ސައިކަލަކާއި ކާރެއް ޖެހި ރޭ އައްޑޫގައި އެކްސިޑެންޓުވެފައި: ސައިކަލުގައި އިން މީހާއަށް މި އެކްސިޑެންޓްގައި ވަނީ ސީރިއަސް އަނިޔާތަކެއް ލިބިފައި
18 މެއި 2019 - 13:01
17 comments
ރޭ ދަންވަރު ސ. ހިތަދޫގައި ހިނގި އެކްސިޑެންޓެއްގައި މީހަކަށް ލިބުނު ބޮޑެތި އަނިޔާތަކާ އެކު ހާލު ސީރިއަސް ވެއްޖެ އެވެ.
ފުލުސް އޮފީހުން މިއަދު ބުނީ ރޭ ދަންވަރު 2:40 ހާއިރު ކާރަކާއި ސައިކަލެއް ޖެހި ހިނގި އެ އެކްސިޑެންޓުގައި އަނިޔާވެފައިވަނީ ސައިކަލުގައި އިން 25 އަހަރުގެ މީހާއަށް ކަމަށެވެ. އޭނާގެ ފައި ބިނދި ބޮލަށް ވެސް ގެއްލުންތަކެއް ލިބުނު ކަމަށް ފުލުހުން ބުނެ އެވެ.
އެ މީހާއަށް މިހާރު ފަރުވާ ދެމުން އަންނަނީ ހިތަދޫ ރީޖަނަލް ހޮސްޕިޓަލުގެ އައިސީޔޫގަ އެވެ. އެކަމަކު އޭނާ މާލެ ގެނައުމުގެ މަސައްކަތް ކުރަމުން އަންނަ ކަމަށް ފުލުހުން ބުންޏެވެ.
ކާރު ދުއްވަން އިން 29 އަހަރުގެ މީހާއަށް މި އެކްސިޑެންޓުގައި އެއްވެސް އަނިޔާއެއް ނުލިބެ އެވެ. އެކަމަކު ފުލުހުން ބުނާ ގޮތުގައި އޭނާ ދުއްވި ކާރަށް އެކި ވަރުގެ ގެއްލުންތައް ލިބުނެވެ.
ރޯދަ މަހުގެ މިހާތަނަށް ނުރައްކާތެރި ގިނަ އެކްސިޑެންޓްތަކެއް މާލޭގައި ވެސް ވަނީ ހިނގައިފަ އެވެ. އެގޮތުން ސިނަމާލެ ބްރިޖް މަތީ ހިނގި އެކްސިޑެންޓެއްގައި މިދިޔަ ބުދަދުވަހުގެ ރޭ އެއް އަހަރުގެ ކުއްޖަކު ޒަހަމްވި އެވެ.
ހުޅުމާލޭގައި އެމްޓީސީސީގެ ބަހެއްގެ ދަށުވެ ޔުކްރެއިންގެ އަންހެން ޓޫރިސްޓަކު ވަނީ މަރުވެފަ އެވެ. އެ އެކްސިޑެންޓް ހިނގީ ބަސް ޑްރައިވަރު ނިދި ޖެހިފައި އިންދަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ މީހާ
18 May 2019
ބާރުބާރަށް ދުއްވުމާއި ކޮޅުކޮޅަށް ކިރެމުން މަގު ބޭނުންކުރާ އެހެން މީހުންނަށް ބިރުދައްކަމުން ޢާންމުކޮށް ދުއްވަނީ ކުރީ ސަރުކާރުގެ "ޒުވާނުން"... ސްޕީޑް ބަމްޕަރު ޖަހައިގެން މައިތިރި ނުވާނެ އެމީހުން.. ސްޕީޑް ރާޑަރު ހަރުކޮށްލާ.. އެއިން ނަގައިދޭނެ އުޅަނދުގެ ފޮޓޯ އަކާއި، ދުއްވާފަ ދިޔަ ސްޕީޑްގެ އިތުރުން ޕްލޭޓް ނަމްބަރުވެސް... ލިމިޓުން މަތިން ދާ ކޮންމެ މީހަކަށް ވަނީ ހަނދާން ނުނެތޭފަދަ ޖޫރިމާނާއެއް ކުރަން.. މައިތިރި ވާނެ.. ހިތާމައަކީ މިކަން ނުކުރެވުން
އައްޑޫ ބަކުރު
