އިސްކަންދަރަށް 58 އަހަރުފުރުމާ ދިމާކޮށް އެ ސްކޫލުގައި މިއަދު ތައާރަފުކުރި އޮކެސްޓްރާ ބޭންޑުން ލަވައެއް ކުޅެނީ.-- ފޮޓޯ: ހުސެއިން ވަހީދު/ މިހާރު
25 އެޕްރީލް 2019 - 12:08
17 comments
އިސްކަންދަރަށް 58 އަހަރުފުރުމާ ދިމާކޮށް އެ ސްކޫލުގައި އޮކެސްޓްރާ ބޭންޑާއި ޑިޖިޓަލް ލައިބްރަރީ، "ނޮލެޖް ހަބް" ރައީސް އިބްރާހިމް މުހައްމަދު ސޯލިހު މިއަދު ތައާރަފުކޮށްދެއްވައިފި އެވެ.
ހަމީދިއްޔާ މޮންޓެސަރީގެ ނަމުގައި ސްކޫލު ހުޅުވީ މެއި 16، 1961 ގަ އެވެ. ނަމަވެސް ރޯދަމަހުގެ ތެރޭގައި އަހަރީ ދުވަސް އަންނާތީ، މިއަދު ވަނީ ކުޑަކުދިންގެ ދުވަހާއެކު އަހަރީ ދުވަސް ކުލަގަދަކޮށް ފާހަގަކޮށްފަ އެވެ.
އިސްކަންދަރަށް 58 އަހަރުފުރުމާ ދިމާކޮށް އެ ސްކޫލުގައި މިއަދު ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.-- ފޮޓޯ: ހުސެއިން ވަހީދު/ މިހާރު
މާލޭގައި އޭރު އޮތް ޕްރައިމަރީ ސްކޫލުތަކުގެ ތެރެއިން އެންމެ ފުރަތަމަ ބޭންޑެއް ތައާރަފުކޮށްފައިވަނީ ވެސް 1987 ވަނަ އަހަރު، އިސްކަންދަރުގަ އެވެ. އޭރު ފެށި ބޭންޑު ފުރިހަމަ ބްރާސް ބޭންޑަކަށް ބަދަލުވީ 2016 ވަނަ އަހަރު އެވެ. އެ އަހަރު ބޭއްވި ރަސްމިއްޔާތެއްގައި، ވިލާ ކޮލެޖުގެ ރެކްޓާ ޑރ. އަހުމަދު އަންވަރު ވަނީ އިސްކަންދަރު ސްކޫލަކީ ވަރަށް ފުރިހަމަ ސްކޫލެއް ކަމަށާއި އޮކެސްޓްރާ ބޭންޑެއް އޮތް ނަމަ އިތުރަށް ފުރިހަމަވާނެ ކަމަށް ވިދާޅުވެފަ އެވެ.
އެއާއެކު އޮކެސްޓްރާ ބޭންޑާ މެދު ޝައުގުވެރިކަން އުފެދުނު ކަމަށް، ބޭންޑާ ހަވާލުވެހުރި އެ ސްކޫލުގެ ލީޑިން ޓީޗަރު އާލިމާ މުހައްމަދު ވިދާޅުވި އެވެ.
އިސްކަންދަރަށް 58 އަހަރުފުރުމާ ދިމާކޮށް އެ ސްކޫލުގައި މިއަދު ތައާރަފުކުރި އޮކެސްޓްރާ ބޭންޑުން ދަރިވަރަކު ލަވައެއް ކުޅެނީ.-- ފޮޓޯ: ހުސެއިން ވަހީދު/ މިހާރު
އޭނާ ވިދާޅުވީ ފުރިހަމަ ވަސީލަތްތަކާއެކު 2016 ވަނަ އަހަރު ބްރާސް ބޭންޑަށް ބަދަލުވުމުން، އޭރު މަސައްކަތްކުރީ އެ ބޭންޑު އިތުރަށް ހަރުދަނާކުރަން ކަމަށެވެ. ކާމިޔާބު އެ މަސައްކަތާއި ވަސީލަތްތަކާއެކު އޮކެސްޓްރާ ބޭންޑު ތައްޔާރުވާން ފެށީ މިއަހަރުގެ ތެރޭގަ އެވެ. އެގޮތުން އެއް މަސް ދުވަހުގެ ފަރިތަކުރުންތަކަށް ފަހު، 41 ދަރިވަރުން ހިމެނޭ ބޭންޑުން ވަނީ މަޝްހޫރު ޓައިޓޭނިކް ލަވަ އާއި ޝަހީދުންގެ ލަވައެއް ކުޅެފަ އެވެ.
