ކެޔޮދޫ ގޮނޑުދޮށަށް ކުނި ޖަމާކޮށްފައި: އީޕީއޭއިން އަންނަނީ އެ މައްސަލަ ބަލަމުން
06 ޖޫން 2019 - 15:37
35 comments
ބ. އަތޮޅުގެ ރިސޯޓަކުން އެ އަތޮޅު ކެންދޫ ކައިރީގައި އޮންނަ ފަޅު ރަށެއް ކަމަށްވާ ކެޔޮދު އަށް ކުނިއަޅާ މައްސަލައެއް ފެންމަތިވެއްޖެ އެވެ.
ރީތި ދޮންވެލި ގަނޑެއް އޮންނަ ކެޔޮދޫގެ ގޮނޑުދޮށް މިހާރު ވަނީ ކުނިން ފުރާލައިފަ އެވެ. ސޯޝަލްމީޑިއާގައި ދައުރުވާ ފޮޓޯތަކުން ފެންނަ ގޮތުގައި ބޮޑެތި ކަޅު ކޮތަޅުތަކުގައި ބަހައްޓާފައި ހުރި ކުނިތަކުގެ ތެރޭގައި ރިސޯޓެއްގެ ލޯގޯ ޖެހި ކޮތަޅުތަކެއް ވެސް ފެނެ އެވެ.
ކެޔޮދު އަކީ ބ. އަތޮޅުގެ ރަށްރަށުގެ މީހުން ދަތުރުދާ ރަށެކެވެ. ދިގުފަރު ރިސޯޓުން ވެސް އެ ރަށަށް ޓޫރިސްޓުން ދަތުރު ގެންދިޔަ އެވެ. އެކަމަކު އެ ރިސޯޓުން ވެސް ވަނީ އެ ރަށަށް ޓޫރިސްޓުން ގެންދިއުން ހުއްޓާލައިފަ އެވެ.
ކެޔޮދޫ ގޮނޑުދޮށަށް ކުނި ޖަމާކޮށްފައި: އީޕީއޭއިން އަންނަނީ އެ މައްސަލަ ބަލަމުން
ކެންދޫގެ ބައެއް މީހުން ބުނިގޮތުގައި އެ ކުންޏަކީ ކައިރި ރިސޯޓަކުން އެ ރަށަށް އަރުވާ ކުންޏެވެ. ރާއްޖޭގެ ގުދުރަތީ ރީތިކަން ވިއްކައިގެން ނަފާ ހޯދާ ރިސޯޓުތަކުން އެފަދަ ކަންކަން ކުރާތީ ގިނަ ބަޔަކު އަންނަނީ ސޯޝަލްމީޑިއާގައި ކަންބޮޑުވުން ފާޅު ކުރަމުންނެވެ.
ތިމާވެއްޓަށް ގެއްލުންދޭ އެފަދަ ކަންކަން ރިސޯޓުތަކުން ކުރާއިރު، އެ މައްސަލަ ހައްލު ކުރާނީ ކިހިނެއްތޯ ވެސް ގިނަ ބަޔަކު އަންނަނީ ސުވާލު އުފައްދަމުންނެވެ.
ކެޔޮދޫ މައްސަލާގައި ކަންބޮޑުވުން ފާޅުކޮށް މީހަކު ކޮށްފައިވާ ޕޯސްޓެއް--
އެ ގޮތަށް ކުނި އެޅުމަކީ ތިމާވެއްޓާ ބެހޭ ގާނޫނުގެ ދަށުން މަނާ ކަމެކެވެ. އަދި އެގޮތަށް އަމަލު ކުރާ ފަރާތްތައް ޖޫރިމަނާ ކުރެވޭނެ ކަމަށް ގާނޫނުގައި ބުނެފައިވެ އެވެ.
އެ މައްސަލަ ފެންމަތިވުމުން އީޕީއޭއިން ކޮށްފައިވާ ޓްވީޓެއްގައި ބުނެފައިވަނީ ކެޔޮދޫއަށް ކުނި ޖަމާ ކުރާ މައްސަލަ ފުލުހުންނާ ގުޅިގެން ތަހުގީގު ކުރަމުން އަންނަ ކަމަށެވެ.
