އަދީބު، ކަރެކްޝަނަލް ސާވިސްގެ އޮފިސަރަކާ އެކު މިއަދު ވަޑައިގަންނަވަނީ.
02 ޖޫން 2019 - 16:28
31 comments
ކުރީގެ ނައިބު ރައީސް އަހުމަދު އަދީބު ބަންދުގައި ބެހެއްޓުމުގެ އަމުރަކަށް ދައުލަތުން އެދުނު ނަމަވެސް ކްރިމިނަލް ކޯޓުން މިއަދު އެ އަމުރެއް ނުދިނެވެ.
ރިޔާސީ ލޯންޗްކޮޅު ފިނިފެންމާގައި އެއްޗެއް ގޮއްވާލި މައްސަލާގައި އަދީބު 15 އަހަރަށް ޖަލަށްލާން ކްރިމިނަލް ކޯޓުން ކުރި ހުކުމް ބާތިލްކޮށް، އެ މައްސަލަ އަލުން ބަލަން ހައި ކޯޓުން އޮތީ އަމުރުކޮށްފަ އެވެ. އަދި އަދީބު 15 ދުވަހަށް އެ މައްސަލައާ ގުޅިގެން ބަންދުކުރަން އަމުރުކޮށް، އެ މުއްދަތުގައި ބަންދުގައި ބަހައްޓަން އެދޭ ނަމަ އެކަމަށް ދަށު ކޯޓުގައި އެދެވިދާނެ ކަމަށް ހައި ކޯޓުގެ ހުކުމުގައި އޮތީ ކަނޑައަޅައިފަ އެވެ.
ކްރިމިނަލް ކޯޓުން މިދިޔަ ހަފުތާގައި ވަނީ ލޯންޗުކޮޅުގެ މައްސަލަ ވެސް ހިމެނޭ ގޮތުން އަދީބަށް ދައުވާކުރާ އެހެން ބައެއް މައްސަލަތައް ވެސް އަނބުރާ ފޮނުވާލަން ނިންމައިފަ އެވެ. އެކަމަކު، އެ މައްސަލަ އަނބުރާ އަދި ޕްރޮސިކިއުޓާ ޖެނެރަލްގެ އޮފީހަށް އަދި ނުފޮނުވުވާ ކަމަށް ވެ އެވެ.
އެގޮތަށް ނިންމާފައި ވަނިކޮށް، އަދީބު ބަންދުގައި ބެހެއްޓުމުގެ އަމުރަކަށް ޕްރޮސެކިއުޓާ ޖެނެރަލް މިއަދު އެދިވަޑައިގަތުމާ ގުޅިގެން އެ މައްސަލައިގެ ޝަރީއަތަށް އެމަނިކުފާނު ވެސް ކްރިމިނަލް ކޯޓަށް މެންދުރު ފަހު ހާޒިރުކުރި އެވެ.
ޕްރޮސެކިއުޓާ ޖެނެރަލް އާއިޝަތު ބިޝާމް ވިދާޅުވީ، އިސްތިއުނާފް ކޯޓަކުން ނިންމާ ނިންމުންތަކަށް ދަށު ކޯޓުތަކަށް ގޮތް ނިންމޭނެ ކަމަށް ގަބޫލު ނުކުރައްވާ ކަމަށެވެ. އަދި ލޯންޗުކޮޅުގެ މައްސަލާގައި އަދީބުގެ ބަންދާ މެދު ދަށު ކޯޓުން ގޮތެއް ނިންމަން ޖެހޭނެ ކަމަށް ހައި ކޯޓުން ކަނޑައަޅާފައި އޮތުމުން އެގޮތަށް އަމަލު ކުރައްވާނެ ކަމަށާއި އެހެންވެ، އެ މައްސަލާގައި ބަންދުގައި ބަހައްޓަން އެދިވަޑައިގަންނަވާނެ ކަމަށް ބިޝާމް ވިދާޅުވި އެވެ. ބިޝާމް ވިދާޅުވި ގޮތުގައި، އަދީބުގެ އެހެން ބައެއް މައްސަލަތަކެއް ވެސް ކޯޓުން އަނބުރާ ފޮނުވާލިޔަސް، އެ މައްސަލަތަކާ މެދު އަމަލު ކުރާނެ ގޮތެއް އަދި ނުނިންމަވަ އެވެ. މިވަގުތު މަސައްކަަތް ކުރައްވަމުން ގެންދަވަނީ ހައި ކޯޓުން ނިންމި މައްސަލަތަކާއި ބަންދުގެ މައްސަލައާ ގުޅިގެން ކަމަށް އޭނާ ވިދާޅުވި އެވެ.
