ޓްރާންސްޕޯޓް މިނިސްޓްރީގެ ޕާމަނަންޓް ސެކްރެޓަރީ: އޭނާ ވަނީ އިއްޔެ މަގާމުން އިސްތިއުފާ ދެއްވާފައި.
15 ޑިސެމްބަރ 2020 - 08:49
30 comments
ޓްރާންސްޕޯޓް މިނިސްޓަރު އައިޝަތު ނަހުލާ ހިތްހަމަޖެހިވަޑައިނުގެން ފިއްތުންތައް ކުރިމަތިކުރައްވާތީ، ގާނޫނުން މަތިކޮށްފައިވާ ޒިންމާއަދާކުރާނެ މާހައުލެއް އެ މިނިސްޓްރީގައި ނެތް ކަމަށް ވިދާޅުވެ ޕާމަނަންޓް ސެކްރެޓަރީ އަބްދުﷲ ފަޔާޒު އިއްޔެ އިސްތިއުފާ ދެއްވައިފި އެވެ.
ސިވިލް ސާވިސް ކޮމިޝަން (ސީއެސްސީ) އަށް ފޮނުއްވި ސިޓީއެއްގައި ފަޔާޒު ވިދާޅުވީ އޭނާއާ ދޭތެރޭގައި އަމަލުތައް ބަހައްޓާ ގޮތުން ނަފުސާނީ ގޮތުން ވެސް މަސައްކަތް ކުރެވޭނެހާ ފަހި މާހައުލެއް އެ މިނިސްޓްރީގައި އޮތް ކަމަކަށް ގަބޫލު ނުކުރެއްވޭ ކަމަށެވެ. އޭނާ އަށް ކުރިމަތި ކުރައްވާ ފިއްތުންތަކާ އެކުގައި ވެސް ވަޒީފާގައި ދެމިހުރުމަށް ނިންމަވައިފި ނަމަ އިތުރު ދޮގު އިލްޒާމްތަކެއް އެޅުވުމުގެ ފުރުސަތު އޮތް ކަމަށް ވިދާޅުވި އެވެ.
އޭނާއާ ގުޅޭ ގޮތުން ސިވިލް ސާވިސް ކޮމިޝަނަށް މަގާމުގެ ނުފޫޒު ބޭނުންކުރުމާއި ޒިންމާ ފުރިހަމަ އަށް އަދާނުކުރުމުގެ މައްސަލަތަކެއް ހުށަހަޅައި ތަހުގީގު ނިމެންދެން ސަސްޕެންޑް ވެސް ކުރި އެވެ. އެކަމަކު ކޮމިޝަނުން ނިންމީ އެ މައްސަލަތައް އޭނާގެ މައްޗަށް ސާބިތުނުވާ ކަމަށެވެ.
އެކަން ފާހަގަކުރައްވަމުން ސިޓީގައި ފަޔާޒު ވިދާޅުވި ގޮތުގައި މަޖުބޫރުވެވަޑައިގެން އިސްތިއުފާ ދެއްވި ނަމަވެސް އޭނާ ޓްރާންސްޕޯޓު މިނިސްޓްރީގައި މަސައްކަތް ކުރައްވާފައި ވާނީ ގާނޫނާއި ގަވާއިދުގެ ތެރެއިން ނަޒާހަތްތެރިކަމާ އެކުގަ އެވެ.
ހައުސިން މިނިސްޓްރީގެ ޑެޕިއުޓީ މިނިސްޓަރަކަށް ކުރިން ހުންނެވި ފަޔާޒުގެ ސިޓީގައި ވިދާޅުވީ ސިވިލް ސާވިސް ކޮމިޝަނުން ސަސްޕެންޝަން އުވާލުމުން ވަޒީފާ އަށް އޭނާ ނުކުންނަވަން ފެއްޓެވުމާ އެކު އިސްތިއުފާ ދެއްވަން މިނިސްޓަރު ނަހުލާ އެންގެވި ކަމަށެވެ.
"އަދި، [ވަކި ތާރިޚެއްގެ]ކުރިން އަޅުގަނޑު އަމިއްލައަށް އިސްތިއުފާ ނުދީފި ނަމަ އަޅުގަނޑު ވަކިކުރަން ސިވިލް ސާވިސް ކޮމިޝަނަށް ލިއުއްވާނެ ކަމަށް [މިނިސްޓަރު] ވަނީ ވިދާޅުވެފަ އެވެ،" ފަޔާޒުގެ ސިޓީގައިވެ އެވެ.
