މާލޭ ގެއަކުން ފުލުހުން އަތުލައިގެން ބަނގުރާތައް: މިއީ މާލޭން މިހާ ގިނަ ބަނގުރާ އަތުލައިގެން ފުރަތަމަ ފަހަރު-- ފޮޓޯ: ފުލުހުން
18 މާޗް 2019 - 13:12
57 comments
މާލޭ ގެއެއްގައި ފުޅާ ދާއިރާއެއްގައި ބަނގުރާ ކައްކައި އޭގެ ވިޔަފާރި ކުރަމުން ދިޔަ ބަންގްލަދޭޝްގެ އަށް މީހަކު ފުލުހުން ރޭ ހައްޔަރުކޮށްފި އެވެ.
މިއީ މިހާ ގިނަ އަދަދެއްގެ ބަނގުރަލާ އެކު މާލޭން ބަޔަކު ހައްޔަރުކުރި ފުރަތަމަ ފަހަރެވެ.
ރާ ފެކްޓަރީއެއްގެ ގޮތުގައި އެތަން ސިފަކުރެވެނީ ބަނގުރާ އަޅާފައި ހުރި 800 އަށް ވުރެ ގިނަ ފުޅި ފެނުމުންނެވެ. ފެން ހުސްކޮށްފައި ހުރި 500 އެމްއެލްގެ 888 ފުޅީގައި ބަނގުރާ އަޅާފައި ހުރި ކަމަށް ފުލުހުން ތުހުމަތުކުރެ އެވެ.
އޭގެ އިތުރުން ބަނގުރާ އަޅާފައި ހުރި ފަސް ލީޓަރުގެ ހަ ޕްލާސްޓިކް ފުޅި އާއި 14 ޓައްޕު ވެސް ފުލުހުން ވަނީ ހޯދައިފަ އެވެ.
މާލޭ ގެއަކުން ފުލުހުން އަތުލައިގެން ބަނގުރާ: މިއީ މާލޭން މިހާ ގިނަ ބަނގުރާ އަތުލައިގެން ފުރަތަމަ ފަހަރު-- ފޮޓޯ: ފުލުހުން
ފުލުހުންގެ މީޑިއާ އޮފިޝަލަކު ވިދާޅުވީ ޑްރަގް އެންފޯސްމަންޓް ޑިޕާޓުމަންޓުން ރޭ ހިންގި އޮޕަރޭޝަނެއްގައި މައްޗަންގޯޅީގައި ހުރި އެ ގެއިން ހައްޔަރުކުރީ 21 އަހަރާއި 33 އަހަރުގެ ބަންގްލަދޭޝްގެ ފިރިހެނުން ކަމަށެވެ.
ފުލުހުންގެ މި އޮޕަރޭޝަން މިއައީ މަސްތުވާތަކެއްޗާ ދެކޮޅަށް ބޮޑެތި މަސައްކަތްތަކެއް ކުރަމުން އަންނަ ދަނޑިވަޅެއްގަ އެވެ. އެގޮތުން މި ފަހުން ވަނީ ތިން ގެއެއް ފާސްކޮށް މަސްތުވާތަކެއްޗާ އެކު 52 މީހުން ހައްޔަރުކޮށްފަ އެވެ. އެ ދެ ފަހަރު އެންމެ މީހަކު ނޫނީ ދިން ތިބީ މުޅިން ވެސް ދިވެހިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަތީފު
20 March 2019
ކަރަންކާ މަގުގައި ހުންނަ ބުރަކިގޭގައި ބަންގްލަދޭޝް މީހުން ޑެލިވަރީ ސަރވިސްއެއް ހިންގާ. ބަތް ޕާރުސަލުތައް ބައިސްކަލުގަ ޑެލިވާ ކުރަން ނިކުމޭ. އެޗްޕީއޭގެ ހުއްދައެއް ނެގިބާ؟ ވިޔަފާރިން ޓެކުހެއް ދައްކާބާ؟ އޮއިލް ޓްރެޕެއް ހުރޭބާ؟ ހުރިހާ ތެޔޮތަކާ އެއްޗެހިން ޖަންގުޝަނުތައް ބެދި މައްޗަށް އަރަންފެށީމަ އުނދަގޫ އަނެއްކާ އަހަރުންނަށް. މި ކުޑަކުޑަ މަގުގައި މިކަހަލަ 4 ވަރަކަށް ގެސްޓު ހައުސު އެބަހުރި. އަބަދުވެސް 30 މީހުން މަގަށް ނިކުމެ ތިބޭ ސިގިރޭޓު/ދަޅު ބޯން.
ބޮންޑު
20 March 2019
މާލޭގައި އެބަހުރި ގަވާއިދާ ޚިލާފަށް އިމާރާތް ކޮށް ކުއްޔަށް ދީފަ، އަދި ގޭގައި ފިހާރަ ހިންގާ ގޭގެ، އަދި ޖެހިގެން ހުރި ގޭގެ ތެރެއަށް ދޮރު ކަޑާލާފަ ވެސް އެބަ ހުރި ބައެއް ގޭގެއިން. މުޅި ހިސާބުގަޑަށް ބުޅާ ގުއިރޭވަރުން ކެއް ނުވާ ވަރު އެބަ ވޭ. މީ ހައްތާ ވެސް ދިވެހިން ކުރާ ކަންތައް. އަހަރުމެންގެ ގައުމުގެ މާހައުލު ރަގަޅު ކުރެވޭނީ އަހަރުމެންގެ އަޚްލާގު ރަގަޅު ކޮއްގެން. ބަންލަދޭޝް މީހެއް ދިވެއްސެއް އޮވޭތޯ މިކަމުގައި؟
އައްބަބެ
19 March 2019
ވީހާގިނައިން ބޭރުމީހުން ރާއްޖެ އެތެރެވާން ހުއްދަދިނީމަ ރަގަޅުވާނެ އެމީހުންގެމައުލޫމާތު ނުބެލެހެއްޓުނަސް ދިވެހިންބިހާލުގައުޅުނަސް
އައްޓަމަސް
19 March 2019
ފުލުހުނަގެ ގާބިލުކަން މީގެން ސާބިތުވަނީ
ކޮބާ..ކޮބާ
19 March 2019
މި ގައުމުން ބަންގާޅު މީހުން ފޮނުވާލުމުގެ ހިއްވަރު ހުރި ދަރިން ތަކެއް ތެދުވަން ޖެހިއްޖެ... ވިޔަފާރި ތަކައް އެމީހުން ވަދެ ނިމިއްޖެ.. ނުރައްކަލުގެ ކޮޅެއް ނެތް...
