ހޯރަފުށީ ބަނދަރު ސަރަހައްދު: އެރަށުގެ އެއާޕޯޓް އެޅުމުގެ މަސައްކަތް އެމްޓީސީސީއާ ވަނީ ހަވާލު ކޮށްފައި --ފޮޓޯ/މިހާރު
25 މާޗް 2019 - 19:28
54 comments
ހއ. ހޯރަފުށީ އެއާޕޯޓް ހެދުމުގެ އެއްބަސްވުމުގައި އެމްޓީސީސީއާ އެކު ސަރުކާރުން މިއަދު ސޮއިކޮށްފި އެވެ.
އެ ރަށުގައި ބޭއްވި ރަސްމިއްޔާތެއްގައި އެއްބަސްވުމުގައި ސަރުކާރުގެ ފަރާތުން ސޮއި ކުރެއްވީ ޓްރާންސްޕޯޓް މިނިސްޓަރު އަދި ހޯރަފުއްޓަށް އުފަން އާއިޝަތު ނަހުލާ އެވެ. އެމްޓީސީސީގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ހަސަން ޝާހު އެވެ.
އެއްބަސްވުމުގައި ސޮއި ކުރެއްވުމަށް ފަހު ނަހުލާ ވިދާޅުވީ އޭނާގެ އުފަން ރަށަށް ހަގީގީ ޚިދުމަތެއް ކޮށްދެއްވުނު ކަމުގެ އިހުސާސް މިއަދު ކުރެއްވުނު ކަމަށާއި އެ ފުރުސަތު އޭނާ އަށް ލިބިވަޑައިގަތީ ރައްޔިތުންގެ ސަބަބުން ކަމަށެވެ. އަދި ހޯރަފުށީގައި އެއާޕޯޓެއް ހެދުމަކީ އެތައް އަހަރެއް ވަންދެން އެ ރަށުގެ ރައްޔިތުން ބޭނުންވެފައި ތިބި ކަމެއް ކަން ނަހުލާ ފާހަގަ ކުރެއްވި އެވެ.
"އެއާޕޯޓު، އިހަވަންދު އާއި ހުވަންދޫ އާއި އެކި ތަންތަނަށް ދެމެމުން ދެމެމުން ގޮސް ވާ ޖަހާފައި މިހާރު މިއޮތީ ﷲ ގެ އިރާދަފުޅުން ހޯރަފުށްޓަށް ގެނެސްފައި،" ނަހުލާ ވިދާޅުވި އެވެ.
ފިރިކަލުން އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ކެމްޕެއިން ރަސްމީކޮށް ފެށުމަށް ރޭ މާމިގިލީގައި ބޭއްވި ޖަލްސާގައި ޓްރާންސްޕޯޓް މިނިސްޓަރު ނަހުލާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
ރައްޔިތުންގެ މަޖިލިހުގެ ރައީސް އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ހަގު އަނބިކަނބަލުން ނަހުލާ ވިދާޅުވީ، ހޯރަފުށީގައި އެއާޕޯޓެއް ހަދާނެ ކަމަށް މިދިޔަ އަހަރުގެ ރިޔާސީ އިންތިޚާބުގެ ކެމްޕެއިންގައި ވެސް ވައުދު ވެފައިވާނެ ކަމަށެވެ. އަދި ވިދާޅުވީ، އެ އިންތިޚާބުގައި މި ސަރުކާރަށް ރައްޔިތުން ފުރުސަތު ނުދިން ނަމަ، އެ ރަށުގައި އެއާޕޯޓެއް އޮންނާނެ ކަމަށް ގަބޫލު ނުކުރައްވާ ކަމަށެވެ.
ކުރިއަށް އޮތީ ރައްޔިތުންގެ މަޖިލިސްގެ އިންތިޚާބު ކަން ފާހަގަ ކުރައްވައި، ނަހުލާ ވިދާޅުވީ ހުރިހާ ވައުދުތައް ފުއްދުމަށްޓަކައި އެ އިންތިޚާބުގައި ސަރުކާރު ކޯލިޝަނަށް އަޣުލަބިއްޔަތު ލިބުން މުހިންމު ކަމަށެވެ.
