ދީބާޖާ އަށް ބަދަލު ދޭން ކުރި ހުކުމް ތަންފީޒު ކުރުމުގެ މަރުހަލާ މާދަމާ ފަށަނީ

ސިވިލް ކޯޓު ހިނގާ ޖަސްޓިސް ބިލްޑިން: ދީބާޖާއަށް ބަދަލު ދޭން ކުރި ހުކުމް ތަންފީޒު ކުރުމުގެ މަރުހަލާ މާދަމާ ފަށަން ވަނީ ހަމަޖައްސާފައި --ފޮޓޯ/މިހާރު

މުއިއްޒު އިބްރާހިމް، މިހާރު

12 މެއި 2019 - 20:04

47 comments

ދީބާޖާ އިންވެސްޓްމަންޓާ އެކު ސަރުކާރުން ހެދި އެއްބަސްވުން ބާތިލްކުރި މައްސަލައިގައި އެ ކުންފުންޏަށް ބޮޑު ބަދަލެއް ދޭން ކުރި ހުކުމް ތަންފީޒު ކުރުމުގެ މަރުހަލާ މާދަމާ ފަށަން ސިވިލް ކޯޓުން ތާވަލްކޮށްފި އެވެ.

އުތުރު ޕްރޮވިންސްގައި ފެރީގެ ޚިދުމަތް ދިނުމަށް އެމްޑީޕީގެ ވެރިކަމުގައި 2010 ވަނަ އަހަރު ދީބާޖާއާ އެކު ސަރުކާރުން ހެދި އެއްބަސްވުން ސަރުކާރުން 2013 ވަނަ އަހަރު ބާތިލްކުރި މައްސަލާގައި ގެއްލުމުގެ ބަދަލަށް ދީބާޖާއަށް 348 މިލިއަން ރުފިޔާ ދޭން ދައުލަތުގެ މައްޗަށް ސިވިލް ކޯޓުން 2014 ގައި އޮތީ ހުކުމްކޮށްފަ އެވެ. އަދި މިދިޔަ މަހު ސުޕްރީމް ކޯޓުން ވަނީ ސިވިލް ކޯޓުގެ އެ ހުކުމް ދަމަހައްޓައިފަ އެވެ.

ސިވިލް ކޯޓުގެ ހުކުމް އެ ތަންފީޒު ކުރުމުގެ މަރުހަލާ ސިވިލް ކޯޓުގައި ފަށަން ހަމަޖައްސާފައިވަނީ މާދަމާ ހެނދުނު އެވެ.

ދީބާޖާ އަށް ބަދަލު ދިނުމަށް ސުޕްރީމް ކޯޓުން ކުރި ހުކުމް ރިވިއުކުރަން ހުށަހަޅާނެ ކަމަށް ބަންޑާރަ ނައިބު އިބްރާހިމް ރިފްއަތު ކުރިން އޮތީ ވިދާޅުވެފަ އެވެ. އެކަމަކު އެ މައްސަލަ ރިވިއުކުރަން އަލުން ހުށަހެޅި ކަމެއް އަދި ސާފެއް ނުވެ އެވެ.

ދީބާޖާ އަށް ބަދަލު ދޭން ސިވިލް ކޯޓުގައި 2014 ގައި ހުކުމް ކޮށްފައި ވަނިކޮށް ހައި ކޯޓުން މިދިޔަ އަހަރު އެ ހުކުމް ބާތިލްކޮށް، އެ ފައިސާ ދައްކަން ނުޖެހޭނެ ކަމަށް ހުކުމް ކުރި އެވެ. އެކަމަކު ހައި ކޯޓުގެ އެ ހުކުމް ދީބާޖާއިން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިދިޔަ މަހު ވަނީ ހައި ކޯޓުގެ ހުކުމް ބާތިލްކޮށް، އަދި ސިވިލް ކޯޓުގެ ހުކުމް ދަމަހައްޓައިފަ އެވެ.

ސުޕްރީމް ކޯޓުގެ ހުކުމުގައިވަނީ ހައި ކޯޓުން އެ މައްސަލަ ބަލަައިގެންފައި އޮތީ އިސްތިއުނާފް މުއްދަތު ހަމަވި ފަހުން ކަމަށާއި އެ މުއްދަތު ހަމަވިފަހުން އެ މައްސަލަ ބަލައިގަނެ، މައުޟޫއީ ގޮތުން މައްސަލަ ބަލާފައިވަނީ ގާނޫނާ ޚިލާފަށް ކަމަށެވެ.

ސިވިލް ކޯޓް ސުޕްރީމް ކޯޓް ފެރީގެ ޚިދުމަތް ދީބާޖާ އިންވެސްޓްމަންޓް އެޓާނީ ޖެނެރަލް އިބްރާހިމް ރިފްއަތު، އެޓާނީ ޖެނެރަލް އެޓާނީ ޖެނެރަލްގެ އޮފީސް ދިވެހި ސަރުކާރު

47 ކޮމެންޓް, 100 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮވހ

13 May 2019

ތިޔަ ފައިސާ ދޭދުވަހުންފެށިގެން މަގޭއަތުން ލޯލާރިއެއްވެސް ޖީއެސްޓީއަށް ނުދައްކާނަން. ބަލަންހުރޭ. ފުކެއްބޮޑުވަރު. އަހަރެމެން އަތުން އަތުލާފަ މަތީމީހުން ރޮލާކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