އާލިމާ ވިދާޅުވިގޮތުގައި ބޭންޑުގައި ހިމެނޭނީ ގްރޭޑު 7-10ގެ ދަރިވަރުންނެވެ. އެ ދަރިވަރުންނަކީ، ކުރިން އެހެން އިންސްޓްރުމަންޓް ކުޅެފައި ހުރި ކުދިންނަށް ވުމުން، ފަރިތަކުރުން ކުރިއަށްގެންދަން ފަސޭހަވިކަން އާލިމާ ފާހަގަކުރެއްވި އެވެ.
އިސްކަންދަރު ސްކޫލުގެ 58 އަހަރުފުރުމާ ދިމާކޮށް އެ ސްކޫލުގައި މިއަދު ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގަންނަވަނީ.-- ފޮޓޯ: ހުސެއިން ވަހީދު/ މިހާރު
"މިއީ އިރާދަކުރެއްވިއްޔާ ފެށުމެއް. ބޭންޑު މި ފެށީ 40 ޕީސް އޮކެސްޓްރާއާ އެކު. ސްޓްރިންގް އިންސްޓްރުމަންޓް އިތުރުކޮށްގެން 100 ޕީސް އެއްކޮށްގެން އޮކެސްޓްރާއެއް ހެދުމަކީ ވެސް މުސްތަގުބަލުގައި ކުރަން ބޭނުންވާ ކަމެއް،" އާލިމާ ވިދާޅުވި އެވެ.
"ވަރަށް ހުނަރުވެރި ކުދިންތަކެއް އެއީ. އެހެންވެ މިހާ ކުރު މުއްދަތެއްގެ ތެރޭގައި ތައްޔާރުވެވުނީ،"
އިސްކަންދަރު ސްކޫލުގައި މިއަދު ހުޅުވި ޑިޖިޓަލް ލައިބްރަރީ: އެތަނުގައި 32 ސިސްޓަމް ހިމެނޭ.-- ފޮޓޯ: ހުސެއިން ވަހީދު/ މިހާރު
ނޮލެޖް ހަބްގެ މަސައްކަތްތަކާ ހަވާލުވެހުންނެވި ލީޑިން ޓީޗަރު އިބްރާހިމް މުޒާހު ވިދާޅުވީ، ސްކޫލު ލައިބްރަރީ އިތުރަށް ތަރައްގީކޮށް ހުޅުވި ހަބް މިވަގުތު ބޭނުންކުރާނީ ހަމައެކަނި ލައިބްރަރީގެ ވަގުތު އެކަނި ކަމަށެވެ. ކުރިއަށް އޮތް ތަނުގައި ދަރިވަރުން ފިލާވަޅު ހެދުމަށާއި ތަފާތު އެކި މަސައްކަތަށް އެތަން ބޭނުންކުރެވޭނެ ގޮތް ހަދާނެ ކަމަށް ވިދާޅުވި އެވެ.
އިސްކަންދަރު ސްކޫލުގެ 58 ވަނަ އަހަރީ ދުވަހާ ގުޅުވައިގެން މިއަދު ހުޅުވި އާޓް އެގްޒިބިޝަނެއް.-- ފޮޓޯ: ހުސެއިން ވަހީދު/ މިހާރު
ސްޕޮންސަރުންގެ އެހީއާއެކު ތަރައްގީކުރި ޑިޖިޓަލް ލައިބްރަރީގައި 32 ސިސްޓަމް ހުރެ އެވެ. އެއިން ލޮގިން ވާއިރު ދަރިވަރުގެ އީމެއިލާއި ޕާސްވޯޑު ޖެހުމުން، އެ ދަރިވަރެއްގެ ގްރޭޑާއި އުމުރާ ގުޅޭ ތަފާތު އެކި ވައްތަރުގެ ފޮތްތައް ފެންނަން ހުންނާނެ އެވެ. އޭގެ ތެރޭގައި ނޮވެލް އާއި ކޮމިކްސް ފަދަ ފޮތްތައް ހިމެނެ އެވެ.
