ކެންދޫ ދާއިރާގެ ގޮނޑި އަށް ދެވަނަ ފަހަރަށް ވެސް އިންތިޚާބު ކޮށްފައިވާ އަލީ ހުސައިން: އެ ދާއިރާގެ ވޯޓު ފޮއްޓަކަށް ވޯޓުލީ ގޮތާ ގުޅޭ މައްސަލަައެއް ތަހުގީގު ކުރަން އީސީން ވަނީ ނިންމާފައި.---ފައިލް ފޮޓޯ: މިހާރު
09 އެޕްރީލް 2019 - 13:37
29 comments
މިދިޔަ ހޮނިހިރު ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި ބ. ކެންދޫގައި ބެހެއްޓި އެ ދާއިރާގެ ވޯޓު ފޮއްޓަކަށް ވޯޓު ލީ ގޮތާ ބެހޭ ގޮތުން މައްސަލައެއް ހުށަހެޅުމުން އެކަން ތަހުގީގުކުރަން އިލެކްޝަންސް ކޮމިޝަން (އީސީ) އިން ނިންމައިފި އެވެ.
ވަގުތީ ނަތީޖާ ދައްކާ ގޮތުން ކެންދޫ ދާއިރާގެ ގޮނޑި ކާމިޔާބު ކުރެއްވީ މިހާރު ވެސް އެ ދާއިރާގެ މެމްބަރު ޖުމްހޫރީ ޕާޓީގެ އަލީ ހުސެއިން އެވެ. އަލީ ހުސެއިނަށް 988 ވޯޓު ލިބިވަޑައިގެންނެވި އިރު، އޭނާއާ ވާދަކުރެއްވި އެމްޑީޕީގެ ކެންޑިޑޭޓު އަހުމަދު ލަތީފަށް ލިބިވަޑައިގަތީ 829 ވޯޓެވެ.
ކެންދޫގައި ބެހެއްޓި ވޯޓު ފޮއްޓެއްގެ ނަތީޖާ ބާތިލްކޮށް، އަލުން ވޯޓުލެވޭނެ އިންތިޒާމުތައް ހަމަޖައްސައި ދިނުމަށް އެދި އީސީ އަށް ހުށަހެޅީ އިންތިޚާބުގައި ނާކާމިޔާބުވެވަޑައިގެންނެވި އަހުމަދު ލަތީފްގެ ފަރާތުންނެވެ.
އީސީގެ މެމްބަރު އަހުމަދު އަކްރަމް "މިހާރު" އަށް ވިދާޅުވީ ކެންދޫގައި ބެހެއްޓި ވޯޓު ފޮއްޓެއް ތަހުގީގު ކުރުމަށް ކޮމްޕްލެއިންޓްސް ބިއުރޯގެ ޓީމެއް އެ ރަށަށް ދާން ނިންމާފައިވާ ކަމަށެވެ. އެ މައްސަލައިގެ ތަހުގީގަކަށް ދާން ނިންމީ ވަރަށް ގިނަ ޝަކުވާތަކެއް ހުށަހަޅާފައި ވާތީ ކަމަށް އޭނާ ވިދާޅުވި އެވެ.
އަކްރަމް ވިދާޅުވި ގޮތުގައި އެ ފޮއްޓާ މެދު ގޮތެއް ނިންމާނީ ތަހުގީގަށް ފަހު އެވެ.
އީސީ އަށް ހުށަހެޅި މައްސަލައިގައި ވަނީ ވޯޓު ލާ މީހުންގެ ތަފްސީލް ގަޑިއަކު އެއްފަހަރު ހާމަކުރަން އޮންނަ އުސޫލުގެ ދަށުން، މެންދުރު ދޭއް ޖެހި އިރު، އެ ފޮއްޓަށް 377 މީހަކު ވޯޓު ލި ކަމަށް ބުނި ނަމަވެސް އެ އަދަދަށް މީހުން ވޯޓުލާފައި ނުވާ ކަމަށެވެ.