13 May 2019

މައްސަލައިގެ އެންމެ ފުނަށް ފީނާއިރު ފެށިގެން އަންނަނީ ރައީސް ނަޝީދު އާއި ހަމައިން.އެންމެ ފުރަތަމަ، ކުފޫ ހަމަނުވާ، ކަރުދާސް ކުންފުންޏަކަށް ބޮޑު ސިންގާ މަޝްރޫއެއް، ބަދަލުގައި އެތައް ރަށަކާއި ބިމެއް ދޭ ގޮތަށް އެގްރީމަންޓު ކުރީ ގާތް ބަޔަކަށް ނާޖާއިޒް ފައިދާ ހޯދައިދޭން. ދެން އިސްތިއުފާ ދީ ގެއަށް ދިއުމުން، ވެރިކަމަށް އައި ރައީސްއަށް ޖެހުނީ ޚިދުމަތް ނުދީ ރައްޔިތުންނަށް ގެއްލުންވާތީ އެގްރީމަންޓު ބާތިލް ކުރަން. ދެން އައި ޔާމީން ސަރުކާރުން ފަރުވާކުޑަކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަބަރުދާރު

13 May 2019

http://www.highcourt.gov.mv/dhi/mediamanager/2015-hc-a-271_ag_vs_dheebaja_investment_pvt_ltd...pdf ހައިކޯޓުގެ ރިޕޯޓް ކިޔައިފިން. ފެށިހިސާބު ނިމުނުއިރު ހަދާނެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

13 May 2019

ވަޙީދުގެ ވާހަކަ ދައްކަވާ ބޭފުޅުންނަށް ބުނެލަންއޮތީ ތިބުނާ ފެރީއެއްގެ ހިދުމަތް ނުދޭތާ ކިތައްމަސްފަހުންތޯއޭ އެގްރިމެންޓް ބާތިލު ކޮށްފައި އެމް.ޓީ.ސީ.ސީ އާއި ހަވާލުކުރީ. ނޭގި ނުވަތަ އެނގިތިބެގެން ކަން ހިނގިގޮތް އޮޅުވާލަން ތި މަސައްކަތް ކުރަނީ ހަމަ ޒާތީ ތަޢައްސުބުން ތެމި ފޯވެފައިވާތީ. ހިދުމަތް އެކަށީގެންވާ ގޮތައް ނުދޭކަމަށް އަދި ހުއްޓާލާފައި އޮތްކަމަށް މުޅި އުތުރު ޕްރޮވިންސްވެސް ހެކިވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމު

13 May 2019

ނަޝީދު ސަރުކާރުން ޕާޓީ ކުދިންނަށް ޕްރޮޖެކްޓް ދިނީ ... ވަހީދު ގެ ސަރުކާރުން ކޮންޓްރެކްޓް ބާތިލު ކުރީ ... ޔާމީނު ސަރުކާރުގައި އޭޖީ އިން ގަސްތުގައި މުއްދަތު ހަމަވިފަހުން ހައި ކޯޓަށް އިސްތިއުނާފް ކުރީ ... އިބޫ ސަރުކާރުގައި ސްޕްރީމް ކޯޓުން 348 މިލިއަން ރުފިޔާ ބަދަލު ދޭން އެނިންމީ ... ދެން ކުރެވޭނެ ކަމެއް ނެތް ... ދެން ހުރިހާ ކުދިން އަތް ޖަހާ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނީ

13 May 2019

ތީ ވަރަށް ބޮދު ތެދެށް. ޢާންމު ރަށްޔިތުން ހަށްދާ ލާފަ، މި ޙުރިހަާ އިށްޒަތް ތެރި ޕޮލިޓިށަނުން ހަމަ ޖެހިލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

13 May 2019

ޤާނޫނަށް އެންމެ ބޮޑަށް ބަލަންވާނެ އެއް ފަރާތަކީ ކޯޓްތައް، އެކަމަކު އެކަމެއްވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިސާރިކަނބަލެއް

13 May 2019

އަހަރެމެންގެ ތިޖޫރި ދޮވެލާފަ ދޭނެކަމެއްނެތް، އަދި ތިމައްސަލަ ރަގަޅަށް ބަލާފަ، ތިކަމުގަ އިހުމާލުވާ މީހުންބަލާފަ އެމީހުން އަތުން ތިފައިސާ ހޯދަންވީ، އިއްޒައްތެރި ރައީސް މިކަން ރަގަޅައް ބައްލަވާފަ ނޫނިއްޔާ ދައުލަތުން އެއްމެ ލާރިފޮއްޗެއްވެސް ދޫނުކުރުން އެދެން މިއީ ވަރަށްބޮޑު އަދަދެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

13 May 2019

ޢެމްޑީޕީއަކީ ވަރައް ވަރުގަދަ ބްރޭންޑްއެކެވެ. މިސާލަކައް ކޮކާ ކޯލާ އަކީވެސް ވަރުގަދަ ބްރޭންޑްއެކެވެ ނަމަވެސް އޭގެއިން ލިބޭނީ ހުސްގެއްލުމެވެ. ޢެމްޑީޕީ ބޭނުން ބައެއްގެ އަބުރު ބޭނުން ގޮތަކައް ކަތިލާނެއެވެ. ވަގައް ގޮވި ވައްކަންތަން އަދިވެސް ނުހޯދެއެވެ. މަރުވި މީހުން އަދިވެސް ނުހޯދެއެވެ.