މަސައްކަތްތެރިންގެ އަޑު އަހައި، އެކަށީގެންވާ އުޖޫރައެއް ދޭން ޖެހޭ: ނައިބު ރައީސް

ޕޮލިޓެކްނިކްގެ ދަސްވެނިވުން ފާހަގަ ކުރަން ބޭއްވި ރަސްމިއްޔާތަށް ނައިބު ރައީސް ފައިސަލް ނަސީމް ވަޑައިގަންނަވަނީ. --- ފޮޓޯ: ރައީސް އޮފީސް

މުހައްމަދު ޔާމީން، މިހާރު

21 އެޕްރީލް 2019 - 23:05

8 comments

މަސައްކަތްތެރިންގެ އަޑު އަހައި، ވަޒީފާގެ ކުރިއެރުން ދިނުމުގައި އޮންނަ ތަފާތު ކުރުން ނައްތާލައި، ހަމަހަމަކަމާއެކު ކުރިއެރުން ދޭން ޖެހޭ ކަމަށް ނައިބު ރައީސް ފައިސަލް ނަސީމް މިރޭ ވިދާޅުވެއްޖެ އެވެ.

މޯލްޑިވްސް ޕޮލިޓެކްނިކްގެ ދަސްވެނިވުން ފާހަގަ ކުރުމަށް އިސްލާމިކް ޔުނިވަސިޓީގައި ބޭއްވި ރަސްމިއްޔާތު ނައިބު ރައީސް ވިދާޅުވީ މަސައްކަތްތެރިންނަށް އެކަށީގެންވާ އުޖޫރައަކާއި އިނާޔަތްތަކެއް ދޭން ޖެހޭ ކަމަށެވެ. އަދި ގައުމުގެ ތަރައްގީއަކީ ރައްޔިތުންގެ އަތްމަތީގައި އޮތް ކަމެއް ކަމަށް ފައިސަލް ވިދާޅުވި އެވެ.

"ރައްޔިތުންނާ ނުލައި އަޅުގަނޑުމެންނަށް ހޯދޭނެ އެއްވެސް ކާމިޔާބެއް ނޯންނާނެ،" ފައިސަލް ވިދާޅުވި އެވެ.

ނައިބު ރައީސް ވިދާޅުވި ގޮތުގައި ގައުމެއް ކުރިއަރައި ތަރައްގީވެގެން ދާނީ އެ ގައުމެއްގައި ފަންނުވެރި، ހުނަރުވެރި، ގާބިލް ބައެއް އުފެދިގެންނެވެ. އެކަމަކު، ވެއިތުވެދިޔަ ދުވަސްތަކުގައި ފަންނުތައް ދިރުވުމަށް އެކަށީގެންވާ ފުރުސަތުތައް ހޯދިފައި ނެތް ކަމަށް އެމަނިކުފާނު ވިދާޅުވި އެވެ.

ޕޮލިޓެކްނިކްގެ ދަސްވެނިވުން ފާހަގަ ކުރަން ބޭއްވި ރަސްމިއްޔާތުގައި ނައިބު ރައީސް ފައިސަލް ނަސީމް (ކ-4) ބައިވެރިވެވަޑައިގަންނަވަނީ. --- ފޮޓޯ: ރައީސް އޮފީސް

އެމަނިކުފާނު ވިދާޅުވި ގޮތުގައި ދިވެހިން މިވަގުތު ބޭނުންވާ އެއް ކަމަކީ ވަޒީފާ އެވެ. އަދި ރާއްޖޭގެ ގިނަ އިންޑަސްޓްރީތަކުގައި ފުރުސަތުތަކެއް ހުރި ކަމަށް ނައިބު ރައީސް ވިދާޅުވި އެވެ. އެހެންވެ، އެ ފުރުސަތުތަކަކީ ކޮބައިތޯ ސަރުކާރުން ބަލައި، ޒުވާނުން ބިނާ ކުރައްވާނެ ކަމަށް ފައިސަލް ވިދާޅުވި އެވެ.

