ހުޅުމާލެ ހައިވޭގައި މިއަދު ހިނގި އެކްސިޑެންޓެއް -- ފޮޓޯ: މިހާރު
15 މެއި 2019 - 12:47
26 comments
ހުޅުމާލޭ ހައިވޭގައި ސައިކަލެއް އޯވާޓޭކް ކުރަން އުޅުމުގެ ތެރޭގައި ކާރެއްގައި ޖެހި އެކްސިޑެންޓެއް ހިނގައި އެކަކު ޒަހަމްވެއްޖެ އެވެ.
މި އެކްސިޑެންޓް ހިނގީ ހުޅުމާލެއިން މާލެ އައި ސައިކަލެއް، އެހެން ސައިކަލެއް އޯވާޓޭކް ކުރަން އުޅުމުގެ ތެރޭގަ އެވެ. ހުޅުމާލެ އިން ބްރިޖަށް އަރަންދާ ކޮޅުން ދުއްވާފައި ދިޔަ އެ ސައިކަލު، އެހެން ސައިކަލެއް އޯވަޓޭކް ކުރަން އެރީ ކާރު ލޭނަށެވެ. ނަމަވެސް އެ ލޭނުގައި ދުއްވާފައި ދިޔަ ކާރެއްގައި ޖެހި ސައިކަލް 100 ވަރަކަށް ފޫޓަށް ކަހާލީ ކަމަށް ފުލުހުން ބުންޏެވެ.
މި ހާދިސާގައި ސައިކަލު ދުއްވަން އިނީ ލައިސަންސް ނޯންނަ 20 އަހަރުގެ ފިރިހެނެކެވެ. އަދި އޭނާ އަށް މި އެކްސިޑެންޓުގައި އެކި ވަރުގެ އަނިޔާ ލިބިފައި ވާތީ، އޭނާ އަށް ފަރުވާ ދޭން އައިޖީއެމްއެޗަށް ގެންގޮސްފައިވާ ކަަމަށް ފުލުހުން ބުންޏެވެ. އެ ޒުވާނާގެ ސައިކަލު މިހާރު ވީ ފުލުހުންގެ ބެލުމުގެ ދަށުގަ އެވެ.
މީގެ އިތުރުން އެ ސައިކަލު ގޮސް ޖެހުނު ސައިކަލުގައި އިން ދެ މީހުންނަށް ވެސް ކުދިކުދި އަނިޔާތަކެއް ލިބިފައިވާ ކަމަށް ފުލުހުން ބުންނެވެ.
ހުޅުމާލެ ހައިވޭގައި ހޯމަ ދުވަހު ވެސް ވަނީ އެކްސިޑެންޓެއް ހިނގައި މީހަކަށް އެކި ވަރުގެ އަނިޔާ ލިބިފަ އެވެ. ފުރޮޅު ފަޅައިގެން ދިއުމުން ހައިވޭގައި އެއްފަރާތުގައި މަޑުކޮށްފައި އޮތް ކާރެއްގައި ފަހަތުން އައި ސައިކަލަކުން ޖެހުމުން، އެ ކާރުގެ ފަހަތު ބިއްލޫރިގަނޑު ތަޅައިގެން ދިޔަ އެވެ. އެ ސައިކަލު ދުއްވަން އިނީ ފުލުހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލ.އަތޮޅޫ
15 May 2019
ބަލަ ހެލްމެޓް ނާޅާ ތިކަން ހުއްޓުވޭތޯ ބަލާބަ އިބޫ.....
ދޮންވެލި
15 May 2019
ބަްރިޖް ފެށޭ ހިސާބާއި ނިމޭ ހިސާބުގަ ފުލުހުން ހުންނަ އިރު ބާރަށް ދުއްވާފަ ފިލައިގެން ދެވޭނެ ތަނެއް ނޯންނާ އެވެ. ދެން ބާރައް ދުއްވާ މީހުން ހުއްޓުވަ ބަލާށެވެ ރީތި އަންހެން ކުއްޖަކު ފެނުނީމަ ހުއްޓުވިއަސް މައްސަލަ ހައްލެއް ނުވާނެއެވެ.
