ވަހީދު: އޭނާއަކީ އަށް މަހުގެ ކުއްޖެއްގެ މަރުގެ ތުހުމަތު ވެސް ކުރިން ކުރެވުނު މީހެއް --ފޮޓޯ/ޕޮލިސް
28 މެއި 2016 - 18:48
8 comments
ހުޅުމާލެއިން ރޯ ހައުސްއެއް ވިއްކާނެ ކަމަށް ބުނެ އޮޅުވާލައިގެން މީހެއްގެ އަތުން ފައިސާ ނެގި މީހަކު ދެ އަހަރަށް ޖަލަށް ލާން ކްރިމިނަލް ކޯޓުން ހުކުމްކޮށްފި އެވެ.
ދަފްތަރު ނަމްބަރު 2218 މުހައްމަދު ވަހީދުގެ މައްޗަށް މިދިޔަ ބުދަ ދުވަހު ކޯޓުން އެ ހުކުމްކުރީ ހުޅުމާލެއިން ރޯ ހައުސްއެއް ވިއްކާނެ ކަމަށް ބުނެ ޖޫން، 2014 ގައި ދެ ފަހަރެއްގެ މަތިން 65،000ރ މީހެއްގެ އަތުން ފައިސާ ނެގި މައްސަލައިގަ އެވެ.
އެ ފައިސާ އަތުލަން ރޯ ހައުސްގެ ރަޖިސްޓްރީ ކަމަށް ބުނެ ފޯޖްކޮށްފައިވާ ލިޔުމެއް ވެސް އޭނާ އެ މީހާއަށް ދިނެވެ.
މަކަރާއި ހީލަތް ހެދުމުގެ ކުށުން ވަހީދު ކުށްވެރިވާ ކަމަށް ނިންމައި، އޭނާ ދެ އަހަރަށް ޖަލަށްލާން ހުކުމްކުރީ އާ ގާނޫނުލް އުގޫބާތުގެ ދަށުންނެވެ.
ކުރީގެ ގާނޫނުލް އުގޫބާތުގެ ދަށުން އަދަބު ކަނޑައެޅި ނަމަ ވަހީދަށް ދިގު މުއްދަތެއްގެ ހުކުމެއް އަންނާނެ އެވެ. އެކަމަކު ގާނޫނު އަސާސީ ބުނާ ގޮތުން ހުކުމް ކުރުމުގެ ކުރިން ގާނޫނަށް ގެންނަ ބަދަލަކުން ލުއި އަދަބެއް ކަނޑައަޅައިފި ނަމަ ކުށްވެރިޔާއަށް ދޭން ޖެހޭނީ ފަހުން އައި ގާނޫނުގައި ބުނާ ލުއި އަދަބެކެވެ.
ވަހީދަކީ 2009 ގައި މާލޭގައި އަނިޔާ ކުރުމުގެ ސަބަބުން މަރުވި އަށް މަހުގެ ތުއްތު ކުއްޖާ ކަމަށްވާ މުހައްމަދު ނާފިއުގެ މަރުގެ މައްސަލާގައި ދައުލަތުން ދައުވާކުރި މީހެކެވެ. އެކަމަކު ކޯޓުން ކުރިން ނިންމާފައިވަނީ އޭނާގެ މައްޗަށް އެ ކުށް ސާބިތުނުވާ ކަމަށެވެ.
ވަހީދަކީ ނާފިއު އަށް އަނިޔާކުރި ކަމުގެ ތުހުމަތު ކުރެވުނު އަދި ނާފިއުގެ މަންމަގެ އޭރުގެ ލޯބިވެރިޔާ ވެސް މެ އެވެ.