ސިވިލް ސާވިސް ކޮމިޝަނުން ފަޔާޒުގެ މައްސަަލަ ބަލަނިކޮށް ވެސް މިނިސްޓަރު ނަހުލާ އިސްވެ ހުންނަވައި ސާބިތު ނުހިފޭ ތުހުމަތުތަކެއް ކުރެއްވި ކަމަށް ވެސް ސިޓީގައި ފަޔާޒު ވިދާޅުވި އެވެ. މިނިސްޓަރު ނަހުލާގެ ލަފާގެ މަތިން ސީއެސްސީން ޕީއެސް އައްޔަން ކުރާއިރު ޓްރާންސްޕޯޓު މިނިސްޓްރީގެ ފުރަތަމަ ދުވަސްކޮޅު އޭނާއާ ދޭތެރޭގައި މައްސަލައެއް ނެތް ކަމަށާއި ފަހުން ހިޔާލު ތަފާތުވުން އުފެދުނީ ބައެއް ކަންކަން އޮންނަ އުސޫލުގެ ތެރެއިން ކުރިއަށް ގެންދަން އޭނާ ތާއީދު ނުކުރައްވަން ފެއްޓެވެމުން ކަމަށް ފަޔާޒު ވިދާޅުވި އެވެ.
އޭގެ ތެރޭގައި އެއްފަހަރާ ގިނަ އަދަދެއްގެ މުވައްޒަފުން ވަކިކުރަން ނިންމި ނިންމުން ހިމެނެ އެވެ.
ފަޔާޒު ސަސްޕެންޝަންގައި ހުންނެވިއިރު އަދި މިހާރު ވެސް އެކްޓިން ޕީއެސްއަކަށް ހަމަޖައްސާފައި ވަނީ، ރީޖަނަލް އެއާޕޯޓްސްގެ ޑިރެކްޓަރު ޖެނެރަލް ސާމީ އަގީލް އެވެ.
މިނިސްޓަރު ނަހުލާއާ ދެމެދު ހިޔާލު ތަފާތުވުން ބޮޑުވުމުން ޕީއެސް އިސްތިއުފާ ދެއްވިއިރު، އެ މިނިސްޓްރީން 11 މުވައްޒަފަކު ވަކިކުރި މައްސަލައިގައި ވެސް ނަހުލާ އަށް ނުރުހުން އަމާޒުވި އެވެ. އެ މުވައްޒަފުން މިހާރު ވަނީ ޓްރާންސްޕޯޓު މިނިސްޓްރީއާ ދެކޮޅަށް ޓްރައިބިއުނަލަށް މައްސަލަ ވައްދައިފަ އެވެ.
ޓްރާންސްޕޯޓް މިނިސްޓްރީއަކީ މި ސަރުކާރު ފެށުނުއިރު ވެސް ތުހުމަތުތައް ގިނަ، ރައްޔިތުންގެ ޝަކުވާ ބޮޑު، ޚިދުމަތް ލަސް، ސިޔާސީ ކޯޅުން ހައްދުފަހަނާޅާފައިވާ ތަނެކެވެ. ބައެއް މައްސަލަތައް ހައްލުވެ ޚިދުމަތްތައް ކުރިއަށް ވުރެން މިހާރު ހަލުވިވެފައި ވިޔަސް ސިޔާސީ މައްސަލަތަކުން ތަނުގެ މަސްލަހަތު ގެއްލިފައިވާ ކަމުގެ ނުރުހުން ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
GHARTI
15 December 2020
ނަހުލާއަކަށް ހަމަ އެއްކަމެއްވެސް ނުވޭ. މުޅިން ސަކަރާތް. ޓްރާންސްޕޯޓް އޮތޯރިޓީ އިން އެއްވެސް ކަމެއް ނުކުރެވޭ. މަސް ދުވަސް ވާއިރު ރަޖިސްޓްރީ ކުރަން ހުށަހަޅާފައިވާ އެއްޗެއް ރަޖިސްތްރީ ނުކުރެވޭ. އެތަނުން ފޯނުވެސް ނުނަގާ. އިސްތިއުފާދީ.
