ކުރީގެ ރައީސް ޔާމީނާ އެކު އުމަރު (ކ) އާއި ޖަމީލް (ވ). ޖަމީލާއި އުމަރުގެ ހުށަހެޅުއްވުން ޔާމީން ވަނީ ކައުންސިލާ ހިއްސާ ކުރައްވާފައި.
11 އެޕްރީލް 2019 - 14:23
197 comments
ސިޔާސީ މަސައްކަތުގައި ކުރީގެ ރައީސް އަބްދުﷲ ޔާމީނާ އަލުން ގުޅިވަޑައިގެން، އިދިކޮޅު ޕާޓީއެއްގެ ގޮތުގައި ޕީޕީއެމް ވަރުގަދަ ކުރުމަށް ކުރީގެ ނައިބު ރައީސް ޑރ. މުހައްމަދު ޖަމީލާއި ކުރީގެ ހޯމް މިނިސްޓަރު އުމަރު ނަސީރު ޝައުގުވެރިވެއްޖެ އެވެ.
މިދިޔަ އަހަރުގެ ރިޔާސީ އިންތިޚާބާއި މިދިޔަ ހޮނިހިރު ދުވަހު ބޭއްވި އާންމު އިންތިޚާބުގައި ކުރިމަތިވި ނާކާމިޔާބީއާ އެކު، ޕީޕީއެމް މިހާރު ވެއްޓިފައި އޮތް "އަނދަވަޅުން" ސަލާމަތްކޮށްދޭން ތައްޔާރަށް ތިއްބެވިކަން ޖަމީލާއި އުމަރު ވަނީ ކުރީގެ ރައީސް އަދި ޕީޕީއެމްގެ ރައީސް އަބްދުﷲ ޔާމީނަށް ހުށަހަޅުއްވައިފަ އެވެ. އެކަމާ ގުޅޭ ގޮތުން ޔާމީން ވަނީ ޕީޕީއެމްގެ ކައުންސިލް މެމްބަރުންގެ ލަފާ ވެސް ރޭ ހޯއްދަވައިފަ އެވެ.
ކައުންސިލް މެމްބަރަކު ނަން ހާމަނުކުރަން އެދިވަޑައިގެން "މިހާރު" އަށް މިއަދު ވިދާޅުވީ ޖަމީލާއި އުމަރާ އެކު މަސައްކަތް ކުރަން ކައުންސިލް މެމްބަރުންގެ ރުހުން ވަނީ ޔާމީނަށް ދެއްވައިފަ އެވެ. އެއާ އެކު، ޕާޓީގެ އެތެރޭގެ އިންތިޚާބުތައް ބޭއްވެން ދެން ވެސް އެ ދެ ބޭފުޅުންނަށް ޕާޓީގެ ލީޑަޝިޕުން ޖާގައެއް ދެއްވަން ފެނިވަޑައިގަންނަވާ ކަަމަށް ޔާމީން ވިދާޅުވި ކަމަށް މެމްބަރު ވިދާޅުވި އެވެ.
ޔާމީންގެ ވިސްނުންފުޅު ހުރީ، ކައުންސިލް މެމްބަރު ކިޔައިދެއްވި ގޮތުގައި، ޕީޕީއެމް ހަރުދަނާކުރަން ފަސް މެމްބަރުންގެ ކޮމިޓީއެއް ނެގުމަށެވެ. އިދިކޮޅު އެހެން ޕާޓީތަކާ ގުޅިގެން މަސައްކަތް ކުރާނީ އެ ކޮމިޓީގެ ލަފާގެ މަތިން ކަމަށް ވެސް އޭނާ ވިދާޅުވި އެވެ.
އިދިކޮޅު ޕީޕީއެމަށް އެނބުރި ވަޑައިގަތުމުގެ ވިސްނުންފުޅު، މި ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ޕޮލިޓިކަލް އެޑްވައިޒަރު ޖަމީލް ގެންގުޅުއްވާއިރު، ނައިބު ރައީސްގެ މަގާމުން އެމަނިކުފާނު ދުރުކުރީ ވެރިކަން ވައްޓާލަން އުޅުއްވި ކަމުގެ ތުހުމަތާ އެކު އެވެ. ޔާމީންގެ ސަރުކާރާ ދެކޮޅަށް މެއި 1، 2015 ގައި އިދިކޮޅު ފަރާތްތަކުން ކުރި މުޒާހަރާ އަށް ފަހު ވެރިކަމާ ހަވާލުވެވަޑައިގަތުމަށް ޖަމީލް ތައްޔާރުވެވަޑައިގަތް ކަމަށް ޕީޕީއެމްގެ އިސް ބޭފުޅުން އެމަނިކުފާނަށް ތުހުމަތު ކުރެއްވި އެވެ.