ނުހޮވުނުމެންބަރު
15 May 2019
މިއަދުގެ ޒުވާނުން ޒަމާނަށް ހޭނުލެވި
ކެލްޑ
15 May 2019
ސްޕީޑް ކެމެރާ ކޮބާ އައިޝާ ؟؟
އަހުންމާ
15 May 2019
ތި އެކްސިޑެންޓް ތައް މަދު ކުރެވޭނީ ބައެއް ތަންތަނުގަ ޓޮލް މެޝީން ބެހެއްޓިގެން .ޚާއްސަކޮށް ބްރިޖުގަ.
އަލީ ސޯލިހު މޫސާ
15 May 2019
1 ރުފިޔާ ދައްކައިގެން 5 ރުފިޔާ ދައްކައިގެން އިންސްތޯލް މެންޓަށް ސައިކަލު ނުނެގޭނެ ގޮތް ހެދުމަށް ސަރުކާރަށް ގޮވާލަން. އިއްޔެ މެންދުރު މާލެ އަންނަ މީހާ ޖެހިގެން އަންނަދުވަހު އިންނަނީ ސައިކަލަށް އަރާ. ވަންވޭ އެއް މާލޭގެ މަގުތަކެއް ގަވައިދެއް ނޭންގެ. މާލެ ނޫން ރަށެއްގެ މީހަކު ނަމަ ވަކި މުއްދަތެއް މާލޭގަ އުޅެފަ ވާ މީހުންށް އަދި ވަޒީފާ އެއްގަ 01 އަހަރު އުޅެފަވާ މީހުންނަށް އިންސްޓޯލް މެންޓަށް ސައިކަލު ދިނުން އޯކޭ،
ބީރައްޓެހިމީހާ
15 May 2019
ވަންވޭ މަގުތައް އަންގައިދޭ ބޯޑު ބެހެއްޓުމަކީ ސަރުކާރުގެ ކަމެއް. ކޮންމެހެން އިއްޔެ މެންދުރު މާލެ އަރާ މީހަކު ނުޖެހޭ މާލޭގެ މަގުތަކުގެ ނަންތަކާއި ވަންވޭ ހިތުދަސްކުރާކަށް. ސަނަދު ނަގަން ޓެސްޓް ޕޭޕަރުގަ އޮފީސްއޮފީހުގެ ސެކްރެޓަރީންގެ ނަމާއި އޮފީސްހުންނަ އިމާރާތުގެ ނަންލިޔުން އެއީމާކުރީގެކަމެއް. ޑްރައިވިންގ ލައިސަންސް ޓެސްޓްގައި ޓްރެފިކް ނިޝާން އެނގެންޖެހެނީ. އިއްޔެމާލެ އަރާމީހާއެކޭ މާލޭގަ ވިހޭ މީހެކޭ ޤާނޫނުކުރިމަތީ ހަމަހަމަވާނެ.
ސުޖާ
16 May 2019
ތިކަހަލަ ތަރައްގީނުވާ ވިސްނުގެ މީހުން އެއްޗެތި ދުއްވާތި މައްސަލަޔަކީ ބަލަ އެއްގަމުއުމީހުން އަނެއްގައުމައް ގޮސް ލައިސަންސު ދައްކާފަ އެއްޗެތި ކުއްޔަވެސްހިފޭ އެގަމުތަކު މަގުތައް ހިތުދަސްނޫނަސް މަގުގެ ނިސާންތަކައް ބެލީމަ ނިމުނީ އެހެންވެ ކޮއްމެމަގަކައް ނަމެއްދީފަ ހުންނަނީ
ނީނނޭ
15 May 2019
ޔޫރިން ޓެސްޓް ހަދުވާ...
މާލެ މީހާ
15 May 2019
މި ގޮޅިޖެހި ގަމީސްލީ ސޮރުންގެ ކަންތަށް ހަމަ މާ ބޮޑީ
ހަސަން ނުވަވަނަ
15 May 2019
ޖަޒީރާގަ އޯކޭވާނެ އެޖެންޑާ19 ސަޅިވާނެ
ޢަލިދީދީއައްޑޫސިޓީ
15 May 2019
މަޖިލިސް 19 އިން ގާނޫނު ފާސްކޮށްދީ. ލައިސަންސް ނެތި އެއްވެސް މީހަކު ވެހިކަލެއް ދުއްވައިފިނަމަ، އެމީހަކަށް އަދަބު ދިނުމުގެ އިތުރުން "އެދުއްވި ވެހިކަލް މީޑިޔާގެ ކުރިމަތީގައި ނައްތާލަން." - މުޖައްރިބު ލައިސަންސްނެތި ދުއްވުން 99އިން ސައްތަ މަދުވާނެކަން.