ލަންކާ ސިފައިންގެ ބަޔަކު ކޮލަމްބޯގައި ސަލާމަތީ ފިޔަވަޅުތައް ބަލަހައްޓަނީ. ލަންކާގެ ފުލުހުންގެ ބެލުމުގެ ދަށުގައި މިވަގުތު ތިބީ އަށް ދިވެއްސަކު.--ފޮޓޯ:އޭއެފްޕީ
01 މެއި 2019 - 12:54
32 comments
ކްރިސްޓިއަނުންގެ ފައްޅިތަކަށާއި މަޝްހޫރު ހޮޓާތަކަށް ދިން ބޮމުގެ ވަރުގަދަ ހަމަލާތަކަށް ފަހު، ކުއްލި ނުރައްކަލުގެ ހާލަތު އިއުލާންކޮށްފައިވާ ސްރީ ލަންކާ އިން ހައްޔަރު ކުރި ގިނަ ދިވެހިންނަކީ ވިސާގެ މުއްދަތު ހަމަވެގެން ފުލުހުންގެ ބެލުމުގެ ދަށުގައި ތިބި ބައެއް ކަން އެނގިއްޖެ އެވެ.
ކުއްލި ނުރައްކަލުގެ ހާލަތު އިއުލާން ކުރުމަށް ފަހު، ލަންކާ އިން ދިވެހި 13 މީހަކު ހައްޔަރު ކުރި އެވެ. އެކަމަކު، ފުލުހުންގެ ބެލުމުގެ ދަށުގައި މި ވަގުތު ތިބީ އަށް މީހެކެވެ.
އެނގިފައިވާ ގޮތުގައި ގިނަ ދިވެހިން ހައްޔަރު ކުރީ ވިސާގެ މުއްދަތު ހަމަވެފައި އޮތުމުންނެވެ. ބައެއް މީހުން އެއް އަހަރަށް ވުރެ ގިނަ ދުވަސްވަންދެން ވިސާ އާ ނުކޮށް ތިބި ކަން އެނގިފައިވެ އެވެ. އެކަމަކު، މިކަމާ ގުޅިގެން ފޮރިން މިނިސްޓްރީން އެއްވެސް ވާހަކައެއް އަދި ނުދައްކަ އެވެ.
ފޮރިން މިނިސްޓްރީގެ ޑިރެކްޓަ އޮފް ކޮމިއުނިކޭޝަން މިއުވާން މުހައްމަދު މިއަދު ވިދާޅުވީ ލަންކާގައި ދިރިއުޅޭ ދިވެހިން ހާއްސަ ސަމާލު ކަމެއް ދޭން ޖެހޭ އެއް ކަމަކީ ވިސާގެ މުއްދަތު ހަމަވުމުގެ ކުރިން ވިސާ އާ ކުރުން ކަމަށެވެ. ވިސާ އާ ނުކުރާ ދިވެހިންނާ މެދު ފިޔަވަޅު އެޅުމުގެ ފުރުސަތު ބޮޑު ކަމަށް އޭނާ ވިދާޅުވި އެވެ.
"ލަންކާގައި މިހާރު އޮތީ އާދައިގެ ހާލަތެއް ނޫން. އެހެންވީމަ، ވަރަށް މުހިންމު ކަމެއް، ލަންކާގެ ގާނޫނުތަކާއި ގަވައިދުތަކަށް ދިވެހިން އިހްތިރާމްކޮށް ބޯލެނބުމަކީ،" މިއުވާން ވިދާޅުވި އެވެ.
ލަންކާ އިން ހައްޔަރު ކުރި މީހުންގެ ތެރެއިން އިސްލާމިކް ސްޓޭޓް (އައިއެސް) ގެ ފޮތެއް ފެނުނު މައްސަލައިގައި ދެ ދިވެއްސަކު ހައްޔަރު ކުރި އެވެ. މި މައްސަލައިގައި ހައްޔަރު ކުރި އެމްޑީޕީގެ އިސް ދެ އެކްޓިވިސްޓުންގެ ބަންދަށް ކޯޓުން ވަނީ 13 ދުވަސް ޖަހައިފަ އެވެ.
