އަރަބިއްޔާ ސްކޫލުގެ ދަރިވަރުންތަކެއް: އެ ސްކޫލަށް ޓީޗަރުންގެ ދަތިކަން ވަނީ ދިމާވެފައި. --ފޮޓޯ: ހުސެއިން ވަހީދު/ މިހާރު
13 މާޗް 2019 - 11:21
19 comments
އަރަބިއްޔާ ސްކޫލަށް އަދިވެސް މިސްރުގެ އަޒްހަރު ޔުނިވާސިޓީގެ ޓީޗަރުން ނުލިބޭ ކަމަށް ޓީޗަރުންގެ ކަންކަން ހަމަޖައްސަން މިސްރަށް ދިޔަ ވަފުދުން މިއަދު ބުނެފި އެވެ.
އެ ސްކޫލަށް ޓީޗަރުން ނުލިބުމުގެ މައްސަލަ ހައްލުކުރަން މިިދިޔަ މަހު މިސްރަށް ދިޔަ ވަފުދުގައި ހިމެނިވަޑައިގެންނެވި ރައީސް އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވީ ރާއްޖެ އަންނަން ހަމަޖައްސާފައިވާ މިސްރުގެ 18 ޓީޗަރުންގެ އިދާރީ ކަންތައްތައް ހަމަޖައްސަމުން އަންނަ ކަމަށް އެ ޔުނިވާސިޓީން އަންގާފައިވާ ކަމަށެވެ.
"ޓީޗަރުން ވަޑައިގަންނަވާނެ ސީދާ ތާރީހެއް ވިދާޅެއް ނުވޭ. އެކަމަކު ޓީޗަރުން ލިބޭނެކަމުގެ ޔަގީންކަން އެބަ އޮތް،" އަލީ ޒާހިރު ވިދާޅުވި އެވެ.
އަޒްހަރުން މި އަހަރު 22 ޓީޗަރުން ފޮނުވަން ހަމަޖައްސާފައި ވިޔަސް މިހާތަނަށް ރާއްޖެ އައީ ހަތަރު ޓީޗަރެކެވެ. އެހެންވެ އެ ޓީޗަރުން ލިބެންދެން ސްކޫލުގައި މި ވަގުތު ކިޔަވައިދެނީ ކޮންޓްރެކްޓް ޓީޗަރުންނެވެ.
ރާއްޖޭގައި އަރަބި ތައުލީމު އުނގަންނައިދިނުމަށް މީގެ 32 އަހަރު ކުރިން އަރަބިއްޔާ ސްކޫލު އުފެއްދި ފަހުން، ކޮންމެ އަހަރަކު ވެސް އަޒްހަރުން ޓީޗަރުން ފޮނުވަ އެވެ. އެކަމަކު މިފަހަރު މައްސަލަ ޖެހުނީ، 2017 ވަނަ އަހަރު މިސްރުން ރާއްޖެ ފޮނުވި ހަތް ޓީޗަރަކު އެއާޕޯޓުގައި 12 ގަޑިއިރު ބޭތިއްބުމަށް ފަހު ޑީޕޯޓުކޮށްލުމުންނެވެ. އެކަމާ ގުޅިގެން ރާއްޖެ އަށް އަލުން ޓީޗަރުން ނުފޮނުވަން ވެސް އަޒްހަރު ޔުނިވާސިޓީން ނިންމި އެވެ. ނަމަވެސް ފަހުން ވަނީ އެކަން ބަދަލުކޮށްފަ އެވެ.