ހުސޭނީ
19 March 2019
މި އެއްޗެހި ބޮއެގެން މިކުދިންތައް ހަލާކުމިވަނީ... މިއެއްޗެހީގެ ކޮލިޓީ ކޮންޓްރޯލްކުރާނެ ބައެއް ނެތީތަ؟
ޝިރާޒް
19 March 2019
ކޮމެންޓު ކުރާ މީހުންނަށް އެނގޭ ގޭގެޔާ ގޯޅިތަކުގެ ނަންތަައް ، މާލެ ކަހަލަ ކުޑަރަށެއްގެ ޕޮލިހުންނަށް މި ތަންތަން އެނގޭނެ މިދިޔަ 3 ސަރުކާރުގައިވެސް ، މި ސަރުކާރުވެސް މި ހަމަ ވެރިކަމުގެ ކުރީކޮޅު ވީމަ ކުރާ ކަމެއް ދުވަސްކޮޅަކުން މިމީހުން ފެންނަކަމަކަށް ނުވާނެ ، ޑީލްހަދަންޖެހޭ މީހުންނާ ޑީލްހަދާފަ އޮނާނީ.
ޑޯން
19 March 2019
ބަނގުލަދޭޝްމީހުން މިގައުމު ހަލާކު ކޮށްފި. މިމީހުން ނުކުރާކަމެއް ނެތް.
ށާޖީ
19 March 2019
ގޭގެ ނަން ހާމަކޮއް މީހުންގެ ނަންވެސް ހާމަ ކުރަން ކެރިބަލަ. ތިކަން ކުރާ ގެތަކާ މީހުން އިނގެން ޖެހޭ
ބަނގޭ
19 March 2019
ރައީސް ނާސިރުގެ ވެރިކަމުގަ ހަށިވިއްކުމުގެ ވިޔަފާރި ކުރި ގެތައް ސަރުކާރަށް ނެގީ. މި ސަރުކާރުން އެކަހަލަ ފިޔަވަޅުތައް އަޅަންފަށަނިކޮށް ކުށް މަދުކުރެވިދާނެ.
ޑިމޮކްރަސީ
19 March 2019
މިއީ ސަރުކާރުގެ ބޮޑެތި އިހްމާލްތަކުގެ ތެރެއިން ހިގާކަމެއް/އެއީ މިޤަވްމުގެ ރައްޔިތުންނަށް ވުރެ މިޤަވްމުގަ އުޅޭ ބަންގާޅީންގިނަވެ އިޖްތިމާޢީ ބޮޑެތިމައްސަލަތައްގިނަވެ ބޮޑު ޢާންމު އުދަގުލަކަށްވަމުންދާ އިރުވެސް އެމީހުންގެ ތެރޭގައި 70000 ހަށްވުރެވެސް ގިނަބަޔަކު ޤަވާޢިދާއި ޚިލާފަށް އުޅެމުންދާ އިރު މިއިންއެއްވެސް ކަމެއްގެ ޙައްލެއް ދިވެހި ސަރުކާރަށް ހޯދާނުދެވުނު، މިމީހުން ދުވަހެއްދުވަހެއް ދަނީ އިތުރުވެ މިދަނީ ދިވެހި މުޖްތަމަޢް ހަލާކުވަމުންނެވެ.
ކުކުޅު
20 March 2019
"ބަންގާޅީން" ގިނަ ވެގެން މި އުޅެނީ ސަރުކާރާއި ހެދި ބާ؟ ނޫނީ ގިނަ ދިވެހިންގެ ކައަނެތް ކަމުން ބާ؟
ސިސްޓަމް
19 March 2019
ދެން ކޮންމެވެސް ހިޔުމެނިޓޭރިއެން އެން ސޯޝަލްމީޑިޔާގައި ކޮންމެވެސް ސްޓޭޓަސް ޖަހަލާނެ، ނިކަމެތި ބަނގުލަދޭޝްމީހުންގެ ހިމާޔަތުގައި . ހަޤީޤަތަކީ މިތަނުގައި މިހާރު މިމީހުން ނުކުރާކަމެއް ނެތް. ކުޑަކުދިންނަށް ޖިންސީގޯނާއިން ފެށިގެން މީހުންމެރުމުގައި މިމީހުން އުޅޭ.
ޙަސަން އަޙްމަދު
19 March 2019
ހިއުމެނިޓޭރިއަނުން މިހާރު އެންމެ އިސްކަމެއް ދޭންވީ ކަންކަމުގެ ފަރަގު ނުދަންނަ ކަލޭ ކަހަލަ ސިކުނޑީގެ ނުކުޅެދުންތެރިކަން ހުންނަ މީހުންނަށް