"އަޅުގަނޑުމެން ތެރެއިން ކޮންމެ މީހަކަށް ލިބޭ ހިތްހަމަޖެހުމަކަށް ވަނީ ވަޒީފާއެއް އަދާކުރުން. މިއީ އަޅުގަނޑުމެން ގައުމުގައި ފުންކޮށް ވިސްނަން ޖެހޭ ކަމެއް. ވަޒީފާ ނެތް ޒުވާނުންގެ އަދަދަށް ބަލާއިރު، އެއީ އަޅުގަނޑުމެން ކަންބޮޑުވާން ޖެހޭ،" ނައިބު ރައީސް ވިދާޅުވި އެވެ.

ދިވެހިންނަކީ ހުނަރުވެރި ބައެއް ކަން ފާހަގަ ކުރައްވައި ނައިބު ރައީސް ވަނީ ތަފާތު އެކިއެކި މައްސަލަތަކާ ހުރެ، ގައުމުގެ ތަރައްގީގައި ބައިވެރިވުމުގެ ފުރުސަތު ލިބިފައި ނެތް މީހުންނަށް ފުރުސަތުތައް ހޯދައި ދިނުމަށް ގިނަ މަސައްކަތްތަކެއް ކުރަން ޖެހޭ ކަމަށް ވިދާޅުވެ، އެ ފުރުސަތު ދިނުމަށް އެދިވަޑައިގެންފަ އެވެ.

ނައިބު ރައީސް ވިދާޅުވި ގޮތުގައި ރާއްޖޭގައި ހަމަޖެހުމާއި އަމާންކަން ގާއިމުކޮށް، ދިވެހިން ފުދިގެން އެކުގައި އުޅެވޭނީ ދިވެހިންނަށް ބޭނުންވާ ތައުލީމާއި ތަމްރީނާއި ފުރުސަތުތައް ހޯދައިދީގެންނެވެ. އަދި ގައުމު ތަރައްގީ ކުރުމުގައި ހުރިހާ ޒުވާނުންގެ ހިއްސާ އޮންނާނެ ކަމަށް އެމަނިކުފާނު ވިދާޅުވި އެވެ.

ސިވިލް ސާވިސް މުވައްޒަފުން ސިވިލް ސާވަންޓުން މޯލްޑިވްސް ޕޮލިޓެކްނިކް ނައިބު ރައީސް ފައިސަލް ނަސީމް

8 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ އަސްފާގު

22 April 2019

ދެން ތިޔަކަމަށްވެސް ވީ ކޮމިސަނެއް ހަދަން. ތިޔަ އޑުފެތުރުން ނޫން ކަމެއް މިސަރުކާރަކުން އަދި ނުކުރޭ. ކީއްވެ ވަޒީފާތަކުގެ ކުރިއެރުން ދޭން ނުކެރިގެން ތިޔަ އުޅެނީ، މައުމޫން ގެ ވެރިކަން ނިމުނުފަހުން ސަރުކާރު މުވައްޒަފުންގެ އަގު އެއްވެސް ސަރުކާރަކުން ބަލައެ ނުގަނޭ. ދެން ހަމަ ދަޅަދައްކަ ދައްކަ ތިބެނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް އަބުދުﷲ ބިން ސިމާހު

22 April 2019

ވަޒީފާގަ ކުރިއެރުން ލިބޭގޮތް ކަސްޓަމްގެ ވެރިންނަށް ދަސްކޮށް ދޭންޖެހޭ. ކުރިެރުމަކީ ހަމަ އެކަނީ ކަސްޓަމްގެ ވެރިން ބޭނުންވާގޮތަށް ބޭނުންވާ އަދަދަށް ވަނީ ހޯދާފަ. ބައެއް މުވައްޒަފުންގެ ހައްގުތަކަށް މިކަމުގެ ސަބަބުން ވަނީ އަރައިގަނެވިފަ. މިސަރުކާރުންވެސް މިމައްސަލަތަށް ބަލަން އެބަޖެހޭ، އެމީހުން އަދިވެސް ބޮޑު ގޮޑީގަ. ކޮބާހޭ މުވައްޒަފުންގެ ހައްގު،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާނަ

