މަޖީދިއްޔާ ސްކޫލުގެ މިދިޔަ އަހަރުގެ އެންމެ މޮޅު ދަރިވަރު، މިޝަލް މުހައްމަދު ނައީމަށް ޝަރަފުވެރި މެހެމާނު އިނާމު ދެއްވަނީ.-- ފޮޓޯ: އެޑިއުކޭޝަން މިނިސްޓްރީ
06 ސެޕްޓެމްބަރ 2016 - 10:01
5 comments
މަޖީދިއްޔާ ސްކޫލުގެ މިދިޔަ އަހަރުގެ އެންމެ މޮޅު ދަރިވަރަކަށް، މިޝަލް މުހައްމަދު ނައީމު ރޭ ހޮވައިފި އެވެ.
މަޖީދިއްޔާގެ މިދިޔަ އަހަރުގެ އިނާމު ދިނުމަށް އެ ސްކޫލުގައި ބޭއްވި ރަސްމިއްޔާތެއްގައި މިޝަލްއަށް އިނާމު ހަވާލުކޮށްދެއްވީ ޝަރަފްވެރި މެހެމާނު، ސިވިލް ސާވިސް ކޮމިޝަން (ސީއެސްސީ) ގެ ރައީސް ޑރ. އަލީ ޝަމީމާއި އެޑިއުކޭޝަން މިނިސްޓަރު ޑރ. އައިޝަތު ޝިހާމެވެ.
މަޖީދިއްޔާގެ މިދިޔަ އަހަރުގެ ކެޕްޓަންގެ މަގާމު ވެސް ފުރި މިޝަލް އަކީ ވަރަށް ކުޑައިރުއްސުރެ އާދަޔާ ހިލާފު ކާމިޔާބީތަކެއް ހޯދާފައިވާ ދަރިވަރެކެވެ. އެގޮތުން އުމުރުން 10 އަހަރުގައި އޭނާ އައިޖީސީއެސްސީ އިންގްލިޝްއިން އޭ ގްރޭޑް ހޯދާފައިވާއިރު، އުމުރުން 11 އަހަރުގައި ސެޓްފިކެޓް އޮފް އެޑްވާންސްޑް އިންގިލިޝް އިން އޭ ގްރޭޑް ވަނީ ހޯދާފަ އެވެ. މިއީ އާއްމު ގޮތެއްގައި ގްރޭޑް 10 ނިންމުމަށް ފަހު ހަދާ އިމްތިހާން ތަކެކެވެ.
މަޖީދިއްޔާ ސްކޫލުގެ މިދިޔަ އަހަރުގެ އެކި ވަނަތަށް ހާސިލްކުރި ދަރިވަރުންނާއެކު އެޑިއުކޭޝަން މިނިސްޓަރު އައިޝަތު ޝިހާމް(ކ-2).-- ފޮޓޯ: އެޑިއުކޭޝަން މިނިސްޓްރީ
މިޝަލް ވަނީ މިދިޔަ އަހަރުގެ އޯލެވެލް އިމްތިހާނުގެ ގަދަ 10 އަކުން އެއްވަނަ ހޯދައި، ކޮމްޕިއުޓާ ސައިންސް އިން ރާއްޖޭގެ އެއްވަނަ އާއި ދުނިޔޭގެ ހަތް ވަނަ ވެސް ހޯދައިފަ އެވެ.
މަޖީދިއްޔާ ސްކޫލުން މިދިޔަ އަހަރު ދެ ވަނަ ހޯދީ އަހުމަދު ބާސިލް ޝިޔާމެވެ. އަދި އިބްރާހީމް ދާއޫދު އިބްރާހިމް ތިން ވަނަ ހޯދިއިރު މި ދެ ދަރިވަރުން ވެސް ވަނީ މިދިޔަ އަހަރުގެ އޯލެވެލް އިމްތިހާނުގެ އެއްވަނަ އާއި ދުނިޔޭގެ އެކި ވަނަތަކުގައި ވެސް ހިމެނިފަ އެވެ.
މަޖީދިއްޔާ ސްކޫލުގެ 26 ދަރިވަރަކު މިދިޔަ އަހަރުގެ އޯލެވްލް އިމްތިހާނުގެ ގަދަ 10 ގައި ހިމެނިފައިވާއިރު ފަސް ދަރިވަރަކު އެއްވަނަ ހޯދި އެވެ.
