ވިޔަފާރި / އެސްޓީއޯ

ބިސް ކޭހެއްގެ އަގު 450ރ. އަށް ބޮޑުވެއްޖެ

ބާޒާރުގައި ބިސް ޓްރޭތަކެއް ބެހެއްޓިފައި--ފޮޓޯ:ނިޝާން އަލީ/މިހާރު

ފާތިމަތު ޝަނާ މުހައްމަދު، މިހާރު

07 މެއި 2019 - 14:42

7 comments

ބިސް ލިބުން ދަތިވެ ބިސް ކޭހެއްގެ އަގު 450ރ. އަށް ބޮޑުވެއްޖެ އެވެ.

ވިޔަފާރިވެރިން ބުނީ ބިހުގެ އަގު އުފުލުނީ ބިހުގެ ޑިމާންޑު އުފުލުނު ވަރަށް ސަޕްލައި ނުކުރެވިގެން ކަމަށެވެ.

"އަޅުގަނޑުމެން ބިސް ކޭހެއް މިދިޔަ ހަފުތާގައި ވިއްކީ 310ރ. އަށް. މިހާރު ބިސް ހޯދަން ވަރަށް އުނދަގޫ،" ވިޔަފާރިވެރިއަކު ބުންޏެވެ.

ބާޒާރުމަތީގައި މިހާރު ބިސް ލިބެން ހުރީ ވެސް މަދު ފިހާރަޔަކުންނެވެ.

އިއްޔެ އަކީ ބަންދު ދުވަހަކަށް ވުމުން، އެސްޓީއޯ އިން ބިސް ކޭހެއް ނުވިއްކަ އެވެ. ނަމަވެސް އެ ތަނުގެ ސުޕަ މާޓުން ވަކިން ބިސް ވިއްކި އެވެ. އަދި މިއަދު ވަނީ އެސްޓީއޯ އިން އިންޑަސްޓްރިއަލް ވިލެޖްގައި ހިންގާ ފިހާރައިން ބިސް ކޭސް ވިއްކަން ފަށައިފަ އެވެ.

އެސްޓީއޯ އިން ބިސް ކޭހެއް ވިއްކަނީ 290ރ. އަށެވެ. ވަކިން ބިހެއް ވިއްކަނީ 1.50ރ. އަށެވެ. އެސްޓީއޯއިން ބުނީ، އިންޑަސްޓްރިއަލް ވިލެޖުގައި ހުންނަ ފިހާރައިން ކޮންމެ ދުވަހަކު ވެސް ބިސް ކޭސް ލިބޭނެ ކަމަށެވެ.

މި ރޯދަ މަހު އެއްވެސް ދަތިކަމެއް ނެތި ބިސް، ފިޔާ އަދި އަލުވި ލިބޭނެ ކަމަށް އެސްޓީއޯ އިން ކުރިން ވަނީ ބުނެފަ އެވެ.

އެސްޓީއޯ ލޯކަލް މާރުކޭޓް މާރުކޭޓް ސަރަހައްދު ރަމަޟާން 2019 ބިސް

7 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުންއަސަރު

08 May 2019

މިކަންކަން ހައްލު ކުރެވޭނީ ސަރުކާރު ހިއްސާވާ މައިކުންފުނި ވަރަށް ބޮޑަށް ހިންގާލެވިގެން. އަމާބުނީތީ ފަރަށްދާ އުސޫލު ދޫކޮށްލައިގެން. މުދާވެރި ބޮޑެތި ވިޔަފާރިވެރިންގެ އަތްދަށުނުވެ ރައްޔިތުންނަށް ކަމެއް ކޮށްދެވިގެން. އޭރުންވެސް ރައްޔިތުންނަށް ބޮޑެތި ފަސޭހަތަކެއް ލިބި ކުޑަ ޚަރަދަކުން އުޅެލެވޭނެ. އާންމު ބާވަތްތައް ކަމުގާވާ ހަނޑޫ ހަކުރު ފުށް އަދި ބިސް އަލުވި ފިޔާ ކާތެޔޮ ފަދަ ބާވަތްތައް ފާހަގަކޮށް އެބާވަތްތައް ދާއިމީކޮށް އެސްޓީއޯއިން ވިއްކުން. މީ ހައްލު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

08 May 2019

ކީތްކުރާނީ މަމެން. ސަރުކާރުން އޮވޭ ކާޑުގެ ބާވަތްތައްވެސް އަގުހެޔޮކޮށްދީފަ. އެވެސްނަމެއްގަ އޮންނަ ކަމެއް. އަހަރެން އުޅެނީ ހުޅުމާލޭގަ. ހުޅުމާލޭ ހުރިހާ ފިހާރަޔަކުންވެސް ކާޑުގެ ބާވަތްތައް ވިއްކަނީ އަގުބޮޑުކޮށް. މިސާލަކަށް ހަކުރުކިލޯއެއް 3.98އަށް. އެއީ ސަރުކާރުން ވިއްކަން ބުނާވަރު. އެކަމަކު ފިހާރަޔަށްގޮސް ގަންނަންލިބެނީ 5 ރުފިޔާއަށް. ގަންނަކޮންމެ ކިލޯއަކުން އެއްރުފިޔާ އިތުރަށްނަގާ. މިކަންކަން ބަލަންޖެހޭ ބެލެނިވެރި ފަރާތުން މިހާރު އެކަންކަމެއް ނުބަލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

08 May 2019

އެސްޓީއޯއިން މީގެ އެތައް އަހަރެއް ކުރިންވެސް ބުނަމުން އަންނަ އެއްޗެއްތީ. އެކަމަކު ދުވަހަކުވެސް ކިޔާއެއްޗަކާ ކަންކުރާ ގޮތަކާ ދިމަލެއްނުވޭ. އަގުހެޔޮކޮށް އެއްޗެއް ވިއްކިއްޔާ އޭގެ ތެރެއިން ދެބައިކުޅައެއްބައި ހަލާކަށް ނަގަންޖެހޭ. ބިސްކޭހެއް ގެޔަށް ގެނެސްފިއްޔާ ދުވާކުނިވަހުން ގެޔަށް ނުވަދެވޭ. އަލުވި ހުންނަނީ ދެބައި އުމުރަށްގޮސް ވަޅޯވެފަ. ފިޔާ ހުންނަނީ ހުޅުންބު ޖަހާފާ އޮންނަ ލަނޑައެއްހެން. ދެން ކިހިނެތްތަ އެސްޓީއޯއިން މިހަދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދީމް22

07 May 2019

ކޮންމެ އަހަރަކުވެސް ރޯދަ މަސް ކައިރިވާއިރަށް އެސްޓީއޯ އިން ފޮނި ކަނޑަން ފަށާނެ މުޅި ރޯދަމަހަށް ވާވަރަށް ތަކެތި ހުސްނުވެ އަގު ބޮޑުނުވެ ލިބޭނެ ކަމަށް ، ނަމަވެސް އަދި ދުވަހަކުވެސް އެހެންނެއް އެކަމެއް ނުހިނގާ ... މީދެން އަރަތެއްނު...