ޕީޕީއެމްގެ އެއްވުމެއްގައި ޔާމީން، އެމަނިކުފާނުގެ ސަޕޯޓަރުންނާ ސަލާމް ކުރައްވަނީ.---ފޮޓޯ: މިހާރު
15 އެޕްރީލް 2019 - 10:34
125 comments
ޕީޕީއެމްގެ ކައުންސިލާއި އާއްމު މެމްބަރުންގެ ރުހުން ނެތި ލީޑަރަކަށް ހުންނަވަން ބޭނުންފުޅު ނުވާ ކަމަށް މީގެ ހަފުތާއެއްހާ ދުވަސް ކުރިން ވިދާޅުވި ވާހަކަފުޅު ތަކުރާރު ކުރައްވައި، ޕާޓީއާ ދުރަށް ވަޑައިގަތުމަށް ތައްޔާރަށް ހުންނެވި ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
މިދިޔަ ސެޕްޓެމްބަރު މަހު ބޭއްވި ރިޔާސީ އިންތިޚާބުގައި ދެ ވަނަ ދައުރަކަށް ހޮވިވަޑައިނުގެން ޔާމީނާއި ޕީޕީއެމަށް ކުރިމަތިވީ ބޮޑު ނާކާމިޔާބީއަކާ އެވެ. އޭގެ ހަ މަސް ފަހުން، ބޭއްވި ރައްޔިތުންގެ މަޖިލީހުގެ އިންތިޚާބުގައި ވެސް ޕީޕީއެމް ފެއިލްވީ އެވެ. ޕީޕީއެމާއި ޕީއެންސީން ކެންޑިޑޭޓުން ނެރެގެން ލިބުނީ ޖުމްލަ އަށް ގޮނޑި އެވެ.
މި ނަތީޖާއާ އެކު ޕާޓީ ކައުންސިލާއި އާއްމު މެމްބަރުންގެ ނުރުހުން އަމާޒުވީ ޕާޓީގެ ލީޑަޝިޕަށެވެ.
އެ ޝަކުވާތަކަށް ރައްދު ދެއްވަމުން ޕީޕީއެމްގެ ކައުންސިލްގެ ވައިބަ ގްރޫޕަށް މީގެ ހަފުތާއެއްހާ ދުވަސް ކުރިން ފޮނުއްވި މެސެޖެއްގައި ޔާމީން ވަނީ، އެކަމަށް އެދެފި ނަމަ ލީޑަޝިޕުން އެއްފަރާތް ވެވަޑައިގަންނަވާނެ ކަމަށް ވިދާޅުވެފަ އެވެ. ނޮވެމްބަރު، 17، 2018 ގައިި ރައީސް އިބްރާހިމް މުހައްމަދު ސޯލިހް ހުވާކުރައްވައި، އާ ވެރިކަމެއް ފެށުމާ އެކު ރާއްޖެ އިން ބޭރަށް ވަޑައިނުގަތީ، ޔާމީން ވިދާޅުވި ގޮތުގައި، ޕާޓީގެ އާއްމު މެމްބަރުންނަށްޓަކަ އެވެ.
"ހިތްހަމަނުޖެހުންތައް ދޫކޮށްލާ، އަޅުގަނޑު ނެތިން ތިޔަ ބޭފުޅުންގެ ރުހުން ނެތި ލީޑަރަކަށް ހުންނާކަށް،" ޔާމީން ވިދާޅުވި އެވެ.
ކުރީގެ ރައީސް ޔާމީނާއި އަނބިކަނބަލުން ފާތުމަތު އިބްރާހީމް: އާއިލާ އިން ވެސް އާދޭސްކުރަނީ މިވަގުތު ސިޔާސީ ކަންކަމުން އެއްފަރާތްވެވަޑައިގަތުމަށް ކަމަށް ވިދާޅުވި --ފޮޓޯ: ހުސައިން ވަހީދު/މިހާރު
އޭގެ ފަހުން އެމަނިކުފާނުގެ ސަޕޯޓަރުންގެ ގްރޫޕަކަށް ރޭ ފޮނުއްވި މެސެޖެއްގައި ވެސް ވިދާޅުވީ ޕާޓީން ނިންމައިފި ނަމަ "ދުރަށް ޖެހިލާނަން" ކަމަށެވެ. އާއިލާ އިން ވެސް އެމަނިކުފާނަށް އާދޭސްކުރަނީ މިވަގުތު ދުރަށް ޖެހިލަން ކަމަށް ވިދާޅުވި އެވެ.
