ބޭންކް އޮފް ސިލޯނުގެ މާލޭ ބްރާންޗް: އެމްވީކޭގެ ފަރާތުން އެ ބޭންކުން ނެގި ބޮޑު ލޯނެއްގައި ދޫގަސް އޮޮތީ ރަހުނުކޮށްފައި--. މިހާރު ފޮޓޯ: ނިޝާން އަލީ
06 ސެޕްޓެމްބަރ 2016 - 14:39
15 comments
ދެ މިލިއަން ޑޮލަރުގެ ލޯނަކަށް ދޫގަސް ރަހުނު ކޮށްފައި ވާތީ، އެތަން އެހެން ބަޔަކަށް ދިނުން ހުއްޓުވުމުގެ އަމުރަކަށް ބޭންކް އޮފް ސިލޯން (ބީއޯސީ) އިން ސިވިލް ކޯޓުގައި އެދިއްޖެ އެވެ.
އައްޑޫ ގަމުގައި ހުންނަ ދޫގަސް، މޯލްޑިވްސް ޕޯޓްސް ލިމިޓެޑް (އެމްޕީއެލް) އާ ހަވާލުކުރަން ސަރުކާރުން މިހާރު ވަނީ ނިންމައިފަ އެވެ. ދޫގަސް ހިންގުން އެމްޕީއެލްއާ ހަވާލުކުރަން ޓޫރިޒަމް މިނިސްޓްރީން ނިންމާފައި ވަނިކޮށް އެކަން ހުއްޓުވުމުގެ ވަގުތީ އަމުރަކަށް ބީއޯސީން ކޯޓުގައި އެދުނީ ދޫގަސް ކުރިން ހިންގި އެމްވީކޭގެ ފަރާތުން ދޫގަސް ރަހުނުކޮށް ބީއޯސީން ނަގާފައިވާ ލޯނަކާ ގުޅިގެންނެވެ.
ބީއޯސީން އަމުރު ނެރެދޭން އެދިފައިވަނީ އެމްވީކޭގެ ފަރާތުން ދޫގަސް ހިންގިއިރު އެތަން ރަހުނުކޮށް ނަގާފައިވާ 2.7 މިލިއަން ޑޮލަރު ނުދައްކައިގެން އެމްވީކޭއާ ދެކޮޅަށް ބީއޯސީން ކުރާ ދައުވާގަ އެވެ.
ބީއޯސީން ބުނެފައިވަނީ ލޯނު ނުދައްކައިގެން އެމްވީކޭއާ ދެކޮޅަށް އެ ބޭންކުން ކުރާ ދައުވާ ނުނިމެނީސް، ރަހުނުކޮށްފައިވާ ދޫގަސް އެހެން ބަޔަކަށް ދީފި ނަމަ އެ ބޭންކަށް ބޮޑެތި ގެއްލުންތައް ލިބި، ބޭންކުގެ ހައްގުތައް ގެއްލިގެންދާނެ ކަމަށެވެ.
އެހެންވެ ބީއޯސީން އެދެނީ އެމްވީކޭއާ ދެކޮޅަށް ކުރާ ދައުވާގެ މައްސަލަ ނިމުމުގެ ކުރިން ދޫގަސް އެހެން ބަޔަކަށް ނުދޭން އަމުރުކޮށް ދިނުމަށެވެ.
ސަރުކާރުން ނިންމާފައިވަނީ ދޫގަސް ހިންގުން އެމްޕީއެލްއާ ހަވާލުކޮށްގެން އެތަން ތަރައްގީ ކުރާށެވެ.