މަޖީދިއްޔާގެ މިދިޔަ އަހަރުގެ އިނާމު ދިނުމަށް އެ ސްކޫލުގައި ބޭއްވި ރަސްމިއްޔާތުގައި ސިވިލް ސާވިސް ކޮމިޝަންގެ ރައީސް އަލީ ޝަމީމް ވާހަކަ ދައްކަވަނީ.-- ފޮޓޯ: އެޑިއުކޭޝަން މިނިސްޓްރީ
މަޖީދިއްޔާގެ ގްރޭޑް 8-10 ގައި ކިޔަވާ 70 ދަރިވަރަކު ރޭ ވަނީ އިނާމު ހޯދައިފަ އެވެ.
ދަރިވަރުންނާ މުހާތަބު ކުރައްވައި ވާހަކަ ދައްކަވަމުން، ޝަރަފުވެރި މެހެމާނު އަލީ ޝަމީމް ވިދާޅުވީ ގައުމަށް ކުރިއެރުން ލިބޭނީ ދަރިވަރުންގެ އަހުލާގު ރަނގަޅުކޮށްގެން ކަމަށާއި އެއީ ކުރިމަގަށްޓަކައި ކޮންމެހެން ކުރަން ޖެހޭ ކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަޙްމަދު
06 September 2016
ޤައުމަށްބޭނުންވަނީ ޒިންމާ އުފުލަންކެރޭ ތަޢުލީމީ ޒުވާނުން ސިސިލްސާރވިސްގެ މުވައްޒަފުންގެ ހައްޤުތައް ގެއްލޭއިރުވެސް މަޤާމްގެ ދަހިވެތި ކަމުގައި ޝަމީމް ހުންނަވަނީ ހަނު . ޢެހެންްމީހުންނަށް މޮޅުގޮތް ކިޔަެިދޭއިރު ތިމާގެ ޒިންމާ ހަނދާންނެތިފާ.
ހަމީދު
06 September 2016
ސްކޫލްތައް ހިނގަނީ ކިހިނެއްކަން ނޭނގިތިބެ ކޮމެންޓްތައް ނުކުރުމަށް ފެނޭ
ޖޮނީ
06 September 2016
އަލީ ޝަމީމަށް ދަންނަވަން ބޭނުންވަނީ އިސްކުރެއްގެ ތްރެޑް ހުރެރަގަޅަށް ވައްދާލައި ބާރކުރިކަމަކު އެ އިސްކުރުގެ ބޯނެތިއްޔާ މާސަކަރާތް ވާނެވާހަކަ.
ފެނާންޑޯ
06 September 2016
މަޖީދިއްޔާ ސްކޫލް މިހާރު ދަތރުކުރަނީ ވަރަށް މަޑުދުވެލީގައި، ރަގަޅު ކައްޕިއަކު ނުލާ ދެދަންފަޅިއަށް ސްކޫލް ހިންގުމުން ރަަގަޅު ނަތީޖާއެއް ނުނެރެވެއެވެ. ސްކޫލް އެއްމެ ރަގަޅަށް ފަހުން ހިގަން ފެށުނީ ޒޫޝާން ކަމާލުއްދީން މެން ކުރެއްވި މަސައްކަތުން އެކަމަކު މިހާރު ފެންނަނީ އަމާޒެއް ނެތި ދަތުރުކުރާތަން. އަލީ ޝަމީމް އަށް ފުރުސަތު ލިބޭ ކޮމްމެފަހަރަކު ގައުމުގައި ޒުވާނުން ގެ އަހްލާގް ރަގަޅު ކުރުމަށް ނަސޭހައްތެރި ވާތަން ފެންނާތީ އުފާކުރަމެވެ.
އަލިބެ
06 September 2016
މަރުހަބާ މިޝަލް. މަޖީދިއްޔާގެ އިމާނު ދިނުމުގެ ޖަލްސާގެ ޝަރަފްވެރި މެހްމާނަކަށް މަޖީދިއްޔާގެ މުސްކުޅި ދަރިވަރެއް ހިޔާރުކުރިނަމަ ރަގަޅު ވީހެވެ. ޝަމީމަކީ މަޖީދިއްޔާ އާ އެއްވެސް ގުޅުމެއް ހުރި ބޭކަލެއް ނޫނެވެ.