"އެއާޕޯޓު، އިހަވަންދު އާއި ހުވަންދޫ އާއި އެކި ތަންތަނަށް ދެމެމުން ދެމެމުން ގޮސް ވާ ޖަހާފައި މިހާރު މިއޮތީ ﷲ ގެ އިރާދަފުޅުން ހޯރަފުށްޓަށް ގެނެސްފައި،" ނަހުލާ
މިއަދުގެ ރަސްމިއްޔާތުގައި، އެމްޓީސީސީގެ މެނޭޖިން ޑިރެކްޓަރު އަދި ޖުމްހޫރީ ޕާޓީގެ ކައުންސިލް މެމްބަރު ޝާހު ވިދާޅުވީ އެއާޕޯޓުގެ އަމަލީ މަސައްކަތް ފެށުމަށް ބޭނުންވާ ސާމާނު ކުރިއަށް އޮތް ދެ ތިން ދުވަސް ތެރޭގައި ހޯރަފުށްޓަށް ގެންދިއުމަށް މަސައްކަތް ކުރައްވާ ކަމަށެވެ. އަދި އެއާޕޯޓުގެ އަމަލީ މަސައްކަތް ވެސް ވަރަށް އަވަހަށް ފެށޭނެ ކަމަށް ޝާހު ވިދާޅުވި އެވެ.
"އަޅުގަނޑުމެންގެ ބޮޑު މަހާޖައްރާފު އައުމުގެ ކުރިން އެކަމަށް ތައްޔާރުވުމަށް ޖަހަންޖެހޭ ބެޑާއި އެކްސްކަވޭޓަރުން ކޮންނަންޖެހޭ ކޮނުމުގެ މަސައްކަތް އަޅުގަނޑުމެން ވަރަށް އަވަހަށް ފަށައިގަންނަނާނަން." ޝާހު ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ހޯރަފުށީ އެއާޕޯޓް އަޅަން ނިންމާފައި އޮތީ ހއ. މާފިނޮޅުގަ އެވެ. އެތަނުގައި އެއާޕޯޓު އެޅުމަށްޓަކައި ބިން ހިއްކަން ވެސް އެމްޓީސީސީއާ މިދިޔަ އަހަރު ހަވާލުކުރި އެވެ. އެކަމަކު، ޔާމީންގެ ސަރުކާރު ބަދަލުވުމާ އެކު، މި ސަރުކާރުން ވަނީ މާފިނޮޅުގެ ބަދަލުގައި ހޯރަފުށީގައި އެއާޕޯޓް އަޅަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
26 March 2019
ދިއްދޫގެ އަތޮޅުވެރިކަން ހުވަރަފުއްޓައް ބަދަލުކޮއް ދިއްދޫ މީހުން ހުވަރަފުށީގަ އާބާދުވާން ފެނޭ
ޖޯން
26 March 2019
އަދިވެސް ތިކަމަށް އެންމެ ގާބިލު މީހުން ނަކީ ހޮލެންޑު ކުންފުނި މީހުންބާ. އެއްފަހަރު ގޮސް ނުވީމަ އަދިވެސް ހޮލެންޑު މީހުންނާ ގުޅިގެން ޖަރީމާ ތައް ހިންގަން ފެއްޓީ. 18 މިލިއަން އަހަރަކު ކުންފުޏަށް ގެއްލުން ދޭވޭހެން ހީވޭ.
ޖޭމް
26 March 2019
ތިކަން ކުރެވޭނީ ހަމަ ޝާހު އަށް. ޝާހު އަކީ ޓީމް އާއި އެކު މަސައްކަތް ކުރަން އެނގޭ ހީވާގި ސީ އީ އޯ އެއް. އެކަމަކު، އަދިވެސް ކުޑަކޮށް އިބޫ ގެ ބަސް އަހަންޖެހޭ.