18 May 2019
ކީއްކުރާނީ މިހާރުގެ ޒުވާން ކުދިންނައް ހީވާކަހަލަ އެމީހުން ދުއްވަނީ ޖެޓްފުލައިޓެއްހެން އަދި މަގުވެސް އެމީހުންނަށް ފެންނަނީ ރަންވޭ އެއްގެ ސިފާގަ.. މީހައްތަހާވެސް ޕޮލިހުންކުރުވާ ކަންކަން އައްޑޫގަ މަގުމަތީގަ އުދުހެނީ 10 ވަރަކަށް ސާކަލް ދެން ފުލުހުންނަށް މިކަން ނުހުއްޓުވެން ޖެހޭއެއްވެސް ސަބަބެއް އޮއްހެނެއްހީއެއްނުވޭ
ނަސްލީތަފާތުނުކުރާށޭ
18 May 2019
އައްޑޫގައި އެކްސިޑެންޓެއް ހިނގައިފިއްޔާ އެއީ ދުއްވާމީހުންގެ ނާތަހުޒީބުކަމެވެ. ސައިކަލެއް އަތުޖެހުނީމަ ހަމައިން ނެއްޓެނީއެވެ. ހައްލަކީ ބާރަށް ނުދުއްވޭހެން މަގުތަކުގައި ވަޅުގަނޑު ހެދުމެވެ. މާލޭގަ އެކްސިޑެންޓެއް ހިނގައިފިއްޔާ އެއީ މަގުގައި ކެމެރާ ނެތިގެން ހިނގާ ކަމެކެވެ. ފުލުހުންނަށް ނުބެލެހެއްޓެނީއެވެ. މިނިސްޓަރުގެ އިހުމާލުވެސް ބޮޑީއެވެ. ވެހިކަލް މާގިނައީއެވެ. މަގުތައް ނެހެދެނީއެވެ. ޓްރެފިކް ނިޝާން ނެތީއެވެ. ކަފިހުރަހުގައި ފުލުހަކު ނެތީއެވެ.
ހަމަކުޅަނދުމަދީ
18 May 2019
މާލޭގަވެސް ބާރަށް ދުއްވަނީ ހަމަ އައްޑޫ ހުވަދޫ މީހުން.
ލޮކު
18 May 2019
އައްޑޫގަވެސް ގިނައިން އެކްސިޑެންޓުވެފަހުރީ އެހެން ހިސާބުމީހުން. މާލޭ ބޭފުޅުންވެސް އެކްސިޑެންޓްވެފަހުރީ މަދެއްކޮށްނޫން.
ސައިކަލް
18 May 2019
ސައިކަލު ކިތަންމެ މަޑުން ދުއްވިޔަސް ކާރެއް ފުލް ސްޕީޑް ގަ އައިސް ސިގްނަލް ނުދީ ގޯޅި އެޅީ މަވެސް ސައިކަލް ދުއްވަން އިން މީހާތަ ކުށްވެރި ވަނީ
ޙަބީބު
18 May 2019
މިފެންނަނީ މަގުތަކާއެއްޗެހި ރަނގަޅު ފެންވަރަކައް ހަދާފަދިނީމަ ވާގޮތް ވަޅުގަނޑު ކޮނެފަ ބަހައްޓަންވީ ހިތުހުރިހާ ބާރައް ނުދުއްވޭގޮތައް
ޢައްޑޫ މަގު
18 May 2019
އައްޑު މަގު ތަކުގެ ހާލަތު ބަލަން ވަޑައިގެން ބައްލަވާ ކިހާ ރަނގަޅު ފެންވަރެއްގަތޯ ހުރީ
ހޯރަ
18 May 2019
މި ސަރުކާރަށް 6 ވެގެންދިޔަރު އައްޑޫސިޓީގެ ސިއްހީނިޒާމް ރަގަޅު ނުކުރެވި އޮތުމަކީ ބޮނޑްތަނުން ފެއިލުވުން. އައްޑޫސިޓީގަ މަހެއްގެ މަށްޗަށް އެތަކެއް އެކުސިޑެންޓް ހިގާއިރު ޑޮކުޓަރުންނާއި ވަސީލަތްތަކެއް ނެތް. އަބަދު މާލެ ފޮނުވަނި. ފައިބިންދާގެން ދިޔައަސް މާލެ. މީދެން ބޮޑްވަރު. އެކަމް ސިޓީއެއްގެ ދަރަޖަދީގެން . އައްޑޫ ވިލެޖް ކިޔަންވީ.
