10 ޖޫން 2019 - 07:52
8 comments
ވާވޭގެ ސްމާޓްފޯން ބޭނުން ކުރާ މީހުންނަށް އޮތީ ހިތާމަވެރި ހަބަރެކެެ. ހާއްސަކޮށް، ވާވޭގެ އާ ފޯނެއް ހޯދަން އުޅޭ ނަމަ މިކަމާ ދޭތެރޭ ދެވަނަ ވިސްނުމަކަށް ވެސް ދާން ޖެހޭނެ އެވެ.
އެމެރިކާ އިން ޗައިނާގެ ވާވޭއާ ކުރިމަތިކުރަމުންދާ ފިއްތުންތަކުގެ ތެރެއިން މިހާރު ވެސް އެ ގައުމުގެ ވަރަށް ގިނަ ކުންފުނިތަކުން ވާވޭއަށް ފުރަގަސް ދީފަ އެވެ. މި ލިސްޓަށް އަލަށް އިތުރުވީ ފޭސްބުކެވެ. މާކް ޒުކަބާގްގެ ފޭސްބުކުން ބުނީ ކުރިން ވާވޭގެ ފޯނުތަކުގައި ފޭސްބުކްގެ ޕްރި-އިންސްޓަލޭޝަން ހުރި ނަމަވެސް ވާވޭގެ އާ ފޯނުތަކަށް ކުރިއަށް އޮތް ތަނުގައި ފޭސްބުކާއި އޭގެ ދަށުން ހިންގާ އިންސްޓަގްރާމާއި ވަޓްސްއެޕް ވެސް ނުލިބޭނެ ކަމަށެވެ.
ނަމަވެސް މި ވަގުތު ވާވޭގެ ފޯނުތަކުން އެ އެޕްތައް ބޭނުންކުރާ މީހުންނަށް ކުރިއެކޭ އެއްގޮތަށް ހަމަ އެޕްތައް ބޭނުން ކުރެވޭނެ އެވެ. އަދި އެޕްތަކުގެ އަޕްޑޭޓްތައް ވެސް ލިބޭނެ އެވެ.
ބައެއް ރިޕޯޓްތައް ބުނާ ގޮތުން ޓްވިޓާ އިން ވެސް ދަނީ ވާވޭގެ ޕްރި-އިންސްޓަލޭޝަން ހުއްޓާލަން ރާވަމުންނެވެ. އެކަމަކު އެކަމާ ބެހޭ ގޮތުން ޓްވިޓާ އަދި އެއްވެސް ވާހަކައެއް ނުދައްކަ އެވެ.
ވާވާގެ ސީއީއޯ ރެން ޒެންފީ.
މީޑިއާތަކުން އެންމެ ގިނަ ބަޔަކު ބޭނުން ކުރާ އެޕްތައް ވާވޭ އަށް ނުލިބުމަކީ އެ ކުންފުނީގެ ވިޔަފާރި އަށް ވަރަށް ބޮޑު ގެއްލުމަކާ ކުރިމަތިލާން ޖެހޭނެ ކަމެއް ކަމަށެވެ. ނަމަވެސް މިކަމާ ބެހޭ ގޮތުން ވާވޭ އިން އިން ވެސް އެެއްވެސް ވާހަކައެއް ނުދައްކަ އެވެ. އަދި ވާވޭ އަށް އެންޑްރޮއިޑް ސޮފްޓްވެއާ ނުލިބުމަކީ ވެސް އެ އެ ކުންފުނީގެ ކަސްޓަމަރުންނަށް ކުރިމަތިވެފައި އޮތް ބޮޑު މައްސަލައެކެވެ.
