ލަންކާގެ މަލިގަވައްތަ ޖުމްއާ މިސްކިތުގައި މި މަހު 3 ވަނަ ދުވަހު ބަޔަކު ހުކުރު ނަމާދު ކުރަނީ. --ފޮޓޯ:އޭއެފްޕީ
17 މެއި 2019 - 11:40
8 comments
ކޮލަމްބޯ (މެއި 17) - ސްރީ ލަންކާގެ މިސްކިތްތަކުގައި ދޭ ހުކުރު ޚުތުބާ ކުރިން ފާސްކުރަން ސަރުކާރުން އަންގައިފި އެވެ.
މުސްލިމް ރިލިޖަސް އެންޑް ކަލްޗަރަލް އެފެއާޒް މިނިސްޓްރީން ބުނީ ހައްދުފަހަނަޅައި ދިއުމުގެ ހަރަކާތްތައް ހިންގާ މަރުކަޒެއްގެ ގޮތުގައި މިސްކިތްތައް ބޭނުން ކުރުމުގެ ފުރުސަތު ނުދޭނެ ކަމަށެވެ.
"ގައުމުގެ މިހާރުގެ ހާލަތަށް ރިޔާއަތްކޮށް، އެއްވެސް މިސްކިތެއްގައި ހައްދުފަހަނަޅައި ދިއުމަށް މަގުފަހިކޮށްދޭ އެއްވެސް ހަރަކާތެއް ބޭއްވުމުގެ ފުރުސަތު ނުދިނުމަށް އަންގަން،" މިނިސްޓްރީން ބުނެފައިވެ އެވެ.
އެހެން ކަމުން ކޮންމެ މިސްކިތެއްގައި ވެސް ދޭ ޚުތުބާ ކުރިން ހުށަހަޅައި ފާސްކުރަން ޖެހޭނެ ކަމަށް މިނިސްޓްރީން ވަނީ އަންގައިފަ އެވެ.
އެޕްރީލް 21 ވަނަ ދުވަހު ލަންކާގައި ދިން ހަމަލާތަކުގެ ފަހަތުގައި ވަނީ އެ ގައުމުގެ ހައްދުފަހަޅާފައިވާ ޖަމާއަތެއް ކަމަށްވާ ނޭޝަނަލް ތައުހީދު ޖަމާއަތް (އެންޓީޖޭ) އެވެ. އެ ޖަމާއަތުން ވަނީ އިސްލާމިކް ސްޓޭޓް (އައިއެސް) އާ ބައިއަތު ހިފައިފަ އެވެ. ހަމަލާތަކަށް ފަހު ލަންކާ އިން ވަނީ ހަރުކަށި ފިކުރު ހުއްޓުވުމަށް ފިޔަވަޅުތައް އަޅަން ފަށައިފަ އެވެ. އެ ގޮތުން ހަރުކަށި ވިސްނުމުގެ އެތައް ބައިވަރު ބިދޭސީންނެއް ވަނީ ޑިޕޯޓްކޮށްލައިފަ އެވެ.
ބޮމުގެ ހަމަލާތަކަށް ފަހު ލަންކާގައި މުސްލިމުންނާ ދެކޮޅަށް ދޭ ހަމަލާތައް ވެސް މިހާރު ވަނީ އިތުރުކޮށްފަ އެވެ. ހަމަނުޖެހުންތަކުގައި މުސްލިމުންގެ ފިހާރަތަކާއި މިސްކިތްތަކަށް ހަމަލާ ދިނުމުގެ ފަހަތުގައި ވަނީ ބުޑިސްޓުންނެވެ.
ލަންކާގެ ތިން ފައްޅިއަކާއި ތިން ހޮޓަލަށް އަމިއްލަ އަށް މަރުވެގެން ދިން ބޮމުގެ ހަމަލާތަކުގައި ވަނީ 258 މީހުން މަރުވެފަ އެވެ. އޭގެ ތެރޭގައި 40 ބިދޭސީން ހިމެނެ އެވެ. ބޮމުގެ ހަމަލާތައް ދީފައި ވަނީ ނުވަ މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްހަ ކަރެޕްޝަން
18 May 2019
ހުރިހާ މިސްކިތެއްގައިވެސް އެއް ޚުތުބާއެއް ކިޔުން މުހިންު
ވާމިލް
18 May 2019
ޗައިނާ މީޙުން އިސްލާމުން ނައްތާލާ ބުޑިސްމް ފުޅާކުރަންބާ؟؟؟
ކބހ
17 May 2019
މީނައިސްލާމް ދީނޭ ބުނުމުންކެކި އަރަނީކީއްވެތަ
ބުރުގާ
17 May 2019
އެބަ ރަގަޅުވޭ. އެއްވެސް ދީނެއްގެ ބަޔަކައް އެބަޔަކު ހިތުހުރި ގޮތަކައް ދީނީ ދަރުސް، ނަސޭހަތް، ފަތުވާ، ވައުސު، ހުތުބާ ދޭން ދޫކޮއްލުމަކީ ނުރައްކާތެރިކަމެއް. ކޮންމެ ކަމެއްވެސް އޮންނަންވާނީ ވަކި މިންގަޑެއް، ތަރަހައެއް، ގަވައިދެއްގެތެރޭ.
ތިލަކޮށް
17 May 2019
ތީވެސް ހަމަ މުސްލިމެއްތަ؟
ުުްެެްެޔެލިގް
17 May 2019
ތެދެއް ތިބުނީ
ކަތީބު3
17 May 2019
ރަގަޅު ބޭނުންހާ އެއްޗެއް ކިއިގެން ނުވާނެ
ހަގީގަތް
19 May 2019
ހަމައެކަނި މުސްލިމުންނަކަށްނޫން، އެއްވެސް ބަޔަކަށް ހިތުހުރިހައި އެއްޗެއް ކިޔައި، ހިތުހުރިހައި ކަމެއްކޮށް، ހިތުހުރިހައި ގޮތަކަށް އުޅެވިގެންނުވާނެ. އެކަމަކު ދުނިޔޭގައި ކަންހިނގަނީ ހަމަ މިގޮތަށްތޯ؟ ބާރުހުރިމީހާ ހިތުހުރި ގޮތަކަށް ކަންކުރަމުން ގެންދާ މަންޒަރު ހައްތާވެސް މިފެންނަނީ. އެތެރެއިންނާއި ބޭރުން ހާމަވަމުން މިދަނީ އިސްލާމްދީނާއި މުސްލިމުންގެ މައްޗަށް ހުރި ޢަދާވާތްތެރިކަން.