ހޯރަފުށީ ޗާލުނަޔާ
26 March 2019
ހޯރަފުށީ އެއާރފޯޓް އަކީ އަޅުގަނޑްމެން ހަދާން ހުންނަށް ފެސީންސުރެ ސަރުކާރުތަކުން ވޯޓް ހޯދަށް ގެންގުޅޭ ސުލޯގަން އެއް ގޮތުގަ މިއަދާ ހަމަޔަށް މިއޮތީ މައުމޫން ދައުރުގަވެސް އެއާރފޯޓް ވާހަކަ ދެކުވުނި. ރައީސް ނަސީދު ވެސް އެއާރފޯޓް ވާހަކަ ދައްކާ އެކަމްގެ އަމަލީ މަސައްކަތް ނުފެށި އުޅެނި ކޮށް ބަޔަކު ބަގާވާތް ކުރީ. ދެން އައީ އެމްޑީއޭ ލީޑަރ ސިޔާމް އޭނަ ބުނީ އޭނަގެ މެންބަރ ހޮވައިދީފިންޔާ 3މަސް ތެރޭ އެއާރފޯޓް އަޅާ ދޭނަމޭ. އެކަންވެސް ނުވެއޮވެފަ. ދެން އެކަން ތަކުރާރު ކުރީ ރައީސް ޔާމީނު. ދައުރު ނިމުމުގެ ކުރިން ހޯރައެއް ނޫނޭ އުދުންސާފަ ޖަންސާނި ފުލައިޓޭ ކިޔާ ރަށްއިތުން ލޮލުގަ އަދުން އަޅުވާފަ ގޮސް ރިޔާސިީއިންތިހާބު ބޯމަތިވެ ހަތަރު އުދަރެސް ފެނުޖެހުނީމަ މަހާޖަންރާފް ގެންގޮސް ފަޅުރަށެއްގެ ބޭރުގަ ބާންވައިފަ އެރަށް ހަލާކު ކޮށްލައިފަ އިންތިހާބުން ބަލިވީމަ ގެންދިޔަ ތަކެތި ގެނައީ. މިކަމްގެ 100 ފަސެންޓް ޒިންމާ މިހާރުގެ މެންބަރ ނަގަަށްޖެހޭ. ރަށްއިތުން އަތުން ކެއި ފަރިޔޮޅު ތަކުގެ އަގު ދޭންޖެހޭ. ﷲ އިރާދަ ފުޅުކުރެއްވިންޔާ ރައީސް ސޯލިހުގެ ސަރުކާރުން މި އެއާރފޯޓް ހަގީގަތަކަށް ހަދައިދޭނެ ކަމުގެ 100 ފަސެންޓް ގެރެންޓީ އެބައޮތް. އަހުމަދު ސަލީމް ގެ ބުރަމަސައްކަތުން އެއާރފޯޓް ގެ އަމަލީ މަސައްކަތް މިވަނީ ފެށިފަ. ސުކުރިއްޔާ ސައްލެ.
މުޙަންމަދު
26 March 2019
ސައްލެ ބުނެގެން ކޮމެްޓްކުރިއަސް މިކަމުގަ އެމް.ޑީ.ޕީ އަދި ސައްލެ ކުރި އެއްވެސް ކަމެއް ނެތް. ސަބަބަކީ އެއަރޕޯޓް އަޅަން ހިއްކަން ޔާމީނު ސަރުކާރުން ޙަވާލުކުރި ސަރަހައްދު އެމް.ޓީ.ސީ.ސީ އަށް ހިއްކޭގޮތް ނުވުން. ހިއްކަންފަށަން ތައްޔާރުކޮށްފަވެސް ހުއްޓާލީ. އެހެންކަމުން އެމް.ޓީ.ސީ.ސީ އިންވެސް އެދިގެން އެމަސައްކަތް ކުރެވޭނެ ގޮތަކަށް ހޯރަފުއްޓަށް ބަދަލުކުރީ. ކުރީގެ ޚަބަރުތައް ބަލާލުމުން މިކަން ސާބިތުވާނެ!
ސޯބު
26 March 2019
މިހާރު ތިއަޅަން އުޅޭތަނުގައި އެއަރޕޯރޓް އަޅާނަމަ ސީދާ ހޯރަފުށީ ބަނދަރުން ޗެކިންކޮށް ބަހުގައި އެއަރޕޯޓަށް ގެންގޮސް ގެނެސްދޭން ޖެހޭނެ. ނޫނީ ދެންތިބި ރަށްރަށުގެ ރައްޔިތުންނަށް ވަރަށް ދަތިވާނެ. އަނެއްކޮޅުން ހޯރަފުށްޓަކީ ވައްކަމުގެ މައްސަލަ ބޮޑުކަމަށް އަތޮޅުގެ މީހުން ބުނެއުޅޭ ރަށެއްކަމަށްވާތީ ޕަސިންޖަރުންގެ ލަގެޖުގެ ރައްކާތެރިކަމަށް ވަރަށް ބޮޑަށް ވިސްނަންޖެހޭ. ހަމަ އެއާއިއެކު ހޯރަފުށީގައި ކުރި އެއްވެސް އިންވެސްޓްމެންޓެއް ކާމިޔާބުވެފައެއް އަދި ނެތް.