"ޕީޕީއެމް ވަރުގަދަ އިިދިކޮޅު ޕާޓީއަކަށް ހަދައި، ދެން ތިބި އިދިކޮޅު ފަރާތްތަކާ އެއްގަލަކަށް އަރުވަން މަސައްކަތް ކުރުން އެ މަޝްވަރާ ތެރޭގައި ހިމެނޭ،" އުމަރު
އެއާ އެކު އިތުބާރު ނެތް ކަމުގެ ވޯޓު މަޖިލީހަށް ހުށަހަޅައި މަގާމުން ދުރުކުރީ، ޖަމީލް ވިދާޅުވަމުން ގެންދަވާ ގޮތުގައި، ގާނޫނުއަސާސީ އާއި ރައްޔިތުންގެ މަޖިލީހުގެ އިޖުރާއަތުތަކާ ވެސް މުޅިން ޚިލާފަށެވެ. މަގާމުން ދުރުކުރުމާ އެކު އެމަނިކުފާނު މަސައްކަތް ކުރެއްވީ ޔާމީން މަގާމުން ދުރުކުރުމަށެވެ.
އެ ހުރިހާ ކަންކަން އެއްފަރާތް ކޮށްލައްވައި، އަލުން ޕީޕީއެމާ ގުޅެން ޝައުގުވެރިކަން ފާޅުކުރެއްވީ މިދިޔަ ރައްޔިތުންގެ މަޖިލީހުގެ އިންތިޚާބުގައި ވިލިމާލެ ދާއިރާ އަށް ވާދަ ކުރައްވައި ނާކާމިޔާބީއާ ކުރިމަތިވެވަޑައިގެންފައި ވަނިކޮށެވެ.
ޖަމީލް ފޯނު ނުނަންގަވާތީ އެމަނިކުފާނުގެ ބަހެއް މިއަދު ނުލިބުނެވެ.
އެކަމަކު، އުމަރު ވަނީ ޕީޕީއެމާ ދޭތެރޭގައި އޭނާ ވިސްނުން ގެންގުޅުއްވާ ގޮތް ހިއްސާ ކުރައްވައިފަ އެވެ.
ޔާމީނާ މެދު ހިތްހަމަޖެހިވަޑައިނުގެން ހޯމް މިނިސްޓަރުގެ މަގާމުން އިސްތިއުފާ ދެއްވުމަށް ފަހު، މިދިޔަ އަހަރު ރިޔާސީ އިންތިޚާބުގައި ރައީސްކަަމަށް ވާދަ ކުރައްވަން ނިންމެވި އެވެ. އެކަމަކު، ފަހު ވަގުތު އެ ނިންމުން އަނބުރާ ގެންދެވީ އެވެ. އޭގެ ފަހުން "ހިމޭނުން" ހުންނެވުމަށް ފަހު އޭނާ ދެން ފެނުނީ ރައްޔިތުންގެ މަޖިލީހުގެ އިންތިޚާބު ޕީޕީއެމަށް ކާމިޔާބު ކޮށްދޭން ކެމްޕޭންގައި އުޅުއްވަނިކޮށެވެ.
އުމަރު "މިހާރު" އަށް މިއަދު ވިދާޅުވީ އިދިކޮޅު ސިޔާސީ ޕާޓީއެއްގެ ގޮތުގައި ޕީޕީއެމް ހަރުދަނާކުރަން ޔާމީނާ އެކު މަޝްވަރާ ކުރައްވަމުން އަންނަ ކަމަށެވެ. ދެ އިންތިޚާބުގެ ނާކާމިޔާބީ އަށް ފަހު ޕީޕީއެމް އިސްލާހުކޮށް، ވަރުގަދަ އިދިކޮޅު ޕާޓީއެއްގެ ގޮތުގައި ނެރެން ޖެހޭ ކަމަށް އޭނާ ވިދާޅުވި އެވެ.
"ޕީޕީއެމް ވަރުގަދަ އިިދިކޮޅު ޕާޓީއަކަށް ހަދައި، ދެން ތިބި އިދިކޮޅު ފަރާތްތަކާ އެއްގަލަކަށް އަރުވަން މަސައްކަތް ކުރުން އެ މަޝްވަރާ ތެރޭގައި ހިމެނޭ،" އުމަރު ވިދާޅުވި އެވެ.