ވޯޓުލާފައިވާ މީހުންގެ ކިޔޫ ނަމްބަރަށް ވުރެ އިތުރަށް އެ ވޯޓް ފޮއްޓަށް ވޯޓުލާފައިވާކަން އެ ވަގުތު އެ ވޯޓު ފޮއްޓާ ހަވާލުވެ ހުރި ވެރިޔާގެ ސަމާލުކަމަށް ގެނައި ކަމަށާއި އެކަމަކު ވޯޓުލުން މެދުކަނޑާނުލައި ކުރިއަށް ގެންގޮސްފައިވާ ކަމަށް ވެސް އީސީ އަށް ހުށަހެޅި މައްސަލައިގައިވެ އެވެ.
ވޯޓު ފޮށި ކައިރީ އޮންނަ ޝީޓާއި ވޯޓާސް ލިސްޓާއި އިނގިލީގައި ފާހަގަ ޖަހައި މާކު ކުރާ ލިސްޓާއި ކިއު ނަމްބަރު ދޫކުރި ލިސްޓާ ދިމާ ނުވާ ކަމަށް ވެސް ޝަކުވާގައިވެ އެވެ. އަދި ވޯޓުލުން ހައެއް ޖެހިއިރު ބަންދުކުރި ފަހުން ވޯޓުލާ މަރުކަޒުގެ އޮފިޝަލަކު ފޮއްޓަށް ވޯޓުލާފައިވާ ކަމަށް ވެސް ހުށަހެޅި މައްސަލައިގައިވެ އެވެ.
އީސީން ވަނީ އދ. މާމިގިލީގައި ބެހެއްޓި ތިން ފޮއްޓެއްގެ ބާތިލް ވޯޓުތައް އަލުން ގުނަން ނިންމައިފަ އެވެ. އަދި ވޯޓު ފޮށިތައް ގުނުމަށް ހުށަހެޅި އިތުރު ޝަކުވާތައް ބަލާފައި، އެތަންތަނަކީ ނަތީޖާ އަށް ބަދަލު އަންނާނެ ފަދަ ތަންތަނަށް ނުވާތީ އެ މައްސަލަތައް ކުރިއަށް ނުގެންދަން އީސީން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާކެޔޮޅު
10 April 2019
އޭ ބުރޯ ވެގެން އުޅޭ ގޮތަކީ މީނާ ހޮވުނީ އިބޫގެ ތާއީދާ އެކުއޯ. އަންނި މާ ގަޔާވާ މީހެއްނޫނޯ. ޕަޕެޓް ނުހެދޭތީ. އެންމެންނަށް އެނގޭ ދޯ އެކަން. މިހާރު އެންޑީޕީ ތެރެއިން އަންނި ބޮޑުވަޒީރަކަށް ގެނެސް އިބޫ ވެއްޓުމުގެ މަސައްކަތާ ގުޅެ 2 ވަނަ ބަގާވާތް ފެށިފައި ވާތީ މީނާ ކޮންމެހެންވެސް ބޭޜު ކުރަން ޖެހެޔޯ! ވަﷲ އަޢުލަމް. ކެންދޫ މީހުންނަށް ހެޔޮ ވިސްނުން ދެއްވާ ރައްޔިތުންގެ ހައްގުގައި ބަސްބުނާ މީހަކު ހޮވުމުގެ ތައުފީގެ ދެއްވާ ފާނދޭވެ!
ރުޅި
10 April 2019
އަލީ ހުސައިނަކީ ރަނގަޅު ބޭފުޅެއް. މިފަދަ ނުބައި މީހުން އުޅެދުވަސްވަރެއްގައި މިފަދަ ބޭފުޅުން މަދުވާނެ. އެމްޑީޕީއަށް ނާކާމިޔާބުވި ފޮށިތައް އަލުން ގުނާނަމަ އަދި ކެންސަލްކުރާނަމަ ކާމިޔާބުވި ފޮށިތައްވެސް ގުނަންޖެހޭނެ. އެހެންވެއްޖެއްޔާ އިންތިހާބު ސައްހަވާނީކިހިނެއް.
