މުޣުނީ އަށް އެމްޑީޕީން އަލުން ތާއީދުކޮށްފި

ރައްޔިތުންގެ މަޖިލީހުގެ އިންތިހާބުގައި ތިނަދޫ އުތުރު ދާއިރާއަށް ވާދަކުރައްވާ އަބްދުލް މުޣުނީގެ ކޮނޑުގައި ކުރީގެ ރައީސް މުހައްމަދު ނަޝީދު ސޭޝް އަޅުއްވައި ދެއްވުމަށް ފަހު އޭނާއާ ސަލާމް ކުރައްވަނީ. ފޮޓޯ: އެމްޑީޕީ ސެކްރެެޓޭރިއަޓް

މުހައްމަދު ނަސީމް، މިހާރު

27 މާޗް 2019 - 22:28

54 comments

ގެވެށި އަނިޔާގެ ތުހުމަތުތަކާ ގުޅިގެން އެމްޑީޕީގެ ތާއީދު އަނބުރާ ގެންދިޔަ ކެންޑިޑޭޓް އަބްދުލް މުޣުނީ އަށް އެ ޕާޓީން އަލުން ތާއީދު ކުރަން ނިންމައިފި އެވެ.

ރައްޔިތުންގެ މަޖިލީހުގެ އިންތިހާބުގައި އެމްޑީޕީން ތިނަދޫ އުތުރު ދާއިރާއަށް ކުރިމަތިލާފައިވާ ކެންޑިޑޭޓް އަބްދުލް މުޣުނީއަށް ތާއީދު ނުކުރާނެކަން އިއުލާން ކުރުމަށް ފަހު އެމްޑީޕީގެ ލީޑަޝިޕްގެ އިސް ބޭފުޅުންތަކެއް ތިނަދު އަށް ވަޑައިގެން މިރޭ ބޭއްވި ޖަލްސާގައި ވަނީ އޭނާ އަކީ އެ ޕާޓީގެ ކެންޑިޑޭޓުގެ ގޮތުގައި ބަލައިގެންފަ އެވެ.

އެމްޑީޕީގެ ކެންޑިޑޭޓްގެ ގޮތުގައި މުޣުނީގެ ކަރުގައި، އެޖެންޑާ 19 ގައި ސޭޝް އަޅުވައި ދެއްވީ ކުރީގެ ރައީސް މުހައްމަދު ނަޝީދެވެ.

ކުރީގެ އަންހެނުންނަށް އަނިޔާ ކުރި ކަމުގެ ތުހުމަތު އެޅިފައިވާ މުޣުނީ އަށް ތާއީދު ކުރަން އެމްޑީޕީން މި ނިންމީ، އެފަދަ ތުހުމަތެއް ކުރެވޭ ކެންޑިޑޭޓެއްގެ ކެމްޕޭންގައި އެ ޕާޓީން ބައިވެރިނުވާނެ ކަން އިއުލާން ކުރުމަށް ފަހު އެވެ.

ކެމްޕޭނަށް ނަޝީދު މިއަދު ތިނަދު އަށް ވަޑައިގަތުމުން ވެސް އެމަނިކުފާނަށް މަރުހަބާ ދެންނެވުމުގައި އިސްކޮށް އުޅުއްވީ މުޣުނީ އެވެ.

ހުވަދު އަތޮޅުގެ ދާއިރާތަކަށް ކުރިމަތިލައްވާފައިވާ ކެންޑިޑޭޓުންނާއި އެކު ނަޝީދު ސްޓޭޖްގައި

މުޣުނީގެ ކުރީގެ އަންހެނުންނަށް ގެވެށި އަނިޔާކުރި ކަމުގެ މައްސަލަ ފެންމަތިވީ ސޯޝަލް މީޑިއާގައި އެ ވާހަކަ އޭނާ ހިއްސާ ކުރުމުންނެވެ. މީގެ 11 އަހަރު ކުރިން ހިނގާފައިވާ އެކަންތައްތަކާ ގުޅޭގޮތުން އެ އަންހެން މީހާ ބުނެފައި ވަނީ އެ މައްސަލަތައް ފުލުހުންނަށް އޭރު ހުށަހަޅާފައިވާ ކަމަށެވެ.

އެކަމަކު މުޣުނީއާ ގުޅުން ހުރި އެއްވެސް ގެވެށި އަނިޔާގެ މައްސަލައެއް ހުށަހަޅާފައިވޭތޯ ބެލުމަށް އޭނާ ފުލުހުންނަށް ފޮނުވި ސިޓީ އަށް މިދިޔަ ހުކުރު ދުވަހު ފުލުހުން ދިން ޖަވާބުގައި ބުނެފައިވަނީ މުޣުނީގެ މައްޗަށް ތުހުމަތު ކުރެވޭ ގެވެށި އަނިޔާގެ މައްސަލައެއް އެއްވެސް އިރެއްގައި ފުލުހުންނަށް ހުށަހަޅާފައި ނުވާ ކަމަށެވެ. އޭގެ ފަހުން ވެސް އެމްޑީޕީން ބުނެފައި ވަނީ މުޣުނީގެ ތާއީދު އަނބުރާ ގެންދަން ނިންމި ނިންމުން ބަދަލެއް ނުވާނެ ކަމަށެވެ.

