އުއްތަމަ ފަނޑިޔާރު ޑރ. އަބްދުﷲ އަހުމަދު ދީދީ، ކްރިމިނަލް ކޯޓުގެ އިސް ގާޒީ ހައިލަމްއާ ސަލާމް ކުރައްވަނީ. --- ފޮޓޯ: ހުސެއިން ވަހީދު/ މިހާރު
16 އެޕްރީލް 2019 - 14:37
27 comments
ފަނޑިޔާރުންގެ މުސާރަ އާއި އިނާޔަތްތަކާ މެދު ގޮތެއް ނިންމުމުގެ ބާރު، އަންނަ މަހު ހުވާކުރާ ރައްޔިތުންގެ މަޖިލިހަށް ދިނުމަށް މާލިއްޔަތު ކޮމިޓީން މިއަދު ފާސްކޮށްފި އެވެ.
ޖުޑިޝަލް ސާވިސް ކޮމިޝަން (ޖޭއެސްސީ) އިން ވަނީ ފަނޑިޔާރުންނަށް ދެމުން އަންނަ މުސާރައިގެ އޮނިގަނޑެއް ކަނޑައަޅައި އެކަމާ މެދު ގޮތެއް ނިންމުމަށް ކޮމިޓީ އަށް ސިޓީ ފޮނުވައިފަ އެވެ. ފަނޑިޔާރުންނަށް މުސާރަ އާއި އިނާޔަތްތައް ދިނުމަށް މަޖިލިހުން ފާސްކުރީ ޑިސެމްބަރު 28، 2010 ގަ އެވެ.
ޖޭއެސްސީ އިން ފޮނުވި ސިޓީގައި ވަނީ ފަނޑިޔާރުންގެ މުސާރަ އާއި އިނާޔަތްތައް މިހާތަނަށް އައި އިރު ރިވިއުކޮށްފައި ނުވާ އިރު، މިހާރު ފަނޑިޔާރުންނަށް ލިބޭ މުސާރަ އަކީ ދިރިއުޅުމުގެ ހަރަދުތަކާއި އެބޭފުޅުންގެ މަސްއޫލިއްޔަތާ އަޅާބަލާއިރު، އެކަށީގެންވާ ވަރަށް ވުރެ ކުޑަ މުސާރައެއް ކަމަށެވެ.
ކޮމިޝަނުން ފޮނުވި ސިޓީ އަށް ބަހުސްކުރެއްވި ބައެއް މެމްބަރުން ވިދާޅުވީ ފަނޑިޔާރުންނަކީ އެންމެ ރަނގަޅު މުސާރައެއް ލިބޭ ވަޒީފާގެ އިތުބާރު ލިބިފައިވާ ބައެއް ކަމަށެވެ. މި އަހަރަށް ދައުލަތުގެ ބަޖެޓު ފާސްކޮށްފައި އޮއްވައި، މުސާރަ އަށް ބަދަލު ގެންނަން ތާއީދުނުކުރައްވާ ކަމަށް މެމްބަރުން ވިދާޅުވި އެވެ.
އެހެންވެ، މިކަމުގައި މަޝްވަރާކޮށް ގޮތެއް ނިންމުމުގެ ފުރުސަތު ދޭންޖެހޭނީ ރައްޔިތުން އަލަށް އިންތިހާބު ކުރި މެމްބަރުންނަށް ކަމަށް ވެސް މެމްބަރުން ވިދާޅުވި އެވެ. އެހެންވެ، ފޭދޫ ދާއިރާގެ މެމްބަރު އިބްރާހިމް ދީދީ ހުށަހެޅުއްވީ އެކަމާ މެދު ގޮތެއް ނިންމަން އާ މަޖިލިހަށް ދިނުމަށެވެ.
މަޖިލިހުން ފާސްކުރި ފަނޑިޔާރުންގެ މުސާރަ އަށް ބަލާ އިރު، އުއްތަމަ ފަނޑިޔާރަށް މުސާރަ އާއި އިނާޔަތުގެ ގޮތުގައި 73،125ރ. ލިބިވަޑައިގަންނަވާނެ އެވެ. ސުޕްރީމް ކޯޓުގެ ފަނޑިޔާރުންނަށް ލިބިވަޑައިގެންނަވާނީ މުސާރަ އާއި އިނާޔަތާއެކު 71،000ރ. އެވެ.
