ހިފެހެއްޓި ދޯނީގައި ތިބި، ގަވާއިދާ ހިލާފުވި ދެ ބިދޭސީން ހައްޔަރެއް ނުކުރޭ

ދޯނި ހުއްޓުވައި ސިފައިން ފާސްކުރަނީ: އޭގައި ތިބީ ހުސް ބިދޭސީން.

އާސިމާ ނިޒާރު، މިހާރު

23 މެއި 2019 - 14:05

ސިފައިންނާއި ފުލުހުން ކުރިއަށް ގެންދިޔަ ތަމްރީނުތަކުގައި، ސ. ފޭދޫން މުދާ ބަރުކޮށްގެން ދަނިކޮށް އިއްޔެ ހިފެހެއްޓި ދޯނީގައި ތިބި ގަވާއިދާ ހިލާފަށް އުޅޭ ދެ ބިދޭސީން ހައްޔަރު ނުކުރާ ކަމަށް ފުލުހުން މިއަދު ބުނެފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ އެ މީހުންނާ ގުޅޭ އިތުރު މައުލޫމާތު ސާފުކުރަން ޕޮލިސް ސްޓޭޝަނަށް ގެންދިޔަ ކަމަށެވެ. ނަމަވެސް މައުލޫމާތު ސާފުކުރުމަށް ފަހު ދޫކޮށްލާފައިވާ ކަމަށް ވިދާޅުވި އެވެ.

"އެ މީހުންނާ ގުޅޭ މައުލޫމާތު އިމިގްރޭޝަނަށް އަޅުގަނޑުމެން ފޮނުވާނަން،" އޮފިޝަލް ވިދާޅުވި އެވެ.

އެ ދޯނީގައި ހުރީ ހުޅުމީދޫގެ ފެނަކަ އަށް ގެންދާ 6،000 ލިޓަރުގެ ޕެޓްރޯލާއި ފިހާރައަކަށް ގެންދިޔަ އައިސް ކުކުޅުތަކެކެވެ. އެ މީހުންގެ އަތުގައި ވޯކް ޕާމިޓެއް ވެސް ނެތް ކަމަށް ސިފައިން އިއްޔެ ބުނެފައި ވެ އެވެ.

ދެ ބިދޭސީން ފިޔަވައި އިތުރު ބަޔަކު އެވަގުތު ދޯނީގައި ނެތް ކަމަށް ފުލުހުން ބުންޏެވެ.

ގަވާއިދާ ހިލާފަށް އުޅޭ ބިދޭސީން ހޯދުމުގެ މަސައްކަތް ސަރުކާރުން ފަށާފައިވާއިރު، އެފަދަ މީހުން ފެނިއްޖެ ނަމަ ހަވާލު ކުރަންޖެހޭނީ މޯލްޑިވްސް އިމިގްރޭޝަނަށެވެ.

ފުލުހުން ބުނީ، ގަވާއިދާ ހިލާފަށް އުޅޭ ބިދޭސީން ހިފަހައްޓައި އިމިގްރޭޝަނާ ކުރިން ހަވާލު ކުރަމުން އައި ކަމަށެވެ. އެކަމަކު، ވަސީލަތް ނެތުމުގެ ސަބަބުން އިމިގްރޭޝަނުން އެ ބިދޭސީންނާ މިހާރު ހަވާލު ނުވާ ކަމަށް ފުލުހުން ބުންޏެވެ.

Dhongneh huttuvi iru mulhin ves gavaaidhaa khilaafu bidheyseen, emmen hayyaru koffi

The most trusted news source in the Maldives

Mihaaru

ސ. ފޭދޫ އައްޑޫ ފުލުހުން ގަވާއިދާ ހިލާފަށް އުޅޭ ބިދޭސީން ބިދޭސީން އިމިގްރޭޝަން މޯލްޑިވްސް އިމިގްރޭޝަން

11 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙައްމަދު ހާން

28 May 2019

ޤާނޫނާއި، ޤަވާއިދާ ޚީލާފަށް ދިވެހިން އުޅެންޏާ ހިފަހައްޓާނެ، ނޭގިގެންވެސް ސައިކަލް ޕާރކުކުރުްން މަނތަނެއްގައި ޕާރކްކޮށްފިންމަ ސްޓިކާ ނުޖަހާނެ ކަމަށް ބުނާނަމޭ ކިޔާފައި މި ކޮށްލާވަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމާ

24 May 2019

ސާކަލްތަކުގައި ސްޓިކަރ ޖަހާނެ ވަސީލަތްތަށް ވަރަށް ބަރާބަރު ތިއޮތީ ގައުމު ހިންގިފާ ރައްޔިތުން އޮބިއަޅައިގެން ވެސް ބަޖެޓް ފޫބެއްދޭތޯ ބަލާތި؟ މުޅިންވެސް ވެރިކަމަށް މިއަންނަނީ ހިހޫތަނުން ކާގޮތަށް ގާނޫނާއި ގަވާއިދު އަމަލުކުރާނީ އެމީހަކަށް ފެންނަގޮތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

23 May 2019

ކޮބާމަ ބުނީމެއްނު ތިއޭ ހަޤީޤި ރައްޔިތުންނަކީ ފުއްޕޭނީ ދިވެހި އައިޑީކާޑުހިފައިގެން އުޅޭފަރާތްތަކާ އެއީ ރެފިޔުޖީކާޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯލާނަޝީދު

23 May 2019

ކޮބާހޭ މިވެރިން ވަގަށްގެނެސް އުކާލި އިމިގްރޭޝަން ކޮންޓްރޯލާ އަންވަރާ އޭނަގެ ބައިގަނޑު؟ މިމައްސަލަ ބަލަން ކޮމިޝަނެއް އުފައްދާކަށް ނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތެއް

23 May 2019

ތިދެމީހުން މިހާރު ތިރަށަކުނުތިބޭނެ. މިހާރު ތިބޭނީ ކޮންމެވެސް އެހެންރަށަކަށްގޮސް. އަހަރުމެން އާދައިގެ ރައްޔިތެއް މިފަދަ މަނާކަމެއް ކޮށްފިނަމަ، އެމީހަކު އިނދަޖައްސާފައިނޫނީ ފުލުހުން މައިތިރިއެއްނުވާނެ. އެމީހުން އިމިގްރޭޝަނއި ޙަވާލުކުރެވެންދެން އެމީހުން ބައިތިއްބަންޖެހޭނީ ފުލުހުންގެ ބެލުމުގެދަށުގައި. ތިދޫކޮށްލުމުގައި ނުކިސްވަރުކަމެއް އެބައުޅޭ!