22 April 2019

ވަޒީފާގެ ކުރިއެރުންދޭ ޤާނޫނުތަކާއި ޤަވާޢިދުތައް މުރާޖާކުރަންޖެހޭ ސަބަބަކީ ގިނަދުވަހު ވަޒީފާގައި ދެމިތިބި މުވައްޒަފުންލައްވާ ހުރިހާކަމެއްކުރުވައި މުސާރައާއި ވަޒީފާގެ ކުރިއެރުންނުދީ ޑިގުރީއަށްވުރެ މަތީ ސަނަދެއް ނެތުމުން އެ ވަޒީފާގެ މަޤާމްގައި 10 އަހަރު 15 އަހަރު ތިބޭ. ނަމަވެސް ޑިރެކްޓަރ ލެވެލްގެ މަސައްކަތްތައް ކުރުވާ އިސްލާހުކުރަން ލަސްވެސްވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

22 April 2019

ދެރަކަމަކީ ތަނެއްގާ ބެރެއް ޖަހާލިޔަސް، އެތަނަކަށް ރައީސް އާއި ނައިބުރައީސް ގެންދާތީ. ތަންތަނުގެ ރައީސުންނާ ނައިބު ރައީސުންނަކީ ހައިބަތެއް ލިބިފާވާ ބައެއް. އެކަމާ ބޮޑާވެ އެކަމަށް އެބޭފުޅުން ހަސަދަވެރިވާކަށްވެސް ނުޖެހޭ. އެކަމަކުވެސް އެފެންވަރުގެ ބޭބޭފުޅުން އިވެންޓުތަކަށް ގެންދަވާއިރު، އެއިވެންޓެއްގާވެސް ފެންވަރެއް ގޮތެއް ހުންނަންޖެހޭ. ތިޔަ ފެންވަރުގެ އިވެންޓުތަކަށް ބޮޑެތީންގެ ގޮތުގާ ވަޒީރަކު ނުވަތަ މޭޔަރަކުވެސް ފުދޭނެ. ޕްލީޒް ބޮޑުގުޅަޔަށް ނަހަދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިގޮ

22 April 2019

އަހަރެމެންމިހާރު އިވި ފޫހިވެއްޖެތިވާހަކަތައް..ދޭންޖެހުމާ..ހަރުކަށިއިބާރާތުން ކުށްވެރިކުރުމާ..ޕޮލިހުންގެ އޮޕަރޭޝަނާ...މަސްތުވާތަކެއްޗަށް ޝައްކުވުމާ...ޓީޗަރުންގެ މުސާރަޔާ..ނޫސްވެރިންގެ މިނިވަން ކަމާ ރައްކާތެރިކަމާ..މިނިމަމްވޭޖް...ރިސޯޓްކުދިންގެ ސަރވިސްޗާރޖް ދިނުމާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާސްޓަރ

22 April 2019

ފޮނިވާހަކަ އެއްނު ދައްކަނީ. ރޯދައިނާޔަތްވެސް ބޮޑުކޮށްލަން ނުކެރުނު. ރައީސް އެއުޅުއްވަނީ ރައްޔިތުންގެ ފައިސާއިން ކުރިކެޓުމެޗެއް ބަލާލަން ގޮސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯވޯކާސް

22 April 2019

ރާއްޖޭގަ މިހާރު މަސައްކަތްތެރިން ވަރަށް މަދު. ގިނައީ ދަމާ ކަނޑާމީހުން. ތިޔަތަންތަނުން ކިޔަވާގެން ނިކުމެވެސް ކުންފުންޏެއް ހަދާލާފަ ދެތިން ބަންގާޅިންނާއި މަސައްކަތްތަކާ ކުންފުނި ހިންގުންވެސް ހަވާލުކޮއްލާފަ ގޮސް ތިބޭނީ ކޮފީގަ ބައިސާ ކަނޑަން.