އެމްޕީއެލްގެ ސީއީއޯ މުހައްމަދު ޖުނައިދު މިދިޔަ މަހުގެ 21 ގައި ވިދާޅުވެފައި ވަނީ ދޫގަހުގައި އޮޕަރޭޝަންތައް ފެށުމުގެ ހުއްދަ އެ ކުންފުންޏަށް ދޭނެ ކަމުގެ ޔަގީންކަން ޓޫރިޒަމް މިނިސްޓްރީން ދީފައިވާ ކަމަށެވެ. އަދި ދޫގަސް، އެމްޕީއެލްއާ ހަވާލުކުރާތާ ދެ މަސް ތެރޭގައި އެތަނަށް ޓޫރިސްޓުން ގެންދަން ފަށާނެ ކަމަށް ވެސް ޖުނައިދު ވިދާޅުވެފައިވެ އެވެ.
ޖުނައިދު ވިދާޅުވި ގޮތުގައި އައްޑޫ ރައްޔިތުންގެ ހުވަފެން ހަގީގަތަކަށްވެ، ދޫގަސް އޮޕަރޭޝަނަށް އަންނައިރު 200 އަށް ވުރެ ގިނަ ވަޒީފާގެ ފުރުސަތު ހުޅުވިގެންދާނެ އެވެ. އެއީ ޒުވާނުންނަށް ވަޒީފާގެ ފުރުސަތު ހޯދައި ދިނުމަށް ސަރުކާރުން ކުރާ މަސައްކަތުގައި އިތުރުވާނެ ބޮޅެއްގެ ގޮތުގައި ޖުނައިދު ސިފަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލޯބެ
06 September 2016
ހުރިހާ ކުންފުނިންވެސް ރިސޯޓާއި ގެސްޓްހައުސް ހަދަންވީ.ފައިސާލިބެނީއެކަމުން އެކަނި ކޮންމެދެމީހަކުގެސްޓްހައުސްހަދަންވީ. ދޫގަހެއްވާންގަހެއްބަލާނެކަމެއްނެތް
އެދުރުބެ
06 September 2016
ކޮރަޕްޝަންގެ ވާހަކަ އެމްޑީޕީ އިން ނުދެއްކިއްޔާ ރަގަޅުވާނީ. މިކަހަލަ ކިތައްމެ ކަމެއް އދިވެސް ފެންމަތިވާނެ.
ޢަބުރެހިމް
06 September 2016
ޢެމްޑީޕީ ސަރުކާރުން ގެއްލުމެއްމެނުވީނުލިބޭނެ
އިއްބެ
06 September 2016
ތި ޔެލޯ ސަރުކާރުގެ ސްޓީލިންގް ޕެރަޑައިސް އަކީ... ތަނެއް ދޮރެއް ނުބަލާ ބަހާލާ .. ބައިއަޅާލީ،،، ދަތުރު ފަތުރުގެ ނިޒާމްވެސް ފަނުފުލުން ދިޔައީ ހިތަށް އެރިބަޔަކަށް ބަހާލީމަ... އަދިވެސް ވެރިކަމަށް އަންނަން އެބަ ތެޅެެއެއްނު... ބައެއް ދިވެހިންވެސް އެ ރީދޫ ރައީސް ދެކެ މޮޔަވެފަ..
އެމްސް
06 September 2016
އެމްޕީއެލް އަށް އިންސާފުން ދޫގަސް ދެވޭނީ އެމްވީކޭގެ ލޯނަށްވެސް ޒިއްމާވާގޮތަށް
ސޯދިގު
07 September 2016
ތިއީ ކޮން ކަހަލަ އިންސާފެއް ؟ އެމްވީކޭ އަށް އެތަން ހަވާލުކުރީ ކޮން ބައެއް. އެމީހުން ޖެހޭނެ ޒިންމާވާން. އެމްޕީއެލް އިން ޒިންމާވާކަށް ނުޖެހޭނެ.
އަޙްމަދު
06 September 2016
މަބުނީ ޕޯޓްސް އޮތޯރިޓީ ހިންގޭތޯ ބަލަންވެއްޖެއްނޫންހޭ ފުރަތަމަ ހުރިހާ ކަމަކަށް ބޭނެން ނޫލެ.