ޕީޕީއެމަށް އިންތިޚާބު ނާކާމިޔާބުވި ސަބަބެއް ކަމަށް އުމަރު ދެކެވަޑައިގަންނަވަނީ ޕާޓީގެ އެތެރޭގެ ހިންގުން ދޯދިޔާވުމެވެ. ފުރަތަމަ ކަމަަކަށް ޕްރައިމަރީއަކާ ނުލައި އިންތިޚާބަށް ޕީޕީއެމްގެ ޓިކެޓް ދިނުމެވެ.
އިންތިޚާބުތަކަށް ކުރިމަތިލާއިރު، ޕާޓީގެ ތެރޭގައި ޕްރައިމަރީގެ ނިޒާމެއް ކަނޑައަޅައި ވާދަވެރި ފުރުސަތަކުން ދޭންޖެހޭ ކަމަށް ވިދާޅުވި އެވެ. އެކަމަކު، އެމްޑީޕީން އަމަލުކުރާ ގޮތަށް، ޕާޓީގެ އިސް ބޭފުޅުން އިންތިޚާބުތަކުގައި އިސްކޮށް އުޅުއްވާ އުސޫލު އޭނާ އަށް ކަމަކު ނުދެ އެވެ.
އުމަރު ވިދާޅުވި ގޮތުގައި ޕްރައިމަރީތައް ބާއްވަން ޖެހޭނީ ލީޑަޝިޕްގެ ނުފޫޒު ނުފޯރުވޭ ގޮތަށް މިނިވަންކޮށެވެ.
އޭނާ ވިދާޅުވީ، ދެ އިންތިޚާބުގެ ނަތީޖާ އަށް ފަހު ދެން އޮތީ ވަރުގަދަ އިދިކޮޅު ޕާޓީއެއް ނެރުން ކަމަށެވެ. އެކަން ކުރެވޭނީ ޕީޕީއެމްގެ ހިންގުން ހަރުދަނާކޮށްގެން ކަމަށް ވާތީ، އޭނާ ހުންނެވީ އެ މަސައްކަތް ކުރައްވަން ތައްޔާރަށް ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޔާޝާ(އާސަންދަ)
13 April 2019
ދެން ނެއްތަ ޖޮއިން ކޮށްލާނެ ބޭކާރުމީހަކު. ނިހާނު ވެސް ވަރަށް ފަހުން އިންތިހާބެއްގަ ރައްޔިތުން ބަލައިނުގަނެ ބޭރުކޮއްފި. އޭނަ ރަނގަޅުވާނެ އުމަރާ، ޖަމީލުއާ، ޔާމީނު ކައިރީ އުޅެން.
މާންބެ
13 April 2019
އުމަރުގެ މައްޗަށް މިނިވަން ފަންސަވީހުގެ ކޮރަޕްސަން ކަންތައް ބަލަންއެބަޖެހޭ. މިހެން ސިޔާސީ މީހުން އަޅާނުލާދޫކޮށްލާފަ ބެހެއްޓުންއެހާ ރަނގަޅެއްނޫން.
ދޮންޖޭމު
13 April 2019
އުމަރާ މިހާރު ތިޖޫރީ އޮތްތާގައޮތީ ރަންފޮއްޓެއްތ؟ބަލަ އުމަރާ ތިދެމީހުންވެސް ތިތިނބީ ރައްޔިތުން ބަލައިނުގަނެފަ.ތިމާމެންގެ ދުލުންބޭރުކުރާ ބަހުގެ އިތުބާރު ނެތުނީމަ ކިޔާނީ މުނާފިގުންނޭ. މިހާރަކުނެތް ނައިބުރައީސްކަމުން ވަކިކުރިގޮތެއް މިހާރު އޯކޭވެފަ.ރައްޔިތުންމިތިނބީ ބަލަންށޭ. އުމަރު ހީކުރަނީ ތިމަންނަ އަށް ވ ތާއީދު އޮންނާނެއޭ ނެތޭބަލަ. އިނއތިހާބެއްގައި ވާދަކޮށްފިއްޔާ ފެއިލް އަދިވެސްވާނީ ފެއިލް?
