ށ. ކޮމަންޑޫ ހިއްކި ސަރަހައްދަށް މިއަދު އުދަ އަރަނީ. --- ފޮޓޯ: ކޮމަންޑޫ ކައުންސިލް
09 ޖޫން 2019 - 21:08
19 comments
ށ. ކޮމަންޑޫގައި ހިއްކި ސަރަހައްދަށް ވަރަށް ބޮޑަށް މިއަދު އުދަ އަރައިފި އެވެ.
ކޮމަންޑޫ ކައުންސިލްގެ ރައީސް މުހައްމަދު މުފީދު "މިހާރު" އަށް ވިދާޅުވީ ރަށުގެ ހުޅަނގު ދެކުނު ފަރާތުން އުދަ އަރަން ފެށީ މިއަދު މެންދުރު ފަހު ކަމަށެވެ. ރަށަށް އުދަ އަރައި، މީހުން ދިރިއުޅޭ ސަރަހައްދާ ހަމައަށް ލޮނުގަނޑު އެރި ކަމަށް އޭނާ ވިދާޅުވި އެވެ.
"އުދަ އެރުމުގެ ސަބަބުން މީހަކަށް އަދި ތަނަކަށް ގެއްލުމެއް ނުލިބޭ. ރަށުގެ ފުޓްސަލް ދަނޑާ ހަމައަށް އުދައިގެ އަސަރު ވަރަށް ބޮޑަށް ކުރި،" ކައުންސިލްގެ ރައީސް ވިދާޅުވި އެވެ.
ށ. ކޮމަންޑޫ ހިއްކި ސަރަހައްދަށް މިއަދު އުދަ އަރާފައި. އެއްވެސް މީހަކަށް އަދި މުދަލަކަށް ގެއްލުމެއް ނުލިބޭ. --- ފޮޓޯ: ކޮމަންޑޫ ކައުންސިލް
އޭނާ ވިދާޅުވި ގޮތުގައި އެ ރަށަށް އަދިވެސް ދަނީ އުދަ އަރަމުންނެވެ. މިއީ މި ފަހުން، ކޮމަންޑު އަށް މިހާ ބޮޑަށް އުދަ އެރި ފުރަތަމަ ފަހަރު ކަމަށް ވެސް މުފީދު ވިދާޅުވި އެވެ. ރަށުގެ ހުޅަނގު ދެކުނު ފަރާތަކީ އޭނާ ވިދާޅުވި ގޮތުގައި އާންމު ގޮތެއްގައި އުދަ އަރާ ހިސާބެކެވެ.
އާބާދީގައި 1،200 އުޅޭ ކޮމަންޑޫގެ ބިން ހިއްކުމުން އެ ރަށުގެ ބޮޑުމިން 14 ހެކްޓަރަށް ވުރެ ބޮޑެވެ. ބިން ނުހިއްކާ އިރު، އެ ރަށަކީ ކުރިން ހަތް ހެކްޓަރުގެ ރަށެކެވެ.
"މިރޭ ދަންވަރު ވެސް ބޮޑު ދިޔައިގައި ރަށަށް އުދަ އެރުމަކީ އެކަށީގެންވާ ކަމަކަށްވާތީ ރައްޔިތުން އެކަމަށް ހާއްސަ ސަމާލު ކަމެއް ދިނުމަށް ކައުންސިލުން އިލްތިމާސް ކުރަނީ،" މުފީދު ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ކޮމަންޑޫ ހިއްކި އިރު، އެ ސަރުކާރުގެ ވިސްނުން އޭރު އޮތީ ރައްޔިތުންނަށް ބޯހިޔާވަހިކަން ހޯދައި ދިނުމަށް ހިއްކާ ސަރަހައްދުގައި 50 ފްލެޓު އެޅުމެވެ. އެ ސަރަހައްދަށް އިންޖީނުގެ ބަދަލުކޮށް ވޭސްޓް މެނޭޖްމަންޓް ސެންޓަރަކާއި ކުޑަކުދިންގެ ޕާކެއް އެޅުމަށް ވެސް ވިސްނި އެވެ.
ށ. ކޮމަންޑޫ ހިއްކި ސަރަހައްދަށް މިއަދު އުދަ އަރަނީ. --- ފޮޓޯ: ކޮމަންޑޫ ކައުންސިލް
މި ދުވަސް ވަރު ރާއްޖޭގެ ހުރިހާ ހިސާބުތަކަށް ވެސް މޫސުން ގޯސްވެ، ވައި ވަރަށް ގަދަ އެވެ. މޫސުމާ ބެހޭ ގައުމީ އިދާރާ އިން ބުނާ ގޮތުގައި މިއީ އާންމުކޮށް ހުޅަނގު މޫސުމުގައި ރާއްޖޭގައި ވައި ބާރުވާ ނިސްބަތެވެ.