އޮޅުވާލައިގެން އެކި މީހުން އަތުން ފައިސާ އަތުލުމުގެ އަމަލްތައް ގިނަ ނަމަވެސް އެ ކުށް ކުރާ މީހުން ހޯދައި އަދަބު ދެވެނީ މަދުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަނަދޫ
14 December 2019
މަނަދޫގަވެސްމީހަކާއިދެ މަކަރުންއުޅުންމިހެއްތީ އެތައް ބައެއްގެ ފައިސާއާ ކާލާއަފަބުރިމިހެއް އެމީހާޔަށް ކުއްޖަކުވެސް ހުރެ ފިހާރަ އަޅައިދޭނަން ކިޔައިގގެންއުޅުނީ
ހަސީނާ/ހދ.ހަނިމާދޫ
30 May 2016
މިޑޮލަރު ވަހީދަކީ ހަނިމާދޫގައިވެސް ވަރަށް ގިނަދުވަހު ތިގޮތަށް ތެޅުނު މީހެއް...ހަނިމާދޫއިން އެންމެފަހުން ޑޮލަރޭ ކުރިކަމަކީ މެދުއުމުރުގެ ހުސްހަށިބައި އަންހެނަކަށް ބިރުދަށްކައިގެން ...އިންނާނަމޭ މާލޭގެ 10 ބުރީގެ ގެހުންނާނެޔޭ...އިނދެގެން ހަނިމޫނަށްދާނީ ސިންގަޕޫރަށޭ ކިޔާފަ..އަންހެންމީހާގެ ލާރިކޮޅު ކާލި..ދެން މިރަށު ޒުވާނުންތައް ނުކުމެ އެގޮލާ މިރަށުން ބޭރުކުރީ..
ޢަލީ
29 May 2016
އޭނާ އެއްއިރެއްގައި ޕްރައިވެޓް ކާރު ވިއްކާނެ ކަމަށް ބުނެ ލާރި އަތުލަން މަސައްކަތް ކުރިކަންވެސް އޮތީ އެނގިފައި. އެކަމަށް ވަރަށް ކުޅަދާނެ މީހެއް އެއީ.
ހުސެން
29 May 2016
ސިޔާސީ ގޮތުން ކުރިއަރާ ދާނެ މީހެއް ވިއްޔާ އަވަހޭ ހުކުމްކޮއްލާފަ ޖަލަށް ލާވަރު، ފަނޑިޔާރެއް ކުށެއް ކޮއްފިއްޔާ އިޖްރާއަތެކޭ ސުލޫކެކޭ އުސޫލެކޭ ކިޔާފަ ދޫކޮއްލާނެ ، މުޖްރިމެއް ވިޔަސް ހަކުރު ގެންގުޅޭ މީހަކަށް ވިޔަސް ދޫކޮއްލާނެ
މީހާ
28 May 2016
ވަހީދަކީ ހުރިހާ މާއްދާ އަކުން ޑިސްޓިންކްޝަން ލިބޭނެ މީހެއް. މީނާ ރަގަޅުވާނެ ސިޔާސީ ޕާޓީ އަކަށް މެމްބަރުން އިތުރު ކުރަން މުސާރަ ދީފައި ބަހައްޓަން.
އަހުމަދު
28 May 2016
މިވަހީދުއަކީ މަކަރުހެދުމާއި އޮޅުވާލުމުގައި ވަރަށް ފުންނާބު އުސް މީހެކެވެ. އަދި މިކަމުގައި މަތީއިލްމު އުގަނައިގެން ހުރި މީހެކެވެ. މިނާގެ ނިކް ނޭމްއަކީ ޑޮލަރު ވަހީދެވެ. ދިއްދޫއާއި ހއ އަތޮޅަށް މީނާގެ މޮޅުކަމާއި ހުނަރުވަނީ ދައްކާލާފައެވެ.
ބޯކޯ ހަރާމް
28 May 2016
މިކަހަލަ މީހުން ގައުމުގަ ގިނަވާތީ އޭ .....މިހެން މިވަނީ.....؟؟؟؟
އައްޓަމަސް
28 May 2016
އަދަބުތައްކުޑަވަމުން ގޮސް "ތޯލާފުޅިއަކަށް" ލެވޭވަރުވެއްޖެ މިހާރު މީހަކު މެރިޔަސް 1 އަހަރުގެ ހުކުމެއް އިއްވުން ރަނގަޅު! މީހަކު 1 މިލިޔަން އަށްމަރާފައި ޖަލުގައި 1 އަހަރު ބަޓަރ ޖޭމްކާލައިގެން އިދެފައި ނުކުމެ އަނެއްމީހާމަރާނީ! އޭރުން އިތުރުވަޒީފާއެއްވެސް އުފެއްދުނީނު!؟