މީގެއިތުރުން ދިވެހިން ދިރިއުޅޭ ގެއެއް ބަލައި ފާސްކޮށް، އެއާ ގަންއެއް ފެނުނު މައްސަލައިގައި ހަތަރު ދިވެއްސަކު ހައްޔަރު ކުރި އެވެ. އެކަމަކު، އެމީހުން ވަނީ ދޫކޮށްލައިފަ އެވެ.
މިއުވާން ވިދާޅުވީ ލަންކާގައި ހައްޔަރުކޮށްފައި ތިބި އެންމެންގެ ހާލު ވެސް އެ ގައުމުގައި ހުންނަ ރާއްޖޭގެ އެމްބަސީން ބަލަމުން އަންނަ ކަމަށެވެ. ހައްޔަރު ކުރާ މީހުން ކޯޓަށް ގެންދާއިރު ވެސް އެމްބަސީގެ އޮފިޝަލުން އެ މީހުންނާ އެކު ކޯޓަށް ވެސް ވަޑައިގަންނަވާ ކަމަށް ވެސް އޭނާ ވިދާޅުވި އެވެ.
ލަންކާގައި ދިން ވަރުގަދަ ޓެރަރިސްޓް ހަމަލާތަކުގައި 200 އަށް ވުރެ ގިނަ މީހުން މަރުވެ، 400 އަށް ވުރެ ގިނަ މީހުން ޒަހަމްވި އެވެ. މި ހަމަލަތަކުގައި ދިވެއްސަކަށް ގެއްލުމެއް ލިބިފައެއް ނުވެ އެވެ. ލަންކާ އަށް އިތުރު ހަމަލަތަކެއް ދީފާނެ ކަމުގެ އިންޒާރު ބައެއް ފަރާތްތަކުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރީފާ/ލަންކާ
03 May 2019
ޑޮކްޓަރ ރާމީ އެވިދާޅުވީ ތެދުފުޅެއް. ދިވެހިން ލަންކާ ގައި އުޅެނީ ވިސާ ނެތިޔޭ ކިޔައިގެން ލަންކާ ތެރޭގައި އަޑު ފެތުރިއްޖެ ނަމަ އަލިފާން ގަނޑެއް ފެށުމުގެ ހުޅު ކޮޅަކަށް ވާނެ. ޢޭރުން އެހެން ދިވެހިންގެ ފުރާނަ އަށް ގެއްލުން ވާ ހިސާބަށް ދާނެ. ފަރުވާކުޑަ މީހުންނަށް އެމްބަސީ އިން ގުޅާ، ހަދާން އާކޮށްދިނުމަކީ އެމްބަސީ ގެ ޒިންމާ އަކަށް ނުވިޔަސް އެހެން މީހުންގެ ރައްކަލަކަށްޓަކައި މިކަން ކުރަން މިހާރު މަޖުބޫރު ވެއްޖެ !!!!
ޒުލޭހާ
02 May 2019
ކޮރަޕްޝަން ހިމެނޭ ގޮތަށް ނުހައްގުން ފްލެޓް ބެހި މީހުންނާ ދޭތެރޭގައި ފިޔަވަޅު އަޅައި ފްލެޓް ދޫކުރުމުގައި އިންސާފުވެރި ނިޒާމެއް ގާއިމްކުރުމަކީ، ރައީސް އިބްރާހިމް މުހައްމަދު ސޯލިހްގެ ވެރިކަމުގެ 100 ދުވަހުގެ ތެރޭގައި ފުރިހަމަ ކުރައްވަން ވެވަޑައިގަތް ވައުދެކެވެ... ފުލެޓު ކޮމިޓީގެ މަސައްކަތް ދިގުދަންމަނީ މުސާރަ ގިނައިން ނަގަން ކަމަށް ބެލެވޭ... 6 މަސްވަނީ މުސާރައެގޮތަށް ނަގާތާ... ވީކަމެއް ނެތް... ކުޑަމިނުން ލިބޭ މުސާރަ ރައްޔިތުންނަށް އެނގެން ޖެހޭ...
