އިލެކްޝަންސް ކޮމިޝަންގެ މެމްބަރުން ނޫސްވެރިންނަށް މައުލޫމާތު ދެއްވަނީ: މާލީ ބަޔާން ހުށަނާޅާ ކެންޑިޑޭޓުންނަށް ދައުވާ ކުރަން ފޮނުވަން ވަނީ ނިންމާފައި-- ފޮޓޯ: މިހާރު
29 އެޕްރީލް 2019 - 10:31
10 comments
މި މަހުގެ ހަ ވަނަ ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި ވާދަކުރި ކެންޑިޑޭޓުންގެ ތެރެއިން މާލީ ބަޔާން ހުށަނާޅާ 39 ކެންޑިޑޭޓުންގެ މައްޗަށް ދައުވާ ކޮށްދިނުމަށް އެދި މި ހަފުތާގައި ޕްރޮސެކިއުޓާ ޖެނެރަލްގެ އޮފީހަށް ފޮނުވާނެ ކަމަށް އިލެކްޝަންސް ކޮމިޝަން (އީސީ) ން މިއަދު ބުނެފި އެވެ.
އާއްމު އިންތިޚާބުގައި 386 ކެންޑިޑޭޓުން ވާދަކުރި އެވެ. އެ މީހުންގެ މާލީ ބަޔާން ހުށަހަޅަން ދިން މުއްދަތު މިދިޔަ ހޮނިހިރު ދުވަހުގެ ރޭ 12 ޖެހުމާ ހަމައަށް ހަމަވިއިރު ބަޔާން ހުށަނާޅަނީ 39 ކެންޑިޑޭޓުންނެވެ. އެއީ މުޅިން ވެސް އިންތިޚާބުން ނާކާމިޔާބުވި ކެންޑިޑޭޓުންނެވެ.
އިލެކްޝަންސް ކޮމިޝަންގެ މެމްބަރު އަހުމަދު އަކްރަމް، "މިހާރު" އަށް ވިދާޅުވީ އެ ކެންޑިޑޭޓުންނަށް ދައުވާ ކުރަން އެދި މިހަފުތާގައި ޕްރޮސެކިއުޓާ ޖެނެރަލްގެ އޮފީހަށް ފޮނުވާނެ ކަމަށެވެ.
"ވީހާ ވެސް އަވަހަކަށް [ޕްރޮސެކިއުޓާ ޖެނެރަލްގެ އޮފީހަށް] ފޮނުވޭތޯ މި ބަލަނީ. ކުރާނެ ދައުވާއެއް ނުވަތަ އަޅާނެ ފިޔަވަޅެއް ނިންމާނީ ޕްރޮސެކިއުޓާ ޖެނެރަލް،" އަކްރަމް ވިދާޅުވި އެވެ.
އިންތިޚާބާ ބެހޭ އާއްމު ގާނޫނަށް މިދިޔަ އަހަރު ގެނައި އިސްލާހުގައި ބުނެފައި ވަނީ، ވަކި ކަމެއް ކުރުމަށް އެ ގާނޫނުގައި ކަނޑައަޅާފައި ވަނިކޮށް އެކަން ނުކުރުމަކީ އިންތިޚާބީ ކުށެއް ކަމަށެވެ. އޭގެ އަދަބެއްގެ ގޮތުން، ހަ މަސް ދުވަހާއި ދެ އަހަރު ދުވަހުގެ މުއްދަތަކަށް ޖަލަށް ލުން ނުވަތަ 6،000-24،000ރ. އާ ދެމެދުގެ އަދަދަކުން ޖޫރިމަނާ ކުރެވެ އެވެ. ގާނޫނުގައި ބުނެފައިވާ ގޮތުގައި، ކެންޑިޑޭޓު ހުށަހަޅާ މާލީ ބަޔާނަކީ ދައުލަތުގެ ކަމާބެހޭ އިދާރާއެއްގައި ރަޖިސްޓަރީ ކޮށްފައިވާ އޮޑިޓަރަކު އޮޑިޓް ކޮށްފައިވާ މާލީ ބަޔާނަކަށް ވާން ޖެހެ އެވެ.
