އަލިފާނުގެ ހާދިސާގައި ތޫމް ކެފޭގެ ބަދިގެ އަށް ގެއްލުންވެފައި. -- ފޮޓޯ: ޕޮލިސް
25 މެއި 2019 - 00:28
37 comments
މާލޭގެ ކެފޭއެއްގައި މިރޭ ހިނގި އަލިފާނުގެ ހާދިސާއެއް ކޮންޓްރޯލްކުރުމުގައި ފުލުހުން ނަމޫނާ ދައްކައި އެ ތަން ސަލާމަތްކޮށްފި އެވެ.
އާޓިފިޝަލް ބީޗް ކުރިމައްޗަށްވާ ގޮތަށް ބޮޑުތަކުރުފާނު މަގުގައި ހުންނަ، އަރަބި ކެެއުންތަކަށް ހާއްސަ ތޫމް ކެފޭގެ ބަދިގޭގައި އަލިފާނުގެ ހާދިސާއެއް ހިނގައިގެން ފުލުހުންނަށް ރިޕޯޓްކުރީ މިރޭ 10:20 ހާއިރު އެވެ. ފުލުހުން ބުނި ގޮތުގައި އެ ރިޕޯޓް ލިބުނުތާ ދެ މިނެޓް ތެރޭގައި ފުލުހުން ވަނީ ގަލޮޅު ޕޮލިސް ސްޓޭޝަންގައި ހުރި، އަލިފާން ނިވާ ދެ ފުޅިއާ އެކު، ހާދިސާ ހިނގި ތަނަށް ގޮސް އަލިފާން ނިއްވުމުގެ މަސައްކަތް ފަށައިފަ އެވެ.
އަލިފާނުގެ ހާދިސާގައި ތޫމް ކެފޭގެ ބަދިގެ އަށް ގެއްލުންވެފައި. -- ފޮޓޯ: ޕޮލިސް
ކެފޭގައި މީހުން ހިދުމަތް ހޯދަން ތިއްބާ ހިނގި މި ހާދިސާގައި ރޯވެފައި ހުރީ ރެސްޓޯރަންޓުގައި ބޭނުންކުރާ ނުވަ ގޭސް ފުޅީގެ ތެރެއިން އެއް ފުޅީގަ އެވެ. އެ ފުޅި ގޮވައި އަލިފާން އިތުރަށް ފެތުރުމުގެ ކުރިން ފުލުހުން ވަނީ ފަސް ވަރަކަށް މިނެޓްގެތެރޭގައި އަލިފާން ނިއްވާލައިފަ އެވެ. ގޭސް ފުޅީގައި ރޯވެ ބަދިގޭގައި ހުރި އެހެން ބައެއް އެއްޗެހީގައި ވެސް ރޯވެފައި ވަނިކޮށް އަލިފާން ނިއްވާލަން ގަލޮޅު ޕޮލިސް ސްޓޭޝަންގެ އިތުރުން، ހާދިސާ ހިނގި ތަނާ ކައިރީގައި ހުންނަ ޗައިނާ ގާޑެން ރެސްޓޯރަންޓުން ވެސް އަލިފާން ނިވާ ދެ ފުޅި ގެންގޮސް ބޭނުންކުރި އެވެ. އަދި މީގެ އިތުރުން ތޫމް ކެފޭގައި ހުރި ތިން ފުޅިއެއް ވެސް ބޭނުންކުރި އެވެ.
އަލިފާން ރޯވުމުން ތޫމް ކެފޭއިން ކަރަންޓު ކަނޑާލައި އެ ސަރަހައްދުގައި ފުލުހުން ހަރަކާތްތެރިވަނީ
ރޯވެފައި ހުރި ގޭސްފުޅި ނިއްވާލައި ބޭރަށް ނެރެ އަދި އެތަނުގައި ހުރި އެހެން ގޭސް ފުޅިތައް ވެސް ފުލުހުން ވަނީ ބޭރަށް ނެރެފަ އެވެ.
އަލިފާން ރޯވި ގޭސް ފުޅި -- ފޮޓޯ: ޕޮލިސް
ފުލުހުން ބުނީ ހާދިސާގައި އެއްވެސް މީހަކަށް އަނިޔާއެއް ނުވާ ކަމަށެވެ. ފޮޓޯތަކުން ފެންނަ ގޮތުގައި ބަދިގެއަށް ވެސް އަލިފާނުގެ ސަބަބުން މާބޮޑު ގެއްލުމެއް ނުވެ އެވެ.