ވާވޭ އިން ކުރިން ބުނެފައިވާ ގޮތުގައި އެމެރިކާ އިން ވާވާ ބްލެކްލިސްޓް ކުރި ނަމަވެސް، އެ ކުންފުނި އިނދަޖައްސައެއް ނުލެވޭނެ އެވެ. އެމެރިކާ އިން ބުނާ ގޮތުގައި ވާވޭއަކީ ގައުމީ ސަލާމަތަށް ނުރައްކާވާ ކަހަލަ ކުންފުންޏެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުމަށް
10 June 2019
އެކަމަކު ފޭސް ބްކު އާއި ގޫގަލް އާއި ޓްވިޓަރ އާއި ވަޓްސެޕް އާއި އެންޑްރިއިޑް ސޮފްޓްވެއަރ ނުލިބޭ ސޮމާޓް ފޯނަކުން ކުރަނީ ކީކއްތޯއެވެ؟ ވާވޭގެ ކަންތަށް ދިޔައީ އެވެވެ.
ބުރަދަރހުޑް
14 May 2020
ބުރަދަރ ހާސްނުވާތި އެޔަށްވުރެ ހަލުވި ދުވެލީގަ ކުރި އަރާނެ ސޯސަލް މީޑިޔާ އެޕް ތައް ކުޑަ ދުވަސް ކޮޅެއްގެ ތެރޭ ވާވޭ އިން ތައާރަފް ކުރާނެ ތިޔައީ ސްމާރޓް ފޯނުތައް ބޭނުންކުރާ ފަރާތްތަކަށް ލިބުނު އުފާވެރި خبر އެއް
ކިނިކްސް
10 June 2019
އެމެރިކާގެ ހުރިހާ ކުންފުނިތަކަކީ އެހެން ގައުމުތަކުގެ އިގްތިސާދަށާއި ސަލާމަތައް ނުކރައްކާތެރި ކުންފުނިތަކެއް.
ދދދދ
10 June 2019
ޗައިނާ އައް ކުރެވުނީ ކޮންކަމެއް ވާވޭގެ ދިފާއުގަ.އެމެރިކާގެ ކުންފުނިތަކުގަ ވިޔަފާރި ޗައިނާގަ ހުއްޓު ވާ ކައްވެސް ނުކެރުނު.އެމެރިކާ ހުރިހާގޮތަކުން ވެސް ހަމަ ބާރު ގަދައީ އެމެރިކާ.އެމެރިކާ ގެ ބޭނުމަކީ އެޕަލް ކުރި އައް ދާން މަގު ކޮށާދިނުން
ހަސީނާ
10 June 2019
huawei އަކާ ނުކުޅެވޭނެ! ގެއްލުންވާނީ ހަމަ އެޕަލް އަށް! ދެން ބޭރުކޮއްލާނީ ޗައިނާއިން އައިފޯން ފެކުޓަރީ އެއިރުން އައިފޯންގެ އަގު 3000 ޑޮލަރ އަށް އަރާނެ! ވަރަށް ސަލާމް
ޢަލީޒް
11 June 2019
އެޕަލް އައިފޯން އެސަމްބަލް ކުރަނީ ޗައިނާގަ. ތި ވީދާޅުވީ ހަމަ ރަނގަޅަށް. އެކަމަކު ގަމާރުން ގަންނާނެ ކަންނޭނގެ ކިތަންމެ އަގުބޮޑަސް.
ވާވޭ
10 June 2019
އަދި ނެތް އެއްވެސް ކުންފުންޔަކަށް ތިގޮތަށް އެމެރިކާއާ ޖައްސާލައިގެން އުޅެވޭކަށް. އަދި އެއްވެސް ގައުމަކަށްވެސް. ގަބޫލުކުރަން ބޭނުން ނުވިޔަސް މީހަޤީގަތެއް
ސީމަން
10 June 2019
ތެދެއް މަޒީގައި އެމެރިކާ މޮޅު. އެކަމަކު އެދުވަސް މިހާރު ނިމެނީ. ކޮންމެ ބަޔެއްގެވެސް ނިމުން އޮންނާނެ. ބަލަންވީ އެބަޔެއްގެ ޒައާމަތުގައި އެބަޔެއްގެ އަމަލު ހުރިގޮތް. ޢިނގިރޭސިން، ރޫސީން، ޑަޗް، ރޯމަނުން.