ކުރީގެ ރައީސް ވިދާޅުވި ގޮތުގައި ޕާޓީގެ ހާލަތު ބަދަލު ކުރަން އިސް މަގާމްތަކަށް މީހުން ހަމަޖެއްސިދާނެ އެވެ. އެކަމަކު އަލަށް ހަވާލުވާ މީހުން ވެސް ވާން ޖެހޭނީ ޒިންމާ ނަގަން ކެރޭ ބަޔަކަށް ކަމަށް ވިދާޅުވި އެވެ. އަދި ޕާޓީ އަށް ފައިސާ ހޯދައި މެމްބަރުން ވެސް އިތުރުކުރުމުގެ ގާބިލްކަން ހުންނަން ވާނެ ކަމަށް ވިދާޅުވި އެވެ.
ޕާޓީއާ އަލަށް ހަވާލުވާ މީހުން ކަމަށް ޔާމީން އިޝާރާތް ކުރެއްވީ، ކުރީގެ ނައިބު ރައީސް ޑރ. މުހައްމަދު ޖަމީލާއި ކުރީގެ ހޯމް މިނިސްޓަރު އުމަރު ނަސީރަށް ކަމަށް ބެލެވެ އެވެ. ވަރުގަދަ އިދިކޮޅު ޕާޓީއެއްގެ ގޮތުގައި ޕީޕީއެމް ހިންގަން ތައްޔާރަށް ތިއްބެވި ކަމަށް އެ ދެ ބޭފުޅުން ވަނީ ޔާމީނަށް ހުށަހަޅުއްވައިފަ އެވެ. އެކަމާ ގުޅޭ ގޮތުން ޔާމީން ވަނީ ކައުންސިލާ ވެސް މަޝްވަރާ ކުރައްވައިފަ އެވެ.
މި އިންތިޚާބުން ބަލިވީ، ޔާމީން ގަބޫލުފުޅުކުރައްވާ ގޮތުގައި، ޕީޕީއެމާއި ޕީއެންސީން ނުކުތް ކެންޑިޑޭޓުންނަށް ތާއީދު ނެތިގެނެއް ނޫނެވެ. އޭގެ މައިގަނޑު އެއް ސަބަބަކީ ފައިސާ ނެތިގެން ކަމަށް އެމަނިކުފާނު ވަނީ ކައުންސިލް ގްރޫޕްގައި ވިދާޅުވި އެވެ.
ޕީޕީއެމް ހަރުދަނާ ކުރުމަށް ލީޑަޝިޕްގެ ބޭފުޅުން ދުރަށް ވަޑައިގަތުމަށް، އެ ޕާޓީގެ ޕާލަމެންޓްރީ ގްރޫޕްގެ ލީޑަރު އަހްމަދު ނިހާން ރޭ ވަނީ ގޮވާލައްވައިފަ އެވެ. އަދި އެ ބޭފުޅުންނަށް ނަމޫނާ ދެއްކެވުމަށް ކަމަށް ވިދާޅުވެ އޭނާ ވަނީ މަގާމުން އިސްތިއުފާ ވެސް ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުމަދު.
17 April 2019
ރާއްޖޭގެ އެއްވެސް ރައްޔިތަކު ބޭނުމެއްނުވާނެ ރައްޔިތުންގެ މުދަލާފައިސާއިން ވައްކަންކުރާ ޕާރޓީއެއް ދުވަކުވެސް ރާއްޖޭގެ ވެރިކަމަށްއަންނާކަށް، މަނިކުފާނުގެ ވެރިކަމުގައި ތަރައްޤީ ކުރެވުނީ ވައްކަންތޯ ނުވަތަ ޤައުމުތޯވިސްނާލައްވާށެވެ. ؟ ދައުލަތަށް ލިބެންޖެހޭ އެތަށް މިލިޔަން ރުފިޔާއެއް އަމިއްލަ ޖީބަށް ކަޅާކޮށްލި ބަޔަކު ދެން ރާއްޖޭގެ ވެރިކަމުގެ މަތިން ހަދާން ނައްތާލާ. ތިޔަތިބީ ފަޑުއްކަ އަށްވެފަ. ދެން އަތްޖަހާ.
ތޮށަލިތަކުރު
16 April 2019
ރިޔާސީ އިންތިޚާބުން ބަލިވީ ވެސް ފައިސާ ނެތިގެންތޯއެވެ. އެހެންނަމަ ތިއީ ތެދެއްކަމަށް ގަބޫލުކުރެވިދާނެއެވެ. ހަމަގައިމުވެސް މިދެ އިންތިޚާބުގައިވެސް އަހަރެން ވޯޓްދިނީ ވައްކަމާއި ކޮރަޕްޝަނާއި އަނިޔާވެރިކަމާ ދެކޮޅަށް ހިތުގެ އަޑިން މީގެކުރިން ތާއީދުކުރި ޕާޓީއާ ދިމާ އިދިކޮޅަށެވެ. ވޯޓުވިއްކާ މަދު ބަޔަކު ގަނެނުލެވުނީ ފަހަރެއްގައި ތިބުނާވަރަށް ފައިސާ ނެތިގެންކަމަށް ވެދާނެއެވެ.
