އިތުރު ފަސް އެއާޕޯޓަކަށް މިއަހަރު ދަތުރުތައް ފަށާނެ

ކުޅުދުއްފުށީ މަތިން ނަގާފައިވާ ފޮޓޯއެއް.-- ފޮޓޯ: އިރުޝާދު

އާސިމާ ނިޒާރު، މިހާރު

19 މެއި 2019 - 12:54

އިތުރު ފަސް އެއާޕޯޓަކަށް މި އަހަރު ޝެޑިއުލް ދަތުރުތައް ފަށާނެ ކަމަށް ޓްރާންސްޕޯޓް މިނިސްޓަރު އައިޝަތު ނަހުލާ މިއަދު ވިދާޅުވެއްޖެ އެވެ.

"މިހާރު" އާ ވާހަކަދައްކަވަމުން މިނިސްޓަރު ވިދާޅުވީ ށ. ފުނަދު އާއި ނ. މާފަރާއި ޅ. މަޑިވަރުގެ އިތުރުން ހދ. ކުޅުދުއްފުށްޓާއި ގދ. މާވަރުލު އެއާޕޯޓުގެ މަސައްކަތުގެ ބޮޑުބައެއް ނިންމާފައިވާ ކަމަށެވެ. އެއަށްފަހު މި އަހަރުގެ ތެރޭގައި އެ ފަސް އެއާޕޯޓުގެ އާއްމު ދަތުރުތައް ފަށާނެ ކަމަށް ވިދާޅުވި އެވެ.

އެ އެއާޕޯޓުތަކުގެ ތެރެއިން އެންމެ އަވަހަށް ދަތުރުތައް ފަށަން ހަމަޖައްސާފައި ވަނީ ކުޅުދުއްފުށީ އެއާޕޯޓަށެވެ. އެތަނަށް މިދިޔަ ސެޕްޓެމްބަރު މަހު ތެރޭގައި ޓެސްޓް ފްލައިޓު ޖައްސާފައިވާއިރު އޭގެ ފަހުން ވެސް ޗާޓާޑު ބައެއް ދަތުރުތައް ކޮށްފައި ވެ އެވެ. ނަމަވެސް ޝެޑިއުލް ދަތުރުތަކެއް ނުފަށަ އެވެ. އެތަނުގައި މިހާރު ކުރަނީ ޓާމިނަލް ބިލްޑިން ނިންމުމުގެ މަސައްކަތެވެ.

މާފަރު އެއާޕޯޓާއި ފުނަދޫ އެއާޕޯޓުގެ ދަތުުރުތައް ފަށަން ހަމަޖައްސާފައިވަނީ އޮގަސްޓު މަހުގެ ތެރޭގަ އެވެ. މާފަރު އެއާޕޯޓަށް މިދިޔަ އޮގަސްޓްމަހު ޓެސްޓް ފްލައިޓް ޖެއްސިއިރު މިހާރު ކުރަމުން އަންނަނީ ފެސިލިޓީ ބިލްޑިންގުތައް ނިންމުމުގެ މަސައްކަތްތައް ކަމަށް މިނިސްޓަރު ވިދާޅުވި އެވެ. އޭގެ ތެރޭގައި ޓާމިނަލާއި ގަރާޖާއި ކާގޯ ބިލްޑިންނާއި ސްޓާފް އެކޮމޮޑޭޝަން ހިމެނެ އެވެ. އެ ތަންތަނުގެ މަސައްކަތުގެ 90 ޕަސެންޓް ވަނީ ނިމިފަ އެވެ.

ޓްރާންސްޕޯޓު މިނިސްޓަރު ނަހުލާ: ހަތް އެއާޕޯޓެއްގެ މަސައްކަތެއް އަންނަނީ ކުރަމުން.-- ފޮޓޯ: ހުސެއިން ވަހީދު/ މިހާރު

ފުނަދޫ އެއާޕޯޓުގެ ރަންވޭ އާއި އޭޕްރަންގެ މަސައްކަތްތައް ނިންމާފައިވާއިރު މިހާރު ކުރަނީ ޓާމިނަލާއި ފަޔަ އެންޑް ރެސްކިއު އިމާރާތުގެ މަސައްކަތްތަކެވެ. އަންނަ ޖުލައިގެ ނިޔަލަށް އެ މަސައްކަތްތައް ނިންމާލެވޭނެ ކަން މިނިސްޓަރު ފާހަގަކުރެއްވި އެވެ.

އެ އެއާޕޯޓުގެ ޓެސްޓް ފްލައިޓް ޖެއްސުމަށް ބޭނުންވާ ހުރިހާ ތައްޔާރީތަކެއް ނިމިފައި ވެ އެވެ. ނަމަވެސް ޓެސްޓް ފްލައިޓް ޖައްސާނެ ދުވަހެއް އަދި ނުނިންމަ އެވެ.

މާވަރުލާއި މަޑިވަރު އެއާޕޯޓުގެ އާއްމު ދަތުރުތައް މި އަހަރު ނިމުމުގެ ކުރިން ފަށާނެ އެވެ.

މިނިސްޓަރު ވިދާޅުވީ މި އަހަރުގެ ތެރޭގައި ފަސް އެއާޕޯޓެއް ހުޅުވާއިރު، މިހާރު ވެސް އިތުރު ދެ އެއާޕޯޓެއްގެ މަސައްކަތް ކުރަމުން އަންނަ ކަމަށެވެ. އެއީ ހއ. ހޯރަފުއްޓާއި ގދ. ފަރެސްމާތޮޑާ އެއާޕޯޓެވެ.