ހައި ކޯޓުގެ އިސް ފަނޑިޔާރަށް މުސާރަ އާއި އިނާޔަތުގެ ގޮތުގައި 56،300ރ. ލިބިވަޑައިގަންނަވާ އިރު، އެ ކޯޓުގެ އެހެން ފަނޑިޔާރުންނަށް 54،300ރ. ލިބިވަޑައިގަންނަވާނެ އެވެ. ކްރިމިނަލް ކޯޓުގެ އިސް ގާޒީ އަށް މުސާރަ އާއި އިނާޔަތާއެކު 49،300ރ. ލިބިވަޑައިގަންނަވާ އިރު، ކޯޓުގެ އެހެން ފަނޑިޔާރުންނަށް 48،000ރ. ލިބިވަޑައިގަންނަވާނެ އެވެ. ސިވިލް ކޯޓާއި ޖުވެނައިލް ކޯޓާއި ފެމިލީ ކޯޓުގެ ފަނޑިޔާރުންނަށް 46،000ރ. ލިބިވަޑައިގަންނަވަ އެވެ.
އިސް މެޖިސްޓްރޭޓަކަށް މުސާރަ އާއި އިނާޔަތްތަކާ އެކު މަހަކު 25،600ރ. ލިބިވަޑައިގަންވާ އިރު މެޖިސްޓްރޭޓަކަށް މަހަކު 23،450ރ. ލިބިވަޑައިގަންނަވާނެ އެވެ. މީގެ އިތުރުން ރައްޔިތުންގެ މަޖިލީހުން ކަނޑައަޅާ ގޮތެއްގެ މަތިން މެޑިކަލް އިންޝުއަރެންސް ވެސް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފުތު ބެއްޔާ
17 April 2019
މުސާރަ ބޮޑު ކުރުމަށްވުރެ ގެއްލުން/ އަނިޔާ ލިބޭ ފަރާތްތަަކަށް އިންސާފު ލިބުން މާ މުހިއްމު އިނގޭތޯ!
ޝަބީރީ
17 April 2019
ކާރާއި ޖިމާއި ސަޢޫދީ ކަދުރުވެސް ލިބިފައިވޭ އެމީހުނަށް. އަނބިދަރިންނާއި ތިމާގެ މީހުންނާއި ރައްޓެހިންގެ ދަތުރުތައް ވެސް އެކާރުގައި ކުޜާއިރު އެއްޗެއް ހިތަށް ނާރަނީތޯ. މިގޮތައްތޯ މާލިއްޔާތު ޤަވާޢިދާއި ޤާނުނުތައް ހެދިފައި ހުރީ....ނުވިތާކާސް މިހާރުވެސް އެލިބޭ ބިޔަ މުސާރަވެސް ކުޑަވީދޯ!!!
ހަސަނު
17 April 2019
ކޯޓުތަކުގާ ޖިމް އެބަހުރި، ކޯޓުތަކުން ޕުރައިވެޓް ސިކިއުރިޓީ ފޯހެއް އެބަ ގެންގުޅޭ، ކޯޓުތަކުން ބޭކާރު ދަތުރުތަކުގާ ރާއްޖެއިން ބޭރަށް ގޮސް ލައްކަ ލާރި އެބަ ބޭކާރު ކުރޭ.. ދެން ކީއްކުރަންތޯ މުސާރަ ބޮޑުކުރާ ވާހަކަ ދައްކަންވީ... ކޯޓު ތަކުގެ ހަރަދު ޖެނެނީ ކުޑަކުރަން މިހާރަށްވުރެ 50 ޕަސެންޓު... އޭގެ ފަހުން އެހެން ވާހަކައެއްައްކަންވާނީ....
ފަރީދުލް
17 April 2019
މުސާރަ ބޮޑުނުުރިޔަކަސް ހެޔޮ... މަޖިލީސް މެންބަރުންނާ ކައުންސިލަރުންގޮތަށް އަމިއްލައަށް ވިޔާފާރި ކުރެވޭނެގޮތް ހަދައިދީ... އެއްވެސް ވިޔާފާރިއެއް ކުރުމާ އެއްމެ ކުޑަވެގެން ލާރިއެއް ލިބޭގޮތަށް ޔުނިވާސިޓީއެއްގައި ގަޑިއެއް ނަގައިދިނުމަށްވެސް މަނާކުރެވިފައި މި އޮންނަ އޮތުން ނިމުމަކަށް ގެނެސް އެހެން މީހުންނެކޭ އެއްގޮތަށް އުޅުމުގެ މިނިވަންކަން ދީ... އޭރުން 10،000 ރުފިޔާ ދިނަސް އޯކޭ..