"އެއްފަހަރާ އެއް ކްލާހަށް އެކަމޮޑޭޓުުކުރެވޭނެ ސިސްޓަމްތަކުން. ޓާގެޓަކީ، ހަމައެކަނި އިސްކަންދަރު ސްކޫލުގެ ބަދަލުގައި ގައުމީ ލެވެލްގައި އެކަން ފުޅާކުރުން،" މުޒާހު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
-----ބުރާސް ބޭންޑު
25 April 2019
ޤައުމީ މިއެކު ވެރިކަން މަތީ ތިބެގެން ކުރީ މެސަލާލު
ގުލިބަލް ދިވެހިން
26 April 2019
ބުރޯ ތީ ލަންކާ މީހަކު ހެދި ރާގެކޭ
ކާސިމު
25 April 2019
ދުވަސްތައް ފާހަގަކުރުމުގައި މިހާރު ސްކޫލުތަކާއި އެޑިއުކޭޝަން ވަރަށް ކުޅަދާނަ... ޓީޗަރުންގެ ފެންވަރު ހަމަ ސުމެއް.. ހިންގުން ސުމެއް... މިކަމުގެ ހުރިހާ ވޭނެއް ތަހައްމަލު ކުރަނީ އަހަުމެން ބެލެނިވެރިން.. މާލޭ ކުލި ދައްކާފަ، ދެން ބާކީ މިޖެހނީ ޓިއުޝަނަށް ޚަރަދު ކުރަން. ނޫނީ ސްކޫލް އަށް ވައިޓްބޯޑު މާކަރާއި، ކުލަ ކަރުދާހާއި މިހެންގޮސް ބައިވަރު ހޯދަން ލާރިދޭން.. މިހާރުގެ އެޑިއުކޭޝަން މިނިސްޓަރު އައި ފަހުން އަދި މިހާރު ކުރިއަށް ވުރެ ގޯސް..
ޟުހައިމް
26 April 2019
ކާސިމާ ތިޔަބުނާ ޓިޔުޝަން ދެނީ ކޮންބައެއްބާ! ޓީޗަރުންނެއް ނޫން ދޯ..
ނޫންތޭގޮތަކީ
25 April 2019
އޮކެސްޓްރާ ބޭންޑާއި ޑިޖިޓަލް ލައިބްރަރީ ތައާރަފްކޮށްފި ނަމަ އެކަމަކީ އެއީ މަމެން އުފާ ކުރާ ކަމެކޭ މަމެން އެކަމަކު ބޭނުންވަނީ ރިއަލް މިއުޒިކް ކުޅޭ އިންސްޓްރުމެންޓްސް ތަކޭ އިސްކަންދަރު ސްކޫލަށް ތައާރަފް ކުރުން ތިޔާ އޮކެސްޓްރާ ބޭންޑް ކުޅެގެން ބިލިއަނަރަކަށް ބަދަލެއް ނުވެވޭނެއޭ ދެން ޑިޖިޓަލް ލައިބްރަރީ އަކީ އެއީ އިންޓަރނެޓް ކަނެކްޝަންއެކޭ އިސްކަންދަރު ސްކޫލްގެ އަމިއްލަ ޔޫޓިއުބް ޗެނަލެއް އުފައްދާ ފައި އެއީ ޑިޖިޓަލް ލައިބްރަރީ އަކަށް ބަދަލުކުރުން އެއީ
އިސްކަންދަރު
25 April 2019
އަބަދުވެސް އަޑުއިވޭ އިސްކަންދަރަކީ މާލޭގެ ބޭފުޅު ދަރިވަރުންގެ ސްކޫލެކޭ ބުނާ އަޑު . އަޅުގަނޑަކީ ހަމަ ރާއްޖެތެރޭގެ އާދައިގެ އާއިލާއަކުން އައިސް އިސްކަންދަރުން 10 އަހަރު ތައުލީމު ހާސިލްކުރި ދަރިވަރެއް އެކަމަކު ވަކި ކުއްޖަކަށް ތަފާތު ކުރި ތަނެއް ދުވަހަކުވެސް ފެނިފައެއް ނެތް. އިސްކަންދަރުގެ ކުރި އެރުމަކީ މެނޭޖްމަންޓާއި ޓީޗަރުން ކުދިންނަށްދޭ އަހައްމިއްޔަތުކަމާއި ބެލެނިވެރިންނާ ބަހައްޓާ ގާތްކަން . ކޮންމެހެން ސަރުކާރުން އިތުރު ބަޖެޓެއް ދީގެނެއް ނޫން.