އަލީބޭބެ
13 April 2019
އުމަރަކަސް ޖަމީލަކަސް، އަހަރެމެން ދަންނަވާނެ ވާހަކައެއްނެތް. ރަގަނޅުވާނެ އެހެން ކަމަކާ އުޅުނިއްޔާ. މިގައުމު ދުން ވަރަށް ނާގާބިލް 2 މީހުން. އަދި ރަށްޔިތުންނަށް ނުހަނު ބޮޑު ގެއްލުން ދީފައިވާބައެއް. ގައުމު އެތަށް 100 އަހަރު ފަހަޔަށް ވަށްޓާލި މީހުންގެ ތެރޭގައިވެސް އުމަރާ ޖަމީލު ހިމެނެ.
ބަނަސް
13 April 2019
ކޮން ގޮތަކުންތޯ؟ ތި ބަޔާންކުރި ސަބަބު ދެއްވާ!
ކޮބާ..ކޮބާ
13 April 2019
ތިޔަ ދިޔައީ އަމިއްލަ އަށް ޕާޓީ އެއް ނެހެދޭނެ ކަން ޔަގީން ވާތީ، ހަދާފަ އޮތް ޕާޓީ ފޭރި ގަނެވޭތޯ.. އެކަން ޔާމީން އަށް އެނގޭ.. މައުމޫނު ކޮބައިބާ؟؟
މޫސާފަތުހީއ2
13 April 2019
ލޮލް. މީ މިހާރު އޮއްސިފަ ތިބި ކެނައިން. މިމީހުން މީހުން ކަމަށް ބަލައިގެން ތިއުޅެނީ ؟؟
މަރިޔަމް ނަޝްފާ
13 April 2019
ފެއިލް ވެފަ ތިބި 2 މީހުން ފޭލި އަންދަވާފަ މަޖީދީމަގު ގައި ހިންގަންވީ.
ސިޔާސީ ށޭޚުން
13 April 2019
ތިޖޫރީނެގި ހުސްވަޅުގަނޑަށް ފުންމާލީ ރައްޔިތުން ބަލައިނުގަތީމަ. . އެންމެ މަތީ ތައުލީމީ ފާސް އޮތް ބޭފުޅަކު އެއްވެސް މިސްރާބެއް ނެތް ލާހޫރޭ މީހަކަށް ބަދަލުވުމަކީ ވަރަށް ހިތާމަހުރި ކަމެއް. ޑރ. ޙަސަން މެން ކަހަލަ ހަރުދަނާ ޝަޚުސިއްޔަތު ހުރި ބޭފުޅަކަށް ވާނެކަމަށް ކުރިން ހީހެރެވުނީ. 100 މޭލަށްވެސް ކައިރި ނުކުރެވޭ. 2 ޑރ ންގެ ތަފާތު.
ނިޔާސް
13 April 2019
ޑރ ހަސަނާ ހަރުދަނާޔާ އަދި އަލައް ޖުމުލައެއްގަ މި ފެނުނީ. ކަލޭމެނައް ނިންދަވައިދޭ ކޮންމެ މީހަކު ވަނީ ވަގުތުން މާ މޮޅު ބަޔަކައް...
ލަދުކުޑޭ
13 April 2019
އުމަރު މިއީ އައިޑީޕީ، ޑީއާރުޕީ، ޕީޕީއެމް، ޖޭޕީ ގެ ނޫޅެވުނު މީހެއް. ޖަމީލު މިއީ ގައުމީ ޕާޓީ ޑީއާރުޕީ ޕީޕީއެމް ޖޭޕީ ގެ ނޫޅެވުނު މީހެއް. ކޮންމެ މޫސުމަކަށް މީހަކާ އެކު ރޭ ކުރަމުން ހިގުމާ މިއާ ތަފާތެއް އެބަ އޮތް؟
ކޮންފިއުސިއަސް
13 April 2019
ކޮންމެ ތަޅަކުން ހުޅުވޭ ތަޅެއް އެއީ ބޭކާރު އެއްޗެއް. އެކަމު އެއް ތަޅުދަނޑިން ހުރިހާ ތަޅެއް ހުޅުވެންޔާ އެއީ މާސްޓާ ކީ އެއް. ތަފާތު.
ޖޭސީ
13 April 2019
އެމް.ޑީ.ޕީ ގެ ރީނދޫލަޝްކަރު ތިބޭހެން ނުތިބެވިގެން ތި ދުވެނަގަނީ ކީވެތަދޯ.. ފިސްފިސްކޮށްލިޔަސް މަ ޗިސް ޗިސްކޮށްލިޔަސް ނެތޭވެވޭކަށް ބާޣީއަކަށް.. ވަރަށް ސާފު ތިކުަން އުޅޭކަމެއް.