މަސީހާ
02 May 2019
ލަންކާ އެމްބަސީ ގައި ބަށި ކުޅު މަށް ދާހަރަދާއި ނާ-ޗަރަންގީ އަށް ދާ ހަރަދަށް ވުރެ މާ މުހިއްމު ދިވެހިންގެ ވިސާ ހަމަވަނީ ނަމަ އެކަން އަންގާލަ ދިނުން. ލަންކާ ގަ ހުންނަ ގިނަ ބޭރުގެ އެންބަސީ ތަކުން އެކަން ކުރޭ. ދުނިޔެ ބަދަލު މިވާ ގޮތުންނާއި ލަންކާ ގައި މުސްތަގްބަލް ގައި ވެސް ކަންތައް ހުންނާނެ ގޮތުން މިއީ ކޮންމެހެން ކުރަން ޖެހޭ ކަމެއް. އެހެން ނޫނީ އެންބަސީގައި ރަޖިސްޓްރީ ވުމުގެ ބޭނުމެއް ކޮބާ ؟
ޢެމްބަސީ
02 May 2019
ލަންކާގާ ހުންނަ އެމްބަސީގާ 100% ދިވެެއްސަކު އެމްބަސެޑަރަކަށް ހުންނަން ޖެހޭ ހާފް ލަންކާ މީހަކު އެތާ ބަހެއްޓީމަކާ ލަންކާ ކަހަލަ އިންސާނީ ހައްގުތަކަށް އެރުމުގެ ރިކޯޑު އޮންނަ ގައުމެއްގާ ކަމަކު ނުދާނެ. ލަންކާއަކީ ނުލާހިކު ބޮޑަށް ދީންތަކުގެ ތައައްސުބު އޮންނަ ނާތަހްޒީބު ބައެއް. މިކަހަލަ ތަނެއްގާ ދިވެހިންގެ ސަލާމަތަށް ވިސްނޭނީ ވަރަށް ރަނގަޅު ފުރިހަމަ ލޯހުޅުވޭ މޮޑަން މީހަކަށް
ޡުލޭ
02 May 2019
ދިވެހިންނަކީ ގޮތެއްފޮތެއް ނެތް ބައެއް.
ނަބީލާ
02 May 2019
ހަގީގަތުގައި ވެސް އައިނަތު ޖަމީލް އަށް ތިކަން ވާނެ. ކިހާ ރަނގަޅު ވީމާ ތޯ ދިވެހިންގެ ވައިބަރ ގުރޫޕު ގައި އުޅުއްވާނީ، އަމިއްލަ ޕާރސަނަލް ފޯނު ނަންބަރ ދެއްވާނީ. ހާލު ބައްލަވާނީ ލަންކާ ގައި މިކަން ދިމާވީމާ.
މަރިޔަމް ނަޝްފާ
02 May 2019
އައިމިނަތު ޖަމީލު އުޅުއްވި ގޮތަށް އެންބެސެޑަރ އުމަރު ވެސް އުޅުއްވި ނަމަ. އަހެއް(ހޯރސް) ގެ މަތީ އިއްނެވުމުގެ ބަދަލުގަ ހަމަ ބިމަށް ފައިބި ނަމަ ކިހާ ރަނގަޅު. މީހުނާ ސަލާން ކޮށްލާ!! އާމިނަތު ޖަމީލު ދިވެހިންނާ ގުޅުއްވާ ވައިބަރ ގުރޫޕް ގައި ހިޔާލު ދެއްވާ ލަންކާ ގަ ތިބި ދިވެހިން މިދަޑިވަޅު ގައި މިހާރަށްވުރެ ފްރެންޑްލީ ވާށޭ ވިދާޅުވި. މިކަލަ ކަމެއްގެ ކުޑަވެސް ކަންފުޅެއް ތާ ފައިންޕުޕޅުވެސް ނުފެނޭ އެންބެސެޑަރ އުމަރު ގެ.
ޑރ. ރާމީ މ.ވައިނުޖެހޭގެއަގެ.