ޞަސް
16 April 2019
ކޮހެއް ޔާމީނަކީ
މަލީހާ ޖަމާލް
16 April 2019
ތިޔަ ޕާޓީއަށް ދެންކެއްކޭނީ ބޮނޑިބަތް އެޖަމީލުކަނޑު ގޮވައިގެން
ނަޖްވާ
16 April 2019
ބަލަގަ ފައިސާ ނެތިގެނެއް ނޫން! ކައެމެންނާ ލައިކް ނުވާތީ ބަލިވީ އެނގިއްޖެތަ؟
ވަތަން އިސްކުރަންޖެހޭ
16 April 2019
ޕީޕީއެމް ހަރުދަނާ ވުމަކީ ނަޝީދުގެ ހިއްފަޅާގެންދާކަމެ. އިންޑިޔާއަކާ ގުޅިގެން މިރާއްޖެ ތަރައްގީ ނުވާނެ. މިޤައުމު ވާނީ އަޅުވެތި.
ފޮނިޓައްޕު ހަސަނު
15 April 2019
ނަޝީދު ވެރިކަމުން ބާލައިފައި މަގުމައްޗައް އެއްލައިލީމަ ވެސް ތެދުވާން ކެރުނު. ރީނދޫ ސަފުތައް ރުކުރުވާލި ހަތް އަހަރުވަންދެން މަގުމަތީގައި މާޔޫސްނުވެ ކުރި ބުރަ މަސައްކަތުން އެމްޑީޕީ ވެރިކަމަށް ގެނެސްފި. ޔާމީނު ތީ ބޮޑު ފިނޑިއެއް.
.. ..
16 April 2019
އަދި ކޮބާ އެބުނާ ގަޓްކަން. ؟؟؟؟؟؟؟؟؟
ރަގަޅު
16 April 2019
ނުގޮސްސިޔާ ހަޑިކޮއްބޭރުކުރާނެ ކަމަށް ވަނީ ޖަމީލު އާއި އުމަރު
މިއަދު
15 April 2019
ޔާމީނުވެސް އަދި ނިހާނުވެސް ޕީޕީ އެމްގެ ލީޑަރޝިޕްން ދުރައްދާމެކަމެއްނެއް އުމަރާއި ޖަމީލުވެސް ބައިވެރިވެ ޕާޓީ އަލުން ރުކުރުވާލަންވީ ޕީޕީ އެމްއަކީ އަދިވެސް ވަރުގަދަ ޕާޓީއެއްކަންދައްކާލުމަށް ކައުންސިލް އިންތިޚާބަށް ތައްޔާރުވަމާހިނގާ މަޖިލިސް އިންތިހާބުގައި އެމްޑީޕީއަށް އެލިބުނީ އެޕާޓީއަށް ހައްގުމިންވަރުނޫންކަން ސާބިތުކޮށްދެވޭނެ
ކުރަކް
15 April 2019
ރައީސް ޔަާމީން ވަރެއްނެތް ތަރައްޤީގެ ބާނީއަކި ރައީސްޔާމީން އެންމެ 5އަހަރުތެރޭ ޤައުމަށް ބޮޑެތި ތަރައްޤީ ގެނެސް ދެއްވި މާލެއަށް ބަލާލިއަސް އުފާވޭ
.. ..
16 April 2019
ކީކޭ..؟ ތިބޭއަށް ފަސްއަހަރުލިބުނުނަމައޯ..ވެރިކަމެއް ހިންގާލަން..؟ ޔާމިންގެ 5އަހަރަށްވުރެން މާރަނގަޅުވީސް. ޖެހިގެން އައި 5 އަހަރުވެސް ލިބޭނެ ވިއްޔާ. އެބޭފުޅާއަށް ލިބުނުތަ 2 ވަނަ ފުރުސަތު؟ ކީއްވެ ނުލިބުނީ؟ ފަހަތށަ ޖެހިލާފަ އެ 5 އަހަރުތެރެއަށް އިޚުލާސްތެރި ވިސްނުމަކާއި ފިކުރެއް ތަސައްވަރު ކޮށްލަބަލަ. ....
falcon_autho
15 April 2019
މިވަގުތަކު އެކަންޏެއްނޫން. ޕާޓީގެ މެންބަރު ކަމުން ކެނޑެންވީ. ތިބާވަތުގެ މީހުން ލައިގެން ޕީޕީއެމް ކުރިޔަކަށް ނުދާނެ. ދެންވެސް އެތަނަށް ވަންނަން ދޮރުބުޑުގައި ތިބި ޖަމީލާއި އުމަރަކީވެސް ފޭލިއަރުން. އެވެސް ބޭކާރު.