ރައްޔިތުމީހާ
27 March 2019
ހޯރަފުށީމީހުން ފަންކާއަނބުރާނެ. އެހެންވީމާ އެންމެ ރަނގަޅުވާނީ ފަންކާނާނބުރާ ރަށެއްގަ އެއާޕޯރޓް އެޅުން.
ޒަރީރު
26 March 2019
ތިބުނާ ފައިދާވާ އެއާރފޯޓެއް މިގައުމުން ދަށްކަބަލަ. ސެޑިއުލު ދަތުރު ކުރީމަ ފައިދާވާނެ. ރިސޯޓް ތަކާއި ގެސްޓްހައުސްތައް އިތުރުވީމަ ފައިދާ ވާނެ.
ރައްޔިތުމީހާ
27 March 2019
ދަރަވަންދޫ އެއާޕޯރޓް.
ޗޭނޭ
26 March 2019
އެއާރފޯޓް ގެ ހިދުމަތަކީ މިހާރު އަސާސީ ހިދުމަތެއް. ކޮންމެރަށެއްގެ ބޭފުޅަކުވެސް ބޭނުންވާނެ އަތްފޯރާފަށުގަ އެއާރފޯޓެއް އޮތުން. 15 ވަރަށް މިނެޓުން ރަށަށް ދެވެނިކޮށް ނިމްނީ. ސުކުރިއްޔާ ރައީސް ސޯލިހު.
ފާތޭ
26 March 2019
ތި އެއާރފޯޓް އެޅުމުން އެއްމެ ބޮނޑް ގެއްލުމެއްވާނި ހަނިމާދޫއަށް. ހޯރަފުށްޓަކީ ތަފާތު ހިސާބު ދަށްކާގޮތުން އެއްމެ ގިނަމީހުން ދަތުރު ކުރަށް.
ހާދާލު
26 March 2019
ބޭފުޅާ ތީ ވަރަށް ބޮޑު ދޮގެއް..... ހަނިމާދޫ އެއަރޕޯޓުން އެންމެ ގިނައިން ދަތުރު ކުރަނީ ދިއްދޫ މީހުން.
މަޢުލޫ
26 March 2019
ދިއްދޫ މީހުންނަކީ ރަށުގަ ދިރިއުޅޭ ބައެއް.. 2001 އިން ފަށައިން ތަފާސް ހިސާބު ދައްކާގޮތުން އެންމެ ގިނައިން ހަނިމާދޫއަށް ދަތުރުކޮށްފަ ހުރީ ހޯރަފުށީމީހުން..ދެން ކުޅުދުއްފުށި ދިއްދޫ އަންނަނީ 4 ވަނައަށް.. އިތުރަށް ސާފުކުރަން ބޭނުން ވަންޏާ އެއަރޕޯޓް ކޮމްޕެނީއަށާ މޯލްޑިވިއަންއަށް ގުޅައިގެން ސާފުކޮށްލައްވާ މިއީ 21 ވަނަ ޤަރުނު ވަރަށް ފަސޭހައިން މަޢލޫމާތު ހޯދޭނެ
އިހަވަންދޫ މީހާ
26 March 2019
އިހަވަންދޫއަށް އުފަން އިހަވަންދޫ ރައްޔިތެއްގެ ޙައިސިއްޔަތުން މިއަދު ވަރަށް އުފާކޮށްފިން. ސަރުކާރުގެ ތި ނިންމެވުމަކީ މުޅި އިހަވަންދިއްޕޮޅުގެ ރައްޔިތުންނަށް އެންމެ ރަނގަޅު ނިންމެވުން. މި ރަށުގެ މަދު ބައެއްގެ ދެކޮޅު ނުޖެހޭ ވިސްނުމާއި ޙިޔާލުތަކަށް އަޅުގަނޑު ތާޢީދެއް ނުކުރަން
އައިމިނާ
26 March 2019
ކާޑެއްދޫ އެއަރޕޯޓްވެސް ތިނަދުއަށް ބަދަލުކުރުމަށްއެދޭވާހަކަދަންނަވަން. މި ހުރިހާދުވަސްވީއިރު އެތަނަށްއައި ތަރައްޤީއެއްނެތް ދުވަހެއްދުވަހެއް ދަށަށްދަނީ އެ ތަނުގެހާލަތު. ތިނަދޫއަށްބަދަލުކުރުމުން ވަޒީފާއިތުރުވެ ބޮޑުތަރައްޤީއެއް ތިނަދުއަށް އަންނާނެކަމަށްބެލެވޭ.