ފިހާރައެއްގައި ވިއްކަން ބަހައްޓާފައި ހުރި މުދާތަކެއް: ރޯދަ މަހު ފިހާރަތަކާއި ރެސްޓޯރެންޓްތައް ހުޅުވޭނެ ގަޑިތައް ވަނީ ކަނޑައަޅާފައި -- ފޮޓޯ/މިހާރު
11 އެޕްރީލް 2019 - 15:31
4 comments
އަންނަ މަހު ފަށާ މި އަހަރުގެ ރޯދަ މަހު ކެފޭ އަދި ރެސްޓޯރެންޓްތަކާއި ފިހާރަތައް ހުޅުވާފައި ބެހެއްޓޭނެ ވަގުތުތައް އިކޮނޮމިކް މިނިސްޓްރީން މިއަދު ކަނޑައަޅައިފި އެވެ.
އެ މިނިސްޓްރީން ކުރި އިއުލާނުގައިވާ ގޮތުން، ރޯދަ މަހާއި ޖެހިގެން އަންނަ ޝައްވާލް މަހުގެ ފުރަތަމަ ހަތް ދުވަސް ނިމެންދެން ކެފޭ އަދި ރެސްޓޯރެންޓްތަކާއި ކެއުންބުއިމުގެ ޚިދުމަތް ދޭ ތަންތަން ހުޅުވާފައި ބެހެއްޓޭނީ އިރުއޮއްސޭ ވަގުތުން ފެށިގެން މެންދަމު ތިނެއް ޖަހަންދެނެވެ. އަދި އެ މުއްދަތުގައި ފިހާރަތައް އެންމެ ލަސްވެގެން ހުޅުވާފައި ބެހެއްޓޭނީ މެންދަމު 12 ޖަހަންދެން ކަމަށް ވެސް އިއުލާނުގައި ވެ އެވެ.
ރާއްޖޭގައި މީހުން ދިރިއުޅޭ ހުރިހާ ރަށެއްގައި ވެސް އެ އުސޫލުން އަމަލު ކުރަން ޖެހޭނެ ކަމަށް އިކޮނޮމިކް މިނިސްޓްރީން ބުނެ އެވެ.
ކޮންމެ އަހަރެއްގެ ރޯދަ މަހާ ދިމާކޮށް ވެސް، ކެފޭ ރެސްޓޯރެންޓްތަކާއި ފިހާރަތަކުން ޚިދުމަތް ދެވޭނެ ގަޑިތައް ސަރުކާރުން ކަނޑައަޅަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏިޒާރު
14 April 2019
އަލިފް ސީން ބުނަން ތިބުނަނީ ގޯސްވާހަކައެއް އެންމެ ރަނގަޅު ގޮތަކީ 10..12..އަށް..އޭރުން ދަމުނަމާދުކޮށް ނިދާލާފަ ދެވޭނީ..
ނޮޓް ގުޑް
12 April 2019
12 ޖަހަން ދެން ފިހާރަތައް ހުޅުވަފާއި ބެހެއްޓުމުގެ މާނައެއް ނެތް. މުޅި ގައުމުގެ ޚަރަދު ބޮޑުވެފައި، މުވައްޒަފުންޏަށް ދެވޭ ބޮޑު އަނިޔާއެއް.
އަލިފް ޝީނު
12 April 2019
އަޅުގަނޑު ސިވިލްސާވިސްގައި މަސައްކަތް ކުރާ މުވައްޒަފެއްގެ ހައިސިއްޔަތުން ރައީސް އަރިހު ވަރަށް ބޮޑަށް އެދެން މިއައްނަ ރަމްޟާން މަހު ސަރުކާރުގެ ރަސްމީ ގަޑި 1000 - 1400 ނުހަދާ ހަމަ 08:00 ފަށަން. އޭރުން 12:00 އަށް އޮފީސް ނިންމާލާފަ ގެއަށް ދެވޭނެ.
އިބްރާ
12 April 2019
އަވަހަށް ފަށާފަ އަވަހަށް ނިންމީމަ މާބޮޑަށްވެސް ރަނގަޅުވާނެކަމަށް ފެނޭ.