ހުޅުމާލޭގައި ހުންނަ އޮފީހެއްގެ ތިޖޫރި ވަގަށް ނެގުމަށް ފަހު، ހަލާކުކޮށްލަން މަސައްކަތްކޮށްފައި. އުނގޫފާރުން އިއްޔެ ގެއްލުނު މީހެއްގެ ތިޖޫރި ވަނީ ހޯދާފައި. --- ފޮޓޯ: ފުލުހުން
23 މާޗް 2019 - 10:55
21 comments
ރ. އުނގޫފާރުގައި 500،000ރ. އާ އެކު ވަގަށް ނެގި ތިޖޫރި އެ ރަށުގެ ފަޅު ގޯއްޗެއްގެ ތެރެއިން ފުލުހުން މިއަދު ހޯދައިފި އެވެ.
ފުލުހުން ބުނީ އެ ތިޖޫރި ހުޅުވަން މަސައްކަތްކޮށްފައި ހުއްޓަސް އެކަން ކާމިޔާބުނުވި ކަމަށެވެ. އެހެންކަމުން ތިޖޫރީގައި އެ ހުރިހާ ފައިސާއެއް ވެސް ހުރި ކަމަށް ފުލުހުން ބުންޏެވެ.
މި ވައްކަމާ ގުޅިގެން 27 އަހަރުގެ ފިރިހެނަކު ވަނީ ހައްޔަރުކޮށްފަ އެވެ. ތިޖޫރި އޮތް ތަން ފުލުހުންނަށް އެނގުނީ ތަހުގީގުގައި ލިބުނު މައުލޫމާތުގެ ސަބަބުން ކަމަށް ފުލުހުން ބުންޏެވެ.
އެއީ އުނގޫފާރު ވެސްޓް ބީޗް ރެސްޓޯރެންޓް ހިންގާ މީހާގެ ގޭގައި ހުރި ތިޖޫރިއެކެވެ.
އުނގޫފާރުގެ ކައުންސިލް މެމްބަރު ހުސެއިން އާސިފް "މިހާރު" އަށް ވިދާޅުވީ އެ ވައްކަން ކުރީ ރެސްޓޯރަންޓް ހިންގާ މީހާގެ އަންހެނުން ވިހައިގެން ހޮސްޕިޓަލްގައި ބާއްވާފައި އޮއްވައި ކަމަށެވެ. އަދި ވައްކަން ކުރި އިރު އެ ގޭގައި އެއްވެސް މީހަކު ނޫޅޭ ކަމަށް ވެސް އޭނާ ވިދާޅުވި އެވެ.
"އެގޭގައި ކެމެރާތައް ވެސް ހުންނާނެ. އެކަމަކު ކެމެރާ ހުރި ދިމާލަކުން ނޫން ވަނީ. އެ ގޭގެ ކޮޓަރިއެއްގެ ތެރޭގައި ހުރި އަލަމާރީގައި އެ ތިޖޫރި ހުއްޓައި ގެންދިޔައީ،" ހުސެއިން ވިދާޅުވި އެވެ.
"ރެސްޓޯރަންޓް ވެރިމީހާގެ އަންހެނުން ހޮސްޕިޓަލުން ދޫކޮށްލާތީ ގޭގެ އެންމެން ހޮސްޕިޓަލަށް ދިޔަ ވަގުތެއްގައި މިކަމެއް ހިނގީ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫސްކިޔާމީހާ
24 March 2019
ރ.އުނގޫފާރުގެ ވައްކަމުގެ ރަސްގެ ފާނު
ކޮސްޑް
24 March 2019
ސާބަސް! ކެމަރާ ހުރިތަނާ ގޮސް ނަގާނެތަނާ ރިސަރޗް ކޮށް ޕްލޭންކޮށްފަ އެހުޅުވަން ހަދާނެ ގޮތެއް ނުވިސްނާ! ސޯ ޑިސަޕޮއިންޓިންގ!!! ޕޮޓެންޝަލް އެބަހުރި. ނެކްސްޓް ޓއިމް ހޯމްވަރކް ހަދައިން ދާނީ *ފޭސް ޕާމް*
ތިމާވެށި
23 March 2019
ކުއްވެރީން ތަކެއް ދޫކޮށްލައިފިއެވެ. އިންތިހާބު ތަކާ ދިމާކޮށް ވާ ކަމެކެވެ.