މާލީ ބަޔާން ހުށަނާޅާ ކެންޑިޑޭޓުންގެ ތަފްސީލް
- އަމިއްލަ ގޮތުން 31 - ޕީޕީއެމް 2 - ޕީއެންސީ 1 - އަދާލަތު 1 - މޯލްޑިވްސް ތާޑްވޭ ޑިމޮކްރެޓްސް 2 - މޯލްޑިވްސް ލޭބާ އެންޑް ސޯޝަލް ޑިމޮކްރެޓިކް ޕާޓީ 2
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިޒާމު
29 April 2019
ޚކޮން ބަޔާނެއް އެއްކަމެއްވެސް ނުކުރެވޭނެ ތީ ހުސް ޖަމަލުފޮޑި ޖަހާ ބައެއް ބަލައްޗޭ..ގާނޫންތައް އޮތީ ހަދަނީ ތަންފީޒެއްނުވޭ..
މޯޑުސް
29 April 2019
މިހެންވެ ބުނަނީ ދިވެހިން ރަގަޅެއް ނުވާނެ. ތުބުޅި ދިގުކޮއްފަ ކަޅުބުރުގާ އެޅީމަ އެހިރީ ރަގަޅު ވެވިފަކައި ނޫން. އެއީ ކަންދެއްކުން
ކަރީމުއްދީން ބާޝާ
29 April 2019
20 އަހަރު ނުނަގާނެބާ ހުކުމަކާހަމަޔަށް ދާން.
ޒުވާނާ.
29 April 2019
ކޮބާރެޑްވޭވް ސަލީމު އަދިވެސް ހުށަނާޅާ
އަސްލު
29 April 2019
ސަރުކާރަށް ސްޓިކާ ޖަހައިގެން މިލިއަނުން ރައްޔިތުން އަތުން ފެލާލަނީ, އަނެއްކާވެސް ލާރި ދެމޭނެ ގޮތެއް މިއޮތީ
ްއިއްސެ
29 April 2019
އެކެނޑިޑޭޓުންނާމެދު ފިޔަވަޅުއަޅުއްވާއިރު އީސީ ޝަރީފާމެދުވެސް ވިސްނާލަން ރަގަޅު. ކޮމިޝަންގެ ރައީސަށްވެހުރެ އެމަނިކުފާނުވަނީ މުއްދަތުހަމަވާނީ 5 މެއި ގަކަމަށް ވިދާޅުވެ ކެޑިޑޭޓުންނަށް ތާރީހް އޮޅޭފަދަ ގޮތަކަށް މާލީބަޔާނާ ބެހޭގޮތުން މީޑިޔާތަކުގަ 11 އޭޕްރީލްގަ މައުލޫމާތުދީފަ. ތިރީގަވާ ލިންކުތަކަށް ބަލާލީމަ މިކަން އިގޭނެ. https://sun.mv/117966 https://raajje.mv/news/54216 https://cnm.mv/news-83770.html https://avas.mv/62827
މިނާ
29 April 2019
މާފަށްވެސް ނޭދޭ
ހިގޮ
29 April 2019
ކިހާވަރަކުން ދާނެބާ ތިގޮތަށް ބުނީ ސިޓީ ކައުންސިލުން ވެސް މާލޭ މަގުތަކުން ޕޯސްޓަރ ނުނަގަންޔާ ޖޫރިމަނާ ކުރާނަމޭ ބުނިބަސްލަދަކަށްވެ އަމިއްލަޔަށް ސާފްކުރީ...އެކަމަކު ވެހިކަލް ދުއްވާ މީހުން ފެލާލެވޭ ބޭނުން ވަރަކަށް...
ައަހްމަދު ޒަކީ
29 April 2019
އެގިފައިވާ ގޮތުގައި، އިލެކްޝަން ކޮމިޝަންއަކީ އަމިއްލަ ނަމުގައު ދައުވާ ކުރުމާއި ދައުވާ ލިބިގަތުމުގެ ޤާނޫނީ ބާރުވާ ކޮމިޝަނެއް. އެހެންވީ އިރު ކީއްކުރަން، އޭޖީއަށް؟
ގޫބައްޑާ
29 April 2019
ރަނގަޅު ނިންމުމެއް. ޤާނޫނާ ޤަވާޢިދު ހަދާ މަޖިލީހަށް ވާދަކުރަން ނުކުންނަންވާނީ ޤާނޫނާ ޤަވާޢިދަށް ޙުރުމަތްތެރިކޮށް ހިތަން ދަސްކޮށްގެންތިބެ.