މަންޒަރު ދުށް ބައެއް މީހުން ކިޔައިދިން ގޮތުގައި އަލިފާން ރޯވި އިރު ކެފޭގައި ގިނަ އަދަދެއްގެ ބަޔަކު ތިއްބެވެ. ރޯވުމާ އެކު އެންމެން އެތަނުން އެކި ގޮތްގޮތުން ނުކުތް ކަމަށާއި ވަރަށް އަވަހަށް އަލިފާނުގެ އަސަރު ވެސް ކެނޑުނު ކަމަށް އެ ތަނުގައި ތިބި ބައެއް މީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިޖޭ
26 May 2019
މިއީ އާންމުން ހޭލުންތެރި ކުރުވަން ޖެހޭކަމެއް.... އަލިފަން ނިންވަން ގުޅަންވީ 118 އަށް.... އެއިރުން ވަަގުތު ސަލާމަތްވެ އަވަހަށް އެކްޝން ނެގޭނީ
ނަން
26 May 2019
ފަސް މިނިޓް ތެރޭގައި ފުލުހުން އަލިފާން ނިއްވާލީމަ ފެނިއްޖެ ދޯ. އެހެން ބަޔަކު ޖާނު ގުރުބާން ކޮށްގެން އާމުންގެ ފުރާނަ ސަލާމަތް ކުރާތަންތަން ނުފެންނަނީ ކީއްވެ. އެއީ ނަމޫނާ އެއް ނޫންތަ؟ އެމީހުންގެ ވާހަކަ ކީއްވެ ނުދައްކަނީ އެއީ ނަމޫނާއެކޭ ކިޔައިގެން.
ރަށްޔިތު މީހާ
26 May 2019
ފުލުހުން މަމޮޅު ހެދެން އުޅުނަސް ތި ދެން ބޮޑުވަރު ފުލުހުން ތިބީ އަނގަ ނަގައިގެން ސިފައިންގެ ދެ ބޭކަލަކު އަލިފާން ނިއްވީ ދެން ވަރަށް ސަލާން. ޚަބަރުގަ ކޮންމެ އެއްޗެއް ލިޔުނަސް ހަގީގަތެއް ބަދަލެއް ނުވާނެ.?
ލޮންސި
25 May 2019
މި ހަބަރު ކިޔާފަ ފުލުހުންނަށް ތަޢުރީފް ކުރަނީ މިއީ ވަރަށް މަދުން ނޫނީ ނުވާkމެއްވީމަ. އެކަމަކު ސިފައިން ފުލުހުންނަށް ދޭ އެހީތެރި ކަމަކީ ޢާއްމުކޮށް ހިނގާ ކަމެއް ވީމަ އެފަދަކަމކުން ހައިރާން ވާނެ ބަޔަކު ނޫޅެ.
ނަން
25 May 2019
އެޕާޓްމެންޓް ބިލްޑިންގްތަކާ ފިހާރަތަކާ ރެސްޓޯރެންޓްތަކާ މިކަހަލަ މީހުން ގިނަވާ ގިނަ ތަންތާ އަލިފާން ނިވާ ފުޅިތައް ބެހެއްޓުން މަޖުބޫރު ކުރުމަކީ ރަނގަޅު ކަމެއް. މިއީ ތަރައްގީވެފަވާ ގިނަ ތަންތާ އޮންނަ ގޮތް. މިކަހަލަ ހާދިސާތަކުގަ ކުރީކޮޅު އަލިފާންގަނޑު ކޮންޓްރޯލް ކުރުމުގެ ޗާންސް ވަރަށް ބޮޑުވާނެ އޭރުން.
ހޭބަލި
25 May 2019
ފުލުހުން ބޭނުންފުޅު ވަނީތޯ ފަޔަރ އެންޑް ރެސްކިއު ފުލުހުންގެ އަތްދަށައް ގެންދަން އެހެންނޫނީ ފުލުހުން މާގާބިލުވަނީ އަލިފާނުގެ ކަން ކަމައް މީ ވަރަށް ވާހަކަ
ބަބުރު
25 May 2019
ފަޔާއެންޑް ރެސްކިއު އެމްއެންޑީއެފް އިން ވަކިކޮށް ވަކިބައެއްގެ ހިންގާގޮތަށް ހަދަންވީ. ތަނެއްގަ ރޯވެގެން ދުވަހަކުވެސް އަނދާ ހުލިނުވަނީސް ނިއްވާލެވުނުތަ. އަހަރެން ލޮލުންދެކުނިން ގެންނަހާ ޕަމްޕެއް މަސައްކަތް ނުކޮށްގެން އުޅުނުތަން. ވަރަށްވެދުން
މެސީ
25 May 2019
މިރޭވެސް ސިފައިންނަށް ގުޅި ނަމަ އެތަން ރޯވެ އަނދާފަހުން ދެވޭނީ، ކުރީގެ ހާދިސާތަކަށް ބަލާފަ
ކަކުނިބޯ
25 May 2019
ކޮންމެސްކޮންމެސް ސިލިންޑަރުތަކުގައި ހެލްމެޓްނާޅުވާތި
ހުސައިން އަލީ ދީދީ
25 May 2019
މިހާރު އިގޭނެ "މަނީމަނީ ޔެސް ސަރ" ކިޔާ މީހުން ނެތްނަމަ ކިހާ ގެއްލުމެއް ލިބޭނެކަން.ތިޔަ ތަނުގައި ދެން ކުރަންވީކަމަކީ ތިޔަ ކަހަލަ ނުރައްކާތެރި ހާދިސާއެއް ހިގާއިރު ފަޔަރއެލާމް އެޅޭނެގޮތަކާއި މީހުން ރައްކާތެރިކޮށް ހުސްކުރެވޭނެ އިންތިޒާމް ހަމަޖެއްސުމެވެ.މިއީ ކޮންމެ މިފަތަނެއްގައި ހުންނަންޖެހޭ ކަންކަމެވެ.