ރިސޯޓްތަކުން އުކާލާ ކުނި ކަނޑަށް އަޅާ މައްސަލަ އަކީ ވެސް ގިނަ ބައެއްގެ ކަންބޮޑުވުމެވެ. އެ ކުނިތައް ރަށްރަށަށް ލަށްގައިގެން ގިނަ ބަޔަކު އަންނަނީ ކަންބޮޑުވުންފާޅު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޓްކިންގ
07 June 2019
އިއްޔެ ރ. އަތޮޅުގައިވެސް ރިސޯޓަކުން ކަނޑަށް ކުނިއެޅި
ށ.އަތޮޅު މީހާ
07 June 2019
ކޮންމެ ރިސޯޓަކުންވެސް އެރިސޯޓެއްގެ ކުނި މެނޭޖްކުރަންޖެހޭ. ނޫނީ ހުއްދަ ބާޠިލްކުރޭ.
މުތީ
07 June 2019
އެއީ ދިގުފަރު ރިސޯޓުން އަޅާފަ ހުރި ކުނި ކެޔޮދޫ އަކީވެސް ދިގުފަރު ހިންގާ ކުންފުނި ސްޓެޓިކަން ދީފަ އޮންނަ ރަސެށް
މަލްބަރޯ
07 June 2019
ނިކަން ކެރެންޏާ ރިސޯޓުގެ ނަން ޖަހާބަލަ
އަރޫ
07 June 2019
ޙައްލުކުރެވިދާނެ ގޮތެއް: ވީކަކު އެއްފަހަރު ނޫނީ މަންތަކު އެއްފަހަރު ރިޒޯރޓްސް ތަކުން ކުނިބޭރުކުރަންވީ، މިކަން ކުރާނީ ސަރުކާރުން ކުނި މެނޭޖްކުރާނެ ކުންފުންޏެއް ނޫނީ ކޮމިޓީއެއް ނަމަވެސް ހަދައިގެން. ސަރަޙައްދުތަކަކަށް ބަހާލައިގެން ކުނި އަޅަން ޚާއްސަ ތިލައެއް ،ކުޑަފަޅުރަށެއް ކަހަލަ ތަންތަން ހަމަޖައްސާނީ، ރިޒޯރޓްސް ތަކަށް ބޮލުރިހުމަކަށް ވެފަ އޮންނަ ކުނީގެ މައްސަލަ ޙައްލުވެފަ ކަނޑުތަކާ ގޮނޑުދޮށްތަކަށް ކުނިއެޅުން ހުއްޓުވޭނެ، ވަޒީފާތަކެއް އިތުރު ކުރެވޭނ
އަހުމަދޭ
07 June 2019
ކުނިން ފައިސާ އުފައްދަން ތައްޔާރުވަނީ.
ihaaru.
06 June 2019
ރިޒޯޓު ބިިޑުގައި ނޫނީ ކޮންސްޕްޓުގައި، ރީސައިކިލިން ނިޒާމް، އިންސިނެރޭޓަރ، ސުވަރޭބުރޭކްޑައުން ސިސްޓަމް، ކުނި ރީޔޫސް ސިސްޓަމް ހުންނަންޖެހޭ، ކޯބާ ހޭއަރައިފިތަ؟
ޖަމަލުކަރުނަ
06 June 2019
ކޮބައިތޯ ބޫންބޫން!
ބޮޑުމީހާ
06 June 2019
އަނެއްކާވެސް ދައުލަތަށް ބޮޑު އާމްދަނީއެއް ހޯދަން ރަގަޅު ފުރުސަތެއް ލިބިފަތިއޮތީ. ގާނޫނާއި ޚިލާފްވިކަމުގެ ބަދަލާއި، ޖޫރިމަނާއާއި، ތިމާވެށި ހަލާކުކުރުމުގެ ބަދަލު ރިސޯޓުން ދައުލަތަށް ހޯދަންވާނެ. މިފަހަރު ދައުލަތްވާނެ މިސާލު ދައްކަން. ދައުލަތުންވެސް ކުންފުނިތަކުގެ މައްޗަށް ބޮޑެތި އަދަދުތަކުން ފައިސާހޯދިދާނެކަން
ކޮރަލް
06 June 2019
ތިޔައީ ހަބަރެކެވެ. ބަހަބަރެކެވެ. ރަން ބިސް އަޅާ ކުކުޅެކެވެ. ސަރުކާރުގެ ގަޓު ހުރި ވަރު ދައްކާލަ ބަލާށެވެ.