ބުރޯ
07 September 2016
ބުރޯ އެއީ ޕޯޓް ލިމިޓެޑޭ
ހިސާނު
06 September 2016
ސަރުކާރު ބޭނުމިއްޔާ ކޮންމެކަމެއްވެސް ހަމަކުރަންވީ، އެއްސަރުކާރަކުން ވިޔަފާރިވެރިން ކައިރިކޮށް އެމީހުންނަށް ނުއުފުލޭވަރުގެ ބޮޑެތި ޕްރޮޖެކްޓްތަށް ހަވާލުކޮށް ދެން އަންނަ ސަރުކާރަކުން އެބަޔަކު ބެންކްރަޕްޓްކޮށްލާފައި އެބަޔަކާހަވާލުކުރާ އެއްޗެއް އަނބުރާ ނަގަމުންދާއިރު އޭގެ ސަބަބުން އެވިޔަފާރިއަކާއި ގުޅިފައިވާ ބަޔަކަށް ވާނެ ގެއްލުންތަކަކަށް ނުވިސްނާނެ، އެމްވީކޭގެ އަތުން ދަތުރު ފަތުރުކުރުމުގެ ނިޒާމު ނެގިއިރު އެކަން ގެންދަންޖެހޭނީ އެއްފަރާތް މަރާލާ އުސޫލަކުންނޫން، ސަރުކާރު ބޮޑުވާނެ އަމިއްލަ ފަރުދަތަކަށްތުރެން، މިހާރު ތަދުރުފަތުރު ހަވާލުކުރީ އެމްޕީއެލްއާއި އެކަމަކު އެމްޕީއެލްއާއި ހަވާލުކުރީ އެމްވީކޭއާއި ހަވާލުކޮށްފައިއޮތް ޕްރޮޖެކްޓެއް ދެން އެޕްރޮޖެކްޓް ރަނގަޅަށް ރޫޅާނުލައި ސަރުކާރުގެ ބާރާއި ނުފޫޒް ބޭނުންކުރީމާ ޤައުމުގެ އިޤްތިސާދަށް ފައިދާނުކުރާނެ، ގެއްލުންވާނީ
ޅޮހީ އަލީ
06 September 2016
އެމްވީކޭއަށް ގެއްލުންވަނީއޭ ކިޔައި ބަސްދަތުރުފަތުރުގެ ނަޒާމުން އައްޑޫ ރައްޔަތުން މަހުރޫމްކޮށް ލުންތަ ގޮތަކީ. ކޮބާ އައްޑޫ ރައްޔަތުންގެ ކުށަކީ. ކަންކަން މީހުންނާ ހަވާލުކުރާއިރު ތަންދޮރު ނުބެލުމުގެ ނަތީޖާ މިއީ. މިކަހަލަ ކިތަންމެ ކަމެއް ހިނަގާފައިވޭ. މިރާއްޖެއަށް އެތެރެކުރާ ޑޮކްޓަރީ ބޭސް އެތެރެކުރުންވެސްހަވާލުކުރީ ބޭސްގުޅައެއް ފެނުނަސް ނޭނގޭވަރުގެ އަދި އެކްޓިވިސްޓުންގެ ސައިމޭޒުމަތި ތައްޔާރުކުރަން އުޅުނު މީހަކާ. އެހެނންވީމާ އެއްޗެކޭ ނުކިޔަންވީ
ތަހުތު
06 September 2016
ތީ އެމްޑީޕީ ވެރިކަމުގައި ސްޓީލިން ޕެރަޑައިސް ކުޅުނު ގޮތް
ކަލޯބެ
06 September 2016
މިކޮމެންޓަށް ޑިސްލައިކްކުރަނީ ކުރިން ބައިކުޅަބައި ލިބުނުކުދިންބާ؟
މަރީ
06 September 2016
އަސްތައުފިރުއްﷲ!! ހުރިހާ ކަމެއްގަވެސް ހަމަ މިފަދަ... :(
މޫސަ
06 September 2016
ނުވާނެ ތިކަމެއް، މިހާރު ތިތަންވާނީ ދީ ނިއްމާފައި،