އައިޖީއެމްއެޗުގެ ސިއްހީ ޚިދުމަތްތައް ހެލްތު މިނިސްޓަރު އަމީން ބައްލަވާލައްވަނީ: އަތޮޅު ހޮސްޕިޓަލްތަކާއި ސިއްހީ މަރުކަޒުތަކުގައި ޕްރައިވެޓް ރޫމްތައް ހަދަން ހެލްތު މިނިސްޓްރީން ވަނީ ނިންމާފައި.
12 މާޗް 2019 - 20:30
15 comments
އަތޮޅު ހޮސްޕިޓަލްތަކާއި ސިއްހީ މަރުކަޒުތަކުގައި ޕްރައިވެޓް ރޫމްތައް ހަދަން ނިންމައި، ބައެއް ރަށްރަށުގައި އެ މަސައްކަތްކޮށްދޭނެ ބަޔަކު ހޯދަން ހެލްތު މިނިސްޓްރީން މިއަދު އިއުލާނުކޮށްފި އެވެ.
އެ މިނިސްޓްރީން ބުނީ އަލަށް އިމާރާތްކުރާ ހޮސްޕިޓަލްތަކާއި އިތުރަށް ތަރައްގީކުރާ ހެލްތު ސެންޓަރުތަކުގައި އެތަންތަނާ އެކަށީގެންވާ ވަރަކަށް ޕްރައިވެޓް ރޫމް އަޅަން ނިންމާފައިވާ ކަމަށެވެ. އެގޮތުން ނ. ވެލިދޫ، ޅ. ހިންނަވަރު، ދ. ކުޑަހުވަދޫ، ނ. މަނަދޫ އަދި ބ. އޭދަފުށީގައި ޕްރައިވެޓް ރޫމް ހަދާނެ ކަމަށް ހެލްތު މިނިސްޓްރީން ބުންޏެވެ.
ޕްރައިވެޓް ހަދާ އަޅާ ރަށްތަކުގެ ތެރެއިން ހިންނަވާރާއި ވެލިދު އަކީ އަލަށް ހޮސްޕިޓަލް އިމާރާތްކުރާ ދެ ރަށެވެ.
އެ ދެ ރަށުގެ ސިއްހީ މަރުކަޒު، ހޮސްޕިޓަލަކަށް ބަދަލުކުރަން އަޅަންޖެހޭ އިމާރާތްތައް ޑިޒައިންކޮށް، ކުރަހައި، ބިލް އޮފް ކުއަންޓީޓީ އާއި ޓެންޑަ ޑޮކިޔުމެންޓް ހަދާނެ ފަރާތްތައް ހޯދަން މި މަހުގެ ފަސް ވަނަ ދުވަހު ވަނީ އިއުލާނުކޮށްފަ އެވެ. މި ކަމަށް އެދި ހުށަހެޅުމުގެ މުއްދަތު ހަމަވާނީ މި މަހުގެ 28 ގަ އެވެ.
އަތޮޅުތަކުގައި ދޭ ސިއްހީ ހިދުމަތުގެ ފެންވަރު ރަނގަޅު ކުރުމަށް ބައެއް އަތޮޅު ހޮސްޕިޓަލްތަކަށް އިމާރާތްތައް އިތުރުކުރަން ވެސް މި ސަރުކާރުން ކަނޑައަޅައި، ބައެއް މަސައްކަތްތައް ކުރާނެ ބަޔަކު ހޯދަން ވަނީ ނިންމައިފަ އެވެ. އެގޮތުން މަނަދޫ އަތޮޅު ހޮސްޕިޓަލް، އޭދަފުށީ އަތޮޅު ހޮސްޕިޓަލް އަދި ކުޑަހުވަދޫ އަތޮޅު ހޮސްޕިޓަލުގައި އަޅާ އާ އިމާރާތް ޑިޒައިންކޮށް ކުރެހުން، ބިލް އޮފް ކުއަންޓީޓީ އަދި ޓެންޑަ ޑޮކިޔުމެންޓް ހަދާނެ ބަޔަކު ހޯދަން ވެސް ވަނީ އިއުލާނުކޮށްފަ އެވެ.
އަތޮޅުތަކުގައި ސިއްހީ ހިދުމަތްތައް ރަނގަޅުކޮށް، މާލެ އަށް ހިޖުރަކުރާ މީހުންގެ އަދަދު މަދު ކުރުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރ
13 March 2019
ހަމައެކަނި އިމާރާތްތަށް އެޅުމަކުން ނިމުނީއެއްނޫން. ޅަދަރިމައިން ނަށް އެއްވެސް ރަށެއްގަ ނުހުރޭ ތަނެއް. އަންހެނުންނަށް ނުހުރޭ ވަކިން ފާޙާނާ އެއް. ލެބޯޓްރީ ކައިރީގަ ނުހުރޭ ފާޙާނާއެއް. ގިފްޓް ޝޮޕެއް ނުހުރޭ. ޕެޑުގަނޑެއްވެސް ފަސޭހައިންނުލިބޭ. މޮޅެތި ފޯންގެންގުޅުނަސް ފިނިކޮޓަރީގަ ތިއްބަކަސް މިކުރަހާ މީހުންނަށް މިކަންކަން ވިސްނޭނީ ކޮންދުވަހަކުން ބާއޭ މަހިތަށް އަރާ
ޢަހްމަދު ފަަޔާޟް
13 March 2019
އަދިވެސް ރޫމް އެޅޭތޯ ބަލާ! އިމާރާތް ކުރިޔަސް ހިދުމަތް ނުލިބެންޔާ ކިއްކުރަން އަޅާ އިމާތެއް! ތިލާރިގަނޑުން ރަގަޅު ފެންވަރު ހިދުމަތެއް ރައްޔިތުންނަށް ދިނިއްޔާ މާރަގަޅު!