އެމްޑީޕީގެ ނިންމުމާ ގުޅިގެން މުޣުނީ ވިދާޅުވެފައި ވަނީ ސޯޝަލް މީޑިއާގައި މީހަކު ކުރި ޓުވީޓަކަށް ހަމައެކަނި ބަލައި، ސުވާލެއް ވެސް ކުރުމެއް ނެތި އެމްޑީޕީގެ ތާއީދު އަނބުރާ ގެންދިއުމަކީ ހިތާމަ ކުރައްވާ ކަމަށެވެ.

"ޕާޓީގައި އެބަހުރި އެކަހަލަ ތުހުމަތެއް ކޮށްފިއްޔާ ބެލޭނެ ގުނަވަންތައް. އަޅުގަނޑަށް ސުވާލެއް ވެސް ކުރުމެއް ނެތި މިފަދަ ފިޔަވަޅެއް އެޅުމުން ހިތާމަކުރަން. މީހަކު ސޯޝަލް މީޑިއާގައި ކޮށްލާ ޓްވީޓަކަށް އަޅުގަނޑުގެ ބަހެއް ނެތި، އެމްޑީޕީ ކަހަލަ ތަސައްރަފު ފުދިފައިވާ ޕާޓީއަކުން މިފަދަ ފިޔަވަޅެއް އެޅުމުން ހިތާމަ ކުރަން،" އެ މައްސަލަ ފެންމަތިވި ދުވަސްކޮޅު މުޣުނީ ވިދާޅުވި އެވެ.

މުޣުނީއާ އެކު ތިނަދޫ އުތުރު ދާއިރާ އަށް ވާދަކުރައްވަނީ ކުރީގެ ރައީސް މައުމޫން އަބްދުލްގައްޔޫމްގެ ތާއީދާ އެކު އެ ދާއިރާގެ މިހާރުގެ މެމްބަރު ސައުދުﷲ ހިލްމީ އާއި އަމިއްލަ ގޮތުން ކުރިމަތިލައްވާފައިވާ އިކްލީލް އާދަމެވެ.

ރައީސް މުހައްމަދު ނަޝީދު އެމްޑީޕީ ގދ. ތިނަދޫ ރައްޔިތުންގެ މަޖިލިސް ރައްޔިތުންގެ މަޖިލީހުގެ އިންތިޚާބު 2019 ގެވެށި އަނިޔާ އަންހެނުން

54 ކޮމެންޓް, 137 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަތީއްބެ

28 March 2019

ތިޔަ ޝޭޝްއެއް އެޅުވިޔަސް އެޕާޓީން ރަސްމީ ސިފައެއްގައި އަދިވެސް މުޣުނީއަށް ތާއީދުކުރާކަން ހާމައެއްނުކުރޭ، ޝޭޝް އެޅުވީ މަޖްބޫރުވެގެން، ތިނަދޫގެ މަސްރަޙް އޮތްގޮތުން އެކަން ނުކޮށްނުވެގެން، ހުވަދޫ ދަތުރުގެކުރިން ފޮނުވި މަންދޫބުގެ ލަފާގެމަތިން، ނަޝީދުގެ ވާހަކައިގަވެސް ސީދާ މުޣުނީއަށް ތާއީދުކުރި ވާހަކައެއް ވިދާޅެއްނުވި، އަދި ޕާޓީން ތާއީދު އަނބުރާ ގެންދިޔަ ދިއުމާބެހޭގޮތުން އެއްވެސް އެއްޗެއް ބުނެފައިނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންދާނު މޮޔަމީހާ

28 March 2019

ރައީސް ނަށީދު އާއިލާއިން 1980 އަހަރު ތަކުގާ ތިއާއިލާއިން ހިނގި(ސަފާރީޓުއާރސް) ރިސޯޓުތަކަށް ބޭނުންވާ މީހުން ހޯދަން އިއުލާންކޮއް ނޫސްތަކައްދީ ރޭޑިއޯއިން ގޮވާ އޮފީހުގެ ބޭރުގަ އިއުލާންޖަހާއިރު ވަޒީފާ ބޭނުންވާ މީހާގެ ށަރުތު 1 އައްޑޫ' ހުވަދޫ' ފޯއްމުލަށް މިތިން އަތޮޅަށްނިސްބައްވާ މީހަކައްނުވުން މީތި މީހުންގެ ހާލު ކީކުރަންތޯ ދެކުނު މީހުންކާރީ ސަލާން ތިޖަހަނީ ދިވެހިންނަކީ ވަރަށް ފަސޭހައިން ހަނދާންނެތޭބައެށް ވިސްނާ ވިސްނައު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

