އިލެކްޝަންސް ކޮމިޝަނުން ބޭއްވި ނިއުސް ކޮންފަރެންސެއްގައި އެ ކޮމިޝަންގެ ރައީސް އަހްމަދު ޝަރީފް (ކ-2) ވާހަކަ ދައްކަވަނީ: އިންތިހާބީ ޝަކުވާގެ ހަތް މައްސަލައެއް ވަނީ ކޯޓަށް ހުށަހަޅާފައި. ---ފޮޓޯ: މިހާރު
31 މާޗް 2019 - 10:43
7 comments
އަންނަ މަހު ބާއްވާ ރައްޔިތުންގެ މަޖިލީހުގެ އިންތިހާބާ ގުޅިގެން ހަތް މައްސަލައެއް ހައި ކޯޓަށް ހުށަހަޅައިފި އެވެ.
ހައި ކޯޓުން ބުނީ ހުށަހަޅާފައިވާ ހަތް މައްސަލަ ވެސް އައިސްފައި ވަނީ ތިމަރަފުށީ ދާއިރާއާ ގުޅޭ ގޮތުން ކަމަށެވެ. އަދި އެ ހުރިހާ ޝަކުވާ އަކީ ވެސް ވޯޓާސް ލިސްޓުގައި ނަން ނެތިގެން، ލިސްޓުގައި ނަން ހިމަނައިދިނުމަށް އެދި ހުށަހަޅާފައިވާ މައްސަލަ އެވެ.
ބެލެވޭ ގޮތުގައި، މި މައްސަލަތައް މާދަމާ އަށް ތާވަލްކުރާނެ އެވެ.
މި އިންތިހާބުގައި ވޯޓު ލުމުގެ ހައްގު ލިބިފައިވާ މީހުންގެ ލިސްޓް އާންމުކޮށް، އެ ލިސްޓާ މެދު ޝަކުވާއެއް އޮތް ނަމަ އެކަން ހުށަހަޅަން ދިން ފުރުސަތަށް ފަހު މި މަހުގެ 18 ގައި ވަނީ ދާއިމީ ލިސްޓް ގެޒެޓްކޮށްފަ އެވެ. އޭގައިވާ ގޮތުން، ވޯޓު ލުމުގެ ހައްގު ލިބިފައިވާ މީހުންގެ އަދަދަކީ 264،442 އެވެ.
އިންތިހާބީ ޝަކުވާގެ މައްސަލަތައް ބެލުމުގެ އިހްތިސާސް އޮންނަނީ ހައި ކޯޓަށް އެކަންޏެވެ. މިފަދަ މައްސަލައެއްގައި އެ ކޯޓުގެ ނިންމުމަކީ އެންމެ ފަހުގެ ނިންމުމެވެ.
މަޖިލީހުގެ 87 ދާއިރާ އަށް 387 ކެންޑިޑޭޓަކު ވާދަކުރެ އެވެ. އިލެކްޝަންސް ކޮމިޝަނުން ވަނީ ވޯޓު ލުމަށް 505 ފޮށި، ރާއްޖެ އާއި ރާއްޖޭން ބޭރުގައި ބަހައްޓަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ ކޮބާ
31 March 2019
ޥޯޓް ފަސްކުރަން ސަބަބެއް ނެތް.. ތިމަރަ ދާއިރާ ވަކިން ބާއްވާ..
ސަކީނާ
31 March 2019
ވޯޓާސް ލިސްޓާއި ގުޅިގެން ޝަކުވާ ހުށަހަޅަން ހުޅުވާލި ފުރުސަތުގެ ބޭނުންނުކޮށް ހައިކޯޓަށް މިދަނީ ކީއްކުރަންކަން ނޭނގޭ މީހަކު މިގައުމުގައިނެތް. ޝަރީފް ނިކަން ތައްޔާރުވެގެން ހުންނާތި ކޯޓުތަކުން އެކުޅެން އުޅޭކުޅިގަނޑު ވަރަށްސާފް.
މަތީ ފަށަލައިގެ ނިންމުން
31 March 2019
ދެން ފަހެ ހުށަހެޅިފަވާ ލިޔުންތަކަށާއި ‘ ތިމަރަ ދާއިރާގެ ހުރިހާ ވޯޓިން ލިސްޓަށް ނަޡަރުކޮށް ބަލާއިރު އެސަރަހައްދަށް ވޯޓުލުމަށް ލިސްޓްގައި އޮންނަން ޖެހޭނެ ފަރާތްތަކެއްގެ ނަންތައް އެލިސްޓްގައި ހިމަނާފަ ނެތުމުން އެނަންތައް ލިސްޓްގައި ހިމަނާ އެއްވެސް ޝައްކެއް ނެތް މިންވަރަށް ލިސްޓް ޞައްޙަކޮށް ނެެރުމަށް ކަމާބެހޭ ފަރާތުގެ މައްޗަށް އަންގާ މިކަންކަން ފުރިހަމަކޮށް މިދާއިރާގެ އިންތިޚާބު ބޭއްވުމަށް މިދާއިރާގެ އިންތިޚާބު ފަސްކުރުމަށް އަންގާ ކަނޑައަޅައިފީމެވެ
ފާރަގެމަ
31 March 2019
ވޯޓް ފަސްކުރުމުގެ ފުރަތަމަ ކުޅިގަނޑު
ވަހީދު
31 March 2019
ޕީޕީއެމްގެ ރައީސް ޔާމީން ޖަލަށް ލައިގެން ބިރު ދައްކައިގެން ވޯޓު ލުމަކީ ހަމަހަމަ ކަން ގެއްލޭނެ ކަމެއް. ވޯޓު ފަސްކުރޭ. ޕީޕީއެމުގެ ފައިސާ ދޫކޮށްލާ
ދާލު
31 March 2019
ޔާމީނު ރިޔާސީ އިންތިހާބަށް ނިކުތީ އިދިކޮޅު ހަތަރު ލީޑަރުން ޖަލަށް ލާފަ
ޕަކާސް
31 March 2019
ޕީޕީއެމްގެ ކޮންތާކުހުރި ފައިސާއެއް ދޫނުވެގެން ތިޔައުޅެނީ. ޕީޕީއެމްއިން ތަންތަނަށް ދައްކަންހުރި ފައިސާގިނަ ލިބެން ހުރި އެއްޗަކަށްވުރެ. ޔާމީނު ދާއިރާއަކަށް ކުރިމަތިލައިގެން ނޫޅޭ. އެހެންނޫނަސް ރައްޔިތުން ނޫނެކޭ ބުނެފަ ހުރިމީހެއް އެއީ.