ކުރިއަށް އޮތް ތިން ދުވަހު ވެސް މެދު ރާއްޖެތެރެ އާއި އުތުރުގެ އަތޮޅުތަކަށް ވައިގަދަވާނެ ކަމަށް ލަފާކުރެވޭ ރާއްޖޭގެ ކަނޑުތައް އާދަޔާ ހިލާފަށް ގަދަވާނެ ކަމަށް މެޓުން ބުންޏެވެ.
އަދި މެދު ރާއްޖެ ތެރެ އާއި އުރުގެ އަތޮޅުތަކަށް ވައިގަދަވެ ރާޅުގެ އުސްމިން ތިން ފޫޓާއި ހަ ފޫޓާ ދެމެދުގައި ހުންނާނެ ކަމަށް ލަފާ ކުރެވޭތީ އެ ސަރަހައްދުގެ ބައެއް ރަށްތަކަށް ދިޔަވަރު ބޮޑުވާ ގަޑިތަކުގައި އުދައިގެ އަސަރު ކުރުމަކީ އެކަށީގެންވާ ރަށެއް ކަމަށް ވެސް މެޓު އޮފީހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަނޯ
11 June 2019
ބިމާ ނުކުޅޭ
ސަންފަ
10 June 2019
ރައީސް ސޯލިހަށް. ވެދުން ސަލާމް. ށ.ކޮމަންޑޫއަކީ މިހާރުން މިހާރަށް މީހުން ބާލަން ޖެހޭ ރަށަަކަށް އެއޮތީ ވެފައެވެ. ވީމާ ސަރުކާރުގެ އެއްފަސްކުރުމުގެ ސިޔާސަތެއް ހައްދަވާ މިފަދަ ރަށްތަކުން ބިން ބޮޑެތި ރަށްތަކަށް މީހުން ބަދަލުކުރައްވަވާށެވެ. ކޮމަންޑޫއަކީ ށ އަތޮޅުގެ ހުޅަނގު ބިތުގައި އޮތް އެކަހަރި ރަށެކެވެ. އެންމެ ކައިރީގައިވެސް އޮތީ ރ.އަލިފުއްޓެވެ. ސަރުކާރުން އެދެފި ނަމަ، ކޮމަންޑޫ މީހުން ށ.ފުނަދޫ، މިލަންދޫ، ނ.މަނަދޫ ފަދަ ބޮޑު ރަށަކަށް ބަދަލުވާނެއެވެ.
ނޫރު
10 June 2019
ވަރަށް ތާއިީދު
ނޫނު ރާ
10 June 2019
ލޮބްސްޓަރ އައިލެންޑް ގަ ލޮނު ހުންނަން ޖެހޭ މިންވަރަށް ނުހުންނާތީ ލޮނު އަންނަނީ
ރާޅު
10 June 2019
ނާގާބިލް ކައުންސިލެއް އޮށްނަ ރަށެއްތީ
ސަންފަ
10 June 2019
ތިގޮތަށް ކިޔަންޏާ ގާބިލް ކައުންސިލެއް ދައްކަބަލަ. ނެތެއްނުން.. ނެތެއްނުން
ބޭރިސޮރު
10 June 2019
ކޮމަންޑޫ އަކީ މަގޮލާ ކިޔެވި ރަށެއް! ވަރަށް މީހުން ރަގަޅު ހެޔޮލަފާ ބަޔަކު އުޅޭ ފުއްޓެއް އެއީ. އޭރު އެރަށުގަ ސިޔާސީ ހަމަނުޖެހުމެއް، ޑްރަގުގެ ވަބާއެއް ނެތް. މިހާރު އެކަންކަން އޮތްކަމަށް ޚަބަރުލިބޭ. ކޮމަންޑޫއަށް އުފާފާގަތި ކަމަށް އެދެން.
ހަސީނާ
10 June 2019
ތިކަމުގެ ޒިންމާ ނަގަން ޖެހޭނީ ކުރީގެ ހައުސިންގ މިނިސްޓްރީގެ އިންޖިނޭރުން އަދި މިނިސްޓަރ މުއިޒް. ޑިޒައިން ކުރަންޖެހޭނީ ޑިސާސްޓަރ ރިސްކަށް ބަލައިގެން. ންމެ އަހަަކު ތިތަނަށް އުދައަރަންޏާ ތިތާކު ދިރިއެއް ނޫޅެވޭނެ.