28 March 2019

އެމްޑީޕީގެ ނިންމުމަށް މަރުހަބާ. ސާބިތު ނުހިފޭ ކަންކަމުގައި ފިޔަވަޅު އަޅައި، ޕާޓީގެ އިޚްލާސްތެރިންނަށް ގެއްލުން ދީގެން ވާނެ ފައިދާއެއް ނޯންނާނެ. ޖަމީލް އުސްމާނުގެ އިޚްލާސްތެރިކަމުގެ ބަދަލެއްގެ ގޮތުން، މަކަރުވެރި، ޕީޕީއެމަށް ނުލާހިކު ގެއްލުން ދީފައިވާ ބަޔަކަށް ޓިކެޓް ދިނީމަ، ނުކުންނާނެ ނަތީޖާ ވަރަށް ސާފުކޮށް އެބަ ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

28 March 2019

ނަޝީދަކީ ފިތުނަވެރި މީހެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

28 March 2019

ކޮންމެ އެއްޗަކަސް، ސާބިތު ނުހިފޭ ކަމެއްގައި އަދަބު ނުދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

28 March 2019

ސާބިތު ނުހިފޭ، ތަހުގީގަކަށް ހުށަނާޅާ މައްސަލަތަކަށް މީހުންނާ ދޭތެރޭ ފިޔަވަޅެއް ނޭޅޭނެ! އެއީ ބޭއިންސާފެއް. މި ކަންކަން މި އުފަންވަނީވެސް ހަމަ މަޖިލީހަށް ކުރިމަތިލާ އިރަށް އެކަނި! އަޖައިބެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

28 March 2019

މިހެން މިކަން ނިންމީމަ މައުމޫން ޓްވިޓެއް ނުކުރޭތަ؟؟ ތާއީދު ނުކުރަން އެމްޑީޕީން ނިންމުމުން އެކަމަށް ތާއީދުކޮށްފަ މައުމޫން ކަމަށް ބެލެވޭ މީހަކު ޓްވީޓްކުރި ކަމަށް ބުނާތީ އަޑުއިވޭ.އެހެންވެ އަހާލީ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭފަތުފޫޅު

28 March 2019

6 އެޕްރީލްގައި ހޮވޭ އެންމެނަށްވެސް އެމްޑީޕީ އިން ތާއިދުކޮށް، އަމިއްލަގޮތުން ކުރިމަތިލި މީހުން ގެންދަން ސިއްރު ސިއްރުން އުޅޭނެކަމީ ފާޅުގައި އެނގޭކަމެއް. މިއީ އެކަމުގެ އެއްދަލީލު. އަދި ރުކުމާ އާއި ފަޒާ އަހްމަދު ވެސް އޯކޭވާނެ. ޖާބިރާ ދިމާލަށް ޗުއްޕުވެސް ބުނަންނުކެރުނު. މިއީ ޑިމޮކްރަސީގެ އެންމެ ހުތުރު ނަމޫނާ. "އެޖެންޑާ 19" ތަންކޮޅެއް ތަފްސީލުކޮށް ކުރިޔަށް މިއޮތް ހަފްތާގެ ކޮންމެދުވަހަކު ނޫސްތަކުން ރައްޔަތުންނަށް ކިޔާލަދީބަލަ. ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރެހެންދި

28 March 2019

މުގުނީ މި ހުރިހާ ދުވަހަކުވެސް ދުނިޔޭގަ ހުރި. ޕުރައިމަރީން ހޮވުނީމަ 11 އަހަރު ކުރީގެ ހިނގާފައޮތް ކަމެއް (ހިނގި ކަމެއްނޫން ކަމަށް ފުލުހުން މި ބުނަނީ) ކުއްލިއަކަށް ފެންމަތި މި ކުރީ މުގުނީގެ އަބުރު ކަތިލަން ނޫން ކަން އިނގެނީ ކިހިނެއްބާ؟ 11 އަހަރު ވެގެން ދިޔައިރު އެކަން ކަމާއިބެހޭ ފަރާތްތަކަށް ހުށަނޭޅީ ކީއްވެބާ؟ މީގަ އެމްޑީޕީން ކުރިން ކަންތައްތައް ކުރީ ރަނގަޅަކަށްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

28 March 2019

ދެން ބާރަށް އަތް ޖަހާ. ޖުހާ އާއި ތިޔަކަމުގައި ގޮތެއް ނިންމަން ހަވާލު ކުރިނަމަވެސް ހަމަ ތިކަން ނިންމާނީ ތިގޮތަށް. ނަމުން ޑިމޮކުރަސީގެ ރީތި ނަމޫނާ ދައްކާ ޕާޓީ. ކަން ނިންމާފައި އޮންނާ އިޒްރާއީލް ގެ ދަރިންނިންމާ ގޮތަށް ވުރެވެސް ޔަހޫދީކޮށް.