މިސްރުން ވަޑައިގެން ބޭއްވި ނޫސްކޮންފަރެންސެއްގައި އަލީ ޒާހިރު ކުރިން ވިދާޅުވީ އަޒްހަރު ޓީޗަރުންނާ މެދު ކަންތައް ކުރިގޮތުން ޝެއިޚުލް އަޒްހަރު ހުންނެވީ ކޯފާވެވަޑައިގެންފައި ކަމަށެވެ. އަދި އެގޮތަށް ކަންތައް ކުރުމުން ރައީސް އިބްރާހިމް މުހައްމަދު ސޯލިހުގެ ފަރާތްޕުޅުން އެކަމަށް މައާފަށް އެދިވަޑައިގެން ސިޓީފުޅެއް ފޮނުއްވާފައިވާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަފާރީ
14 March 2019
މާލެ ވަށައިގެން ބްރިޖް އަޅާފަ އޭގެމަތީގަ ދެއިރު ދެދަޅަޔަށް ބުރުޖަޙާލެވެންޏާ އޯކޭވާނެ އަރަބިއްޔާ ސްކޫލްގައިތިބެނީ ދީނީގޮތުން ކިރިޔާވެސް ތަނެއްދޮރެއް އެނގޭމީހުންގެ ދަރިން ދީން ބޭނުންވާނީ ވެރިކަން ބަދަލުކުރަން ބޭނުންވީމާ. ޢެހެންނޫނީ ދީނެއް ބޭނުމެއް ނުވާނެ. މިގައުމުގަ ވެރިކަން ކުރި މީހުންގެ ނުބައި ނުލަފާކަމުން އަރަބިއްޔާ ސަކޫލަށް އެހާލު ޖެހިފަވަނީ. ދެލަވައެއް ކިޔަސްވެސް ހުރިހާވެރިންވެސް އަމަލު ހަމަތަފާތެއްވެސްނެތް،
ނުރަބޯ
13 March 2019
ދެން އިންޑިއާއިން ގެންނަންވީނު؟
ihaaru.
13 March 2019
އަޒުހަރުގެ ކޮންޓީޖެންޓުންނާ ދޭތެރޭގަ އަމަލްކުރީ ވަރަށް އަގުދަށް ގޮތަކަށް، ނަތީޖާހިތިވާނެ!
ބޯނީ
13 March 2019
ގައިމު ރޔ އެވެރިންނަށް ވިސާނުދިނިއްޔޯ ... ވެރިކަމަށް 100 ދުވަސްވީ ވިސާޔަކާ ވިސާއެއް
ހަސީނު
13 March 2019
އަޒުހަރުންވެސް މިހާރު ވެގެން އުޅޭ އެއްޗެއް ސާފުކޮށްދޭން ވެއްޖެ ދޯ. ދެން ތިކަން ހަމަޖެހޭނީ މައުމޫން ފޮނުވައިގެން ކަން ނޭގެ
ާއެމީހާ
13 March 2019
ހިތާމަ ހުރިކަމެއް
ޝޮކްތެރަޕީ
13 March 2019
މިސަރުކާރަކީ ފޮނިކަޑާ ސަރުކާރެށް. މީހުން ހެެއްދުން ކަމަކީ.
ނާއްޕެ ( އަސްލުނަމެއްނޫން)
13 March 2019
އެތަނަށް ވަޒީފާއަށް ލުމުން ބުނީ މިހާރު މުދައްރިސުން ހަމަ ވެއްޖެކަމަށް. މަވެސް އަޒުހަރުން ގާނޫނީ ދާއިރާއިން ޑިގްރީއެއް ހަދާފައި ހުރި މީހެއް މިއީ.
ގެޕް
13 March 2019
2017 ގަ އެކަންތައްވީމަ، 2018 ގަ ޓީޗަރުން ނުލިބިތަ ކިޔެވީ؟
މަރޭމިތުރު
13 March 2019
އަސްލު ކޮންމެ ކޮންމެ ތަނަކުން ގެންނާކަށްވެސް ނުވާނެ ޓީޗަރުންނެއް. ޕާކިސްތާނު މިސާލަކަށް ބަލަމާ! އެތާގައި ބައެއްސުކޫލުތައް ބަންދުކުރިގޮތް! ރަނގަޅުތަނަކުން ނޫނިއަޔާ ނުގެންނާށޭބުނާނީ ލަސްވިޔަސް. މިތާގައި ދީނީ ހަރުކަށިފިކުރުގެ ބަޔަކު ނުގެންއުމަށް އަޅުގަނޑުގޮވާލަން.
ޖަރޭ
13 March 2019
ދީނީ ހަރުކަށީ ފިކުރުގެ އެންމެންވެސް ތިބެނީ މޫނު ބުރުގާ އަޅައިގެން. މި ގައުމުގައި މޫނު ބުރުގާ އަޅައިގެން ތިބި މީހުންނަށްވެސް ސަރުކާރުން ވަޒީފާދެމުން އެދަނީ.
މޯދީ އިޒް ނޮޓް އީވަން ވާތު
13 March 2019
ދެން އިންޑިއާއިން މޯދީ ފޮނުވާ މީހަކު ގެންނަންވީނު