ނޮހޮރޮއްޕާން
18 May 2019
އައްޑޫގަ އެހާ އެކްސިޑެންޓާ މާރާމާރީ އާއި ވައްކަމާ މަސްތުވާތަކެތި ނިސްބަތުން ގިނައީ ކީއްވެތޯ އައްޑޫމީހުން އަމިއްލައަށް ސުވާލުކޮށް ވިސްނާލަބަލަ ނިކަން.
ކުނިރޮށި
19 May 2019
ވިސްނަން ޓެކްސް ދައްކައިގެން ސަރުކާރެއް ހޮވާފަ ބޮޑެތި މިނިސްޓްރީ ހަދާފަ ވަޒީރުންނާ މުވައްޒަފުން ލާފަ ތިބޭނެ.
އައްޑޫ މީހާ
18 May 2019
2 ސައިކަލު ދިޔައީ ގޯޅި ޖެހުމުގެ ކުރިން ހުރި ބަމްޕަރަށްވެސް މަޑުނުކޮށް... އެތާ އިންނާނެ ގޯޅި ޖެހިގެން ކަހަލަ ގޮތަކަށް ބަމްޕަރެއް! ހިތަދޫ ކޮންމެ މީހަކަށްވެސް މިކަން އެނގޭނެ. ބައެއް މީހުން ކޫލް ވާންވެގެން ދަނީ ބަމްޕަރު މަތިންވެސް 80-100 ގައި! ދެން އިން ކުއްޖާއަށް ވިސްނުނު ކަމަށް ހީކުރަން، އަދި އަނިޔާވި ކުއްޖާއަށް އަވަސް ޝިފާއަކަށް އެދެން
ފާގަ ހަސަނާ
18 May 2019
ބަައެއް މީޑިޔާތަކުގަ އެބަ ކިޔާ ކާރު ގޯޅި އެޅީ ސިގްނަލް ނުދީ ކަމައް ! އެކަމް ހަގީގަތަކީ ކާރު ސިގްނަލް ދީފަ ހުއްޓާ 100ކމ ވުރެ ބާރައް ދުައްވާފަ އައިސް ޖެހުނީ
ޖިނޮޕަ
18 May 2019
މަގު ގެ ހާލަތް ހުރިގޮތުން ވަރައް ނުރައްކާ......
ފާގަ ހަސަނާ
18 May 2019
މަގުގެ ހާލަތު ނޫން ގޯހީ. ސައިކަލައް އެރުނީމަ ދުނިޔެ އިން މޮޔަވަނީ
ޒިންމާ
18 May 2019
ގޯސްވާނީ މަގު ނުވަތަ މާލޭ މީހުން. ދުވަހަކުވެސް ބާރަށް ދުއްވާ މީހާ ގޯހެއް ނުވާނެ.
ކޮނަޕި
18 May 2019
މަގުގެ ހާލަތު ހުރި ގޮތުން ބަލައިގެން ދުއްވިއްޔާ ކީއްތަވާނީ؟ އަބަދަކު ހުރިހާ މަގުތަކާ އެއްޗެހި ހުންނާނީ އެންމެ ފުރިހަމަ ހާލަތުގައެއް ނޫން.