫނެވެ.
އިބުރާ
12 March 2019
މާރުކޭޓްތަށް އެއް ފުރާޅެއްގެ ދަށަށް ގެނައުމަކީ އެންމެ ރަގަޅު ގޮތް ކަމުގައި ދެކެން. އެގޮތުން މިހާރު ވަޅޯމަސް މާރުކޭޓް ހުރި ބިމުގައި ބޮޑު އިމާރާތެއްކުރަންވީ 1-އެއިމާރާތުގެ ތިރީބައިގައި ރޯމަސް މާރުކޭޓް ގާއިމު ކުރުން؛ އޭގެ ސަބަބުން މަގު ހުރަސްކޮށް މަސް އުފުލުމުގެ މައްސަލަ ހައްލުވުމާއި ސާފުތާހިރު ކަމުގެ މައްސަލައަށް ހައްލެއް ލިބިގެންދާނެ. ތިރި މަސް ވިއްކުމާ އައިސް ވިއްކުމާ ޕާކިންގ ސްޕޭސް 2-މަތީގައި ލިފްޓް ހަރުކޮށް ދެންހުރި މާރުކޭޓްތައް ގާއިމުކުރުން