03 May 2019
ރާބިޔާ އެއް ނޫން. ރާމިޒާ. މައާފު އަށް އެދެން. މަރުހޫމާ އަށް ސުވަރުގޭ ގެ ނިޔުމަތް ލެއްވުން އެދި ދުއާ ކުރަން !
މުބީނު މާރނީ
02 May 2019
ވިސާ ދެނީ އެމްބަސީ އިން ލިޔުން ދިނީމާ. އެހެންވީއިރު ވިސާ ހަމަވޭ ތޯ ވެސް އެމްބަސީ އިން ބަލަން ޖެހޭނެ. އެންބެސެޑަރ އުމަރަކަށް މިކަމެއް ނުވިއެއްނު. އޭނާ ބެލީ ނޫސް ތަކަށް ދޮގު މައުލޫމާތު ދެވޭތޯ، ވަކިވަކިން ގުޅަމޭ ކިޔައިގެން. އެހެން މީހަކު ފޮނުވައިދީ، ހެޔޮނުވާނެ. ޑރ އައިމިނަތު ޖަމީލް ކަހަލަ މީހުނާ ގުޅޭ، ހިތްހެޔޮ. އުމަރު ގެ ކަމަކީ 5 މިނިޓުން އެބަގުޅަމޭ ކިޔާ ނުގުޅާ، ދެވަނަ ފަހަރު ފޯނު ނުނެގުން.
ނަބީލާ
02 May 2019
ވިސާ ހަމަ ވޭތޯ ބަލަން ވަކި މުވައްޒިފަކު ބަހައްޓަން ފެނޭ އެމްބަސީގައި. ވިސާ ލިބުމުން ވިސާގެ ކޮޕީ އެއް އެމްބަސީ އަށް ހުށައަޅާ ގޮތަށް. މިވަރަށް ވެސް ބަލަން މިހާރު މަޖުބޫރު ވެއްޖެ. އެއްމެ ދިވެއްސަކު ކުރާ ކަމަކުން ހުރިހާ ދިވެހިންނަށް އޭގެ ނުބައި އަސަރު ކުރާނެތީ.
އިއްބެއް11
02 May 2019
ހަމަޖެހޭ ވާހަކަ ދައްކަބަލަ އެމްބަަަސީން ނުޖެހޭ ހުރިހާ އެންމެން ވިސާ އާކުރިތޯ ބަލަން. ދުނިޔޭގެ އެއްވެސް ޤައުމެއްގެ އެމްބަސީއަކުން ކުރާކަމެއް ނޫން. ކުޑަކުދިންތަކެއް ނޫންވިޔަ. އެމީހެއްގެ އަމިއްލަ ޒިންމާއެއް ްެއެއީ މުއްދަތު ހަމަވުމުގެ ކުރިން ވިސާ އާކުރުން އަދި ދިރިއުޅޭ ޤައުމުތަކުގެ ގާނޫނަށް ބޯލެނބުން. ނުވާނަމަ ޤައުމުތަކަށް ނުގޮސް ހުރީމަ ވީ.
ނަބީލާ
02 May 2019
އިއްބެ އަށް. ހުރިހާ ގައުމެއްގައި މުސްކުޅިންނަށް 5000 ރުފިޔާ ދޭތަ ؟ ހުރިހާ ގައުމަކުން އެންބަސީގައި "ބަށި" ކުޅޭ ތަ ؟ ހުރިހާ ގައުމެއްގެ އެމްބަސީގަ ޖިމް ހުރޭ ތަ ؟ ހުރިހާ ގައުމެއްގެ އެންބަސީއިން ގުރުއާން ކުލާސް ހިންގާ ތަ ؟ މި ކަންކަމަށްވުރެ މާ މުހިންމު ކަމެއް ވިސާ ހަމަވީމާ އެމްބަސީ އިން ހަނދާން އާކޮށްލަ ދިނުމަކީ!! ގިނަ ފަހަރަށް ވިސާ ނެތް މީހުން ނުސިޔާނު ކަންތަކަށް އަރައި ގަންނަނީ. އިއްބެ ވިސްނާލާ، ދިވެއްސަކު ބޮންގޮއްވުމުގައި ބައިވެރިވީނަމަ ވާނެ ގޮތް!