ޒުވާރި
25 April 2019
ރާއްޖޭގައި ތަފާތުކުރުން ގެންގުޅެނީ ސްކޫލުގެ މުދައްރިސެއްނޫނޭ، ރައްޔިތުންއަތުން ފައިސާނަގައިގެން އޭގެ ކޮންޓްރޯލް ގެންގުޅޭމީހުނޭ. މުޅިންވެސް އެވެރިންގެ ރަށަށް، ގޭދޮށަށް މޮޅުގޮތް ޒަމާނުއްސުރެ ހަދަމުން އަންނަނީ.
ހާމިދު ޝާހިދު
25 April 2019
ކީއްވެ އިސްކަންދަރަށް ހުރިހާ ކަމެއް ފަހިވަނީ. ކޮބާ ސަރުކާރުގެ އެހެން ސްކޫލްތަކުގެ ދަރިވަރުންގެ ހައްގަކީ. ތިޔަ ސްކޫލަށް ޖާގައެއް ހޯދަން އުޅުމަކީވެސް އުނދަގޫކަމެއް. އެޑިއުކޭޝަން މިނިސްޓްރީގެ އިސްވެރިއަކާ ގުޅައިގެން ޖާގައެއް ލިބޭނީވެސް. ތިޔަ ސްކޫލުން ލިބޭ ހިދުމަތްތައް އެހެން ސްކޫލްތަކާ ތަފާތުވާނަމަ، ކޮންމެވެސް ވަރެއްގެ ފީއެއް ނަގައިގެން ދަރިވަރުން ފޮނުވާ "އިންޓަރނޭޝަނަލް" ސްކޫލެއްގެ މޮޑެލްއަށް ބަދަލުކުރަން ފެނޭ. އެހެންނޫނީ ދެކޮޅު ނުޖެހޭނެ.
ހަގީގަތް
25 April 2019
އިސްކަންދަރުގެ އީ ލައިބްރަރީގެ 100 ޕަސެންޓް ފައިނޭންސް ހަމަޖެއްސީ އަމިއްލަ ފަރާތަކުން. މިކަން ކޮމެންޓޭޓަރުންގެ ސަމާލުކަމަށް ގެންނަން.
ޙުސާމް
25 April 2019
ޢިސްކަންދަރަށް ސަރުކާރުން އިތުރަށް ލޯލާރިއެއްވެސް ނުދޭ. ޕުރިންސަޕަލް އެކޭ ބުންނަސް އެންމެން އެއްވަރެއް ނުވާނެ. ފުޓްބޯޅަ އެންމެވެސް ކުޅޭ އެކަމަކު ރޮނާލްޑޯ މެސީ ތަފާތު. ބޮކުސް އިން ބޭރުން ވިސްނޭ ފެންވަރުގެ މީހުން ކެޕްޓަނުންނާ ޕައިލެޓުންނައް ލުމުން ސަރުކާރަށް ބަރޯސާނުވެ ވަރަށް ގިނަ ކަންތައް ކުރެވިދާނެ.
ޑުރެކިއުލާ
25 April 2019
ޓެކްސް ދައްކާ އުޅޭތީ މިއަހާލަނީ، މިއީ ކޮން އުސޫލަކުން ހިނގާ ކަމެއްތޯ؟ އަމިއްލަ ބަޔަކުތޯ ފައިސާ ހަރަދުކުރީ؟ ރާއްޖޭގެ ހުރިހާ ސްކޫލެއްގަ އޮކެސްޓްރާ ބޭންޑާއި ޑިޖިޓަލް ލައިބްރަރީ ހުންނަންޖެހޭކަމަށް ސަރުކާރުގެ ސިޔާސަތެއް ހެދީތޯ، އެހެންނޫންކަމަށްވަންޏާ ރާއްޖޭގައި އެތައްސަތޭކަ ސްކޫލެއް ހުއްޓާ ވަކިރަށެއްގެ ވަކިސްކޫލެއްގައި ޓެކްސް ފައިސާއިން މިފަދަ ހަރަދުބޮޑުކަމެއް މިކުރަނީ ކޮން ހަމަޔަކުންތޯ؟
ށިރާ
25 April 2019
މިއީކީ ސަރުކާރުން ކޮއްދިން ކަމެއްނޫން ކޮއެފުޅާ. މިއީ އަމިއްލަ މީހެއް ގެ ހަދިޔާއެއް.