އަދީބުގެ މައްޗަށް ތިން މައްސަލައެއްގައި އިއްވި 33 އަހަރުގެ ޖަލު ހުކުމްތަކުގެ ތެރެއިން ފިސްތޯލައެއް ގެންގުޅުނު ކަމަށް ބުނެ އިއްވި 10 އަހަރުގެ ޖަލު ހުކުމް މިދިޔަ ހަފުތާގައި ސުޕްރީމް ކޯޓުން ވަނީ ބާތިލްކޮށްފަ އެވެ. އަދި ލޯންޗް މައްސަލާގައި އިއްވި 15 އަހަރުގެ ހުކުމާއި ޚިޔާނާތުގެ ކުށުގައި އިއްވި އަށް އަހަރުގެ ހުކުމް ބާތިލްކޮށް، އެ މައްސަލަ އަލުން ބަލަން ހައި ކޯޓުން އޮތީ އަމުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފްނާ
03 June 2019
ރައީސް ޔާމީން ވިދާޅުވަނީ ރަގަޅަށް.. ސިޔާސީ ގޮތުން ހަލަބޮލި ވެގެން ގައުމު ރަގަޅު ނުވާނެ... އިގްތިސާދު ހަލާކުވާނެ. ތަރައްގީ ނުކުރެވޭނެ. އެމްޑީޕީން އަބަދުވެސް އުޅެނީ އިސްލާހުގެ ނަމުގައި ގައުމު ފާލުން ނައްޓުވާލަން
ހަމަ އެއްތާކު
03 June 2019
އަންނި ބުނެފައި އޮތީ އަދީބަކީ ތިމަންނަ ވެއްދި ފަންޏެކޭ . އެހެންވީމާ އޭނަ ގެންގުޅޭ ފަނި އަނެއްކާވެސް ކުޅިއެއް ކުޅެން ނެރެން ތައްޔާރު ވަނީ . ޤައުމުދެކެ ވަރަށް ލޯބިވާ ކާމަށް ދައްކުވައިގެން ޤައުމަށް ކިތަންމެ ބޮޑު ގެއްލުމެއް ވިޔަސް އޭނެ ބޭނުން ވާކަމެއް ކުރެވޭތޯ ބަލަނީ
ސަމްޕާއްތަ
02 June 2019
ބިޝާމް ކުޅެން ގެންގުޅޭ ފުއްގަނޑެއް ހެނެއް ދެނެއް އަދުލުގެ ނިޒާމަކާ ނުކުޅެވޭނެ. ޔާމީނަކީ މާޒީ. އެއް މައްސަލައެއްގަ ދެފަހަރަކު އެކައްޗަށް ނުކިޔާ ބިސާމް ބޭރުކުރޭ. އެތައް ބައަކަަށް އަނިޔާދިން މި އަންހެނާ އާ އިންސާފު އަރާ ހަމަ ކުރައްވާށި. އާމީން
ބޮޑުމީހާ
02 June 2019
2012 އަލުން އިއާދަވާތަން ތިފެންނަނީ
ޒީރޯ މަނީ
02 June 2019
ވަގަށްނެގި 1 ބިލިއަން ރުފިޔާއިން ބައިލާރިވެސް ނުލިބި, ފަހަރަކު މީހަކު ދޫވެނިމެނީ.
ސުލޮމޮން
02 June 2019
ޖުޑީޝަރިން އަނެއްކާވެސް ގޯސް ހަދަން ފެށީ
ސިބާން
02 June 2019
އަންނިމެންނަށްވީމަ ޝަރީއަތް ނުހިނގާ.. އަދީބަށްވީމަ ޝަރީއަތް ހިނގަންވީ....މީ މަޖާކަމެއް.... އަންނިއަކީ ދިވެހިރާއްޖޭ އިންޑިޔާއަށް ވިއްކާލަން އުޅޭ އެކަކު... ވަރަށް ނުބައި ނުލަފާ މީހެއް މި އަންނިއަކީ
ނަސީދު
02 June 2019
ޙަލައްލާންވީ ކޮބާތޯރައްއިތުމީހާގެ ހައްގު ކޮންމެރައްއިތަކު ބަދަލުނުނަގަންކޯޓައްލާންފެނޭ
ރަދީފު ބިންތު ކުމާރު ބިންތު މަރޭ
02 June 2019
މިގައުމިގެ މަންތިރިއަކީ އަދީބުކަން އޭނާ އެދަނީ ވަރަށް ރަނގަޅަށް ސާބިތުކޮށްދެމުން. އަދީބަށް މިގައުމު އެއްކޮށްދީފާ ހުރިހާދިވެހިން ދެން ނުކުންނަންވީ އޮޑިދޯނިފަހަރުގާ މަހަށް. ދެން ދޯނިމަތީގާ ކާނީވެސް ބޯނީވެސް ސްކޫލަށްދާނީވެސް.
ހޭބަލިމިތުރު
02 June 2019
ހަމަ އަންނިވެރިކަމުގަ ވީގޮތައް ގައުމު ބޮއްސުންލަނީ!. މިވެރިކަމުގަވެސް އަބަދުވެސް ބަލަމުންއެދަނީ ވިއްކާލެވޭނީ ކޯންޗެއްތޯއާ ކިހާވަރެއްގެ ފައިދާއެއް އަމިއްލަ ޖީބައްވަދޭތޯ.