ބޯހަލާކުހަމަ
13 March 2019
ހިދުމަތެއް ނޫންތަ ޕްރައިވެޓް ރޫމަކީ؟ ސާބަސް ބުނަން ދަރިޔާ، ކޮން ފޮތަކުން ކިޔަވައިގެން ތި އުޅެނީ؟
ކަންއޮތްގޮތް
13 March 2019
ޞިއްހީ މަރކަޒު ތަކުގައި ޕްރައިވެޓް ރޫމް ހަދާއިރު ހޮސްޕިޓލަތަކުގަ އެކަމަށް ޕްލޭނެއް ނެތިފަ؟؟؟؟؟
ކަރާ
13 March 2019
މާކުރިންވެސް ތިރަށްރަށުގައި ތިކަންކަން ކުރަން ރާވާފައިވަނީ. އެތަންތަން ހިންގަންތިބިމީހުންގެ ނުކުޅެދުންތެރިކަމުން ނުވެހުރީ. ބަޖެޓުވެސް ލިބޭ. އިދިކޮޅު ފިކުރާހެދި ރައްޔިތުން ހާލުގަ ޖެއްސީ އެމީހުން. ކަންކަން ކުރަން އުޅެންވެސް ޖެހޭނެ. މުސާރަނަގައިގެން ތިއްބަކަސް ކަމަކުނުދާނެ
ކަންނުވެނަން
13 March 2019
ކިތަންމެ މޮޅު ކަމެއް ކުރިއަސް ބުނޭ ދެން މާކުރިން ރާވާފައޭ އޮތީ. ތި ދެން ވަރަށް މޮޅު ގޮތެއް މީހަކު މޮޅު ކަމެއް ކުރީމަ އެކަމާ ހަވާލުވާން. ކަންނުވެ ނަންވުން. ސާބަސް ހަމަ!
ދުރުމި
13 March 2019
މިއީ އަޅުގަނޑުމެން އެދޭ ހެޔޮ ބަދަލަކީ. މިނިސްޓަރު އަމީންގެ ވިޝަން ފުރިހަމަ.
ރަހީމް
12 March 2019
އެތައް ދުވަހެއްވީ އުއްމީދު ހަގީގަތަކަށް. ވިހައިގެންވެސް އަހަރެމެން ރަށުގައި އޮންނަންޖެހުނީ އެއޮތް ހޫނު ވާޑްގައި.ޕްރައިވެޓް ކޮޓަރިހަދާވިސްނުން ކުރިއަށް ނެރުމަކީ ވަރަށް ހެޔޮބަދަލެއް. ޝުކުރިއްޔަ މިނިސްޓަރ އަމީން.
ހާފިޒު
12 March 2019
މިނިސްޓަރު އަމީންގެ ޒައާމަތުގައި ސިއްހީ ދާއިރާއަށް އެދެވޭ ބަދަލު އަންނާނެކަމީ އެއްވެސް ޝައްކެތް އޮތް ކަމަކަށް އަޅުގަނޑުމެން ނުދެކެން. މިއީ ހަމަ ރަނގަޅު ކަންތައްތަކުގެ ފެށުން އިރާދަކުރެއްވިއްޔާ
ސާމިޔާ، ވެލިދޫ
12 March 2019
އަޅުގަނޑުގެ ދައްތަ ވިހައިގެން ނ.ވެލިދޫ ސިއްހީ މަރކަޒުގައި ހޭދަކުރި ވަގުތު އިހުސާސްވީ ހޫނު ޖަނަރޭޓަރެއްގެ ތެރޭގައި އަވީލާފައި އޮންނައިރު މީހަކަށް ކުރެވޭނެ އިހުސާސް. މިގޮތަށް ރަށްރަށުގެ ސިއްހީ މަރުކަޒުތަކުގައި ޕްރައިވެޓް ކޮޓަރި ހެދުމުން މިކަމަށް ހާދަ ބޮޑު ފަސޭހައެއް ލިބިގެންދާނެއޭ. މިފަހަރު އަޅުގަނޑުމެންނަށް ލިބިފައި މިހިރަ ސިއްހަތު ވަޒީރަކީ ހަގީގަތުގައިވެސް ރާއްޖެތެރެއަށް ތަރައްގީ ގެނައުނަށް ހިފާފައި ހުރި ވަޒީރެއް. ވަރަށް ކަމުދޭ.
ކަލެފާނު
12 March 2019
މިނިސްޓަރ އަމީން ވައުދުވެވަޑައިގެންނެވި ބަދަލަށްނމަތުހަބާ. އަތޮޅުތެރެ ބާކިވިދުވަސް ނިމުމަކަށް. ޝުިުރިއްޔާ ރައީސް އިބޫ
ނަސީމް އަންކަލް
12 March 2019
އިބޫގެ އަތޮޅުތރެއަށް އިސްކަން ދިނުމުގެ ސިޔާސަތުގައި ހަގީގީ ކުލަޖެހެން ފަށައިފި. ޝުކުރިއްޔާ މިނިސްޓަރ އަމީން