އޯޓް ބުއިމެއްގެ ބެޗަކުން ދަގަނޑުކޮޅުތަކެއް

އޯޓް ޑްރިންކް ހޯލް އާއި މީގެ އިތުރު ބުއިންތަކެއް.

އަހުމަދު އަދްޝަން، މިހާރު

28 މާޗް 2019 - 07:25

އޯޓްލީ ޔޫކޭ ލިމިޓެޑުން ތައްޔާރުކުރާ "އޯޓް ޑްރިންކް ހޯލް" ގެ ބެޗަކުން ދަގަނޑުކޮޅުތަކެއް ފެނިގެން އެކަމަށް ސަމާލުވާން އިލްތިމާސްކޮށްފި އެވެ.

އިނގިރޭސިވިލާތުގެ ފުޑް ސްޓޭންޑާޑްސް އެޖެންސީ (އެފްއެސްއޭ) އިން ބުނި ގޮތުގައި ދަގަނޑު ހުރިކަން ފާހަގަ ކުރެވިފައި ވަނީ އަންނަ މަހުގެ ކުރިން ބޭނުންކުރަން ނެރެފައިވާ އެއް ލީޓަރުގެ ޕެކެޓްތަކުގެ ބެޗުންނެވެ. އެހެންވެ އެ ސްޓޮކް ވިއްކަން ހުރި ތަންތަނުން އެ ނެގުމަށާއި "އޯޓް ޑްރިންކް ހޯލް" ޕެކެޓް ގަންނަ އިރު ކަސްޓަމަރުން ވެސް ސަމާލުވާން ވަނީ އަންގައިފަ އެވެ.

Hey Oatly fans! The sort of creepy headline on this carton is right. You are part of a growing group of people who understand the benefits of drinking plants so your body feels good and so the planet can better cope with the impact we humans place on it. Nice work. And welcome. pic.twitter.com/zrCXOLV6nl
— Oatly (@OatlyAB) March 13, 2019

އެފްއެސްއޭ އިން ބުނި ގޮތުގައި އޯޓް ބުއިމަށް ދަގަނޑު އެޅުނީ މެޝިނެއް ހަލާކުވެފައި ހުރުމުގެ ސަބަބުންނެވެ.

މިކަމާ ބެހޭ ގޮތުން އޯޓްލީ ޔޫކޭ ލިމިޓެޑުން ބުނީ "އޯޓް ޑްރިންކް ހޯލް" ގެ ބެޗަކަށް ދަގަނޑު ފެނުނު ނަމަވެސް އެއިން ލިބިދާނެ ގެއްލުން ކުޑަ ކަމަށެވެ. ނަމަވެސް އެންމެ މުހިއްމީ ރައްކާތެރިވުން ކަމަށް ބުންޏެވެ.

އޯޓްލީ ޔޫކޭ ލިމިޓެޑަކީ މައިގަނޑު ގޮތެއްގައި އޯޓް ބޭނުންކޮށްގެން ތަފާތު އުފެއްދުންތައް ނެރޭ ކުންފުންޏެކެވެ. އެގޮތުން އެ ކުންފުނި މަޝްހޫރުވެފައި ވަނީ "ޑެއިރީ-ފްރީ" ކިރު އުފައްދާ ކުންފުންޏެއްގެ ގޮތުގަ އެވެ.