ޙަސަން ފުތު
17 April 2019
މާލެ ކޯޓުތަކުގެ ފަނޑިޔާރުންގެ މުސާރަ ރަނގަޅު ކަމަށް ފެނޭ، އެކަމަކު މެޖިސްޓްރޭޓުންގެ މުސާރަތައް ބޮޑުކުރަން ޖެހޭ، ލީގަލް އޮފިސަރެއް ގެޔަށް ގެންދަން ލިބޭ މެޖިސްޓްރޭޓަކަށް ލިބޭ މިންވަރަކަށްވުރެ ގިނައިން
އަޙްމަދު ރިޒާ
17 April 2019
ފަނޑިޔާރުންގެ މުސާރަ ބޮޑު ކުރުމަށް ފެނޭ.. އެކަމަކު ސުޕްރީމް ކޯޓު، ހައިކޯޓް ފަނޑިޔާރުން ބަދަލު ކުރަންޖެހޭނެ
ޙަސަން އަޙްސަން
17 April 2019
ފަނޑިޔާރުންގެ މުސާރަ ބޮޑުކޮށްދޭން ޖެހޭނެ. އެއީ މަޖިލީހަށް މަތި ކޮށްފައިވާ ކަމެއް. މުސާރަ ބޮޑު ނުވާތާ 9 އަހަރުވީ. ޤާނޫނުގައި ކޮންމެ 5 އަހަރަކުން މުސާރަ ބޮޑު ކުރުމަށް ބުނެފައިވޭ.
ޙަސަން މުޙައްމަދު
17 April 2019
ބަލަ މަޖިލީހަކަށް ބޮލުން ކަޓުވައެއް ނުލެވޭނެ. ފަނޑިޔާރުންގެ މުސާރަ ޖެހޭނީ ބޮޑުކޮށްދޭން. ތިޔަ މަޖިލީހުގެ މުސާރަ 80000ރ ހަދާފަ އެހެން މުއައްސަސާތަކުގެ މުސާރަ ނުހިފެއްޓޭނެ.
ހުދަންބަރު
17 April 2019
ގޮތެއް ނިންމަންވީ ފަނޑިޔާރުންނާ މަޖުލިސް މެންބަރުންނާ ވަޒީރުންނަކަށް ނޫން.. އަހަރެމެން ރައްޔިތުންނަށް ގޮތްހޯދާދޭންވީ.. ކޮންކަމެއް ކުރާބައެއްތީ.. ރަނގަޅަށް ހާޒިރީ ބަލަލާއިރު 5 އަހަރު ތެރޭ އެޓެންޑް ވެފަ ހުންނަނީ އެއް އަހަރުދުވަހު ގެ ވާރކޮންގ ޑޭސް އަށް ވަރަށް .. އެކަމަކު ލިބޭ މުސާރަ އާދައިގެ ސިވިލްސާވަންޓްގެ 10 މީހުންގެ މުސާރަޔާ ނުބައްދަލު.. މަޖުލިސްމެންބަރުންނާ ފަންޑިޔާރުންގެ މުސާރަޔާ އެލަވަންސްތަކާ ރިޓަޔާމެންޓް ވެސް ދަށްކުރަންޖެހެ ..
ދޮންހިޔަލަ
17 April 2019
ސުޕީރިއަރ ކޯޓުތަކުގެ ޤާޟީންނަށް ކީއްވެގެން އެއްވަރުގެ މުސާރަ ނުލިބެންވީ؟ "ހައިރާކީ" ގެ ގޮތުން އެއްވަރު އިރު. އަބަދުވެސް ޝަރުޢީ ދާއިރާގަ ކްރިމިނަލް ކޯޓާއި އެހެނިހެން ސުޕީރިއަރ ކޯޓުތަކާ ވަރަށް ތަފާތުކުރާކަން ފާހަގަކުރެވޭ. އިންސާނީ ވަސީލަތްތައް ހޯދުމުގަވެސް. ޖުވެނައިލް ކޯޓުގައިވެސް ޖިނާއީ މައްސަލަ ބަލަނީ. އެކަމަކު އެތާ ނެތް އެންމެ ސެކިއުރިޓީ މެޝިނަރީއެއް. ހުރިހާ މޮޅެއް ކްރިމިނަލް ކޯޓަށް ލިބުން މިއީ ޤަބޫލުކުރެވޭ ކަމެއް ނޫން.