މޮޑަފްް
23 March 2019
ވަގުކަލޭގެއޭ ބުނީމަ ވަކިޖިންސަކަށް ތިތުހުމަތުކުރެވެނީ. ވެދާނެއެއްނު ވަގުކަނބުލޭގެއަކަށްވެސް. ތިކަންކުރި މީހަކު އަދި ސާބިތުވީއެއްވެސް ނޫނެއްނު.
ދޮންތުއްތު
23 March 2019
ހައްހާ. ސާބިތެއް ނުވާނެ
ޙަސަން އަޙްމަދު
23 March 2019
ދެޖިންސު ތަފާތުކޮށް ނަން ކިޔާފަ ހުންނަ އެއްޗެހީގެ ޖިންސު ވަކި ނުވާ ތަންތާ ފިރިހެން ޖިންސަށް ނިސްބަތް ވާ ގޮތަށް އާންމު ކޮށް ބުނެ އުޅެނީ. އަދި ވަކި ޖިންސެއް ނުހުންނަ ބުއްދި ހުންނަ ފަރާތްތަކަށް ވެސް ފިރިހެން ޖިންސު ބޭނުން ކުރަނީ. މިސާލަކަށް މަލާއިކަތް ބޭކަލުން.
ބޮކި
23 March 2019
އާ އަބަދުވެސް ކުށެއް ކުށްފިޔާމުން ފިރިހެނުން ބޮލަށް ޖަހާނީ
ރާކަނި
23 March 2019
ވަގުކަލޭގެއަށް ހުންނާނީ ރާކަނިމަސް ކެވިފަނު. ލޮލް
ޗިކްސް
24 March 2019
ލޮލް. ވީ ޑޯންޓް ޑޫ ދަ ޑަރޓީ ވަރކް..ވީ އާދަ މާސްޓަރ މައިންޑްސް ބިހައިންޑް އިޓް!
ނަގިއްޔާ
23 March 2019
ވަގުކަލޭގެއަށް ހާދަ އިމޯޝަނަލް ރޯލާރކޮސްޓާ ރައިޑެކޭ! އޭތި ނަގައިގެންދާއިރު އޭނަ ހިތައްއަރާނީ އޯ އައި އޭމް ގެޓިން ރިޗް ބައި މިލިއަންސް ދޭން އޭތި ހުޅުވަން ތެޅިގަނެގެން ތަޅާ ތަޅާ ނުހުޅުވި ލަސްވާވަރަކަށް ހާސްވެ ދެލޯބޮޑުވެ މީހާ ފިނިވެ އަމިއްލަ މީހާ ނޭވާގެ އަޑުވެސް އެހެން އަޑެއްކަމަށް ޝައްކުކޮށް ދެކޮޅު ބަލަބަލާ ހުއްޓާކަންނޭގޭ އަތުލައިގަންނާނީ!
ައަދުހަމް
23 March 2019
ވަރަށް ތަޖުރިބާ ލިބިފައިވާ މީހަކާ ވައްތަރު އިނގޭ
9879
23 March 2019
ހާސްނުވޭ އެނަދޫކޮށްލާނެ އެނެއްދުވަހު...
ފަހުދު
23 March 2019
ވަގުކަލޭގެ އޭ ނުބުނޭ ޙައްގު ގެއްލިދާނެ ކަމަށްވެދާނެ؟ ކޯަޓުން ނިންމަފާނެ ސާބިތެއް ނުވެޔޭ ކިޔާފަ
ސޯޅަ
23 March 2019
ދެން ވަގުކަލޭގެ ނުހޯދުނީ ކީއްވެ؟ ރަށްރަށުގައި އުޅޭ ވަގުންނާހުރެ ދިރިއުޅުން އޮންނަނީ ބިރުވެރިކަމެއްގެ ތެރޭ.
ބުޅާ
23 March 2019
5 ލައްކަ ރުފިޔާ ބެންކަށްލައިފިއްޔާ ރިބާއަށް އަހަރަކު ކިހާވަރެއްތަ ޖެހޭނީ.
ރަދީފް
23 March 2019
ކުޑަކުޑަ ސޭފެއް ދޯ އެއީ.އަލަމާރީގަ ބެހެއްޓޭނީ މިނީ ސޭފެއް.!!!ކޮބާ ވަގުކަލޭގެ އަށް ރާކަނިމަސް ކެވުނުތަ.ވައްކަމެއް ކޮއްލަން ނޭނގުނަސް ކުރަން އުޅޭމީހުންނަށް ލިބޭނީ މިކަހަލަ ލަނޑު.