ެއެއެއެއ
10 June 2019
ބޮޑު ފަޅެއް އޮތުމަކީ ނިއުމަތެއް. ހާދިސާ ތަކުން ސަލާމަތްވާން. ފަޅަށް އަރާފަ ރާޅަށް ރަަށަށް އެރޭނީ. އަދި ކުޅިއަކީ އެއަށްވުރެ ބޮޑު ނިއުމަތެއް. ރައްކާތެރިކަމެއް. ރައްކާތެރިކަން ނައްތާލާފައި ހުރިހާ ރަށެއް ރިސޯޓް ހަދަން ދީގެން ކަނޑަށް ބަލަހައްޓައިގެން ތިބުން އެއީ ސިޔާސީ މީހުން ކަލޭމެނަށް ދިން ލަނޑު. ބޭނުން ނުވަނީ ރައްޔިތުން އުޅެލަން އިތުރު އެންމެ ރަށެއްވެސް ދޭން. ދީފިއްޔާ އުޅެވެސްވޭނެ. ގެސްޓުހައުސްއިން އެކަނިވެސް. އެއީ އެމެން ބިރުގަންނަ ކަމަކީ
ޒިލް
10 June 2019
އެހެންވީމާ މާލެއަކީ އެންމެ ނުރައްކާތެރި ރަށް. ބޮޑު ފަޅު ހިއްކަމުން ގޮސް، މިއަދު މާލެ އެއޮތީ ކަނޑު ހިއްކައިގެން ބޮޑު ކުރާވަރު ވެފަ.
ޢަބްދުﷲނާފިޒް
10 June 2019
ބަޔަކަށް ހީވެފަ އޮންނަނީ ބިންބޮޑުކުރަން ފަޅުން ތަންކޮޅެއްވެސް ނުބާއްވާ ހިއްކަމުން ގޮސް ކަނޑާއެއްކޮށް ހިއްކުމަކީ ވަރަށް މޮޅުކަމެކޭ، އާނ އެހެންވާނެތާ، ރަށުގެ ބިމަށްވުރެ ދެގުނަ ބޮޑު ހުސްބިމެއް ފެންނަން އޮންނާނެވިއްޔަ ދެން ތިބޭނެ ނުކުމެ ހޮޅުއަށީގަ އަތް ޖަހަން، ބިންތިރި ޤައުމެއްކަމެއް ފަހުން ދިމާވެދާނެ ކަންތަކަކަށް ކުޑަކޮށްވެސް ވިސްނުމެއްނެތް.....އެވަރުންވެސް ރައްޔިތުންބުނީ ނޫނެކޭ.
1952
10 June 2019
ކަނޑަށް އެރުނީމަ ކަނޑުއަރާނެ ކަނދޮޅުދޫ އަށްވެސް ތި ތަޖުރިބާ ކުރަންޖެހުނު. ރަށް ހިއްކުމުގައި ބަލަންޖެހޭ ގިނަ ކަންތަށްތަކެއްހުރޭ.
ކޮމަންޑޫ މީހާ
10 June 2019
އާބާދީގައި 1،200 އުޅޭ ކަމަށް ލިޔެފަވަނީ ގޯސްކޮއް. ވެދާނެ މިވަގުތު ރަށުގައި ދިރިއުޅޭވަރުކަމަށް. ރައީސް މައުލޫމާތު ދެއްވިކަމުގައި ވިއަސް
ޒިލް
10 June 2019
ކޮމަންޑޫގެ ރަޖިސްޓަޑް އާބާދީއަކީ 1894 މީހުން. ރަށުގައި ދިރިއުޅެނީ 1200 އެއްހާ މީހުން. ގިނަ މީހުން ދިރިއުޅެނީ މާލޭގައި. އެއި ރަށުގައި ބިންފުރި ރަށުގައި އުޅެވެން ނެތިގެން. ރާއްޖޭގައި ލޮނުފެނުން ފެންވަރައިގެން އުޅުނު މަދު ރަށްތަކުގެ ތެރޭގައި ކޮމަންޑޫ ހިމެނޭ. ކޮމަންޑޫއަށް ބޭނުންވަނީ ދާއިމީ ހައްލެއް. އެއީ ބިން ބޮޑު ބިޔަ ރަށަކަށް ބަދަލުވުން
ކޮރަލް
09 June 2019
ގިނަ އީ ސިޔާސީ ބޭނުމަށް ހިއްކާފަ ހުރި ރަށް ރަށެވެ.