ނުރަބޯ
25 April 2019
މި ސްކޫލަކީ ރާއްޖޭގެ އެހެން ސްކޫލްތަކުގައި ނުލިބޭ ވަކީ ހާއްސަ އިމްތިޔާޒުތަކަކާއި، ރިސޯސްތައް އަބަދުވެސް ހޯދާ، ވަކި މެންޓަލިޓީއެއްގައި ހިންގާ ސްކޫލެއް. ތަޢުލީމީ ނިޒާުމުގައި އޮތްތަފާތުކުރުން މިސްކޫލުން އަބަދުވެސް ފެންނާނެ. މިސްކޫލުގެ ފާރާއި އެއްވަރަށް ބަޖެޓް ނުލިބޭ ސްކޫލް ގިނަ.
buddy
25 April 2019
އެ ސްކޫލަށް ސަރުކާރުން ކޮށްދޭ ވަކިއިތުރު ކަންތައްތަކެއް ނުހުރޭ. ހުރިހާވެސް ކަމަކީ، ޓީޗަރުންނާ ޕޭރެންޓްންގެ ހިއްގުންތެރިކަން. ވަރަށް ޑެޑިކޭޓަޑް ބަޔަކުއުޅޭ ސްކޫލެއް. އަޅުގަޑަކީ ސްކޫލަށް ކުދިންގެންދާތާ 16 އަހަރުވެފައިވާމީހެއް. ހަމަ ސްކޫލްގެ ޓީޗަރުންނާ ޕޭރެންޓްންގެ ހިއްގުންތެރިކަން ރަގަޅީ.
ހަސީނާ
25 April 2019
ހަމަ ކޮންމެހެންވެސް ނެގަޓިވް އެއްޗެއް ބުނެލަންޖެހޭ ދޯ؟ ރަނގަޅު ކަމެއް ވާނީ ރަނގަޅުކަމަކަށް.. އެކުރީ ރަނގަޅު ކަމެއް. ބަޔަކު ހިތްވަރުކޮށްގެން އެކަން ކުރަނީ އެހެން މީހުންނަށްވެސް ކުރެވޭނެ. ފެންވަރު ތަފާތުވިޔަސް ކުރެވޭނެ. ތިންކް ޕޮސިޓިވް
މާރިޔާ
25 April 2019
ނުރަބޮލުގަ އަދިވެސް ނުރަ މަދީ.. ނިކަން އެއްފަހަރުވެސް އިސްކަންދަރު ހިންގާގޮތް އެނގޭތަ؟ އެތަނުގެ މެނޭޖުމެންޓްގެ ކެޕޭސިޓީ އިނގޭތަ؟ ޕީޓީއޭގެ ހިންގުންތެރިކަން އިނގޭތަ؟ޓީޗަރުންގެ އިޚްލާސްތެރިކަން އިނގޭތަ؟ ތިޔަބުނާ ފާރުގެ ސިމެންތި މަސައްކަތްކުރީ އެތާނުގެ ޓީޗަރުންކަން އިގޭތަ؟ ތިޔަބުނާ ފާރުގައި ފެންސުޖެހީ އެތަނުގެ ލީޑިން ޓީޗަރުންކަން އެނގޭތަ؟ އެފެންސުގަ ލައިޓު ހަރުކުރީ ވެސް ޓީޗަރުންކަން އެނގޭތަ؟
ޙުސާމް
25 April 2019
ފާރު ހަދަނީ ދައުލަތުގެ ބަޖެޓަކުން ނޫނޭ. ތަންދޮރު ދަންނައް ލޯ ހުޅުވޭ މީހުންނާ ހިންގަން ޙަވާލުކޮށް ބަލަ. ތަފާތު ދައްކާނެ.