ހަގީގަތެއް
15 December 2020
ހަގީގަތުގައި ޕީއެސްގެ މަގާމު ސިޔާސީ ކޮށްލީ ނިމިދިޔަ ސަރުކާރުން. މީގެ ކުރިން އެމަގާމުގައި ތިބެނީ ތައުލީމާއި ތަޖުރިބާ ލިބިފައިތިބި މީހުން. އެމީހުންނަށް ހުރިހާ ސިވިލް ސާރވިސްގެ މުވައްޒަފުން އިޙްތިރާމްކުރި. ނަމަވެސް އެކަން ބަދަލުވެގެން ދިޔައީ ޕީއެސް އަކީ މިނިސްޓަރު ރުހޭ މީހަކަށް ހެދުމުން. އެހިސާބުން ސިވިލް ސާރވެންޓުންގެ ކަންކަމާއި ޕޮލިޓިކްސް އެއްކޮށްލީ. އެއާއިއެކު ބޭނުން ބަޔަކަށް ވަޒީފާދީ ބޭނުން ނުވާ ބަޔަކު ވަޒީފާއިން ވަކިކުރުން ފެށުނު.
ޝަރޫ
15 December 2020
ކުރީސަރުކާރުގަވެސް ފަހުކޮޅު މިސިޓަރަށް ޕީއެންއުނަ ވަކިކުރުމަށް އަދި ސެލެކްކުރުމަށް ބާރުދިނީ، އެކަމަކު މިސަރުކާރު ހާ ގިނައިން ޕީއެސްއުނަ ވަކިނުކުރޭ، އަދިމިހާރު އައްޔަން ކުރަނީވެސް ދަށުމާކްލިބޭ މީހުން. މީތަންކޮޅެއްބޮޑުވަރު. އެތަށް ބައެއްގެ ވަޒީވާ އާއި ކެރިއާރ ހަލާކުވަމުންދާތަން ފެންނަނީ، އެތަކެއްއާއިލާ ހާލުގަޖެހޭތަން،. ނަހުލާމެންނަށް ނުވެސް އިގޭނެ އެމީހުންނަށް މިކުރެވޭ ކަންކަން.
އިބުރާ
15 December 2020
މިނިސްޓަރު ނަހުލާގެ ލަފާގެ މަތިން ސީއެސްސީން ޕީއެސް އައްޔަން ކުރާއިރު ޓްރާންސްޕޯޓު މިނިސްޓްރީގެ ފުރަތަމަ ދުވަސްކޮޅު އޭނާއާ ދޭތެރޭގައި މައްސަލައެއް ނެތް ކަމަށާއި ފަހުން ހިޔާލު ތަފާތުވުން އުފެދުނީ ބައެއް ކަންކަން އޮންނަ އުސޫލުގެ ތެރެއިން ކުރިއަށް ގެންދަން އޭނާ ތާއީދު ނުކުރައްވަން ފެއްޓެވެމުން ކަމަށް ފަޔާޒު ވިދާޅުވި އެވެ. ކީކޭބާ މިކިޔަނީ؟؟
އިހޫ
15 December 2020
މިނިސްޓަރުކަން ކުރާނެ ފެންވަރު ނެތްކަން ނަހުލާ އަމިއްލައަށްވެސް ގަބޫލުކުރަންޖެހޭ.. ތިޔަހެން މިއަދު އަދި ބާރު އޮތީތީ ބޭނުންހާ ގޮތެއް ހަދަމުން ދިޔަޔަސް، މާދަމާވެސް ތި ވަޒީފާ ގެއްލުނީމަ، ތިއީ އެއްވެސް މީހެއް ކަމަށް ދެކޭނެ މީހަކު ނުހުންނާނެ. މުޖްތަމައުގަ އިހުތިރާމެއް ނުލިބޭނެ
މޮސަލް
15 December 2020
ފެންވަރު ލިޔެފަ އޮތަސް ހީވާނީ އެއީ ކުންފުނީގެ ހަރު މުދާ ކަމަށް. އަދިވެސް ތަންތަނަށް މީހުން ލާތި ހަަމަ މަށަށް ވާނޭ ބުނާއިރަށް. މީ ދައުލަތެއްގަ އޮތް ބޮޑު މުއައްސަސާއެއްގަ ތިބި ބަޔަކު ނުފޫޒުގެބޭނުން ކޮށްގެން ކަނޑާ ހުސްކުރާ ބިރުވެރި ދެރަ ނިކަމެތި ވާހަކައެއް. ކޮބާތަ ރައީސު އިބޫ...
ޝަރޫ
15 December 2020
ފެންވަރުނެތް މިނިޓަރުންގެ ދަށަށް މަސަތްކަތްކުރަން މިހުންނަނީ އެތެއްޒަމާނެއްވަންދެން މަސަތްކަތުގެ ދާއިރާ އަށް ތަޖުރިބާކާރު ޕީއެސުން. ނަހުލާބުނި ގޮތެއް ހެދުމުން ވާނީ މިހެން!