ޖަމީލާ/ލަންކާ
02 May 2019
އެންމެ 10،000 މީހުންގެ ކަންތައް އެންބެސަޑަރ އުމަރު އަށް ބެލެންޖެހޭނެ. ނުބެލުނު ކަން މުޅި ދިވެހިރާއްޖެ އަށް އިނގިއްޖެ.
ޑރ. ރާމީ މ.ވައިނުޖެހޭގެއާގެ
02 May 2019
އިއްބޭ، ތިޔަބުނާ އަމިއްލަ ޒިންމާ އޮއްވަ އެއްނު ސަލްޓަން ޕާރކު ގައި ބޮން ގޮއްވީ.ލަންކާގައި ދިވެއްސަކު މިކަލަ ކަމެއް ކޮށްފިއްޔާ އެހެން ދިވެހިންގެ ފުރާނައަށް ގެއްލުންވާހިސާބަށް ދާނެ. މީގެކުރިން ވެސް މިކަލަ ކަންތައް ހިގާފަ އެބަހުރި. ރާބިޔާ ކިޔާ ފިހާރަ ދޮންކަލޭފާނުގެ ބޭފުޅަކުވެސް ދެލޯ ކޮނެލާފަ ގޮނޑިއެއްގަ ބަދެފަ މަރާލާފަ އިންދާ ފެނުނީ. ގޯނބިލި ޅަހުއްތު ވެސް އެއްލޯ ކޮނެލާފަ މަރާލާފަ ކޯރަ ކުން ފެނުނީ. އެއީ ވިސާ ހަމަ ވޭތޯ އެންބަސީ އިން ބަލަންވީ ސަބަބަކީ
ފީކަޅާ
02 May 2019
ދިވެހިން ލަންކާގާ ދިރިއުޅޭ ގޭތަކުގެ މައުލޫމާތު ލަންކާ ސިފައިންނަ ދީގެން ދިވެހިންނަށް ފުރައްސާރަ ކުރުމުގާ ދިވެހި އެމބަސީގެ އަތެއްވާނެކަން ޔަގީން. ޢެމބަސީއެއްގެ ބޭނުމަކީ އެގައުމެއްގެ މީހުން ގެ އިނސާނީ ހައްގު ސަލާމަތް ކުރަން މަސައްކަތް ކުރުން
ރަންނަ
01 May 2019
ގަވާއިދާހިލާފަށް ރާއްޖޭގަ އުޅޭ ބިދޭސީންގެ ވާހަކަ ދައްކަން ދިވެހިން ލަދުގަންނަންޖެހޭ
ކުޑަކުޑަހުވަދޫ
02 May 2019
އެވެރިން މިތާ ވިސާޔައި ނުލައި އުޅޭތީ މަމެންޙީކުރީ މަމެންޏަށްވެސް އެތާ އުޅެވޭޅެކަމަށް!
ބިސްބޮންބޮން
01 May 2019
ދިވެހިންނަކީ ބޭރުގައުމުތަކުގަ އުޅޭއިރު ވަރަށް ފުއްޕާފަ މަބޮޑޭވެގެން ތެޅޭ ބައެއް. އެމީހުން ހިތުން އެގައުމުތަކުގެ ގާނޫނެއް ގަވާއިދެއް އެމީހުންގެ މައްޗަށް ނުހިނގާނެ. ޑްރަގްސްއާ ވިސާ އޯވަރސްޓޭވެގެން ހައްޔަރުކޮށް ކޯޓަށް ގެންދިޔުމުން ޝަރީއަތް ހިނގާގޮތް ބަލަން އެމްބަސީ ނުވަތަ ކޮންސިޔުލޭޓުން ފޮނުވާ މުވައްޒަފުންނާ ދިމާލަށްވެސް ރޯހަޔާތްގޮވާ، ވަޒީފާއިން ކަނޑާލާނެކަމަށް ބިރުދައްކާހަދާ! ހަގީގަތު ހައްޔަރުވުމުން އެމްބަސީއަށް ކޮށްދެވޭނެ އެއްވެސް ކަމެއް ނޯންނާނެ