ދަތުރުފަތުރު ޓްރާންސްޕޯޓް މިނިސްޓްރީ ޅ. މަޑިވަރު ސަރަހައްދީ އެއާޕޯޓްތައް މާފަރު އިންޓަނޭޝަނަލް އެއާޕޯޓް ކުޅުދުއްފުށި އެއާޕޯޓް ފުނަދޫ އެއާޕޯޓް އާއިޝަތު ނަހުލާ (އާއިޝާ)، ކުރީގެ މިނިސްޓަރު

11 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެއަރޕޯޓް ރާއްޖެ

20 May 2019

ޖަޒީރާ ރާއްޖެ ކިޔައިގެން އަދިވެސް ހަމަ މާލެއިން އަތޮޅުތަކަށް ދަތުރު ކުރަން ޖެހޭ ގޮތް ދޯ މިހަދަނީ. ޑީސެންޓްރަލައިޒްޑް ވިސްނުމެއްގަ މިހަ ގިނަ އެއަރޕޯޓްތަކެއް ބޭނުންވާނެ ކަމަށް ޤަބޫލެއް ނުކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަނާ

20 May 2019

ޝުކުރިއްޔާ ތަރައްގީގެ ބާނީ ރައީސް ޔާމީން!! ދެން މަމިހެން ބުނީމަ އެއާޕޯޓްތައް ނަގާ ބޮނބިފާ އަޅާނީކީ ނޫން ޖެއްސުމަށް..އެވަރުގެ ހިންގުންތެރި ވަތަނީ ރައީސެއް މަށެެއް އަދި ނުދެކެން..ލަވް ޔޫ ސާ ސޯ މަޗް?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

20 May 2019

އާއިޝާއަށް އޮތީ މަސައްކަތްދާގޮތް ބަލާލުން. ވަރަށް ފަސޭހަ ޖޮބެއް. ކޮބައިތަ މާލޭގައި އިތުރަށް ތައާރަފްކުރަންބުނި ބަސްރޫޓްތަކާުއި ބަސް ސްޓޮޕްތައް. ހާދަލަހޭ. މިއޮށް ރޯދަވެސް ނިމެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭޝް

21 May 2019

ދޮގެއްނޫން. މާލެއިން ބަހަކަށް އަރަންޏާ މިޖެހެނީ ރަށްނެތްތާ ދުރަށް ދާން. އެކި ހިސާބުތަކުން ބަސް ލިބެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖު ބޯއި

20 May 2019

ދެން އެއަޕޯޓުތައް ހުޅުވުމާއިއެކު ހަގީގީ ބޭނުން ފެންނާނެ. އެއީ ޓޫރިޒަމް އަށް ވިއްކާ ރަށްރަށް ގިނަ ކުރުން. ގިނަ ރިސޯޓުތަކުން އެޑްވާންސް އަަށް އެތައް އަހަރެއްގެ ޓެކްސްއަށް ވާ ލާރި ސަރުކާރުން ނަގާފައިވާތީ ސަރުކާރަށް ލާރިލިބޭ ގޮތަކީ އެކްއިޒިޝަން ފީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިގެ ބަނދަރު

20 May 2019

100 ދުވަސްތެރޭ ކުރި މަސައްކަތްތަކުގެ ކާމިޔާބީ ތި ފެންނަނީ. ސާބަހޭ މިއޮތީވާ ސަރުކާރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ރަޝީދު777

20 May 2019

ރައީސް ޔާމީން އައް ސާބަހާއި އައްސަރިބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޭފޯރވާރޑް

19 May 2019

އިތުރު ފަސް އެއާޕޯޓަކަށް މިއަހަރު ދަތުރުތައް ފަށާނެ ކަމަށް ޓްރާންސްޕޯރޓް މިނިސްޓަރު ވިދާޅުވާނަމަ އެއީ މަމެން އުފާ ކުރާ ކަމެކޭ ތިޔާއީ ކުރީ ސަރުކާރުން ފަށާފައިވާ ޕްރޮޖެކްޓްސް ތަކޭ މާލެ ސަރަހައްދުގައި ވެސް އެބަޖެހެއޭ ތިން އެއާރޕޯރޓް އޮންނަން އެގޮތުން ގާފަރު ފަޅު އެއްކޮށް ހިއްކާލާ ގާފަރު މީހުން ގެނެސް މާލެ ސަރަހައްދަށް އަޅާލާ އެރަށުގައި އެއާރޕޯރޓް އަކާއި އެކު ހެވީ އަދި ލައިޓް އިންޑަސްޓްރިއަލް ޕާރކެއް ހަދާ ރާއްޖޭގެ އިގްތިސާދު ޑަިއވާރސިފައި ކުރަންވީއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ މިއު މަ

19 May 2019

ހުއްޓަބަލަ ތިކަން. ބޮޑު ގެއްލުމެއް ގުދުރަތީ ގޮތުންވެސް އަދި ފައިނޭންޝަލީވެސް! ސީޕްލޭން ބޭސް ތަޢާރަފްކުރޭ! ރާއްޖެ ސީޕްލޭން ދަދުތުރުވެރިކަމުން ގުޅާލާ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާފުޅު

19 May 2019

މިމަންޖެވެސް ބަލަނީ އަމިއްލަ ރަށުގައި އެއަރޕޯޓް އެޅޭތޯއެވެ. ރ. ފައިނުގައި އެއަރޕޯރޓެއް އަޅަން ޖެހެއެވެ. އެއީ ރިސޯޓްތަކުން ފުރިފައިވާ ސަރަޙައްދަކަށް ވެފައި އާބާދީވެސް ނުހަނުބޮޑު ސަރަޙައްދެކެވެ. ރައީސް އިބޫ ވެސް ވިދާޅުވެފައިވަނީ މިސަރަޙައްދުގައި އެއަރޕޯޓެއް އޮންނަން ޖެހޭނެކަމަށެވެ.