އެއްކަލަ މީހާމީ
15 December 2020
މުވަޒަފުން މިހެން ހަމަ ކަޑާލެވޭބާ؟ މިނިސްޓަރ ހަމަ ބޭނުން ގޮތެއް ހަދަން ދޫކޮށްލައިގެން ތިބެންވީ ތޯ؟
މޮސަލް
15 December 2020
ކިތައް މީހުންތަ އޭނަ ކަނޑާލީ މިވީ 2 އަހަރު ތެރޭ ކަނޑާލި މީޙުންގެ އަދަދު 20 އަރާ ކަމަށް ޕީއެސް ފަޔާޒު ބުނި. އަދި ވެސް މި ސަރުކާރަށް ވިސްނޭކަށް ނުވޭބާ. ނިކަމެތި ރައްޔިތުންގެ ދުވަސް ދުއްވާލާ އެ ނިކަމެތި ރައްޔިތުންެގެ ވަޒީފާގަޑު ފޭރިގަނެގެން ދާއިރުވެސް ވާކަމެއްނެތް. މިދެން ބޮޑުވެއްޖެ ކަމެއްނު.
ދަންޑަހެލު
15 December 2020
ދިވެހިރާއްޖޭގެ ހުރިހާ އެއަރޕޯޓްތައް ހެދުމުގައި މުޅި ޢުމުރު އަތްވާ ވާރޭގަ ޤުރުބާންކުރި މަޙުރީންވެސް ކަނޑާލީ ކޮންފަދަ ނިކަމެތި ފޮތަކަށް. އަބޭފުޅާގެ ޚިދުމަތުގެ އަގު ވަޒަން ނުކުރެވޭނެ އިނގޭތޯ؟ ކޮބައިތޯ އޯގާތެރިކަން.
ކަސްބީކާންޓޭ
15 December 2020
ކަނޑާލަން ޖެހުނީމާ ކަނޑާލާނެ. ތާކުން ތާކުން ނުޖެހޭ ކޮރަޕްޓު މީހުން ބޭތިއްބުމުގެ ބޭނުމެއް ނުފެނޭ.
ދަންޑަހެލު
15 December 2020
އެމްޕްލޯއިމަންޓް ޓްރައިބިއުނަލުން 11 ކުދިންގެ މައްސަލަ ނުނިމެނީސް އެ މަގާމުތަކަށް މުވައްޒަފުން ނަގަމުން އެ ގެންދަނީ. މިހުންނަނީ ކިހާ ދެރަ ކަންކަން. އެކުދިންގެ މަގާމާއި މުސާރަ އިޔާދަކުރުމަށް ނިންމައިފިއްޔާ މިހާރު ވަޒީފާ ދީފަތިބިކުދިން ހައްގު ހޯދުމަށް އަނެއްކާ އާދޭސް ދަންނަވަންޖެހޭނީ.
ބޮސް ގެ ބޮސް
15 December 2020
އެކުދިންވެސް ދެން ޓްރިބިއުނަލް އަށް ދާނީ!
ދަންޑަހެލު
15 December 2020
ނަހުލާއަކީ ހަރުކަށި މީހެއް. ކައިރިކޮށްގެން ގެންގުޅެނީ ވެސް އެކަހަލަ މީހުން. 11 އާއިލާ ބިކަކޮއްލީ އެކުދިން ބަައްދަލުކޮއްލުމައް ރޮއި އާދޭސްކުރަމުން ދަނިކޮށް އެފުރުސަތު ވެސް ނުދީ. އިހުސާންތެރި ކަން ކޮބައިތޯ؟ ހިތައް އަސަރެއް ނުކުރޭތޯ؟ ތިޔައީ ހިތައް އަސަރެއް ނުކުރި ކީއްވެތޯ؟ އެކުދިންނަށް ޤާނޫނު އަސާސީން ކަށަވަރުކޮށްދީފަ އޮތް އަސާސީ ޙައްޤަކުން މަހުރޫމުކޮއްލިއިރު ތިޔަ ހިތުގަ ރަޙުމާއި އޯގާތެރިކަން ނެތީތޯ؟
މޮސަލް
15 December 2020
މުއްސަދި މަހުޖަުންގެ އަނބިންނަށް ނިކަެތ ރައްޔިތުންގެ އިހުސާސްތައް ނޭގޭނެ. 11 ކުދިން ކަނޑާލީ އެއްވެސް ހައްގަކާ ނުލާ. ޢެ ކުދިން ރޮއެ ރޮއެ ތިއްބާ ކަޑާލީ ގާނޫނާ ގަވާއިދާ ހިލަފަށް.