އަހެމް
25 May 2019
މީހުން ހުސްކުރަން އުނދަގޫތަނަކަށް އެތަން ކިހިނެތްވާނީ ހުސް ކުޑަދޮރުލާފަ ހުންނަނީ. ބޭނުން ދިމާއަކުން ވީހާ އަވަހަކަށް މަގުމައްޗަށް ފުންމާލަންވީ ހަމަ.
ރައްޔިތު އަލީ
25 May 2019
ކަންކަމުގެ ހަގީގަތް އޮޅޭގޮތަށް އަފި މުއައްސަސާ ތަކުގެ އަގު ވެއްޓޭ ގޮތަށް ދައްކާ ވާހަކަ ގިނައީ. ހަގީގަތަކީ ރޭގައި އެއަލިފާނަށް ފުރަތަމަވެސް އެޓެންޑް ކުރީ ކުލަހެދުމުގައި ތިބި 2 ސިފައިން. ވިޝާލް އަދި މަޒީހު. އެހެންނޫނަސް މުޅިމާލޭގައި ބިދޭސީން ފިޔަވައި އެންމެ ގިނައީ ފުލުހުން. އެހެންވީމަ އެއިން މީހަކަށް ފަޔަރަށް ވުރެން އަވަހަށް އެޓެންޑް ވުމަކީ އަދި އެމީހުންގެ މޮޅުކަމެއް ނޫން. ބޮޑު އަލިފާނަކަށް ވިނަމަ ފުލުހުން ކިހިނެއް ހަދާނީ؟ މެޑެލް ޖެހިއަސް ބޮޑުވަރު
އިސްކުރު
25 May 2019
ބޮޑު އަލިފާންގަނޑެއް ނަމަ ކުލަހެދުމުގައި ތިބި ދެސޮރު ކުޅުޖަިަހއިގެންތަ ނިެއްވަނީ. ބޮޑު އަލިފާންގަނޑެއް ނިއްވާލެވުނު ދުވަހެއް ދައްކަބަލަ
ބާގީން
26 May 2019
ބޮޑުއަލިފާނަކަށް ވިނަމަ ފުލުހުން ވެސް އަދި އާމުނަވެސް ގުޅާނީ 'ފަޔަރ އެންޑް ރެސްކިއު' އަށް ކީއްކުރަން ނަމެއްދީފަ ތިބޭބައެއްތަ އެހެންޔާ، ކޮބާތަ މިފަހުން ތައާރަފްކުރި ފަޔަރގެ ސައިކަލްތަށް، ގައިމު ފުލުހުން މަގުމަތީގައި އުޅުނެއްކަމަކު ސްޓޭޝަނަށްގޮސް ފަޔަރފުޅި ގެންނަންމި ޖެހެނީ. އެޔަށްވުރެ އަވަހަށް އެތެރޭގައި ތިބިބަޔަކަށް ނާދެވެންވީ ކީއްވެ،، މެޑަލް ޖަހާ ވާހަކަ
ޥިސްނާ
25 May 2019
ތިހުރިހާ ވާހަކައަށްވުރެ މުހިއްމު މިކަންދިމާވި ސަބަބު، ދާދިމިދާކަށް ދުވަހުވެސް ސިލިންޑަރެއް ގޮވައިގެން ތަނެއްގަ ރޯވެ ބޮޑުގެއްލުމެއްވި، ބަލަންވީ ސިލިންޑަރުތަކުގެ ކޮލިޓީ، ކަންކަންވީމަ ތެޅިގަތުމަށްވުރެ ރަށްކާވެތިބުން މާމުހިއްމު، ޕްރިކޯޝަން އިޒް ބެޓަރދެން ކިއޯ