މަރޭމިތުރު
10 April 2019
ޝައްކުތަކެއް ހުރިއްޔާ ގުނަންވީއޭ! ޝައްކުތައް ފިލުވަން އުޅެންވީއޭ!.......... ވޯޓުގައި ޝައްކުތަކެއް ހުރިއްޖެނަމަ ގުނުމަކީ މުހިންމު ކަމެއް. މިއިން ކަމެއް ހާސިލުވާނީ[ ދައްވިމީހަކު މޮޅުވެއްޖެއްޔާ! އަދި މޮޅުވި މީހަކު ދައްވެއްޖެއްޔާ!] މާނަޔަކީ މޮލުވާމީހާއަށް ވޯޓުކޮޅެއް ލިބުނަސް ނަތީޖާ ބަދަލުނުވާނެޔޭ.
ޓީޗަރު
10 April 2019
ފުރަތަމަ އެމްޑީޕީ ޕްރައިމެރީގަ ވެސް ހެދީ މަކަރު ދެން ހީވާނީ އެހެން މީހުން ވެސް ހަދާނީ މަކަރުކަމަށް މިކަލޭގެ މީ ހަމަ ޔާމީނު ދެން އަވަހަށް ދެ ދޮރު ދޭތެރޭ މުޒާހިރާ ފަށާފަ އީސީ ޝަރީފަށް ގޮވަން ފަށާ...!!
އިދުރީސްބެ
10 April 2019
ވަރަށް ބާރަށް ނަޒާހަތްތެރިޔޭ ގޮވާނެ. އެކަމަކު ނަޒާހަތްތެރި މީހަ ކަޓުވާލެވޭތޯ އެބަލަނީ.
ސޮސެޖް
09 April 2019
އަހަރެން މީ އެމްޑީޕީ މީހެއް ވޯޓް ދިނީވެސް އެމްޑީޕީ ކެންޑިޑޭޓަށް. ވަރަށް ސާފުކޮށް މިބުނަނީ، އަލުން ވޯޓްލާން ޖައްސައިފިއްޔާ އަހަރެންގެ ބާރުހިނގާ އެންމެންގެ ވޯޓް އަލީ ހުސޭނަށް ހޯދަދޭނަން. ތިދެން މާ ހަޑިވަނީ.
ކަޓޭ
09 April 2019
"ވޯޓުން ބަލިވީމަ ކޯޓަށް" ކޮންތާކު މިޖެހުނީ.
މިއަދު
09 April 2019
އެމްޑީޕީއަށް ގޮނޑިލިބިފައިނުވާ ހުރިހާދާއިރާތަކެއްގެ ވޯޓުބާތިލުކުރުމަށް ގޮވާލަން
ގުނބޯއަލީ
09 April 2019
އަމިއްލަ ގޮތުން ވާދަ ކުރި ކެނޑިޑޭޓަށް ސްޓޭޓްމިނިސްޓަރ ކަން ދީގެން ރިޝްވަތު ހުށަހަޅައިގެން އޭނަ ގަތީމާ އޭނާ އަށް ތާއިދު ކުރި މީހުން އެމް ޑީ ޕީ އަށް ވޯޓްލާނެ ކަމަށް ހީ ކުރުމަކީ ކުއް ހީއެއް. ތިޔަ ފޮއްޓަށް އަލުން ވޯޓުލާން ޖެހިއްޖިއްޔާ ދެން އަދި މާ ބޮޑު ތަނުން ފަލީޙަތް ކޮއްލާނަން.
އިހު
09 April 2019
އަލީ ހުސޭނު ބޭރު އަރުވާ ލައިފިނަމަ އޭގެ މާނައަކީ ކިޔަވައިގެން ތިބި ރައްޔިތުންގެ ހައްގުގައި މަސައްކަަތްކުރާ އެއްވެސް ކަލްޓް ލީޑަރަކަށް ސަނާ ނުކިޔާ ފަސް ބައި ސާފު އާރޯތާނަ ޒުވާން ކުދިންނަކަށް މި ޔެލޯ ސިސްޓަމަކު ތަނެއް ނެތޭ! ރައްޔިތުން ވިސްނާ