ދޮންތު
15 December 2020
ތިޔަ ކޯޅުންތަކާ ބައެއް މުވައްޒަފުންނާ މެދު، އޮންނަ އުޞޫލުގެ ބޭރުން ކަންކަން ނުކުރާ މުއައްސަސާއެއް ނެތް. ފެންނަނީ ބޮޑުން ބޭނުންވާ ކޮންމެ ގޮތެއް އެއީ އެންމެ ރަނގަޅު އެންމެ މޮޅު ގޮތް ކަމަށް.
މޮސަލް
15 December 2020
11 މުވައްޒަފުން ކަނޑާފަ ބުނީ ގަޑިޖެހިގެންނޭ. ޢެކުދިން ޓްރައިބިއުނަލްއަށް ދިޔައިމަ ބުނީ އިތުރ ކުދިން ނުނަގަން. އެކަމަކު މިހާރު 11 ކުދިން ވަގުތީ ގޮތުން ނަގަން އިންޓަވިއުކޮށް ނިމިއްޖެ. އަނިޔާވެރިކަން ހައްދުފަހަނަޅާ ގޮސްސަ އޮތް މިނިސްޓްރީއެއް. ކޮބާ އޯގާތެރި ސަރުކާރު.
ހަބީބާ
15 December 2020
މުވައްޒަފުން ގޯސް މަގުންދަންޏާ ރަނގަޅު ކުރުމަކީވެސް ޕީއެސްގެ ޒިންމާއެއް. ރަނގަޅު ނުވަންޏާ މަގާމުން ދުރުކުރުމަކީވެސް އޭނަގެ ޒިންމާއެއް. ރައްޔިތުންގެ ލާރިން ހިހޫތަނު ކާލައިގެން އުޅޭމުވައްޒަފުންނަށް ޚަރަދު ކުރާކަށް ރައްޔިތުންނެއް ނޭދޭނެ އަދި މިކަމުގެ ޒިންމާ ޕީއެސް އާއި ސިވިލް ސަރވިސް ކޮމިޝަން ނަގަންޖެހޭނެ. ވަރަށް ފަސޭހަ "ގަޑި ޖެހިލީމައި ކަނޑާއެއްލާލީއޭ" ބުނަން. އެކަމަކު ގަޑިޖެހި މަސައްކަތަށް ފަރުވާކުޑަކުރިކަން އެގެނީވެސް ހަމަ ޕީއެސްއަށް.
ދަންޑަހެލު
15 December 2020
ހަބީބަށް މައްސަލަ ރަނގަޅަށް ސާފުނުވަނީ ސިވިލްސާވިސް ކޮމިޝަންގެ ލިޔުންވެސް އެބޮއް އެންމެ ރަނގަޅު ގޮތަކީ 11 މުވްޒަފުން ވަކިކުރުން ނޫންކަމަށް ބުނެ މިނިސްޓަރަށް ފޮނުއްވާފައިވާ. އަސްލު އެއްމެ ބޮޑައް ބޭނުންވި އެއްކަމަކީ އަތްވާ ވާރޭގަ މުޅި ޢުމުރު ދިވެހި ރައްޔިތުންގެ އެންމެންގެ މަންފާޔަތް ޤުރުބާން ކުރެއްވި ޢިއްޒަތްތެރި ވެރިއެއްކަމަށްވާ މަޙުރީން ކަނޑާލުން. އެކަންވެސް ކޮއްލީ ވަރަށް ދެރަވަރު ދެރަފެންވަރު ހުރި ފޮތަކަށް.
ހަބީބާ
15 December 2020
މައްސަލަ ވަރަށް ގާތުން އެނގިހުރެ ކޮމެންޓްމިކުރީ. މަހުރީންއަށް ފުރިހަމައަށް ރެސްޕެކްޓްކުރަން. އެކަމަކު އެއަރޕޯޓް ކުރެހުންތައް އެޕްރޫވް ކުރަން ހުންނަމީހާ އަމިއްލަ ވިޔަފާރިއަކަށް އެތައްއެއަރޕޯޓް ކުރުހުމުގެ މަސަައްކަތްކޮށް އޭގައި ތަތްގަނޑުޖެހުމަކީ އޭނަ ހަމަ ގޯސްކޮށް ކުރިކަމެއް. އެއައްވުރެ ބޮޑު ކޮންފްލިކްޓް އޮފް އިންޓަރެސްޓެއް ނޯންނާނެ.